昨天做了一個"檸檸雪芳"(青檸+檸檬), 應該都成功的呀, 那知我想加點裝飾, 取了一點麵漿, 再用綠茶粉加點水和了, 注在模底希望做點花紋的效果, 那知綠色的部份根本不能凝固.........衰了........😵💫
不敢玩花樣了, 幸好我買了很多檸檬, 做一個最穩當的檸檬雪芳吧! 大家看 :
中型蛋3黃4白, 糖60g, 油35g, 水35g+橙花水5g, 低粉75g, 檸皮茸2個檸汁幾滴.......是不是雪芳的最基本?
我也以為是呀, 做出來的麵漿又綿又軟又輕, 好成功呀!!!........180度焗......那知, 睇住它在爐中發狂地升升升升升升......升了兩倍高好像疏乎厘! 明明和第一個手法一樣呀!...........糟了! 果然出爐後, 縮縮縮......變了一個皺皮瓜.........🤡🤡
反而做了第三盤紙杯檸雪, 升得剛剛好, 1/3, 反而最好.........但配方, 手法, 爐溫是和第二個一模一樣呀...........冇心機拍照了😞😞😞
早期做柑橘類雪芳, 通常都升得剛好的, 近月再做, 不時都會升到離了譜, 到現在我也不知何解.........
想起郭靖練降龍十八掌, 掌風由無聲變成風雷之聲再而無聲再而風雷之聲.......經無數反覆方能大成! 哈哈!
雪芳真是令人又滿足又沮喪.........但這不是更有趣嗎?........我會再練練練的. 大家記得多分享心得呀!
係啦,我都唔知點解!? 最近做既雪芳唔係成日都成功! 我都係同一手法! 依幾次出黎都有d地方lip呀!!! 激死!
回覆刪除好應同你講, 雪芳真係令人又滿足又沮喪!尤其當你以為可以成功既時間, 結果唔係就更沮喪....
[版主回覆07/25/2008 12:33:00]凹呢過問題, 我都遇過幾次, 唯一知道的, 是蛋糕的膨脹力太勁, 而承托力不夠, 至於點解會咁, 我都未知呀!
我會做實驗的.........我想到一個point.
我唔係幾識整野食，要多多請教你！
回覆刪除你這個雪方高手真係吾話得, 一日之內做三次, 佩服佩服! 你用紙杯,出爐要倒扣嗎???
回覆刪除咦﹗點解冇相睇﹖
回覆刪除[版主回覆07/25/2008 15:14:00]冇影呀, 冇心機和趕時間呢!
我近來麵包ing
回覆刪除所以一定唔會有你以上情況
檸皮茸1個會唔會好D呢?
[版主回覆07/25/2008 15:18:00]麵包穩陣好多, 就算不完美, 也不會太離譜的, 海綿類蛋糕(用蛋發起的), 尤其是雪芳, 可以一塌糊塗的.
檸皮是沒問題的, 因只是很少少的皮青, 我嫌不夠味呀, 三個差不多了.
相呢. ........最想睇綠茶花紋相.......
回覆刪除[版主回覆07/25/2008 15:24:00]冇影呀, 就送了給籮先生, 總之個頂穿晒窿啦, 好嚇人 .........其實我只是在一碗麵漿中, 加了一點(一茶匙倒啦)用少少水開了的抹茶粉漿咋.....
下次要做, 也要完完整整的令做一份綠茶雪芳麵漿了
多謝你既提點, 下次會再留意吓.
回覆刪除好!希望你實驗成功! 等你報告!
[版主回覆07/25/2008 21:12:00]一定會, 一定會, 我好奇呀!
雖然變了皺皮瓜, 但味道真的很好啊, 令我回味無窮呢~
回覆刪除[版主回覆07/26/2008 10:01:00]哎呀, 失禮了.