飲茶, 感覺總是等位, 坐幾個鐘頭, 看報傾計, 吃吃普通的點心, 普普通通.........消閒而已.
太太很喜歡飲茶, 我地自從到過澳門前凱悅酒店的"悅荷坊"......一碟能企得起身滑滑的蒸蘿蔔糕.......一個真的千層的蘿蔔絲酥........精美的點心加上一片窗明几淨外的小荷池, 方知飲茶的樂趣.
可惜幾年前, 整間酒店也結業了........很失落, 之後一鼓作氣試了不少酒樓, 可惜總沒有一間令我們一吃再吃, 比較好的"凱悅軒", 也隨著酒店結業了.
![](http://lh6.googleusercontent.com/-LYrcm_egY6A/UoeFLmzoMiI/AAAAAAAAFiw/FOuOOrja_uY/i6SfDZsPjZDUEoF0txwhXw.jpg)
近來聽說凱悅在大學站開了新酒店, 中菜餐廳有點心吃, 太太說一於去試試.
窗外一片青綠, 酒樓的環境真的很不錯呀! 裝修, 擺設也很有心思........全開放式廚房, 很整潔, 只是食物呢.........eer
![](http://lh3.googleusercontent.com/-pFLNFpfP8OM/UojV_DraS2I/AAAAAAAAR9c/mX1J0i7Twbk/1CBiKBkZrA.Zsg33gPnbaA.jpg)
![](http://lh5.googleusercontent.com/-fUnNchVHEB4/UohTU-TtCOI/AAAAAAAAI7U/Rohd6HfJ-8Y/MkoZrrdN_KtHbMY6P__2Yw.jpg)
![](http://lh4.googleusercontent.com/-9wK39PZz09o/UohkWyZANXI/AAAAAAAAMbI/2KqSCNLYv40/VFnVcjdC3LCieUtrXRrpOA.jpg)
叫一碗牛肉蘭州拉麵, 師傅即席拉.......
![](http://lh4.googleusercontent.com/-hK4ZGZMqxpQ/UohbABKTodI/AAAAAAAAKiA/etyQ3cJT_5U/Qk5TchOi14q7kYULXuja7A.jpg)
吓, 怎麼吃起來淋淋的像袋裝"生麵王"........我在廣州一間小檔子吃過一次, 印像中很煙韌喎..........牛肉就很不錯.
![](http://lh4.googleusercontent.com/-uA5WhqhmjGM/UohR6bSiDNI/AAAAAAAAIcI/qNbHMIAmhYA/C5Lkn0.9dD4Qq2usfr8NBg.jpg)
點心都只是像個樣, 但吃下去, 叉包太"泡", 散散的, 蝦餃裏面的蝦太細粒, 一咬, 有些類似帶子碎的粒粒流出來, 哎不對勁呀..........其他如鳳爪, 咸水角, 煎蘿蔔糕, 都是收貨而已........
![](http://lh6.googleusercontent.com/-WrpJ2opgMCw/UohtshU7ubI/AAAAAAAAPOE/kQ48g7QS1yA/nmiRhlKIDNy1_r2Pg_hGXQ.jpg)
見到.....panna cotta......吓! 山楂!? 好, 一定要試, 太太笑我又要比併.......係呀!
![](http://lh4.googleusercontent.com/-dTwRMnlKhDE/UohRuqbJSiI/AAAAAAAAIX0/daH2I_bVLxQ/AXOastXF2h3TkHlAnzd.3w.jpg)
哇, 又鞋又實, 還是我做的好好多, 加上混了山楂酸酸的, 和奶不夾, 其實只保留表面那層果棟是山楂味就好了.
![](http://lh6.googleusercontent.com/-gPe267k-Wgg/UohqBAQtj8I/AAAAAAAAN-Q/xK6MlWyAXDU/AxImzHpzuzYwoXNH3hD_Rw.jpg)
講環境的我, 都覺得這裏不錯的, 但太太說, 不用特別再來了, 我都覺得係! 我們談起, 怎麼澳門的頂級點心師傅, 總好像比香港的好一點.
令我們叫好的, 只剩下金域假日的龍苑酒樓, 可惜說到環境, 是在地庫......
香港, 那裏可以找到令我們心思思的飲茶地方?........又令我懷念起"悅荷坊"和溫哥華的"麒麟"了
哈....自己鍾意整甜品, 到街外食既時候有時都會同人地果d 比併吓~~ 有時真係覺得自己重整得好食過佢地~~~ 尤其一d酒店, 佢地既甜品真係......
回覆刪除飲茶我都鍾意, 大學站既凱悅我都想去試吓 (之前), 而家睇完你既評語... 唔駛去食...中餐啦~~~ 西式唔知 O 唔 OK 呢??
[版主回覆06/03/2009 10:25:00]咁又冇咁叻, 其實我只會做一些簡單的甜品.
Hyatt Shatin, 其實又不是太差, 環境和服務都好好, 食物呢, 和我記憶中最好的比, 係有d唔公平的, 妳可以去試吓呀!
唉, 其實你有咁多選擇都已經吾錯喇, 比起我地這些移民.......唉......
回覆刪除[版主回覆06/05/2009 10:50:00]咁又係, 不過其實我食來食去, 都係嗰幾間, 店子多, 選擇少.........
當年去澳門凱悅,多數食西@ Flamingo。
回覆刪除[版主回覆06/05/2009 10:51:00]係呀, 我地都有幫趁Flamingo, 坐在池邊, 吃酸子鴨, 此情不再了.
你們飲茶相對我來說是不同,
回覆刪除我最難忘是兒時在屋村附近的茶"療"飲茶,
現在只能在大冒山的茶"療"追回少少回憶,
這些茶樓,食物新鮮,但一定要早去,
日上三杆只有少量點心,你…幾時行轉呀!
[版主回覆06/05/2009 14:44:00]不錯, 食物, 除了吃味道, 更加是吃回憶, 最美好的時刻, 吃的東西永遠最好味的.
好的, 找次約埋行友久休復出啦
太多選擇, 令你們嘴刁了. Ph講得啱, 我們每次都要勞師動眾也就不作多挑三揀四了
回覆刪除[版主回覆06/07/2009 18:18:00]對的, 和人生一樣, 選擇多不一定的幸福的, 開講話齋 : 千揀萬揀, 揀著爛燈盞 ........今次去到馬料水, 都好勞師動眾呢
.......我們的飲茶嘴刁, 全是在溫哥華和澳門培養的, 香港, 沒份的呢, 下個星期, moon嫂又提議去尖沙嘴試另一間, 不知呢