2012年2月6日 星期一

關西行2012(12) - 白濱Seamore Hotel.......寒風中的梅樽溫泉


吃完海鮮午餐, 一行人又去遊樂了!



白濱海岸有很多景點, 上次來只顧吃吃浸浸heahea, 一處都沒去過........今次有"街惰生" (弟弟也), 一於去吧!!

圓月島
(円月島)在小島的正中央有一個圓圓的海蝕洞, 已很特別......某些季節, 還會看到日落剛好落在園洞的正中央呢! 好正呀!



車子再走10分鐘, 到了"千疊敷", 意思是"寬闊的地板", 日本有很多個"千疊敷", 這個是最出名的, 不過, 咁似東平州嘅?




再5分鐘車程, 便到了聞名已久的
三段壁了, 這相傳中熊野海軍的秘密基地.......

日本人已經把它徹底旅遊化了, 建了一座訪客中心, 可以乘電梯直落崖壁下面的洞窟, 一點也不驚險......



落到崖壁底, 看洞窟中的浪濤, 那天剛吹大風, 洶湧的大浪都幾嚇人, 有氣勢呀, 不過要小心不要被浪花弄濕鏡頭 :p




洞窟裡面很大, 竟有一個小神社, 不過更似香港的廟宇, 因為神壇上不是一面鏡子, 而是真的有神像 --- 牟婁大辯財天女尊---怎解?




簽簽香油, 燃了一支蠟燭, 許的願, 一定是最真誠的 --- "祝我們常玩常吃! "



幾年前住的是白良莊, 今次弟弟說 : 白良莊太貴了, 住不起呀! (當年是7算, 今天是10算啊!!!!)

專家的他訂了Seamore Hotel, 有梅樽溫泉喎, 好呀好呀! 梅樽, 就是用來醃梅的大木桶, 聽說梅樽有梅的香味, 還會滲出梅的精華護膚........係咪真咖???

 




好喜歡這種和式的房間, 感覺好relax, 好舒服, 是洋式房沒有的感覺, 看看窗外, 建築物剛被夕陽染成粉紅色......多浪漫.

......換上夕方, 吃一件和果子, 喝一杯綠茶, 好嘆.......





晚餐要到別館的餐廳吃, 冒著嚴寒, 穿著夕方走出街外, 真係幾攪嘢

九繪亭(ku e tei).......くえ(九繪, ku e)是南紀的一種土產魚類, 有點像石斑的........好嘢, 今晚有くえ料理吃.







一道一道菜吃......
















一道一道菜送入來.......








好似吃來吃去吃不完......





不斷有驚喜, 下面兩條不是松針呀, 是炸綠茶麵, "好脆的呀, 一定要吃呀....." ..服侍我們吃飯的歐巴生說.

  



吃到くえ釜飯, 已飽到不會動了........但也忍不住吃, 即煮釜飯太好吃了.



還有咖啡奶凍, wow!!!





(以下的露天梅樽溫泉, 可惜沒有機會拍照,

這晚, 去浸溫泉......原來梅樽溫泉是在室外地方, 有三層的木樓房, 每層有兩三個直徑三米的大木桶溫泉........那晚一片漆黑, 什麼海景也看不見, 北風怒號, 天氣嚴寒, 三個傻佬, 赤條條的衝出室外, 憑著溫泉水的熱力, 一個桶跳去另一個桶, 第一層跳到第三層. 身子倒是暖笠笠, 但頭面吹到快要結冰........真係瘋狂呀!  雖然很凍, 難得少年輕狂呀......何況我是中年 :p

弟弟更輕狂, 深夜帶了弟妹門到附近的白良濱海灘吹北風, 看燈飾........我老了, 情願留在房中看日本電視, 吃零吃, haha!




第二天早上, 豐富的和洋早餐等住我, 餐廳正看到遠處的白良濱海灘......



這杯白咖啡, 雖是自助餐貨色, 但好好飲呀! 又香又醇又甘又滑........perfect的Seamore! perfect的白濱......





 

7 則留言:

  1. 好羨慕你呀! 一直都好想試呢d溫泉,但我要暑假至去得旅行,氣氛不好呢!
    [版主回覆02/07/2012 14:19:02]暑假都可以呀, 北海道都ok, 雖然不算冷, 但本州九州都不可能了, 熱死.

    回覆刪除
  2. 嘩, 睇到我好肚餓呀, 這麼多佳餚. 好喜歡您的照片, 特別第一張, 光與雲都好特別, 好靚.
    [版主回覆02/08/2012 20:43:28]我都好回味溫泉料理, 真係冇邊種菜式, 可以既高雅, 又可以碌在地上, 穿著夕方浴衣, 好鬆弛咁吃餐...........謝謝呀, 我拍的照片呢, 四平八穩咁啦, 幾寫實, 不夠漂逸 :p

    回覆刪除
  3. 感謝您的分享!祝您有愉快的一天!
    [版主回覆02/09/2012 20:50:36]:)

    回覆刪除
  4. 千疊敷和三段壁係必去景點,記得落到去d浪花都好勁呀!一個桶跳去另一個桶,咁浸溫泉好好玩。普通一杯日本咖啡都可以好滑好香,所以係香港少飲,去日本反而飲多左。
    [版主回覆02/09/2012 21:07:48]今次才去咋, 唔知下次幾時有機會去呢? haha, 跳桶呢, 真係幾刺激, 因為實在太冷, 如果天氣好又暖d呢, 就唔駛跳.......日本的royal milk tea, 都好好飲呢, 越來越喝不了港式奶茶, 煲過的茶太澀, 飲左會胃痛, 西式奶茶又太淡, 日本的皇室奶茶最好飲, 香港找不到咖.

    回覆刪除
  5. 碟碟都好精緻
    [版主回覆02/10/2012 20:07:56]令我覺得很受寵.....

    回覆刪除
  6. 當年我喺白濱坐嗰隻叫明光嘅觀光巴士,班次唔太密,所以只去到白良濱&三叠敷咋,其他巴士可以到嘅都去唔到嚕,所以揸車有佢嘅好處呢!
    [版主回覆02/17/2012 22:35:31]係啦, 今次有車車, 可以去多d地方.

    回覆刪除
  7. 路過想問問你響邊到BOOK 梅樽酒店? THANK YOU
    [版主回覆02/24/2012 13:28:55]去jalan.net, 訂過幾次都好可靠.


    梅樽溫泉ホテルシーモア的訂房網頁如下 :


    http://www.jalan.net/uw/uwp3000/uww3001.do?yadNo=348385&showSpFooterFlg=0&pointIconDisplayFlg=1&keyword=%E3%82%B7%E3%83%BC%E3%83%A2%E3%82%A2&iwf=&afCd=&kenCd=&stayYear=2012&stayMonth=02&stayDay=25&dateUndecided=1&adultNum=&child1Num=&child2Num=&child3Num=&child4Num=&child5Num=&minPrice=0&maxPrice=999999&careOutsidePool=&careBeach5=&careStation5=&carePak=&careItnr=&careNsmr=&careBath=&careOnsen=&careBathRent=&carePribateBath=&careDinRoom=&carePet=&careHighClass=&carePoint=&careSweet=&careBt=&careEsthetics=&careLookoutBath=&careSauna=&careTakkyu=&careJacuzzi=&careMassage=&careSkiRent=&careBoardRent=&careSogei=&careBrkRoom=&careDinPrv=&careBrkPrv=&careChekout11=&careOpenbath=&careCard=&careCardOnly=&careKake=&careNigori=&rootCd=7701

    回覆刪除