離開西方國家, 正式踏入東歐國家 - 捷克
其實這裡也是歐盟成員國, 舊有的關卡已停用, 車子直行直過, 但很有趣的是, 三數小時的車程之遙, 這裏已經用不同的貨幣(捷克克朗), 也用不同的語言.......所有路牌都像外星文. 例如出口, 英文是Exit, 德文是Ausfahrt, 捷克文變了Výjezd.
在德國, 德語和英語同系, 還能猜到兩三成, 一過來捷克, 斯拉夫語系的捷克語真係完全估不到了! 歐洲就是這麼奇怪的一片土地.
![](http://lh3.googleusercontent.com/-5aG_LawfPX4/UoeLdkCZwDI/AAAAAAAAG1c/C0SbFSCg_no/MUi0NDiVxGVSyVCpmTMwvQ.jpg)
車子在波希米亞平原上奔馳, 年青時已聽過的捷克作曲家Smetana的My Fatherland漸漸在腦海裏浮現......
曾經幻想和嚮往過遼闊的波希米亞平原, 一生中真的可以到達, 感覺有點不真實......
![](http://lh5.googleusercontent.com/-ca2QcIh4pJE/UohuTALQGyI/AAAAAAAAPaU/APrj-txcg7w/tKe1dr0JYwvCKlPCoEdLzg.jpg)
Karlovy Vary意思是"查理溫泉", 相傳是神聖羅馬帝國及波希米亞王查理四世一次打獵時發現的(Karlo, 就是英文中的Charles), 好漂亮呀, 沿河兩岸都是漂亮雅緻的商店和旅館.....
不少名人也曾來這裡渡假, 包括歌德和貝多芬......
![](http://lh6.googleusercontent.com/-oe8MenyftLE/UojgzWrQfNI/AAAAAAAAVF0/QlIvCxDMhC8/eHCyds8Zxzav5AllLfltXA.jpg)
阿伯賣的溫泉威化餅, 試吃過, 和日本有馬溫泉的碳酸仙貝是同一樣的, 多謝了阿伯.
![](http://lh6.googleusercontent.com/-9HwyTgCeAJY/UomXLsnesyI/AAAAAAAAWJI/GAiLMnWfQCU/RKIaQhFbnOl20IU67uuhvA.jpg)
Karlovy溫泉不像是日本的風呂溫泉, 而主要是醫療和飲用的溫泉,
那裏建了三個溫泉走廊, 這是其中最古老的羅馬溫泉走廊.......
![](http://lh6.googleusercontent.com/-ZMhB-EPSIc0/UomYSp7CuHI/AAAAAAAAWkk/NPICQE73evs/m53h38mCll3EtzZm2qc7Nw.jpg)
買一個漂亮的溫泉杯, 沿著走廊行, 每到一個泉眼, 便盛一些溫泉水, 慢慢啜飲, 聽說有益身心.......
![](http://lh6.googleusercontent.com/-EB2OoYPxeSo/UohdFSqohHI/AAAAAAAALNc/cfWEGpTVbpg/joA_srawtubcuGPV3rhC7A.jpg)
![](http://lh6.googleusercontent.com/-vFxBmrdtGZc/Uohb35XmBeI/AAAAAAAAK1I/8hCMGkGflO4/ZxW8Dz.ua.3oV8rmqolu2w.jpg)
水是鹹鹹的像蘇打水, 50多度滾燙的, 是不是有益我不知道, 不過這麼他條的喝喝行行, 一定有益身心啦!!
![](http://lh4.googleusercontent.com/-8ElVQiA0rx8/UoeEXQw7rHI/AAAAAAAAFRI/NqQOQVBwGo8/cTjWK7ciLiSIxSLAI21DGA.jpg)
一匹馬車在華廈旁走過........
![](http://lh6.googleusercontent.com/-Iuj1lnTzUsU/Uoi_zN6F67I/AAAAAAAARUk/elU8whWD3b4/uYhEgR0zH9fTmxJb217WRA.jpg)
到Grand Hotel Pupp喝一個下午茶, 更加有益身心~~~haha
![](http://lh5.googleusercontent.com/-8d2f9Fei9do/UoeFMCdNroI/AAAAAAAAFi0/NQhBZe5zTUU/iAM6hcZTFT7NOik6CDp08g.jpg)
當天的午餐, 在一間很小巧和地道的餐廳, 吃雞扒, 配歐洲飯, 哎, 這些飯真是......好歐洲!
![](http://lh3.googleusercontent.com/-19A7bGCkQ68/UojZaL-W_SI/AAAAAAAATBY/UNGaCfFtt4c/7pzC7zmQ5RIQhtBAOoMzpQ.jpg)
外國的天空特別大特別藍!
回覆刪除[版主回覆08/20/2009 14:47:00]冇錯, 他們沒什麼空氣污染, 又沒有高樓高山, 所以天空很大!!! 澳洲的天空更加是大到無邊!
為什麼會拍得這樣美呀 ! 簡直不能接受 !
回覆刪除[版主回覆08/20/2009 14:48:00]冤枉呀, 這裡只是隨手一拍, 已經是這樣呢!
見到外國的環境咁靚,有點越來越想退休去外國住﹗
回覆刪除[版主回覆08/20/2009 14:55:00]無錯, 歐洲, 美加, 澳紐都是這樣, 環境令人羨慕, 尤其是不太大的城市最好.
不過那裡沒有蝦餃腸粉, 油雞叉燒, 乾炒牛河喎.......
.....只係加拿大和澳洲的某幾個城市例外.
嚮往呀.
回覆刪除[版主回覆08/20/2009 14:57:00]第日一家人去吓啦!
都幾識搵$喎, 要買杯才可飲水, 不過又幾特別. 那杯三色飲品是什麼???
回覆刪除[版主回覆08/20/2009 15:11:00]水是免費任人盛的, 我見有些遊客是拿個膠水瓶盛水呀, 不過我覺得買個靚杯, 邊行邊喝過癮d, 膠瓶嘛.......
三色的是Latte, 下面是深淺色咖啡, 上面是牛奶, 好靚, 澳門安德魯都喝過, 更多層呢.
地大人少環境佳!是人間〝天堂〞。香港人只有旅遊才可享受到。不!在香港周邊的離島、也是人間仙境。它正等待開發!
回覆刪除誠心向您送上祝褔:健康、快樂、心想事成!
[版主回覆08/20/2009 15:14:00]謝謝呀!
香港的郊外和離島的郊野公園都好出名, 以山水美景見稱, 近年來日本人和一些外國人也來香港行山呢, 我都好喜歡行山, 希望大家會珍惜這一切.
嘩!呢度真係好靚呀. 我都好有興趣那杯三色飲品係乜呢? 果d飯好"旱"咁, 係咪米唔靚兼唔識煮飯呢?
回覆刪除[版主回覆08/20/2009 15:21:00]呢度係渡假勝地, 不過呢, 如果有埋溫泉懷石料理, 就值得住一晚了.
哎, 呢d係西人飯, 他們係咁樣的, 我估米種不同, 也可能是用steam的方法啦........叫他們吃我們的飯反而不慣呢, 但可能他們的餐廳覺得我們是中國人, 所以有不少餐都係用這種飯伴碟........噢.
之前我都去過.小鎮雖不大,但很美麗和精緻.
回覆刪除[版主回覆08/20/2009 15:35:00]係呀, 真係好精緻, 有點像瑞士的度假小鎮, 如果有埋好東西吃就更吸引了.......妳明白我的意思, 即係日本的溫泉小鎮........我估我都係不適合吃扒啫, 喜歡吃扒就好好多.
我都覺得第一張相很美. 看來不論那個地方, 只要是旅遊區就大多有馬車.
回覆刪除[版主回覆08/20/2009 15:37:00]那天天氣係好, 心情好靚, 美景看完, 我第二件事就係找, 有什麼精緻好吃的.......
.......馬車是遊客的玩意, 我覺得看比真的乘車更浪漫.
好悠閒呀!我想要退休才有時間去呀!
回覆刪除[版主回覆08/21/2009 21:28:00]等女女大了, 便可以去了!
捷克同波蘭, 係兩個好特別同好想去探訪嘅國家 !
回覆刪除[版主回覆09/02/2009 08:23:00]捷克這三處地方都好值得去, 波蘭應該都好特色, 今次冇去呢.
好靚~~~~好靚~~~~好靚~~~~好靚~~~~好靚~~~~ moon哥影到好似poster一樣....... 未去過呢度,睇完啲相,解吓癮先!
回覆刪除[版主回覆09/04/2009 08:08:00]有機會去吓, 現在東歐團很多時都會去這裡呢!
實在太美! 我從來未去過歐洲, 真係靚到吾識形容
回覆刪除[版主回覆09/05/2009 08:23:00]歐洲係好靚好靚, 好彩冇啖好食, 否則真係大件事. 妳那邊山水都好靚, 又多嘢食, 係冇呢d古董董的屋啦