終於, 做了第一次布丁 - 焦糖雲呢哪吉士布丁
下了真的雲呢那籽, 在 Bakingware House 發現了法國雲呢那籽膏, 充滿了雲呢那籽, 香得不得了, 一瓶只是百多元, 可用幾十次, 因此, 狠狠的下了兩大茶匙, 好醇的雲呢那香!!
先煮了焦糖, 比做焦糖蘋果的焦一點, 倒在布丁杯底......
三聚氰氨........? 用北海道牛奶和泰國蛋......我吃開的日本蛋斷了貨. 唉!
因第一次做, 怕太軟, 焗多了5分鐘, 實了一點, 下次做軟些.
這個........雲呢那子沉了底, 勁多, 有點過份.
我偷第二張，因我沒得拍！
回覆刪除又食又拎上
[版主回覆11/17/2008 23:01:00]好好好, 送上, 接住!!
甜蜜蜜。。。
回覆刪除[版主回覆11/18/2008 21:21:00]好濃香的呢!!
哈哈, 一入嚟就見到杯好靚嘅布丁, 原本眼訓的, 即刻醒晒.
回覆刪除[版主回覆11/18/2008 21:24:00]hehe, 如果妳聞到陣雲呢那味, 可能訓唔著呢!
今天我見到百記又有貨, 又買了espresso, 或者下次試整.......
哈哈, 原來也做了布甸! 北海道特選3.6牛乳... 經濟唔好, 我有一排無買喇...
回覆刪除[版主回覆11/18/2008 21:55:00]我戒了奶好耐了, 本來太太平時飲的是小盒裝Paul Skim Milk, 可是斷了貨呀........安宜又很酥, 其他的...........da me!
現在我們飲維他奶多呀!
嘩，好想食呀～～～ 搞到我又好想整添~~~
回覆刪除[版主回覆11/18/2008 21:59:00]整啦, 不難的, 很快攪惦呢,
没野难到你！！
回覆刪除[版主回覆11/18/2008 22:01:00]唔係呢, 我都好多烏龍嘢呢!
整得好靚阿,攪到我又想整阿
回覆刪除[版主回覆11/18/2008 22:01:00]整啦, 不太難呢, 很快成功的.
哈﹗講左話整就整﹐good﹐覺得點呀？係咪好好味呢
回覆刪除[版主回覆11/18/2008 22:02:00]都拖了很久很久了, 到現在才第一杯呢!
焦糖煮得好靚，有無想再整第二款布丁呢？
回覆刪除[版主回覆11/19/2008 07:44:00]謝謝呀, 貓姐, 近來焦糖煮得多, 熟手技工. 煮得焦一些也敢.
有冇好介紹呀, 我都想整多幾款呢!
我整緊啦
回覆刪除[版主回覆11/19/2008 07:49:00]幾時有得眼睛吃呀
請問那個菊花模脫模有問題嗎？因為圓形模就好辦，用刀緣著模刮一圈就行了，但菊花模就想不到該怎辦？
回覆刪除[版主回覆11/19/2008 07:55:00]膽粗粗的, 首先冷藏了, 取出用風筒吹熱杯底, 或座熱水一會, 將杯之反轉"吸"在碟子上, 兩手抓緊, 用力上下"chok"十下八下, 聽到"吱"一聲, 就跌出來了, 至於會不會扯破, 就各安天命了.....
.....後來問朋友, 說不用"chok"呀, 用刀之刮一圈, 但刀子不會留下刮痕嗎? 我也不知, 下次試試.
2茶匙, 真係狠狼地喎 ! 實香到暈啦 !
回覆刪除唔好話日本蛋, 我附近既大超市連泰國蛋都斷埋貨呀 !
[版主回覆11/19/2008 08:02:00]係呀, 太重手了, 攪到d布丁起晒黑頭, 不過呢d黑頭好香.
唉, 妳知嘛, 昨晚聽新聞, 泰國來的雞蛋細菌超標........我都係盡量買日本蛋了, 又不是吃得多, 多花一兩元, 也不要吃化學蛋和細菌蛋.
布丁我都有整過,但就冇買你 d 咁靚嘅模,只係用飯碗整,所以賣相就麻麻哋 ,但見到你嘅布丁,我諗我嘅厨房好快又有新成員加入
回覆刪除[版主回覆11/19/2008 08:04:00]買幾個布丁模啦, 陳枝記很多的, 靚靚的才好玩呀!
近排你們好多靚靚的攪作, 這個我鐘意但太甜我不能吃呀
回覆刪除[版主回覆11/19/2008 08:06:00]不怕的, 甜度可自己控制, 聽朋友做個, 不用煉奶用花奶, 也成功.
焦糖嘛, 煮到這顏色的焦糖, 是不甜的, 糖已脫了水, 不是糖而是碳了, 吃碳是冇問題的呢!
試新野! good 喎! 雲呢那籽膏, 好唔好用?
回覆刪除[版主回覆11/19/2008 10:14:00]好好用呀, 又夠香, 又耐放, 又化算, 又不用刮........唯一是有少少膏狀啫喱的.
以前買過乾雲呢那籽, 全走了氣, 一點也不香, 買過雲呢那莢, 好貴呢!
我整過數款布丁，你得閒過來看看啦！
回覆刪除http://hk.myblog.yahoo.com/maomao-dulldull/index?l=f&id=46
[版主回覆11/19/2008 10:11:00]謝謝呀, 布丁專家, 嗯........芝麻布丁幾好喎!!
雲呢拿籽膏, 好似幾好用噃.
回覆刪除[版主回覆11/19/2008 12:29:00]好好用呀, 如獲至寶, 以後唔駛吃化學味, 也不用買貴雲呢那莢了.
keke，我係布丁怪至真！
回覆刪除我尋晚又做咗芝麻布丁，好好味架，包你愛上！
[版主回覆11/19/2008 12:28:00]好好好, 引到我丫!!!
個blog 提升完你就即刻出布丁, 你的相影得好靚. 布丁又好靚, 睇得出我係黎捧場啦
回覆刪除[版主回覆11/19/2008 12:27:00]係, 係捧場, 唔係踩場
整番杯丫!
第一次整都好成功喎, 勁多雲喱拿籽咪香到不得了囉!!! 我成日話整話整都未開工添...
回覆刪除[版主回覆11/20/2008 09:35:00]謝謝, 還可以啦, 可以在軟一點的呢. 雲呢那籽好香呀, 也不會太利害, 因始終是天然的.
pudingding
回覆刪除[版主回覆11/20/2008 22:26:00]布丁丁丁
滑滑布丁好引人呀! 我走焦糖得唔糖呀?
回覆刪除[版主回覆11/20/2008 22:27:00]好香滑的, 走焦糖梗得啦, 小朋友怕苦呀!
哥仔﹐近排傳攻脂肪製﹐小心爆胎哦~
回覆刪除[版主回覆11/22/2008 15:11:00]妳真了解我, 我的呔近來厚了一些呀!!