柳川三百年鰻魚飯店 - 本吉屋, 我出發前已嚷著吃了........
![](http://lh4.googleusercontent.com/-yqfdzmnanHI/UoeBbdRbnlI/AAAAAAAAETI/oAFvxsfe7_U/8YNFE1xUHLAoDURVmXQKAA.jpg)
下了船, 也不知那裏找, 總店好像離這裏好遠.......行著行著, 呀, 原來面前就有一間小分店.........
小小的數張座敷式的桌子, 我最喜歡了, 可以脫了鞋大刺刺的坐下, 還要是在臨河的窗前, 還有, 六七張桌子, 只有一台客------我倆包廳!
先別急, 喝一杯茶, 看看船仔, 吃一個酢物 - 燒鰻魚淋上醋汁, 很醒胃呀!
![](http://lh4.googleusercontent.com/-mfumlG6hpmc/Uojdz2mIEYI/AAAAAAAAUJI/3XKBHARFjLg/EbJ5rBckCjeSUcJb.2.tAQ.jpg)
![](http://lh5.googleusercontent.com/-T3gEn3WdAkM/UojiFyphVOI/AAAAAAAAVfc/jhcXUyB1b0g/kmY7g19PNAqRV3UI51apyw.jpg)
主菜到了, 本吉屋的蒸籠燒鰻魚飯, 用三百年的配方, 調味的不是糖而是"大松下飴", 鰻魚先燒, 連飯再蒸, 鰻魚入味香甜而不太肥, 飯才是精華, 粒粒滲滿醬汁, 晶亮又肥嘟嘟.
慢慢的吃著, 看著, 感受著, 不禁說句 : shiawase!!
![](http://lh4.googleusercontent.com/-z0LXe37_2dU/UojafHQDNvI/AAAAAAAATWo/yN9-EzO9x9k/_1T2AghkZnzjpdDFdDKp5A.jpg)
看, 店子小小多雅緻.
![](http://lh4.googleusercontent.com/-iYAuv0OqxQE/UohcyFeDbaI/AAAAAAAALHQ/D5d74i1bdV4/gyxJ1AOFWXqdAL0Nu2qBXw.jpg)
------------------------------------------------------------------------------
有一點不說不快...........
日本的餐廳, 多數是小桌數張, 什麼時間, 都不需要什麼排隊等位拿飛仔等叫號, 行入去就吃, 包廳也試過好多次, 不是偶然, 好多時都係;
回到香港, 無論大店小店, 貴店平店, 好吃不好吃, 都是排長龍好像等善堂派米的, 而且多數檯子密得背靠背, 一不留神會夾錯隔離檯的菜............我們都說質素都被租金和飲食集團吃掉了........但日本城市租金不貴嗎? 日本的連鎖店更大規模呀! 真是不解.
sumimase, 說完了.
-----------------------------------------------------------------------------
吃完走出來, 太太說, 旅遊書上見到一間好雅緻的紅茶館, 去囉去囉.......好, 再來一個下午茶 - take two!
![](http://lh4.googleusercontent.com/-KYCtekO2W9c/UojWPGZPfNI/AAAAAAAASCs/M7bQqFpEcXY/1gZDGgbh2yivbBXGVtLQxg.jpg)
就是這臨河的小店.......紅茶之店River Flow, 好別緻, 走進去, 登上二樓.......
![](http://lh3.googleusercontent.com/-zteB92n9bu0/UoeOAyhgbJI/AAAAAAAAHrE/L8kMYwzZGpU/sF3UEGNSvd9xYd9TgxRJvA.jpg)
.......又是包廳, 那時是下午4:30, tea time呀!
![](http://lh4.googleusercontent.com/-UDZODr7zahs/UomXARchibI/AAAAAAAAWE4/GH9J-Z9HAPA/QwfpCnk4SSNoZavY8dPz7Q.jpg)
就算全滿, 也是4檯客, 真是無話可說了.......
![](http://lh3.googleusercontent.com/-IxTzw2dp-E0/UomasJEt0wI/AAAAAAAAXZ0/6qnDx_KlB_8/tt2Fv.NL6_DIj7DDQm1rPA.jpg)
拍不釋手的是這個貴氣的杯碟, 一杯Assam, 份外好喝......
![](http://lh3.googleusercontent.com/-Uw5UISfVN0A/UojZkITmPOI/AAAAAAAATEg/Sl2jXWF2jP4/8EHXkjGc3w7nNS2ltRvAxg.jpg)
日本另一個我最愛的, 是他是雪芳之鄉.......無論大少tea house, cafe, 餅店, 都見到靚靚的雪芳, 全世界其他地方, 都沒有了.
純味雪芳, 21cm模子, 頂部cut平的.......很鬆軟, 充滿蛋香, 不過稍嫌不夠潤......(haha扮晒嘢), 但輕輕蘸點6成打發的鮮忌廉, 又香又滑......雪芳配忌廉是最恰當的, 不吃忌廉是損失.
![](http://lh5.googleusercontent.com/-cfIsOTGMQSo/UomXPDPD40I/AAAAAAAAWKc/qJyFKMac4j4/RQtaNl2W1QVilPLLOXb3Hw.jpg)
太太的士多啤利茶, 好香呀, 杯杯和士多啤利都是心型, 多細心........
![](http://lh6.googleusercontent.com/-G5UkdkVW68I/UomZ8zzJ06I/AAAAAAAAXJ8/uEjii1jWh2U/ru9sdUbv7GuD4g54qrp.vA.jpg)
日本這兩年大熱卷蛋, 這個士多啤利卷真好吃, 糕身很潤, 裡面不是忌廉而是吉士醬, 加上鮮士多啤利, 那份感覺, 不是好吃可以形容, 怎說好呢.........
不禁說句 : shiawase!!
![](http://lh4.googleusercontent.com/-7gJ4TITWrTY/UohQoVgqr0I/AAAAAAAAH_Q/Ed07yRX_8J8/2fnG9iMr9GTKOrrM8W7tJA.jpg)
下樓, 發現原來臨街有一個小角落, 骨子到不得了, 坐在這裡下午茶, 哇~~~
我有少少鍾意左佢..........
![](http://lh3.googleusercontent.com/-MCTpW5lTvIE/UomW1Yiw3WI/AAAAAAAAWA0/XUMLxX01CMw/QRY880F1mSmmZBoFFDGJkA.jpg)
本吉屋 - 元祖店, 沖端店
http://search.loco.yahoo.co.jp/search?ei=utf-8&rkf=2&property=%E6%9C%AC%E5%90%89%E5%B1%8B&p=%E6%9F%B3%E5%B7%9D%E6%9C%AC%E5%90%89%E5%B1%8B&q=%E7%A6%8F%E5%B2%A1%E7%9C%8C%E6%9F%B3%E5%B7%9D%E5%B8%82&areacd=40207
紅茶之店 river flow
http://tearoom-riverflow.com/index.html
個心型杯真係好靚呀!
回覆刪除係咁靚的環景, 你有無唱首情歌比你太太聽呀!
[版主回覆04/15/2010 15:58:00]唔好喇啩, 咁破壞環境, 實比人踢出去, haha
鰻魚飯超靚 ! 雪芳蛋糕似乎不及你濕潤 ! 心型杯好美呀 !
回覆刪除好幸福啊。
[版主回覆04/16/2010 07:52:00]當時真係有d不相信, 可以那麼地吃下午茶, 明明之前一兩日仲係捱緊騾仔好殘的呀~~~
好別緻的Teahouse!我有多多鍾意左去日本旅行啊!
回覆刪除[版主回覆04/16/2010 07:39:00]日本的小鎮好多時都找到雅緻的茶屋/cafe, 又有蛋糕吃, 想起都開心呀!
卷蛋, 好精緻~
回覆刪除[版主回覆04/16/2010 07:40:00]很享受日本的雅緻文化.
moon哥, 點解日本每一個角落既風景都咁雅緻同吸引既 ..... 日本人真係好細心,用既高級餐具真係令人窩心 。 連杯杯都係心型簡直無敵...... 咁岩你有食士多啤利卷,人家做的真係回味無窮~! moon哥moon嫂會唔會唔想返嚟香港呢? 請問呢個係咪真人嚟架?
回覆刪除[版主回覆04/16/2010 08:01:00]呢個, 當然係真人啦, 他會行會走仲會撐船呀 haha, 他收工了所以把船拉埋一邊.
日本呢, 吃東西除了吃, 還有很多周圍環境, 餐具, 招呼, 誠意........一籃子的享受, 可能就係文化吧, 第二處冇咖.
哎, 如果我有錢有時間, 我希望用一個月慢慢玩......可惜兩樣都用完了.
好感受到你地當日既悠閒~~~ 好同意係香港食野既感受!!! .....
回覆刪除[版主回覆04/16/2010 08:06:00]日本都係一個人口密集和高消費地方, 點解香港會係咁嘅呢.........一個冇乜空間的地方, 係好難和諧和有創意的, 香港條件唔差, 點解總係好次"用到盡"呢........算啦, 都係有機會就去吓日本啦.
你今次飛係咪都未有直航?
回覆刪除我收到風5月後KA又有直航啦!
[版主回覆04/16/2010 13:14:00]係啦, 冇晒直航, 要經台北, 仲耐過去北海道.......九州咁熱門, 應該要直航啦, 希望下次有啦!
很雅致的地方................
回覆刪除[版主回覆04/16/2010 23:41:00]好享受呀!!!!
好寫意呀....moon 兄,真你識嘆
回覆刪除[版主回覆04/16/2010 23:42:00]歎係人的本能呢!
嘩!!!!!!!!!! 用 shiawase!! 形容真係最貼切.
回覆刪除[版主回覆04/16/2010 23:48:00]係呀, 每一次好歎的時候, 都找不到更適合的.....不只是好食, 又不是快樂, 又不是興奮, 只能說句........幸福呀!
a moon, 我想話呢...睇見你影嘅食物相,我都要講句:幸せね。 其實我唔多好鰻魚,但喺就非常鐘意佢嘅燒汁,跟日本米一起食,是極品,看到第一張粒粒蘸滿醬汁的米飯,我...吞口水喔! 日本人就喺咁有心思,咁得人歡心,睇見心形嘅茶杯,有邊位女士不心動吖! 雪芳可以喺日本佔一席位,確實喺難能可貴。我都唔明香港有名嘅餅店為何唔將佢列入其中一款,喺因為賺錢唔多?抑或...唉~~~ 其實要做好一個有質素嘅雪芳,對我而言...一啲都唔容易呢!
回覆刪除[版主回覆04/17/2010 00:02:00]鰻魚飯雖好吃, 都由自可.......下午茶和cafe才是精華呢.........妳說得對, 日本go han也是極品, 粒粒煙煙韌韌肥嘟嘟.
雪芳係美國發明, 可是在原產地已消失, 幸好在日本發揚, 我想, 是因為日本的飲食文化, 很接近禪的簡單, 原味, 雅緻.......實在太好了........中國飲食文化崇尚複雜, 多味, 有看頭......美心也有雪芳呀, 不過一來它做得不好, 二來香港人也不會吃很久, 好快會厭..........
日本的商店, 一味只賣castella, 只賣一款芝士蛋糕, 只買烏冬, 只賣炸豬扒飯., 只賣雪芳蛋糕......中式的店子, 是不可能的呢.
有靚靚茶杯裝住靚靚 嘅茶,再 加件靚靚 嘅 卷蛋,真係好幸福呀!
回覆刪除[版主回覆04/17/2010 14:58:00]真係好似發夢呀, 明明前兩日仲做到一隻D咁, 點解可以咁幸福..........
我上次沒有你好彩...明明已在網上check了不是那天休息...去到也closed!!!!超失望
回覆刪除我也有寫遊記架..
[版主回覆04/17/2010 14:59:00]一期一會..........真的好講緣份, 下次有機會再去啦!
我們也是吃這家大吉屋味鰻魚飯的確很不錯,可惜要趕行程沒有享受柳川茶室,看你嘆茶食cake真夠寫意。下次都要叮囑老公將行程編排得輕鬆一點,讓我們有足夠時間去細味寫意旅遊的真樂趣。
回覆刪除[版主回覆04/17/2010 14:48:00]hehe, 多去幾次啦, 咁就可以輕鬆d了......(我都好想呀, 發吓夢)
係香港食日本野, 我一定會叫鰻魚飯或壽司, 因為I LIKE EAT
回覆刪除[版主回覆04/19/2010 14:56:00]我都喜歡鰻魚飯, 其實日本東西我大部份都喜歡, haha
優優悠悠的行吓食吓,好享受啊!
回覆刪除係囉,日本都係一個人口密集的地方,點解可以有悠閒的角落而香港就沒有呢?
[版主回覆07/02/2010 11:35:00]係呀, 日本要旺有旺, 要靜有靜, 香港呢, 鄉村沒落, 城市膨脹, 可能係香港的經濟太狹窄, 只係旺地產和金融啦........冇晒小生意咁滯.
你好呀 我plan緊8月去九州旅行的~ 我想問下river flow離站係咪好遠架? 同埋柳川呢個地方, 多唔多特別的景點行呢?
回覆刪除唔該你呀
[版主回覆07/02/2010 11:32:00]係呀, 都遠呀, 不過如果乘柳川船仔呢, 下船處就好近本吉屋鰻魚飯和river flow呢.....柳川最得意的係船河, 另外d小店子, 小鎮風味
咁我想問下船仔係咪1500yen一個人呀? 因為我打算唔坐呢, 如果行係咪都好遠呀? 唔該你丫
回覆刪除[版主回覆07/02/2010 21:15:00]忘了價錢了, 因連shuttle bus套票買, 如果不坐船, 係行好遠呢.
蛋糕好吸引,月尾去九州希望都可以食倒咁正既cake
回覆刪除另想請問在九州有冇見過烘焙材料工具店?
[胭脂迷回覆08/11/2013 23:38:49]謝謝你回覆,
咁唯有網購啦
[版主回覆08/11/2013 12:05:54]在柳川,紅茶之店,西鐵柳川站坐船仔到終點,才可找到。
九州沒發現烘焙用品店啊
[版主回覆08/11/2013 12:05:38]在柳川,紅茶之店,西鐵柳川站坐船仔到終點,才可找到。
九州沒發現烘焙用品店啊