曾很讚賞旺角朗豪坊的Monster Sushi..........上星期六, ot完了, 身心俱殘, 決定和太太, 舅仔, 去吃餐好的.........我一去到, 便狂叫........
...........是狂叫壽司.
ikura, 我幾鍾意呀, 好似一口氣吃了很多魚油丸.......
可惜的是, 發覺它的質素有點跌watt(褪色)........首先, 飯是散的, 怎看也不像是日本米, 連美國日本米也不似........
本來很精彩的帶子, 鮮度也差了點, 舅仔說那兩條鰻魚縮了點水........
燒玉子仍很好, 三文魚好像沒那麼光鮮了.
還可以的, 只是不要再褪色下去了..........很難得在這角度看旺角, 也很難得吃滿意的壽司呢!
第一張三文魚籽.......簡直令我大叫~~wow~~~
回覆刪除賣飛佛~~~
[版主回覆06/12/2009 22:29:00]哈哈, 原來妳鍾意食魚油丸.
我鍾意它夾埋三文魚, 油甘魚, 海膽做的大碗海鮮飯
三文魚, 油甘魚, 海膽做的大碗海鮮飯..............更愛..........>_<肚餓了
回覆刪除[版主回覆06/12/2009 23:24:00]我都想像緊d味道, 鮮味加卜卜脆, 流口水呀! ^_^
嘩, 我好怕果d魚油丸, 好腥
回覆刪除[版主回覆06/13/2009 10:38:00]我天生是不怕腥的, 那種鹹鹹鮮鮮的海洋味, 卜卜的脆口, 我都好鐘意.
三文魚, 油甘魚, 海膽做的大碗海鮮飯，咪好腥囉？？？
回覆刪除[版主回覆06/13/2009 10:47:00]哈哈, 不是的, 新鮮又保持冷凍的魚生, 是不腥的, 只有柔軟, 鮮甜, 甘香.........海膽更加甘甜到........熟食是永遠沒有那種味道. even做海鮮最拿手的香港蒸魚.
如果食到腥味, 那間店子下次不用去了. 點呀, 心動未呀!
有時食野真係可以令人放鬆~~~
回覆刪除[版主回覆06/13/2009 10:48:00]做得辛苦, 一定要食番餐舒舒服服的, 所以越辛苦我越肥, 放假不用吃, 我會瘦的呢
我呢, 就最鐘意海膽.
回覆刪除有無試過成條魚咁生食(不是平日的三文魚, 吞拿...)? 有機會給你介紹.
[版主回覆06/14/2009 14:51:00]新鮮海膽真是鮮甜無比呀!!
成條魚生食.......未呀!! 我只是吃日式魚生. 廣式的鯇魚片和魚皮, 我都耍手拎頭......
Monster Shusi 係咪即係吳彥祖開果間呀？
回覆刪除[版主回覆06/14/2009 14:49:00]對了就是這一間了.
我說的當然是日式魚生. 那些廣式的不能吃吧? 我也不會不敢吃啊.
回覆刪除[版主回覆06/14/2009 19:45:00]咁妳介紹吓啦, 等我下次識食d
啊..... ..... ........都係....... 吾敢............ ......
回覆刪除以前見到生蠔走屎冇命..........後來見人食得幾過癮，尼度的生蠔又新鮮，朋友話好好食咖！你怕腥，試劑多多柃懞汁泡1之2分鐘去腥后至食啦！試嚇喇！係波~真係好正呀！
哈~依家學識食喇！但是，學識食后又怕生食有寄生蟲波！依家都係等打邊爐滾熟來食，一于穩穩陣陣......哈哈.........係咪好煩呀？
想起以前去親自助餐，生蠔吾食、刺生吾啱、甜品不好、麵包不吃......真係嘥金錢咖！！！笨呵？
[版主回覆06/15/2009 08:35:00]唔緊要啦, 個人有個人的喜好嘛, 其實我都係做左漢奸後, 才吃生嘢, 以前會覺得冇可能..........不過香港依家都隨處見魚生了, 選d可靠少少的店吃會安全d..........even到現在又冇乜聽過好多人生蟲..........算啦, 我d脂肪越來越厚, 睇落應該冇事
生蠔呢, 我都係唔食, 覺得個樣有d似......鼻涕.......我都係鍾意熟食.
咁你有無見過佢呀，有的話，咁係咪好靚仔呢？
回覆刪除[版主回覆06/15/2009 19:05:00]半次都未見過呀! 佢都算靚仔, 不過最緊要d刺身夠靚
咁又係，老闆又駛乜成日出 嚟呀！
回覆刪除[版主回覆06/16/2009 08:03:00]我估他都是入了股份而已, 真正run間店的是另有其人的.