今日又來銅鑼燒.......大家悶了未呀😅
因為之前做的都有缺點, 所以不停的做實驗😜,
今次試試加油, 還多了蛋, 和用上黑蔗糖, 做出來的餅皮的確是鬆軟了不少, 沒有那麼容易乾.
A : 中形蛋2隻 黑蔗糖50g 鹽少許 橙花蜜1.5tbsp 味醂1tbsp 植物油1tbsp 梳打粉1/4tsp
B : 低粉90g粟粉10g 水約2tbsp
A材料 : 將蛋打發至稍杰, 加入其他材料打勻
B材料篩入, 拌勻, 利用水份調至稀杰適中
每次一湯匙, 慢火兩面煎, 印上羊羊烙, 塗紅豆蓉, 合上, 成了(見較詳細的做法)
加了蛋, 油, 水, 粟粉, 果然好吃了, 不那麼易乾, 下次再加多點油.
加油!
---------------------------------------------------------------
今天, 和老友一起玩, 又做了一些新試驗, 心得如下
- 一口銅鑼燒, 好cute, 不過更難做得好.
- 麵漿千萬不要像一些息譜說靜置30分鐘, 打發的蛋漿也化水了.
- 不要再加太多油了.
- 用梳打粉(重曹)的效果好過泡打粉.
請問你個羊羊印係邊到buy !!
回覆刪除[版主回覆06/09/2008 00:11:00]是一個叫felissimo的日本購物雜誌的產品, 在kraso的分冊內, 香港的日本雜誌店有售.
我是請朋友代訂的
可止出神入化，簡直可以開班授徒添！
回覆刪除豈可與當日第一次相比，一日千萬里！
[版主回覆06/09/2008 00:15:00]不行呢, 我還是試吓試吓, 到我做多十次八次啦.........可是沒有叮噹, 誰能吃這麼多甜到膩的餅?
A_moon, 咁你對這次的成品又滿吾滿意呢???? 你吾切開入面比我地睇吓???
回覆刪除[版主回覆06/09/2008 00:16:00]好好好, 切一個, 今次好了點, 不會太快變硬, 不過下一個問題是怎做不太甜的日式紅豆餡???
你做得一次比一次靚呀!
回覆刪除不如下次試下做細細件，一口一塊，但係可能印不到羊羊了
[版主回覆06/09/2008 00:18:00]哈哈妳的提真好呀, 恰好今天老友也是這樣說, 一於玩玩, 不過始終是大的效果好些. 幾時妳也來玩呀.......
羊羊一樣得!
嘩 , 你真係食極唔厭喎 ...........我暈啦.....
回覆刪除[版主回覆06/09/2008 00:19:00]我都食得太多了, 不過未玩厭.....
嘩﹗越來越像樣呀﹗
回覆刪除[版主回覆06/09/2008 00:19:00]有進步有進步, 但只是過了一版, 未打爆機
嘩! 比北海道的更有賣相喎!
回覆刪除[版主回覆06/09/2008 00:20:00]靚是靚, 但離好好食還遠呢! 北海道的.......好想試食呀!
你有咁好的探求精神，又點會覺得悶呢﹗
回覆刪除[版主回覆06/09/2008 00:22:00]哈哈, 謝謝, 我是玩得過了份呢! 但欲罷不能, 好好玩!
你想做足一百分呀？已經十分靚仔囉喎！你唔好引我啦！我仲未曾買到手呀！攪到我心思思、囉囉 luen呀！
回覆刪除[版主回覆06/12/2008 11:29:00]只係70分啦, 我仲未解決鬆軟的問題, 還是較實, 妳又實驗一下啦.
好得bor﹗終於都比您研究成功喇﹗恭喜晒呀﹗
回覆刪除[版主回覆06/12/2008 11:31:00]都合格咁啦, 停一排咯, 都太"爛"做了
下次我都要試下你呢個recipe先得
回覆刪除[版主回覆06/12/2008 11:31:00]好呀好呀, 妳又比d意見丫
我一d都唔覺得悶呢，整得好靚呀，我好想食呀 ，我日日食都唔會覺得厭架，只怕肥啫 ，我昨日在美心又買咗一個食啦，是芝麻味，$6.5一個 (都唔平架) ，你都可以試整唔同的味道架。
回覆刪除[版主回覆06/12/2008 11:34:00]多謝多謝, 妳一定係叮噹個妹小叮嚀了
我覺得買的日本紅豆蓉比較甜, 但我又不想誇張到只己煮.......
我都好想買嗰支烙印呀！是否從日本訂的？好羨慕！
回覆刪除[版主回覆06/30/2008 17:40:00]我是透過朋友代訂的, 其實也可以去日本雜誌店買一本felissimo, 其中的一冊叫kraso, 可在香港訂的.
https://www.felissimo.com.hk/gc/hk/tc/index.php
我試過好多食譜, 人地做到, 我做極都唔得, 整出黎係薄餅, 升都唔升下.
回覆刪除您好屝利呀!!!
[版主回覆07/02/2008 08:37:00]蛋要打發, 加soda粉, 應該會升到的呢, 我的成品也不理想, 很快變硬的呢.
想問你支綿羊烙印大約幾錢?
回覆刪除[版主回覆07/20/2008 15:59:00]大約80多元啦.
我剛看到你回覆網友有關felissimo這雜誌.....謝呀!
回覆刪除[版主回覆07/24/2008 23:23:00]試試啦!
近來好多人整哩個.
回覆刪除羊仔0係邊買架.
[版主回覆09/22/2008 14:09:00]幾好玩呀, 不過好快就變硬, 未知點改善呢!
洋仔是託blog友訂的呢!
噢.原來是要訂的.
回覆刪除還以為有得賣TIM
記憶裡CITYSUPER好像沒有這個賣.
好易硬!? 咪即係要即日食囉.
是不是有點像叮噹那個紅豆豆沙餅吖?
仲記得細個時. 一睇叮噹就想食佢個豆沙餅.
[版主回覆09/22/2008 15:34:00]係啦, 我仲未解決這個問題.......即一食不了那麼多........人家日本果子店的鬆軟到無比呀!!!
它是叮噹燒餅呀, 叮噹的真名 Doraemon就是銅鑼右衛門呢!.......怎麼妳也識叫叮噹:p