在艷陽下離開美麗的布拉格, 出發到古城 - "波希米亞的古姆洛夫"(Český Krumlov).
我就蒙查查, 太太一早刨了資料, 說古姆洛夫好靚o架, 好似以前去過的德國古老小鎮羅騰堡 - Rothenburg ob der Tauber......羅騰堡! 浪漫的回憶一幕幕浮現......
到了! 古姆洛夫真係一個好簡樸明媚的小鎮, 我正期待那些曲徑通幽, 古堡大宅, 小店茶座.......
古姆洛夫已經有700多年的歷史了, 但它沒有發展新樓盤, 舊城區基本上仍保持著幾百年前的風貌, 1992年已被聯合國列為世界文化遺產.
別以為鎮子會很破落, 每間屋子都保養得很好, 幾乎沒有一間殘破的屋子, 古鎮仍是很年青.
石板街遠處的是古城的舊城門, 右邊黃色的小樓是我們的酒店, 雖然比較狹小, 但住在小酒店更有風味呢!
穿過寧靜的小街, 到從前城主的古堡去!!
有一個傳說 : 從前鎮上有一位理髮師的女兒, 長得很漂亮, 待字閨中, 爸爸一心希望她可嫁得金龜婿, 一天, 和貴族城主的少爺偶遇, 少爺被少女迷住了, 展開愛情攻勢, 很快娶得美人歸. 理髮師想 : 呢次我個女真係嫁得主好人家了.
那知那少爺表面上風度翩翩, 心理卻有點不平衡, 把妻子鎖在古堡裏, 又打又罵, 一次, 少爺跟城主到首都公幹, 少婦思念父母, 偷走出來, 那知少爺雖然不正常, 但很攻心計, 他早料到有此一著, 早就把理髮師夫婦捉起來軟禁了.
少婦無奈回到古堡, 少爺回來知道了, 不但打罵, 還把她的頭髮剪掉, 叫她出醜, 結果少婦忍受不了, 從古堡的高處跳下.......從此在月黑風高之夜, 古堡廊橋的深處, 時時傳出幽幽的哭聲.........
我想 : 導遊哥哥又作鬼古了. 那知廊橋, 古堡的高窗他都一一指出, 最神奇的是小鎮地圖上竟然標出那"舊理髮店"的位置, 我親自去看, 那屋子仍保留在城堡的旁邊, 又好似真的一樣........
城堡的更樓(高塔)是古城的地標, 到處都可以見到, 可惜它是不開放的......
城堡中到處都有點陰陰森森, 雖然是地方寬敞, 高樓大屋, 但真係變態鬼古的溫床.
從城牆的孔看出去, 小鎮好似一幅畫呀!!!
正在廊橋上影相, 巧遇婚禮完畢後新娘子步出, 真的好漂亮呀! 怎麼不見新郎? ........不是城堡的少爺吧..........
離開古堡途中, 在小斜巷中見一對間小店, 店主夫婦賣一種叫Trdelník的甜點, 麵團捲在鐵筒上烤, 烤脆後蘸上白糖, 唔知什麼味道, 我就當然點都買一個來試啦, 甜甜硬硬的似吃厚餅乾, 都幾ok!
晚上到這間小餐館吃晚餐, 當然要喝當地出產的啤酒Budweisser啦! 啤酒古城Budweis (České Budějovice)就在附近. 香港的Budweisser, 已經是移植去美國的"合法老翻", 和捷克的原裝正貨還在打百年官司呢!
今晚的主菜是.......哇! 太好了, 我在德累斯頓看見人們吃的白色麵包, 竟在這裏見到!!! 這種麵包真的好奇怪, 由皮到肉都是雪白的, 怎可能烤出白色麵包??? 吃下去湮湮韌韌的很奇怪, 其他食物呢, 都很豐富和地道, 我都吃得一大半, 但吃著吃著, 又懷念唐餐了........
大家知道這是什麼包包? 怎麼弄的? 知道請告訴我. (啊，是Houskový Knedlík – Bread Dumpling)
夜裏, 古城又是另一番氣氛, 我們當然不會錯過啦, 到處鑽來鑽去拍照.........
小酒店外的夜色真漂亮!
第二天早上, 下著濛濛細雨, 我都不客氣了, 大街小巷到處看看.......
走到古堡的深處, 原來是一個漂亮的後花園.......再給我多住一晚便好了.......可惜小鎮沒有靚shop, 也沒有靚cake, 再留就悶親太太了.
呀! 原來流經Krumlov的那條灣灣的小河, 也是流過布拉格的Vltava!
moon,照片拍得好靚-----
回覆刪除[版主回覆08/27/2009 11:24:00]我都好慶幸拍到這輯夜景呀, 我有帶我的小小腳架仔 ^_*
好似去左小大國呀 ! D 屋仔好可愛 !
回覆刪除[版主回覆08/27/2009 11:27:00]這種小小的古鎮好好行的呢! 德國的浪漫之路有好多呢d小鎮, 各有特式, 人家好自豪的是咱們的小鎮保持了幾百年的風貌呢! 才不會發展什麼地產. 到今天都成了寶物了!
真係靚到..........
回覆刪除唔知講乜好了......
等睇下集!!^___^
[版主回覆08/27/2009 11:28:00]慢慢睇吓欣賞吓啦! 陸續有來的呢! ^_^
好靚好靚, 人地既人活點解可以咁寫意架
回覆刪除[版主回覆08/27/2009 11:43:00]
那天早上7-8時, 我到處逛, 食店等已陸續有人上班, 經過一條小巷, 三架車排隊駛過, 第一架是小貨車, 司機停車, 下車, 送貨......人也不見了, 後面兩架車, 靜靜的等等等, 在我這香港人眼中, 真係不可思議!!!
how pretty!!! what a romantic city!
回覆刪除hahaa, we somehow always miss Chinese food when we're in foreign country! (kind of like my American students miss Mcdonald and KFC when they were in China! hahaha!)
[版主回覆08/27/2009 13:55:00]Hi, long time no see, A, B and C!
Yes Yes!!! It is so romantic in the old small town in Europe especially that in south Germany. No matter they call them " Romantic Road (Romantische Straße)" I'll never forget the small towns and villages there.
HA! In Europe, we even miss Chinese food and McDonald but never do this in Japan!
哈~地道餐一d都唔開胃~~ 試問你怎會唔想起唐餐尼！ 不過，德國腸子的確好出名咖波~
回覆刪除[版主回覆08/27/2009 16:36:00]雖然係食唔慣, 不過地道就得了, 一生人總要試吓, 話晒呢d係當地人常常吃的.........正如西人到中國, 第三餐就要吃KFC了.
德國腸都好好食呀! 所以第一餐我都好起勁呀!
師父... 相得靚呀.... 像postcard!
回覆刪除我也希望到此一遊!! 我喜歡看境多過shopping!!
古老的城堡....永遠最多傳說! 我喜愛聽的... 師父講多啲啦!
[版主回覆08/27/2009 16:39:00]hehe, 係d地方靚啫, 我只係按shutter. 我都喜歡看風景多d, 不過來到歐洲, 連一向都喜歡shopping的太太都冇晒興趣了.
古堡, 我都有興趣去法國古堡之旅呀, 不過太太話, 麻麻地, 好似個個都一樣, 看天然風景好好多........跟住的國家多點天然風景了.
白色麵包我常做這個,直接法所以不耐放,但是很可愛和好吃就是了 http://cookpad.com/recipe/486817
回覆刪除[版主回覆08/27/2009 16:28:00]這個有點近似了, 謝謝妳呀, 等我有機會又試吓先.
很美, 好詩好畫一般 ............
回覆刪除[版主回覆08/28/2009 10:17:00]我最喜歡這些歐洲小鎮呢!
淒美的故事. 也真的值得他們驕傲, 700年風貌不改.
回覆刪除看照片不見有很多遊人, 是一個寧靜的古鎮.
[版主回覆08/29/2009 09:32:00]我都好奇怪, 為什麼他們不會拆掉舊屋, 起現代化的屋子......我想他們很享受和熱愛這種生活..........不過屋子的室內就好現代化的呢!
這個古鎮很寧靜, 不像羅騰堡, 那裡更古典但更多遊客.
呢個古城好靚喎！有張相好似〔花街朱古力〕Ｄ屋呀！ 住在這城中．．．很童話呢！
回覆刪除[版主回覆08/29/2009 09:52:00]係呀, 這些小鎮是歐洲的精華, 不單風景美麗, 更加令我感覺到, 生活中最重要的東西, 是不用變變變的, 到他們長大, 老了, 回到小鎮, 仍找到他們, 他們爸媽, 祖父母長大的屋子.......只係裏面已現代化了.
仲有．．． 你大門口張ＢＡＮＮＥＲ好靚呀！好襯你個ＢＬＯＧ！
回覆刪除[版主回覆08/29/2009 21:09:00]謝謝呀, 找到靚景, 就裝飾一下大門吧!
故城小鎮風景清新,有時一些風景砌圖都有這麼美!
回覆刪除[版主回覆08/29/2009 21:14:00]係呀, 每一個角度, 都好似一幅畫, 可惜第二天天氣不好, 否則更靚!
點解 啲 建築物咁似澳門見到果 啲 嘅？
回覆刪除[版主回覆08/29/2009 21:18:00]澳門當年沒有大力發展和打造, 所以他們都生活在自己的故園, 不個近這幾年都變了.......如果古姆洛夫在這裏, 我想古堡的旁邊係"永梨", 教堂前面是"新葡驚"......
睇咗咁多篇，真係忍唔住要留低句................你啲相影得很靚，每一幅都可以用來做post card或wall paper，很可惜我老細沒有這種情懷，他怕悶，所以從來都不會想到歐、美走走
回覆刪除[版主回覆08/29/2009 21:25:00]謝謝呀, 我的照片都漩靚, 不過係景靚, 仍欠一些意境........每個人都有他感興趣的地方, 我都只係喜歡安全先進的地方, 其他的我都不太有興趣........十幾二十時就另計.
歐洲好多靚景, 不過講到吃呢, 就真的有點悶.......是東方人不慣呢.
我以前有個朋友就係捷克留學~!!
回覆刪除[版主回覆08/29/2009 21:26:00]好勁啊! 他在那個城市? 他能講捷克話/德語嗎?
我很喜歡逛鄉村小鎮，大街小巷的走，但旅客與住客是兩種心態，
回覆刪除嘿嘿！你吃的那個白麵包，0甘似媽媽買回來的饅頭西方版
[版主回覆08/29/2009 21:32:00]我們覺得很特別的靚景, 當地居民日日見, 不會覺得什麼.
我都覺得這種麵包好像是蒸的, 但西人是不會蒸包的, 可能加大量蒸汽焗啦, 這種包比饅頭韌好多.........還是饅頭好吃(我喜歡真正的北方饅頭)
嘩﹗好靚的風景﹗
回覆刪除還有好悅目的版面呀﹗以前的太暗了，現在很好。
[版主回覆08/29/2009 21:36:00]真係好靚呀! 有冇興趣去德國的浪漫之路呀?
之前的, 我都鍾意呀, 比較低調和陰涼.......今次換畫....面, 係襯番個banner........好少女feel
" 如果古姆洛夫在這裏, 我想古堡的旁邊係"永梨", 教堂前面是"新葡驚"...... " 咁驚？唔係呀嘩！ 其實我係想講，點解 啲建築物咁葡萄牙 feel！ 個新 banner 勁靚喎！
回覆刪除[版主回覆08/30/2009 15:49:00]唔到你唔驚, 你去澳門看看........
......這邊的屋子細看不同澳門的(葡萄牙我未去過), 這裏的屋子線條較硬朗, 裝飾線條簡潔一點, 還有窗口沒有木的百葉窗, 不過歐洲的風格各國都有d相似的, 又有少少不同的.
師父BLOG轉形象....很靚哦....
回覆刪除我都是最喜歡這小鎮古城KRUMLOV的一輯相!!真的很想立即飛去!
[版主回覆08/30/2009 15:53:00]我都喜歡之前那個, 沉色d, 呢個就趁下我個新banner.
去歐洲, 記得一定要去小城呀, 例如瑞士的Zermatt, St Maurice, 德國的Garmish-Patxxx(忘了), Rothenburg.......法國的Nice, Charmony.......
未前之前不懂說~去了才學懂
回覆刪除[版主回覆08/31/2009 14:51:00]捷克話真係好唔同, 西斯拉夫語相信好難學呢!
這些歐洲小鎮真係好靚， 你影得好出色啊 ! 如果自助遊， 言語會唔會好困難呢?
回覆刪除[版主回覆09/01/2009 21:52:00]小鎮真是很靚呀!!! 如果自駕遊都ok的, 語言呢, 如果是旅遊從業員, 簡單英文都ok的, 一般人民呢, 我估德文都ok的, 英文呢.........唔通的了, 不過只要夠膽撞就冇問題啦, 我就係懶, 所以都係跟團呢!
哇, 好鍾意呢張相. 好羨慕你可以影的咁靚. 你去幾多日啊?
回覆刪除[版主回覆09/04/2009 09:12:00]我去左14日呢, 這裡是最可愛的!