真的很少很少晚上出外散步, 襯中秋迎月, 好! 去玩燈籠吧.
那知到了公園, 一個玩蠟燭的大人細路都冇, 四周都貼了"禁止煲蠟"的標語, 大人小孩都是玩螢光棒.........雖然帶了少少蠟燭, 算了, 都係不要那麼異相
月光失蹤, 天氣仍很悶熱, 和太太坐了一會, 便打道回家了, 雖然如此, 我都好開心呀!
![](http://lh3.googleusercontent.com/-RMO9tYaQFug/UoeERBfnV0I/AAAAAAAAFPE/lT-3blSpMbY/bvMrx5vwoqHrqNGQUs3rig.jpg)
除了自製月餅, 今年再買了奇華雙黃蓮蓉, 除了稍甜以外, 很香很滑, 除了奇華, 其他都不用吃了, 今年公家買了聖什麼月餅, 哇, 除了用"鞋", "冇蓮香", "乾", "粉"之外, 我也找不到其他形容詞了.
![](http://lh3.googleusercontent.com/-I0L5eC9GSmg/UoeCOJy_EaI/AAAAAAAAEkQ/g546bGZhwig/EIUv32m5LJQPyghBaRXUtA.jpg)
今年太太和同事去深水埗, 買了一家叫生隆餅家的金華火腿月, 各種果仁加上一絲絲火腿, 結實香口, 好好吃呀, 只有奇華金腿可以一比, 早前吃了榮什麼的金腿, 我的天, 淋patpat, 除了糖東瓜就是糖冬瓜........
![](http://lh5.googleusercontent.com/-DjEmuDlQID0/Uohrxe7HovI/AAAAAAAAOlI/p1S4oGZyqgI/V._FNa.9X6BfaCI7KZc5kA.jpg)
真的很久沒和親友一起賞月了, 小時候的情境仍很記得 :
- 大澳祖屋天階前, 開了一張木檯上面放了林柿, 芋頭, 菱角, 香蕉........月餅有各人有市區帶來過節的蓮蓉, 荳沙, 金腿, 雞油, 椰蓉, 五仁......擺幾張椅子, 人們真的賞月談天
- 一年, 表姐夫湊興拿了個二胡, 拉起"妝台秋思", "彩雲追月", 還有一首我記得旋律但從此再沒聽過, 也不知名字的小曲.......真係好中秋呀!
- 我和眾小友拿了月餅盒, 碌柚皮, 摺摺燈籠, 到處玩蠟燭, 那時沒有人禁止煲蠟, 我們也玩得有分寸, 那會像現在的青少年活像放火, 結果沒的招人禁禁禁.........連累我都冇得玩了.
- 小學時, 央得媽媽協助, 用午餐肉罐, 長鐵線, 木線轆做了兩個會轉轉轉的探射燈, 和弟弟一人一個, 好神氣呀! 紙燈籠? 只是給街上小童射破, 或者自己專登燒掉的下場.
- 中學時老遠由市區乘車入元朗, 到二姑媽的舊屋一起過節, 兩家人攀上天台賞月, 現在大家都各自住在高樓大廈, 賞月? 還是希望前面不要再起屏風樓吧!
現在都沒有這種情懷了, 幸好學了做月餅, 都有番d中秋氣氛.
中秋節快樂呀 !
回覆刪除小時候淨玩蠟燭都已經好開心啦, 依家反而唔見人玩 LU ... 個個都係膠燈籠, 走音電子音樂 ...
[版主回覆10/03/2009 23:34:00]現在的小孩都以為那些膠東西就是中秋燈籠, 連燭火咁得意都未玩過, 不知是社會進步還是退化.
(Empty)
回覆刪除[版主回覆10/03/2009 23:23:00](Empty)
你既記憶力都幾好wor~~ 小時候既片段永遠令人懷念~
回覆刪除[版主回覆10/03/2009 23:23:00]好多冇謂的片段, 才是最深的記憶呢.
我有見過菱角的,係乜東東來的?
回覆刪除中秋節快樂!
[版主回覆10/03/2009 23:28:00]
菱角係一粒黑色, 好次小牛頭的硬殼, 裏面有白色的肉, 但好睇, 麻麻地好食.
所有留言回覆都消失了........
回覆刪除[版主回覆10/05/2009 07:59:00]激氣呀, 打左好耐, 跟住冇晒!
can you see me?
回覆刪除中秋節快樂 ! 好多年都冇見過咁靚既燈籠咯, 好懷念, 更懷念香港奇華﹐奇華而家有羅省 版奇華, 蛋黃吾多漏油, 有d蛋黃仲有d乾, 冇香港版咁好食.
回覆刪除[版主回覆10/05/2009 07:58:00]外國可能找不到靚咸蛋, 香港近中國就多d貨源, 不過都唔係個個靚, 有d都好乾呀.
留不到言
回覆刪除test
回覆刪除Moon爺,你的月餅擺了幾天,是否有出現皮和餡分離的現象?(我的豆沙餡有這種情形,其他就冇事~)蛋漿有否導致餅皮粢蠟蠟的感覺?
回覆刪除今年有番你家鄉" 月球" 慶祝中秋嗎?
[版主回覆10/05/2009 08:29:00]蓮蓉就冇, 南瓜和薯蓉就有, 可能係餡中的水分未夠乾, 番焗一下會ok的, 餡料再剷火剷耐d至得.
今年都係回娘家吃吓飯咁啦, 和太太去吓街行下公園, 今年個假期都比政府食左, 冇乜活動了.
原來你都係沙田友喎!
回覆刪除[版主回覆10/05/2009 08:26:00]係呀, 都住了這區好耐了.
我都記得小時上天台玩紙燈籠的情境. 而自己的小朋友在他們小時也在後園讓他們玩過點臘燭的紙燈籠. 而我的孫兒沒有玩了, 他們的父母都不懂得這中秋的故事.
回覆刪除[版主回覆10/05/2009 08:25:00]婆婆可以買一些和孫兒玩呀!......依家連香港的小朋友都冇機會玩了, 點蠟燭就比人話煲蠟, 好似犯法咁.
中秋節快樂
回覆刪除[版主回覆10/05/2009 07:55:00]由於故障, 只好祝妳追追月快樂啦!
你都係沙田友喎!
回覆刪除[版主回覆10/05/2009 07:54:00]住吓住吓又好多年了
原來你係住沙田,唔怪得之早前約埋友人去沙田凱悅度 afternoon tea 啦! 奇華同美心 嘅月餅不 嬲都唔錯,至於聖安娜,好似我篇 blog 所講,所有 products 都 唔多掂!
回覆刪除[版主回覆10/05/2009 07:53:00]做左沙田友好多年了. 美心都ok的, 不過我很怕他的蛋黃, 不是漏油, 是流油, 好似做左手腳, 我冇買的, 不過有時親友給我吃一個.
A-Moon, 你係咪玩野呀, 我剛回應你那兩個 "test" 同 "xxxxxx" 網誌, 你轉頭 delete咗去, , 你想 呀!!
回覆刪除[版主回覆10/05/2009 07:36:00]sorry, sorry, 今次係我個問題..........係昨日y!blog壞左, 我試左兩次求其post d 嘢上去, 點知post又出唔到, 連delete都冇得delete......
我抵
今年美心嘅月餅D 黃吾多靚, 好乾, 大致上冇咁油. 睇見你那個雙黃真係
回覆刪除[版主回覆10/05/2009 07:44:00]我亞妹都係咁講........榮x仲差呀, 她的同事說 : 榮x白雙黃白"薯"蓉.......haha.
香港都唔係個個靚, 有d黃都係起"骨", 有d直頭乾的.
我都喺沙田住咗好多年喇,十隻手指同十隻腳指都數唔晒.呢條城門河我都好鍾意行架.
回覆刪除[版主回覆10/05/2009 20:54:00]係呀, 尤其是秋冬, 幾好行的呀.
奇怪!留了好幾次言都不成功!
回覆刪除希望今次睇到啦!
中秋節快樂!
[版主回覆10/05/2009 20:55:00]哎, yahoo!blog真係!!!
追追月快樂!
我今年食美 X 月餅都有勁漏油,而且鹹蛋黃好橙,原來「流油」係造咗手腳呀?點造呀?
回覆刪除[版主回覆10/05/2009 20:59:00]我覺特咖咋, 一切開d蛋黃油流出來, 不是滲出來, 好奇怪的....... 不過今年都冇親友買, 所以冇食過了.
我都有個五仁未食喎!!!
回覆刪除[版主回覆10/05/2009 20:59:00]五仁幾香口呀, 慢慢吃啦!
Happy BELATED mid-autumn festival ah! Obviously, here, we don't have much celebration... but I still ate 'ice skin' mooncake with friends!
回覆刪除[版主回覆10/06/2009 07:53:00]thanks ar, 唔怕遲, 香港就有月餅和燈籠, 和賞月活動, 外國都可以食吓月餅, 都好丫.
你好嗎?moon 哥 ,
回覆刪除遲到了兩天的祝福呀~~~!
祝moon哥moon嫂團團又圓圓! ("吔鳴"常常考人家的耐力 , 等到今日先可以出日誌........ ) 看了小三月餅後, 自己整月餅,真係好食好多! 榮發的白蓮蓉真係好好味 ! 街買的話,我都鍾意食奇華。 原來moon兄是沙田友, 我之前住了大圍也好多年。 田心村都有中秋晚氣氛喔!
[版主回覆10/06/2009 07:56:00]唉, y!blog........
係呀, 自家月餅可以選靚的料, 好食呀, 不過都唔易整得靚呀, 好考功夫.
沙田都幾好住呀, 我都住過大圍那邊, 不過現在越起越多高樓, 冇以前咁多山景了.
moon哥,你講得岩, 整得靚真係唔易呀~~~~ 家爐夠大火但唔夠風,啲色都唔夠均稱 要睇火同調溫........
回覆刪除[版主回覆10/06/2009 21:10:00]繼續努力, 明年再玩, 一年一年的試, 一定有進步的
係呀!美 x 真係唔掂,奇 x 香好多。
回覆刪除中秋節快樂!
[版主回覆10/06/2009 21:12:00]冇錯, 這幾年我吃榮話, 恆鄉, 連香, 尾心, 最後都係只買棋華, 其他都係免了.
以前落街賞月要一早霸位, 依家悠悠閒....都係霸吓霸吓熱鬧d...
回覆刪除[版主回覆10/07/2009 13:44:00]靜d都好, 不過係冇人玩蠟燭.
好浪漫bor 。 可能以前無乜活動, 記得細時在迎月夜已經好多小朋友攞住自製的牛奶0麥, 月餅盒, 柚子皮燈籠通街跑, 好好玩好熱鬧架 , 玩足三晚架。 而家過節咗少啲氣氛。 早幾年我老公都用牛奶0麥整探射燈俾仔仔玩, 佢哋好開心喺公園推住個轉來轉去嘅燈籠, 成街人驚訝地望住佢哋, 佢哋不知幾驕傲 。
回覆刪除[版主回覆10/07/2009 17:24:00]係呀係呀, 碌柚皮, 月餅罐, 探射燈........妳用什麼做個輪呀???
以前住鄉村, 加上那時玩蠟燭不像現在那麼像犯罪, 玩足幾晚, 好好玩呀, 我地玩得好投入但係好有分寸, 玩左十幾廿年都冇燒傷, 冇法啦, 依家世界不同了.
個輪喺係五金舖買個膠碌。以前資源小, 小朋友嘅創作力豐富得多, 乜都可以玩一餐。
回覆刪除[版主回覆10/08/2009 12:34:00]係呀, 當年係用木線碌做的, 現在冇木線碌, 原來在五金舖買膠碌, 又得!
" 不是漏油, 是流油 " 咩意思?
回覆刪除[版主回覆10/09/2009 20:59:00](Empty)
" 美心都ok的, 不過我很怕他的蛋黃, 不是漏油, 是流油 , 好似做左手腳, 我冇買的, 不過有時親友給我吃一個 " 你自己個回應 嚟 o架 !
回覆刪除[版主回覆10/10/2009 08:43:00]就係有d油"流"出來, 不是"滲"出來啦.
哦,明白你意思啦! 你下次整金華火腿月啦!
回覆刪除