A moon's little world: 10月 2009

2009年10月31日星期六

持螯把盞人生幾何?

秋風剛起, 老友便約我們吃大閘蟹了, 太好了, 一定一定去!

老友說, 朋友新開店子, 送了她一些大閘蟹, 所以........我們有食神啦!!!

我家是沒有食大閘蟹的習慣的, 所以很少吃大閘蟹, 不過吃蟹膏呢, 倒有一些人一世物一世刻骨銘心畢生難忙的經驗........我好鍾意食蟹的呀!

還是談回今次的主角啦!

今次吃的是洪澤湖大閘蟹, 繼洋澄湖和太湖外, 牠可說是今年的新貴.

圓咕嚕, 眼仔晶晶......

加紫蘇葉蒸, 很快便變了美食啦!....

哇! 好靚的膏, 這是雌蟹呀! 今次的蟹陽盛陰衰, 抽到雌蟹, 好運氣啦! 像吃鹹蛋黃.

九月圓臍十月尖........十月尾了, 農曆九月, 圓的矜貴d..

雄蟹的膏是漿狀的, 各有所好啦! 膽固醇? 我一向都說, 吃膽固醇是不會增加體內膽固醇的, 又唔係日日吃, 駛乜驚呀!

下面是各好友的貢獻的美食......實在係太美味啦! 我~~~慚愧, 昨晚我漏夜焗了一個咖啡車轆雪芳蛋糕, 點知........又係凹, 仲係凹了相同的那個位, 唉, 冇帶來........

白吃啦! 冇問題呢!

呢個金菠蘿, 主人家披星戴月去買咖, 仲要即場手起刀落..........好吃呀, 我勁喜歡吃菠蘿~

見回很多很久也沒見的朋友, 你們知嗎, 我很想見返你們呢! 實在太開心了.

大合照了.......!

謝謝你呀! 老友記們.

2009年10月29日星期四

東歐行 - 第十一站-斯洛文尼亞-Postojna石灰岩洞

斯洛文尼亞中部有一個自然奇觀, 叫Postojna石灰岩洞........啊........是不是祖國也有很多的那種.........

原來都幾好玩, 這個岩洞是世界上第二大的, 洞深22公里(哇!!!), 開放參觀的有5公里, 洞內長期維持攝氏8度, 雖然那天洞外是28度, 我們都要穿外套........

5公里, 步行也是太長了, 所以先要乘小火車, 在岩洞中穿梭, 可似玩迪士尼過山車, 不過所有岩石是真的, 不是玻璃纖維, 好玩呀!

然後在很大很大的洞穴中步行, 洞穴分很多大大少少的廳, 每個廳都可以容納幾百人.

對地質學不是太有興趣, 不過面對這自然奇觀都好讚歎.

這個洞穴是私人地主擁有的, 奧地利哈布斯堡皇室的末代皇帝 - 法蘭茲約瑟夫一見難忘, 請地主開放和開發, 我們才有幸參觀.

到了最後的大廳, 這裏可以容納幾百人, 地面已打了水泥, 聽說曾經試過在這裡開搖滾音樂會..........有點太過份了, 環境大破壞.

離開洞穴, 重見天日, 咦? 原來已行了1小時呢!

還有, 導遊小姐說洞內不可拍照, 原因是不想阻礙後面的遊客........我想, 是不想洞內的神秘感消失吧........不過不用閃光燈, 快快的拍也沒問題吧, 透露兩三張啦

午餐是燒魚, 有點日本鹽燒的味道.

2009年10月26日星期一

哎呀, 我的間條雪芳.....

放假嘛, 再做個間條雪芳, 好耐冇做過了......

一直都好順利, 那知一脫模, 哎呀~~~~~~~

以為是底火太勁, 已經雙層焗盤, 再墊錫紙了........

看, 蛋糕皮黏得好好呀!.......

都冇用, 現在我都唔知怎樣解決這問題了........

芝士田園包包-爆得很靚

終於放假了, 好嘢, 又可以做包包! 不做法包了, 做個可以中途出街吃lunch的慢酵包.

只要不是法包, 就成功了!! 看, 斜界技術又進步了少少, 爆得不錯呢.

材料 : A (高粉200g 裸麥粉25g 全麥粉25g 速酵母1g 鹽5g 糖6g 水155g ) 牛油10g(試試加牛油, 係香d, 不過都係不加油或者橄欖油好d), emmenthal cheese切20小粒

做法 : 1.A材料混合成團, 放雪櫃15分鐘自我降解, 取出搓滑.

2. 初發酵 - 夏末了, 天氣不太熱, 要減少放雪櫃的時間了, 出街前先放雪櫃1小時, 到了出街, 取出排氣, 放在室溫中, 然後外出lunch, 2.5小時後回來, 剛發好, 排氣對摺, 放回雪櫃, 睡午覺, 2小時後拿出來, 排氣, 滾圓, 靜置15分鐘.

3. 壓平, 捲入芝士粒, 做長形, 保留少少捲的頭尾痕跡, 不太工整.

4. 放在溫暖處, 末發酵45分鐘至膨脹2倍

5. 入爐250度噴水兩三次, 焗約20分鐘至啡黃. 出爐吹涼.

看, 界斜刀, 麵團不可太濕, 否則一界就會黏合, 看, 在爐中膨脹得不錯呢!

麵包質地很好呀, 雖然放了半天, 包殼已淋了, 但很香! 我很喜愛emmenthal cheese, 覺得味道很鮮, 又淡口, 又香, 不過太太說又苦又大味, 很難吃.........hehe, 每人的口味都是不同的呢.

2009年10月25日星期日

終於再見S君

經過極繃緊的OT, 一於豪shop獎勵一下自己!

小伙子通水, 說已在江湖消失了三年的Canon S系列DC, 終於在上月再現江湖!

一直對S系有情意結, 自從Nikon的單反菲林機後, 退出了大機的世界............我的第一部DC是 S45, S系是C記備受讚賞的系列, 有DC機仔的小巧, 也有prosumer機的質素.

後來不知怎的停產了, 幾年下來, 相信 Canon 終於明白了錯誤, 重新再推出S系了! 去過幾間店子, 都說賣斷市, 最後一間說剩下一部, 二話不說買呀! 5分鐘後一位先生來問......不好意思, 明天再來吧.......😅

夢想中好想買EOS系列單反機, 不過問自己, 會不會帶住大塊頭去旅行/行山/逛街? ~~~~不會~~~~所以放棄了; 第二級 G 系質素是高, 但是以它的體積, 買它不如買EOS了; 第三級S系停產後, 唯有降到IXUS系, 這個系列早年也是很有誠意的, 可是越出越濫, 變了小孩的玩具機, 很失落.........

S90再現江湖.....F2.0的大光圈, 足足比典型的F2.8大了一倍, 另外, CCD是1/1.7", 算是頗大面積了, 完全是G11的級數!

很多手動功能都回來了, 不是相機控制我, 而是我控制相機........可惜我最愛的"任意選擇對焦框位置" 功能取消了, 換了什麼"人臉辨識", 花巧兼冇用. 還有是引以為傲的金屬外殼已變了膠殼.......幸而那錯漏百出的"趟門"而取消了.

現在最理想的仍是S系, 夢想中的 EOS 1 系, 有一天.........

看下面三幅照片, 景深是薄了......