急不及待, 回家手做意大利麵, 一心買了這包意大利出產的durum semolina.......
我懶, 用現成的蘑菇茄醬, 先爆香蒜頭和salami, 灑些oregano和鮮basil.....
很誠意的買了這雲石麵棍, 不貴呀, citysuper有售, 100g麵團, 碌得很順利........
都切得很整齊......最花時間反而是把切開的麵條解開, 解了好久, 眼也花了. 麵條真的好柔軟呀, 滿心歡喜啦!
可惜一放熱水, 麵條10秒內變了像塑膠條, 唉, 難怪, 這包semola di grano duro的蛋白質是12%, 加上高灰份, 怎不又韌又硬. semolina, 原是適合做乾意麵呢!
------------------------------------------------------------------------------
鮮意份是用00級麵粉做的, 好, 今晚用中粉再試, 它的蛋白質是10%, 比較接近00的9%
同樣100g的麵團, 看, 碌得更薄, 不難呢!
切麵也不難, 最難仍是解開, 因為很薄, 有些黏住了.....有冇方法快d呀, 眼花了!!!
趕快下熱水, 1分鐘就ok了, 今次軟很多呀........!
另外切了較粗的Tagliatelle........
較有咬口, 不過仍很軟, 太累了, 加點橄欖油和黑松露醬, 好吃.
下次可以在中粉中加點高粉或semolina, 會更煙韌一點吧, 再試.
(Empty)
回覆刪除[版主回覆09/05/2009 09:27:00] 我抑鬱嘛!
你對烹飪的熱誠和投入, 真令我 !
回覆刪除[版主回覆09/05/2009 09:28:00]真係好好玩的呀, 玩我最投入.
哈哈！買雲石麵棍…都叫你買機架啦！
回覆刪除[版主回覆09/05/2009 10:11:00]雲石麵棍平好多.........最主要, 係麵棍好易收埋, 又比較多用, 麵機嘛, 冇位放了. 等我和moon嫂都喜歡食, 常常煮先啦再算啦.
妳都知我幾節制啦, KA, KM, IC全部都冇買........因為我好鬼鍾意玩舊麵團, 哈哈
我以前做過記憶所及是用中粉, 都很煙靭不像像皮膠呀.
回覆刪除不過真係幾好玩. 你在對摺前下多小小粉才切然後再鬆走啲多餘粉可以嗎?
[版主回覆09/05/2009 09:40:00]中粉ok呀, 像膠棒的係我的semolina.........下次加少少高粉煙韌d.........最想試吓00麵粉啦!
冇錯冇錯, 下次加多d手粉, 同埋唔好切到咁幼.......d粉唔怕的, 一放入熱水就冇晒的了.
你都試咗用all purpose...真的不錯...其實我响美加揾到嘅食譜..90%用all purpose 架....
回覆刪除[版主回覆09/05/2009 09:42:00]冇錯冇錯, all-purpose的蛋白質percentge最接近00, 當然00粉d風味可能有d不同, 真想試試........
唉, 你攞苦黎申, 緊係買部機啦, 你睇yc 做得幾輕鬆, 抵比小三話你啦 我家大人吾喜歡食pasta, 吾係我晨咁早就買部機黎玩吓. 亞嬋對做麵都好有心得啊, 佢又係用機架. 第日叫小三介紹你識呀. 部機除咗做一條條仲可以做另外類型的 pasta, 好有用架.
回覆刪除[版主回覆09/05/2009 10:20:00]我間屋細呀, 所以盡量唔買大部的東西, 家人暫時都不是特別對新鮮麵特別大興趣, 我估我都係得閒先至玩一兩次, 如果買, 我第一部會買KA/KM. 只係我都好享受玩吓舊麵團的
其實歐洲人做麵包 / 意麵都係搓搓吓, 好少用機的...........First of all, if you haven't got a pasta machine it's not the end of the world! All the mammas I met while travelling round Italy rolled pasta with their trusty rolling pins and they wouldn't even consider having a pasta machine in the house!...................Jamie Oliver
嘩，我都有諗過自製呢，但係唔係短期會發生既事！
回覆刪除雲石棍係咪比木棍無咁痴麵，我有諗過買黎轆酥皮？
[版主回覆09/05/2009 10:27:00]好容易的, 試吓.
係, 雲石不黏麵團, 仲好重, 適合碌d好薄的麵團!
我同意... 切開的麵條解開 <---係最難!!! 之前買了Kenwood果果壓麵配件，玩了一次意粉，都係用第一包意粉，不過我做出來十分不成功! 所有麵都好肥同"笠".... 看來我要上下意粉班!
回覆刪除[版主回覆09/05/2009 17:56:00]希望可以找出更容易解開的方法啦, 暫時我的方法, 是多抹手粉, 和薄麵皮不要www的摺, 而是捲起, 解時會順一點.
肥和凹........我用過切麵機不會呀, 手切當然不會的呢, 可能真的有些竅門做得不對吧.........
AIYAYAYA....你好勁呀!!!真的試齊了兩款 "粉"~~~
回覆刪除冇錯...SEMOLINA FLOUR 真係一落熱水就縮埋...唔靚仔....我都好想試 00 麵粉呀~~~
[版主回覆09/05/2009 17:56:00]係呀係呀!
我都好想試00粉, 可是很難買到呢!
雲石麵棍 同木棍有什麼分別? d 麵好靚, 好想食
回覆刪除[版主回覆09/05/2009 17:57:00]雲石棍冇咁易黏麵團, 和很重, 所以不用那麼大力去壓呢!
雲石麵棍好正呀!! 幾錢呀?
回覆刪除唔駛碌到手痛, 整酥皮又o岩!
[版主回覆09/05/2009 18:10:00]係, 比起木棍, 的確慳力好多, 當然, 麵機就更慳力, haha
$148, 日本製, 比想像中平呢!
麵包機食譜有個份量係...水半杯, 高粉1/3杯, 中粉2杯, 鹽1茶匙, 橄欖油1湯匙.你參考一吓.
回覆刪除我有本日本意粉cookbook(旭日出版), 佢地用薄力粉的, 有機會拎比你睇下.
[版主回覆09/05/2009 18:00:00]好的好的, 用水和蛋可能口感又不同, 我用的是全蛋, 冇水的呢!
好呀, 找次一起玩吓啦, 妳有機噃, haha!
我之前見過既食譜係需要加蛋架 ... 會唔會有唔同 ?!
回覆刪除[版主回覆09/05/2009 18:01:00]我都係用全蛋的呀, 還加點蛋黃呢, 也有用水, 很多變化的呢!
你對食物製作嘅認真態度真的令人五體投地 ， 佩服佩服 !
回覆刪除[版主回覆09/05/2009 23:01:00]其實我係玩得認真, 可以玩耐d呀, haha, 我平時食嘢好是但的呢!
哇..你好勁...連麵都識整....好好好好勁
回覆刪除[版主回覆09/05/2009 23:02:00]我上過堂嘛, 跟導師學過, 係好d的.
如果係你既鄰居就好喇
回覆刪除[版主回覆09/06/2009 21:31:00]哈哈, 咁妳會怕怕呢! 我d失敗品.......
我呢排介淀粉，不过见到你d面，令我有d不受控制....
回覆刪除[版主回覆09/07/2009 07:40:00]哈哈, 戒完口先啦, 免前功盡廢呢!
多謝你既回覆. 咁水份係咪自己就住咁落. 直至可以搓成團? 仲有如果我初學. 我可以用咩切面條?
回覆刪除[版主回覆09/07/2009 07:43:00]係呀, 加了基本的蛋後, 水份可輕微增加, 至自己適合的軟度 .
切麵用利刀就可以了.
100G既分量, 唔知夠唔夠二人分量呢? 因為想今晚試試搓 : ) 中分其實可否自己MIX, 例如低+高 (比例又如何) ..... 我都仲係初學者.希望唔好介意. 不過三款粉(高中低)我都有, 不過想學多樣野. 同埋我得木轆, 會否轆得好辛苦呢? 至於煮方面, 放入滾水, 只需1分鐘就攪掂? 咁快? 謝謝指教
回覆刪除[版主回覆09/07/2009 12:13:00]我去你處分享吓啦.
中粉的話, 幼麵滾一分鐘, 粗麵滾耐d, 要試食作準呀.
想請教你,個麵團是否很乾,因為我朋友用壓麵機話要很乾才可過機,如果會JAM 粉團.如用手做會否一樣?謝謝!
回覆刪除[版主回覆09/07/2009 17:13:00]我上堂機切時, 麵團的確很乾很乾, 我在家做的麵團就特別做到下很軟, 我倒沒想過軟麵團過機會jam, 可能是的呀, 加大量手粉啦.
完全自家制，掂掂掂
回覆刪除[版主回覆09/11/2009 14:10:00]完全手製, 好好玩呀, 可惜未夠滿意!
haha, 漏咗睇你呢篇添!
回覆刪除我諗d麵好難解開係因為麵糰太濕, 我完全無呢個問題啊!
我嘅麵糰係好乾嘅, 所以都幾難猜!
我用嘅食譜係:
高粉&低粉 @ 150g (共300g)
全蛋 2 隻
蛋黃 1隻
水 半 至 1 大匙 (按情況而加減)
[版主回覆09/11/2009 14:09:00]我的食譜都差不多, 係中粉100g , 蛋一隻, 再加蛋黃少許, 鹽少許, 冇水, 我係有意將麵團開到好軟, 以為d麵會軟d, 點知分別不大呢.
hei , 妳有麵機嘛, 點駛解麵呢!
haha, 我唔記得咗添!
回覆刪除[版主回覆09/11/2009 20:10:00]哈哈!
睇你整就好似好簡單，到自己整就…………
回覆刪除[版主回覆09/12/2009 21:11:00]咦? 有乜問題呢, 不妨講來聽吓.
我學過藝, 係好d嘅
做唔成功囉！一係就做唔到個 texture，一係就做唔到應有味道！可能我仲係廚房初哥啦！
回覆刪除[版主回覆09/14/2009 08:41:00]個texture係爽爽地, 又韌韌地, 和乾麵又不同的.
咁即係話比乾麵煙韌 啲？咁咪好好食！！
回覆刪除[版主回覆09/14/2009 21:43:00]又不是很煙韌, 係有咬口d, 不過和麵粉的種類有好大關係, 下次用高粉做, 又試下d口感.
咁試完就記得寫番份比較報告 post 上 嚟喇！
回覆刪除Semonlina that's the one we used!
回覆刪除[版主回覆11/24/2009 12:09:00]Really this one! Great! I've got a pack in my kitchen!
oh, 我就係想買semolina整意粉呀!! 你呢個post 係咪即係話應該用plain flour, 而唔係semolina呀?
回覆刪除