各位, 我回來了!
我輕了2磅, 但多了少少中央肥胖肚腩, 實在太多肉少菜了!
山河美景, 大街小巷, 多姿多采, 滿足晒我的八卦性格......
還有很多很多的香腸, 豬手, 肉扒, 啤酒........唉, 吃了我一年的份量, 麵包, 蛋糕都有呀!
由昔日東西歐對峙的德國柏林起步, 進入從前由蘇聯控制的捷克, 匈牙利, 克羅地亞, 斯洛文尼亞, 再返回西方世界的奧地利, 最後由德國慕尼黑離開.........
幸得導遊通曉歐洲文化歷史, 帶我們由大城市德累斯頓, 布拉格, 到小城市札格勒布, Ljubljana, 到小鎮Krumlov, Karlovy Vary.......由捷克的波希米亞平原, 前奧匈帝國的的赫爾巴千平原 (Carpathian Basin/Pannonian Basin)到巴伐利亞森林.......由德意志霍亨索倫皇朝(Hohenzollerns)到奧地利哈勃斯堡皇朝(Habsburg)......由格林兄弟, 莎士比亞說到巴伐洛提, 現場旁白, 娓娓道來
從前覺得, 歐洲文化之所以統領世界, 是因為它幸運, 擁有最好的天然資源, 最肥沃的平原大地, 全球20%的人口, 擁有70%可耕的土地(中國幾乎是相反), 還要向外擴張侵略......這次了解得更多, 地域民族的興盛, 不是我看得那麼簡單幸福, 可能是從鮮血中得到......
不過, 歐洲最叫人困擾的是......廁所, 每次都要看看錢包裏有沒有硬幣, 才敢上廁, d大叔大嬸好惡呀!!!
拍歐洲的風景和建築物, 不得不用我不太習慣的"直度", 因為那裡的景物實在太高高高聳, 不斷的退後退後退後, 還是拍不到全貌......歐洲人真是一個氣魄宏大, 高瞻遠足的民族(不, 是多民族群)
導遊說的歷史故事, 雖然打了50%瞌睡, 又忘了30%, 仍有20%剩下, 令我對這個旅程更有興趣, 否則每一座教堂, 宮殿眼中都是一樣, 但現在總算留下不少記憶.
包餅, 食物, 城市, 風景, 從那裏談起呢?
Welcome Back! 由布達、佩斯（兩個城市）回來！
回覆刪除[版主回覆08/07/2009 08:18:00]hehe, 布達佩斯只係中途站, 我是由慕尼黑.......應該是從夢境中回來的, haha
Welcome back!
回覆刪除想像到你必定很享受這假期了。祈代你的分享。
[版主回覆08/07/2009 08:19:00]好好玩呀, 等我慢慢整理一下, 太多東西入了記憶, 太多照片要入電腦......
好開心你返o黍喇, 我有整定d chiffon等你o家.
回覆刪除d相慢慢整理啦, 我上次upload相, 揀相, 寫網誌都攪好耐.
[版主回覆08/07/2009 08:24:00]我有來看妳的雪芳, 成功!
我依家都未想好點寫添.
哈哈, 我有掛住你呀!
回覆刪除[版主回覆08/07/2009 08:24:00]謝謝, 咁多d來探我啦!
Welcome Back!
回覆刪除[版主回覆08/07/2009 08:25:00]終於回來了, 不枉此行呀, 除了那些西餐.........
回來啦!好野! 掛住你..... D chiffon吖! 那兒好玩嗎?
回覆刪除[版主回覆08/07/2009 08:26:00]我要抖一抖再做戚風呢! 先想整包包!
呢個旅程都好好玩呀, 仲吃得包多呀!
嘩! 師父回歸啦!
回覆刪除希有相分享啦........
[版主回覆08/07/2009 08:28:00]哇! 我邊有咁老呀!
2000幅相, 幅幅都咁有回憶, 我都唔知點算了......
歡迎
回覆刪除[版主回覆08/07/2009 08:28:00]謝謝呀!
welcome back!有無手信先
回覆刪除[版主回覆08/07/2009 08:39:00]歐洲真係冇嘢o岩買, 說來你也不信, 我買了一瓶鹽和一瓶糖, 另外有一些零零星星的朱古力製品.......
最好的手信, 就是2000多幅相呢!
歡迎回歸! 嘩嘩嘩， 東歐真係好靚啊， 好羨慕ing !
回覆刪除[版主回覆08/07/2009 08:40:00]東歐真的很美麗, 山水和阿爾卑斯山一帶又有不同.........
Welcome back! d相好靚呀!
回覆刪除點解會"輕了2磅, 但多了少少中央肥胖肚腩"?
係咪雖然輕咗, 反而令中央的肚腩更突出呢? hehe~
[版主回覆08/07/2009 08:44:00]日日到處跑, 所以瘦了, 但天天吃扒, 喝啤酒, d脂肪又積聚了, 證明運動可以減肥, 但未必減肚腩......唉, 去日本就不同, 大吃特吃, 回來又冇左個肚腩.
Welcome back ! 我的精神食糧又豐富起來了。
回覆刪除[版主回覆08/07/2009 08:45:00]真係咁勁? 但我今次呢d歐洲食糧, 會令人肥胖的呀
嘩!咁大隻豬手, 一個人嘅份量? 點食呀?
回覆刪除[版主回覆08/07/2009 08:47:00]係, 係一個人一大隻!!!! 成個夏威夷木瓜咁大, 那天我們剛好又自己去吃了個tea, 結果只係吃了幾口, 真係......唉!
welcome,鳥倦知返了
回覆刪除第二張照片，是匈牙利的布達佩斯嗎？
有沒有去德國的"新天鵝堡"，如公主與王子的堡壘！
最後一張是奧地利嗎？哈哈！我亂估一通，通通估錯@___@
[版主回覆08/07/2009 09:01:00]我仲可以再玩, 可惜時間已到, 不過moon嫂就已經散晒了.
不好意思, 估得不對, 不過一d都唔奇, moon嫂也說, 去去吓間間教堂都一樣, 個個城市都差不多........幸好我都有聽書, 所以都還分得開......
那城市, 是德國的德累斯頓, 真係有d似布達佩斯......教堂呢, 死o勒, 我都有點混亂了, 呀, 是布拉格的聖維特教堂..
新天鵝堡不順路, 所以冇去, 有些團友想導遊改行程去一去, 還鬧了少少風波呢.........下次去德國深度遊 - 童話之路啦!
歡迎你返黎呀 ! 好唔好玩呢 ? 去旅行竟然瘦左 ??? 你就好啦 ! 我最叻o個次都係打平手咋 ...
回覆刪除[版主回覆08/07/2009 09:03:00]好玩呀! 多姿多采! 唉, 我去日本, 收了身添呀, 可惜今次肚腩大了, 日日行也抵不過天天吃肉........
oh....welcome back..!!!!
回覆刪除[版主回覆08/07/2009 09:03:00]thanks
你終於返黎啦~~~ 好開心見你到既相同簡介~~ 好靚呀d 相!!
回覆刪除之後你可能會好忙去打字, 回憶, 上相...... 等你~~~
[版主回覆08/07/2009 09:04:00]可能會講足幾個月才講得晒, 太多回憶了!
嘩~~你番黎啦~~~^_^
回覆刪除建築真的很宏偉呀~~~好有氣勢呢~~~
多肉少菜都瘦左2LB? 係咪要行好多好多路呀??
這幾天我不斷刨你的blog, 星期日會到macau哦~hee heee
[版主回覆08/08/2009 00:09:00]係呀, 我從前都覺得d皇宮教堂好悶, 但享受拍照就不同了, 仲有d故事都幾有趣.
都行左好多路呀, 有一日行山呢! 另外到處八呢.
去macau, 好send d好東西給妳先.
你返來喇 ! 張相既豬手好似好好味咁喎 !
回覆刪除[版主回覆08/08/2009 00:10:00]味道呢, 都ok的, 最利害是, 大大大~~~~~~~~~~~
嘩...返黎啦,d風景好靚阿
回覆刪除[版主回覆08/08/2009 00:10:00]真係唔錯, 尤其是斯洛文尼亞!
快活的假期話咁快就過完啦？！
回覆刪除休息夠就快些跟大家分享你們旅遊樂啊。
[版主回覆08/08/2009 00:11:00]快活不知時日過呀!!
我會和大家分享的呢!
Welcome Home!
回覆刪除Very nice pictures.
I am now on the train from Montreal back to Toronto(HK time 12:05am Saturday), should be home in 6 hours.
[版主回覆08/08/2009 10:19:00]妳又去了旅行, montreal好丫, 好風光呢!
回來告訴我們旅程啦!
外國都系咁, 小菜多肉, 我會去超市買沙律當菜食
回覆刪除[版主回覆08/08/2009 10:22:00]係呀, 我見外國人雖然都好多肉, 但都有食吓pizza, lasagne, sandwiches, 邊有團食咁餐餐吃扒, 而且d扒好乾......
我就早餐勁吃水果, 又去超市買.
好開心你返嚟喇！！！係咪玩得好開心呢....除咗要食太多肉之外...
回覆刪除去旅行實在太好了....
回覆刪除[版主回覆08/09/2009 15:59:00]簡直樂而忘返!!!
我都好想去呢^U^ 好幸福呀你!
回覆刪除[版主回覆08/09/2009 15:59:00]係呀, 一年中最幸福的時間, 過得特別快添.
風景相影得好靚，好吸引！ 返到 嚟就要收 拾心情整包包同戚風喇！
回覆刪除[版主回覆08/10/2009 22:06:00]一定會啦, 呢輪梗係歐洲包, 冇得傾.
咦，咁快番來嗱~~輕咗２磅都算bonus吖！東歐都好靚呀！參加團會唔會好辛苦，有點走馬看花呀？
回覆刪除[版主回覆08/11/2009 14:28:00]參加團是舒服的, 因為什麼也有專人服侍, 當然行程是有點緊湊, 不過對我來說, 大部份都足夠時間了.