每次到澳門, 都會去這兩間老店吃東西, 有點像回鄉探親似的.
香港冇得吃的........又香又鮮的蝦子, 香滑的豬油醬油, 彈牙而冇梘水味的竹升麵.
阿婆每天封雨不改的座鎮, 真的很辛苦了, 但沒有了她, 伙記立即作反........
今次見幾名穿西裝內地口音的男子, 飯後大無私樣地吸煙, 阿婆地走上前, 指指"嚴禁吸煙"的牌子, 不卑不亢地說 : 先生.....!, 他們都乖乖的結帳走人, 阿婆好嘢!
銀髮阿婆年事已高了, 將來沒有她座鎮, 小店肯定會散了, 但祥記永遠在心中.
另一間是斜對面的保健牛奶公司.......由舊點搬到新店, 由早年清閒到現在忙到踢腳, 都是兩位嬸嬸主理.
每次吃這碗薑汁撞奶, 我們都會又讚又歎, 好香甜, 少少辣, 水般滑.......另一間很出名的大店差得太太遠了.
我很喜歡杏仁, 這杏仁奶糊真係又香又滑........我有d信它是養顏的, 住了幾日澳門, 原本捱到像殭屍的樣子, 竟現出點生氣, 皮膚滑了, 眼袋奇蹟般細了......不過一返工好快又會回復原狀.
有點像家一樣, 無論怎樣疲勞, 失敗, 甚至犯錯, 都一直等著我來, 這些老店真好.
第一 ! 我都食過這兩間, 奶有奶味, 麵有麵味, 總之好味。
回覆刪除[版主回覆01/06/2010 07:43:00]第二處都吃不到, 做得好有心機, 又好有水準, 食到有親切感,yummy!
祥記好食. 我每次去澳門都會去食. 保健就未試過. 下次食完祥記, 過對面食保健. 好提議. Thanks.
回覆刪除[版主回覆01/06/2010 22:16:00]好呀, 這是perfect的配搭了!
我每次去澳門都會去祥記食蝦子麵,不過最鐘意嘅都係佢嘅金莎炸鯪魚球,超好味...
回覆刪除[版主回覆01/06/2010 22:16:00]冇錯冇錯, 仲要點蜆介醬吃!!
你就好啦皮膚滑咗! 咁你咪最少一個月要去MACAU一次 , 先可以保住啲皮膚咁滑? 哈!哈!
回覆刪除[版主回覆01/06/2010 22:18:00]冇了, 不用一個星期, 又變返殭屍. 皮膚乾, 眼袋幾層....哎!
可惜我一年才可去一至兩次.
番工望放工，
回覆刪除放工望放假，
唔駛食杏仁糊都精神爽利啦！
黑碼碼果碗是否桑寄生蓮子茶
[版主回覆01/07/2010 07:31:00]如妳所講, 就係得個望字, 頸都長, 眼袋又幾層.
那碗是桑寄生蛋茶, 冇蓮子的.
碟麵真係睇到流哂口水 ~ 好想即係坐船去澳門食
回覆刪除[版主回覆01/06/2010 22:20:00]我都想呀, 仲有里斯本地帶, 陸軍俱樂部, 我仲想試吓未食過的山度士, 亞馬交, 公雞, 熊貓.........咁多老字號,一次都未吃過呢.
三個甜品我都鍾意, 暖身又暖胃. 唔知幾時先去到.
回覆刪除[版主回覆01/07/2010 07:37:00]仲有一間杏香園糖水, 都好滋潤呀! 去住兩晚最好, 可以他條食吓嘢.
成日睇你個 blog，偷你 師點整戚風蛋糕都冇留過言， 特此說 聲多謝！亦都好 欣賞你對烘焙的熱誠~ 繼續努力呀！ 好開心除咗烘焙外，連食你都係知音人。祥記和保健我每次去到澳門都一定會去，由細食到大。尤其記得保健舊舖的閣樓，一卓一椅到舊式吊風扇都好深刻印象。這些老店真的太好。另一間出名的大店真的差太太太太太.................遠了~
回覆刪除[版主回覆01/07/2010 20:13:00]哈哈, 原來你都係知音人, 澳門令我感到有點像老家, 有不少幾十年堅持水準風味的好店呀, 例如潘榮記, 何開記, 榮記荳腐, 洪馨椰子, 龍華茶樓.........除了這些, 很多老街道都令我覺得有些溫暖感, 例如十月初五街, 康公廟一帶, 下環一帶.........可能我是欣賞不變多於變化啦, 變化不一定係好或不好, 但是能持續幾十年的, 可能很老套, 但總有它的價值吧..........
多d整雪芳蛋糕, 得閒分享吓.
以前去澳門，每次都一完去祥記！
回覆刪除但上次去到，大排長龍，而且可能人太多，d出品退步左！
買支蝦子走！嘩加價加得好厲害！
希望只係偶然失手啦！
[版主回覆01/08/2010 21:30:00]今次好吃呀, 只係上湯蘿蔔冇一兩年都冇蝦仔了, 唔知用日本的櫻花蝦得唔得呢......hehe! 我都買過蝦子呀, 不過呢, 冇左他們的麵, 和豬油豉油, 就失色了:p
今次係23/12吃, 香港人未放假, 一去到便坐下, 到了24/12晚, 連什麼碗仔翅都排隊了........澳門經濟起飛了, 人工租金都起飛了吧, 不過我都不理了, 趁他們還在, 就多食幾次了.
看你多篇遊記都在寫我的「老家」，原來你也喜歡澳門呢！
回覆刪除[版主回覆01/08/2010 21:35:00]哈哈, 係呀, 澳門有一種小城的親切感, 尤其在6-7年前.....漸漸的, 這個城市在高速發展中變了.
祥記你食一碗飽唔飽??我地要食兩碗...哈...
回覆刪除以前真係大大碗架...價錢重好平,而家無啦!!!
[版主回覆01/08/2010 21:41:00]6-7年前我開始幫趁, 又唔覺得size有分別, 只係價錢漲了......不過我都冇理了, 吃了再算, 銀紙於我如浮雲, haha!
去到澳門, 時時都飽到捧住肚子, 只恨不快點肚餓........所以我們會每款叫一客, share, 吃完又去吃第二間 :p:p:p
你講果間大店係咪即係「自盡牛奶公司」？我以前聽媽咪講過，佢 哋 啲燉奶好羶，唔好食！
回覆刪除[版主回覆01/10/2010 19:32:00]哈, 你幫佢改個咁嘅名呀, 冇錯, 我近來都有幫趁過, 吃了一碗苦的薑汁撞奶........
我會記住，有機會去澳門行，一定嚟試下啲麵!
回覆刪除[版主回覆01/10/2010 19:33:00]記得去吃啦, 不過也有親友說, 不好吃, 各有各口味啦!
等我下次去試試先 thanks for sharing
回覆刪除[版主回覆01/10/2010 20:03:00]好的, 好好食呀!
祥記越來越多 fans, 上次去都冇得食。保健薑汁撞奶都係我至愛，味道分佈得好好。
回覆刪除[版主回覆01/11/2010 14:49:00]係, 近這幾年, 香港人也懂找一些傳統小店, 不是為了去賭場了.
咁梗係要將個公司名讀歪 啲音啦，又唔係讚佢，俾人告咪死！！
回覆刪除[版主回覆01/11/2010 16:13:00]即係"凶宅", "周大哭", "電信仍fall"........
" 即係"凶宅", "周大哭", "電信仍fall"........ " 你都掂喎，哈哈！
回覆刪除