心思思, 又玩一次........有成功, 有失敗
下面是比較成功,
我先猜是爐溫問題, 所以用最高火力(恆溫器上火250C, 實際當然沒有啦, 焗盤放到最高層), 速焗5分鐘, 剛見它開始上色, 也開始發脹, 就拿出來塗蛋.
回爐再焗, 不能高溫了, 再高溫, 5分鐘就開始裂了, 上下火180C焗, 見它開始裂了, 又開始發脹了, 又拿出來. 過了一會, 再低溫點回爐, 慢慢焗到上色, 好麻煩.
塗蛋後如果一直180C焗, 它就會發到面目模糊..........失敗!
剩下的餅皮料, 做了豬仔餅( 沒豬仔模, 照舊用中秋月餅), 竟有新發現!!!
嗱, 下面是250C焗了5分鐘, 看, 開始瀉了........取出塗蛋吧........
回爐180C焗, 不取出, 看, 還未上夠色, 已經膨脹得黏了起來, 像加了baking soda的曲奇.........
原來淨餅皮也發到豬頭一般, 天呀!!!! 難怪我攪了這麼久, 這樣焗那樣焗, 總是發脹, 原來它天性根本就是發脹!!!
心有不甘, 做了另一個實驗, 看!!! 上面和下面兩個餅皮餅, 是完全一樣成份, 一樣份量, 一樣的焗.......上面兩個仍基本保持形狀和花紋, 下面兩個面目模糊........
你們猜它們有什麼不同......
上面的, 是即搓即用的麵團 ; 下面的, 是我為了早上舒服點, 昨晚搓的, 膠袋包好, 室溫放了8小時.........哎, 還有, 第二個麵團我忘了下梘水......梘水, 真的需要嗎?
已經"油頭粉面, 腰酸腿軟" , 沒氣力再多做一次實驗了, 不過明年要記住試,
1. 試吓加少d梘水.
2. 初焗要高溫短焗, 不給機會它發脹
3. 塗蛋後中溫短焗, 情願回爐幾次......這只是我的小爐難服侍
今年玩住咁多先, 不知你們有做過類似實驗嗎?
-------------------------------------------------------------
作死囉, 我剛才查過"梘水"是什麼, 原來它的成份是碳酸鉀, 除了可令餅皮容易點上色, 它還是一種膨鬆劑, 以前未發明baking soda時, d外國人用來做quick bread(快發麵包)的, 難怪我發到豬頭咁啦! 我估係梘水累事, 可能我買的梘水夠濃啦!
https://shop.pingzazhi.com/blogs/kitchen/alkaline-water
已经超哂班啦
回覆刪除[版主回覆10/01/2009 21:22:00](Empty)
你真係有心機呀! 做咁多實驗!! 明年再戰丫!
回覆刪除[版主回覆10/01/2009 21:22:00]當出現問題, 又找不到原因, 唯有做實驗啦, 又好玩, 但係其實我都唔想玩, 最好1 take ok啦!
╭╮ ╭╮ ╭╮ ││ ││ │└╮ ╭┴┴─┴Ⅲ╮└─╯ │ ﹋ ﹋ │ ╭────────╮ │ ∩ ∩ │ ╭╮│☆中 秋 節 快 樂☆ │ │ ▽ │Ｏ╰╯╰────────╯ ╰─ｍ∞ｍ─╯ ╭╮☆╭╧╮╭╧╮╭╧╮╭╧╮╭╮☆〞 ╰幸╮║送║║上║║祝║║福║╰快 ╮ ☆╰福╘∞╛╘∞╛╘∞╛╘∞╛ ╰樂☆
回覆刪除[版主回覆10/01/2009 21:19:00](Empty)
即搓即用？
回覆刪除[版主回覆10/01/2009 21:18:00]哎, 還有一樣, 就係我第二個麵團冇落鹼水!!!......真係分別好大呀, 沒有化開, 不過要出年再試, 今年收工了.
你整左咁多 , 自己食晒佢呀 ?
回覆刪除[版主回覆10/02/2009 07:28:00]食少少, 送少少比人, 餘下的成為日光餅.
作死囉, 我剛才查過"梘水"是什麼, 原來它的成份是碳酸鉀, 除了可令餅皮容易點上色, 它還是一種膨鬆劑, 以前未發明baking powder時, d外國人用來做quick bread(快發麵包)的, 難怪我發到豬頭咁啦! 我估係梘水累事, 可能我買的梘水夠新鮮啦!
回覆刪除http://ks.cn.yahoo.com/question/1407011306722.html
http://en.wikipedia.org/wiki/Potassium_carbonate
你真好有心機，做咁多實驗，後尾做得好成功呀！
回覆刪除[版主回覆10/02/2009 07:31:00]係呀, 出左問題, 就要找出答案, 前人冇這方面的經驗, 唯有自己試啦, 一年試幾次當遊戲;啦.
嘩, 真係發成咁!
回覆刪除係啦, 如果你繼續做, 就要繼續食架啦!
出年再試啦! 留返d quota食其他嘢呀!
話唔定出年d餅皮會好靚呢!
[版主回覆10/02/2009 07:46:00]哈, 其實我食的不是很多.........多數是送給人, 今次我都係用d剩餘物資做實驗.
有左今年的經驗, 下年又會有把握d了.
我今年第一次沒有研究呀. 真係佩服你的心機.
回覆刪除[版主回覆10/02/2009 07:48:00]冇法子啦, 我自己一做就衰左...........
仲有一個實驗我未做, 就係換左個爐!
有關月餅，我都係有很多疑問...........但今年真的太遲起步，還要服待家中的少爺們，原想多做一、兩趟也撥不出時間，現在唯有寄望---明年請早了！
回覆刪除先祝狂人師兄 中秋節快樂、人月倆圓！
[版主回覆10/02/2009 07:50:00]哈哈, 我的實驗只係玩左一個早上, 中午和太太出街吃東西逛街, 下午還可睡午睡, 我d生活都好正常.
中秋節快樂.
咁即係話 梘水 = Baking Powder ? 做月餅可以改落 Baking Powder ? 落邊樣健康D呢 ?
回覆刪除今年你月餅滿屋啊 ! 人月兩團圓 !
[版主回覆10/02/2009 07:53:00]呀, up錯, 是baking soda, 係呀, 為食貓網都有人用soda加水代替梘水, 不過他沒有講比例, 而且梘水係碳酸鉀, 梘性好強, 和soda碳酸鈣係不同的.
梘水當然係冇益啦, 係強梘, 落少少都ok的, 又不會有大害.
我只會做冰皮, 所以吾會比個焗激到 慶合合
回覆刪除[版主回覆10/02/2009 08:35:00]又唔係好慶, 都係玩吓啫, 要換爐.......lum吓先啦, 冇地方擺個更大的了.
祝中秋節快樂，人月兩團圓﹗
回覆刪除[版主回覆10/02/2009 23:36:00](Empty)
連月 餅都做實驗,
回覆刪除[版主回覆10/02/2009 23:35:00]冇法啦, 出左問題, 又唔知點解, 唯有試試試啦! 依加又知多d了.
回覆刪除在此预祝你和家人 “ 中秋节快乐”
[版主回覆10/02/2009 23:36:00](Empty)
預祝你一家中秋節快樂 !!
回覆刪除[版主回覆10/02/2009 23:37:00](Empty)
中秋節快樂!!!
回覆刪除[版主回覆10/02/2009 23:38:00](Empty)
中秋節快樂啊 ! 都唔錯呀， 下年一定更加成功 !
回覆刪除[版主回覆10/02/2009 23:46:00]
一定一定, 下年再玩
A Moon,
回覆刪除但願人長久，千里共嬋娟。
中秋快樂。。。
[版主回覆10/02/2009 23:50:00]
冇錯冇錯, 現在千里一線牽呀! 光纖線, :)
下年我都要試下玩廣式月餅~
回覆刪除[版主回覆10/02/2009 23:50:00]
好呀, 好好玩架
你係用整冰皮 嘅膠模定係用傳統木模整呀？
回覆刪除[版主回覆10/05/2009 07:26:00]係膠模呀, 木模仆到砧板都爛, 樓下又投訴, 唔o岩家居用.
Moon爺，你的月餅擺了幾天，是否有出現皮和餡分離的現象？（我的豆沙餡有這種情形）蛋漿有否導致餅皮粢蠟蠟的感覺？
回覆刪除今年有番你家鄉" 月球" 慶祝中秋嗎？
[版主回覆10/05/2009 07:31:00]蓮蓉就冇, 南瓜和薯蓉有d呀, 是因為餡料的水份未夠乾, 水份滲了都餅皮, 可以翻焗一下, 餡料要剷火剷好耐呢.
我冇呀, 都係回兩邊娘家咋吃個飯, 今年連個中秋假期都比政府食左呢.
" 木模仆到砧板都爛, 樓下又投訴, 唔o岩家居用 " 無咁誇張呀！？
回覆刪除[版主回覆10/09/2009 20:58:00]冇誇張, 千真萬確. 有個friend比人報警添.
報警！！？駛唔駛咁嚴重呀！
回覆刪除[版主回覆01/29/2010 13:28:00]真有其事!
不好意思..potassium carbonate 請問香港有沒有.得買.. ?
回覆刪除[版主回覆01/29/2010 13:29:00]係梘水, 二德惠有散賣, 雜貨點都有, 不過好多時要一整瓶賣, 你去問一問.
謝謝指教.
回覆刪除[版主回覆01/29/2010 14:24:00]:)