不時都去大坑, 近月發現一間小小的日式零吃店開張了, 本來興趣不算太大, 但經過櫥窗........咦? d歐式包包好似樣喎!!!
一於買來試試! 這是提子麥包. 這裡的麥包特點是很大孔, 極之輕身, 皮鬆脆(當然不能在這天氣下放太久), 肉很軟, 不錯不錯!
大坑浣紗街口的TUCKSHOP, 主要買日本零吃和少少西方食材,
起初見他的包糕少少地放著, 還以為是老闆自家製, 還是哪位高手做了包包在這裏寄賣.........引起我不少幻想.
橙皮果仁包, 是葵花籽吧, 仍是一貫的皮脆肉鬆....
乾果裸麥包 - 內有葵花籽, 無花果和杏子, 很正宗的結結實實, 裸麥味很香.
(後面那法包是Don-Q的)
.......最後迷底打開了, 士干和海綿蛋糕的包裝上寫著Luba's Bakery......是英皇道上一家麵包店.......找天去看看.
----------------------------------------------------------
後記 : 昨天放工專程去找找, 差點找不到呀, 幸得遙控全球定位追蹤系統
怎也想不到, 在普通日式麵包架的旁邊, 有一架子的好東西 - 做得很不錯的德國風味麵包 (可惜他做的法包不是太好)
立刻買了半個酸種麥包(有誰懂欣賞這酸香濕潤的海棉包包?) 和切成小片的乾果黑麥包(好香的乾果和特有的裸麥氣味)........
大坑呢個社區係好得意架，過一段時間就有驚喜！
回覆刪除[版主回覆03/06/2009 22:14:00]係啦, 那裡旺中帶靜, 又接近天后銅鑼灣, 原是不應全都是車房的吧.
係呀 ~ 依家大坑越黎越多細細間既餐廳…
回覆刪除[版主回覆03/06/2009 22:17:00]係呀, 不過一場金融風暴, 希望不要影響啦.
上次經過佢close 了... 原來有包包賣ga?
回覆刪除[版主回覆03/06/2009 22:18:00]星期一休息的, 12:30才開門呢!
下!!! 咪先!! 原來真正果間包店gum 近我家ga ja???? 要走去看下bor!!
回覆刪除[版主回覆03/06/2009 22:19:00]係? 是一間毫不起眼的店子, 有空去看看!
大坑? 近我喎, 係呀, 現在的大坑, 唔同以前, 變了很多!
回覆刪除[版主回覆03/06/2009 22:23:00]係? 有空去看看啦.
大坑 我從未去過, 真大鄉里.
回覆刪除[版主回覆03/06/2009 22:24:00]都好方便呀, 天后站可以到的了.
o.. I've been there b4 as I'm living at Quarry bay :) yes, not a pretty shop but have some tasty buns
回覆刪除[版主回覆03/06/2009 22:30:00]妳也去過, 有沒有試他的雜乾果黑麥包呀?
呵呵呵。。原來搭巴士去買麵包！
回覆刪除[版主回覆03/06/2009 22:30:00]係買完麵包搭巴士........
係呀, 有好吃店子要吃多兩次, 下次再去可能已不在. 阿門, 香港的悲哀.
回覆刪除[版主回覆03/06/2009 23:59:00]希望它能生存下去啦!
我幫朋友手响天后開餐廳時佢老公曾經寫D PROPOSAL 比政府, 話想將天后區(琉璃街一帶)發展成第二個食街, 六年了, 政府有意發展, 但我朋友已結業, 為咗生意差D連婚姻都賠上. 哎!
回覆刪除[版主回覆03/07/2009 00:08:00]妳有沒有察覺, 在日本, 很多小小的店子, 可能是由一對喜愛法國菜, 麵包, 蛋糕, 日本料理的夫婦經營, 就算在很繁忙的地區, 每天幾檯懂欣賞的客人, 已足夠, 有些一做很多年, 多年後去到, 仍可吃到.........
香港, 一切心血, 先給地產/租金吃去, 政府? 免了, 他們只會用各種牌照難為小商戶, 為連鎖店和大集團開路.......算吧, 有興趣都係自己玩好了.
上次到大坑都有經過呢間小店呀﹗都奇怪有格格不入的包包賣，但無你的探求精神，沒有進一步打探。
回覆刪除希望大坑的小店可以一落發展落去，我越黎越鐘意呢個小區呀﹗
[版主回覆03/07/2009 00:14:00]係, 我係包精, 一見呢d包包, 已眼前一亮, 同事對我說, 呢d乾爭爭的齋包, 有什麼好食呀, 我乘機介紹幾句, 希望道他們升仙............欣賞歐包的人太少了.
你對包包真係好有研究喎, 睇個名就知間鋪喺邊....咁大坑呢間都係自家製?
回覆刪除[版主回覆03/07/2009 10:33:00]hehe, 其實好簡單, 記住個名, 上網search, 在openrice有晒資料了.
大坑呢間, 是LUBA's bakery交來賣的, 雖然我的幻想破了, 唔緊要啦, 包靚就得
呀, 唔止係德國包的呀, 還有一些很鬆軟的另類排包 : 鹹排包和裸麥排包.
咁, 你要多啲幫襯, 比多啲生意等佢多啲機會生存下去喇.
回覆刪除[版主回覆03/07/2009 10:29:00]一定會啦, 我呢d包精, 但係那天買了回家, 飯前也吃了幾片, 再吃飯, 差d胃痛
咦, 又比你發掘到新包店, 自己吾得閒玩都可以有靚包醫肚, 吾錯呀!! 你買完麵包坐巴士???? 坐 鬼 巴士??? 老老實實, 這些麵包係真的嗎???
回覆刪除[版主回覆03/07/2009 10:27:00]係呀, 能有咁似樣的麵包, 應該支持吓, 雖然, 都係pumpernickel略勝一籌.
哈! 妳係咪想講, d麵包放到第二日, 化成一堆元寶灰呀
講埋比妳聽, 那天我們真的在店裏見鬼呀 ---- 外國人!
我都想呀, d人落晒車, 我大把位坐, 不過..........車了去墳場, 我咪要轉的士回家?
好多包~~ 睇相真係好唔錯咁喎~~~齋包我鍾意~~~
回覆刪除[版主回覆03/07/2009 23:09:00]真係唔錯呀, 我呢, 齋包又鍾意, 夾餡又鍾意, 搽jam又鐘意, 港式包又鍾意, 當然, 不能代替粥粉麵飯啦.
我間中都去買個包包做 lunch, 因為好近我！
回覆刪除話唔定會遇上Moon 哥你！
[版主回覆03/14/2009 09:29:00]哈哈, 原來妳也是知音人......是知味人至o岩, 咁睇吓邊日有緣了.