天氣回暖, 又見到超市有日向夏(Hyuga natsu)出售.
日向夏, 是宮崎縣特產的一種柑, 與其說是柑, 它更接近柚子, 其實它並不太好吃, 皮厚, 汁多但不太甜, 不過倒是很香很香,
好, 買兩個來做雪芳蛋糕.
![](http://lh4.googleusercontent.com/-ethDt4mQD_A/Uoha5KK7G8I/AAAAAAAAKfo/B4KIhdYA9II/PtpoMXIVkMG_w1maNL22pg.jpg)
A. 蛋黃 55g 糖20g 油30g 日向夏汁50g(不足便加水) 皮茸1個
B. 蛋白120g 糖40g
C. 低粉75g
![](http://lh5.googleusercontent.com/-weo4H44cITM/UomZ1yAoObI/AAAAAAAAXH0/im4ew36rUJU/rcY6sJSS4j5mDSBAodi5Gg.jpg)
A材料逐樣加入, 座暖水仔細打勻
B打至企身軟滑
B和C交替拌入A中, 入模170度焗40分鐘, 待涼脫模.....很鬆軟潤滑, 香噴噴.
![](http://lh4.googleusercontent.com/-fG581WD_NII/UoeNmTUr_nI/AAAAAAAAHi0/pr7Wz_dAchE/lUjJvRZe90kcvObCP9OiJw.jpg)
可是仍有一彎凹陷, 好像嘲笑我 : 快D換爐啦!!! 收到
![](http://lh3.googleusercontent.com/-BNSUMLSCOXw/UojZz0OXPLI/AAAAAAAATJo/FB96cuILAEw/8mJs5I79.i2PX8yrROlkFg.jpg)
味道如何? 好吃嗎?
回覆刪除[版主回覆03/19/2010 07:47:00]好香咖, 又軟滑.
係咪喺 citysuper買架?
回覆刪除[版主回覆03/20/2010 08:49:00]在一田超市買的, 那裡的日本水果款式好多咖. sogo都有得賣, 那裡的柑款仲多呀!
你咁樣講,咁!即係會換硬焗爐啦!
回覆刪除[版主回覆03/19/2010 07:52:00]係呀, 所有實驗已做過, 係時候做埋最後呢個實驗了.
有冇好爐介紹呀?
我有好多柚子汁, 改用呢個食譜試下先, 多謝分享食譜.
回覆刪除[版主回覆03/20/2010 08:50:00]可以呀, 仲香呀, 不過我用咁酸的材料, 個糕實凹到阿芳都唔認得.........
我有好多柚子汁可以改用, 多謝分享食譜.
回覆刪除我看過很多blog 友們寫的日誌說'日向夏' 酒是多麼的好飲. 原來在香港都可買到'日向夏'柑. 你還用它們做了又香, 又軟滑雪芳蛋糕. 好叻喎.
回覆刪除[版主回覆03/20/2010 08:52:00]我冇喝過柑酒呢, 第日d喜慶日子買番支和家人試吓先, 我估真的很香.
hahah.... 我剛做左班蘭雪芳.... 都係一邊凹左.....
回覆刪除但係我個爐新咖.... ....
[版主回覆03/20/2010 09:12:00]咁睇來應該係爐的問題, d溫度分佈不適合做雪芳蛋糕,
我都係換左呢個爐, 當時又換埋模, 才開始出現凹糕呢!
好奇怪, 我用紅外線溫槍, 個爐溫又幾正常, 蛋糕又上色得靚, 唔知那裡出現問題, 所以我遲遲冇換爐, 怕白換.
搵啲藉口換爐
回覆刪除食唔食得出日向夏既味道架
[版主回覆03/20/2010 09:14:00]冇法啦, 我都唔捨得.........最好朋友有roller grill, 比我試一次了.
好香呀, 當然加了蛋, 不是成個柑放入口咁啦, ^_^
我等緊你換爐之後死跟架, 所以我暫時唔會再整戚風住 ! 快快.....................快 d 去睇爐啦 !!!
回覆刪除[版主回覆03/20/2010 09:16:00]我都plan緊咖喇, 收集多d經驗先, 怕白換了.
大家有冇好介紹, 大功率家用電爐, roller grill? delonghi?..........
我噚晚終於的起心肝去試個Roller Grill,買咗咁耐E+至試個爐係咪好懶呢 ?! 第一擊簡單D整白吐司咋~ OK喎~ 只係嫌佢無內罝燈jack~ 聽日第二擊試雪芳
回覆刪除[版主回覆03/20/2010 08:48:00]好呀!!! 我都考慮緊roller grill, 妳用的係幾大容量呀?
有冇新爐和作品的靚仔相睇呀 ^_^
你的雪芳要焗四十分鐘但又不見太燶. 若用我的爐一定會變非洲雪芳.
回覆刪除[版主回覆03/20/2010 09:18:00]係呀, 我個爐火力好溫文, 30分鐘係唔得........用溫槍check, 爐溫又冇問題........好奇~
不是參加選美,外表唔重要,最重要是好味道,
回覆刪除我應徵做你家的大口仔,長做長有…
[版主回覆03/20/2010 09:58:00]外表都重要呀, 色, 香, 味, 美, 平面都係基本要求, 所以唯有都係換爐.........delonghi現在係祖國貨, 靠唔靠得住??
呢個份量係咪做6"模呀?? 我做嗰啲唔爆, 只升高, 點解??
回覆刪除[版主回覆03/20/2010 10:01:00]要升得高, 冷蛋白, 打到白滑但係拉起成好軟好軟的尖尖, 膨脹會勁d.......
蛋糕不要爆得太勁, 爆得太勁, 縮得也勁, 不是好事.
原來已經來到香港啦!!要買....哈..
回覆刪除[版主回覆03/21/2010 09:15:00]有咖, 每年春夏都有得買, sogo和一田都有的.
你個雪紡又好似成日都凹陷喎!!! 唔通個爐真係有d問題...
回覆刪除但我曾看一本書,有講這個原因,等我看看先...
[版主回覆03/21/2010 09:17:00]係呀, 激氣........有關凹陷原因的書和網頁, 我都睇過, 也試過, 都係無效的.
又黎啦 moon 爺你,好想睇你買個咩爐
回覆刪除[版主回覆03/21/2010 09:20:00]冇錯, 心裏面已擺上日程, 以我廚房咁細, 我都係打算買roller grill中等型號........不過只係膽心買完都係凹, 咁就撻直了.
色同質地都好好, 真係可惜~~ 真係換爐!!? 真係為左雪芳?
回覆刪除[版主回覆03/22/2010 08:52:00]係啦, 連雪芳蛋糕都焗不好, 點可以接受呢?
你這個超級日本迷, 你前生緊係日本軍人 吾會嘅, 你換咗爐就吾會有陷, 亞芳會好似以前咁靚, 佢而家炸你嬌呀, 要換新居呀!!!
回覆刪除[版主回覆03/22/2010 08:59:00]可能我今世就係要報國仇, 吃他們的東西, 用他們的人, 踩他們的土地,
我翻查d blog, 第一個凹陷雪芳蛋糕就係換左新爐, 那時仲係用舊模, 當時都冇想過係爐的問題, 因為d火色好正常.......但經過幾年, 都幾肯定了.
http://hk.myblog.yahoo.com/amoon-littleworld/article?mid=166
有冇好的座檯爐介紹???
味道好清新,樣子好靚。上星期都整咗個朱海,發到嚇死人,不過就無勁縮。但面部有一層又實又硬的皮,都唔知攪咩..激死!假期有時間都試吓你個日向夏先。個名好得意。
回覆刪除[版主回覆03/23/2010 15:49:00]發到嚇死人.......!! 是成功呀! 通常朱海是發不起.......
表面有硬皮, 咁奇......通常焗得太耐, 就會有這情況.........
今次我只係用咗個台灣三能牌嘅6"雪芳模咋~
回覆刪除[版主回覆03/23/2010 15:50:00]thx呀, 我估不是模的問題, 因為我第一個凹的蛋糕是用舊模, 15cm不黏........一樣凹, 而這個模在舊爐係未凹過的.
我整左雪芳蛋糕, 有時間睇下同比d意見
回覆刪除http://hk.myblog.yahoo.com/my_wong918/article?mid=1328
[版主回覆03/24/2010 22:27:00]好的好的, 來看了
我無中空模, 用左6"圓模嚟雪芳, 唔知點解, 放涼後, 個面濕濕地咁, 仲要縮水添, 但裹面都係好細滑的......... 我個雪芳出左咩問題? 點樣改善? Thanks.
回覆刪除[版主回覆04/09/2010 13:30:00]雪芳蛋糕收縮得比較勁, 圓模係會不那麼好的........面濕濕是上火不太夠, 焗焦一點點啦.