2012年2月5日 星期日

關西行2012(11) - 白濱Tore Tore市場 - 海鮮滿喫!!

去完梅振興館, 直飛白濱市郊的Tore Tore市場. 這是白濱市郊一個很大的美食魚市場.



自駕遊真好呀! 可以輕鬆到步......





六個人一起玩更好, 可以叫好多好朵東西一起吃!!!

日本的魚市場, 永遠是光亮清潔, 連腥味也嗅不到........這點, 香港又自饞形穢了, 想來想去, 香港的街市都係另一回事. 除了超級市場, 想到這點, 對"超市霸權"的控訴可能要反思一下. 要做到乾淨舒服, 不是大財團的專利吧.




市場內有很多副食品, 這種蜜柑jam最吸引我, 其中一種在citysuper有得賣的.




正在目不暇給, 向各種海鮮say hi之際, 忽然人群聚集在一個counter前, 呀, 原來是劏大吞拿魚(鮪)表演!!

一位靚仔哥哥手拿一把不大的利刀, 輕輕鬆鬆, 談談笑, 就把一大條肥嘟嘟的吞拿魚解體......



"這是魚鉸, 底價5000yen, 有誰競投? 冇人出價嗎?......好便宜喎.......冇人? 噢, 回收吧 !  "........haha
 
我覺得魚鉸這部份最難割, 但見哥哥仔三兩吓手勢, 便切得乾淨利落, 漂漂亮亮, 真的好專業, 好好看呀! 各位, 有冇聽過"庖丁解牛"呢?............(丫!!! 係喇, 日文中, 係叫菜刀做"庖丁hocho"的, 多古雅)



過年期間回大澳, 在街市街見一位魚販劏一條體積小一點的龍躉, 把成條大魚放在地上(實則是坑渠邊), 手拿一把類似菜刀的物體, 可能不夠利吧, 還要用一個鐵錘"dup, dup, dup......" 把大魚勉強切成一份份"岩岩巉巉"........感覺條魚死得好慘.

唉, 大叔, 你都劏魚劏左幾十年啦, 點解仲係咁???
 


哥哥仔繼續動刀, 輕鬆爽快的, 魚頭, 魚身, 紅肉, 拖羅........一件件分開, 乾乾淨淨, 靜整齊齊.......在日本, 魚也死得更有尊嚴.



很快, 那些海鮮就會變成一份份魚生.








忍不住了, 動手吧, 買買買買, 愛吃的就買吧, 人多好食作呀!




woooooow.........



拖羅呀!!!!! 剛好一人一片 :)



買左海鮮, 就可以到外面租gas爐, 別以為好溫暖, 寒風呼呼呀!!! 不過好有風味!!!

大海蝦!!! woow!!!








大蜆(蛤蜊, 日文是asari---淺蜊)!!!!







帶子(帆立貝 hotate gai)!!!!!



粟一燒(原來日文係冇呢個詞語咖, 只係香港人作的, 日文係”燒玉蜀黍”焼きとうもろこし yaki tomorokoshi)







燒蠔.......開殼開到手軟, 仲會爆炸 :p



呢個市場, 點只咁簡單, 仲有手信店, food court, 兒童遊戲處, 是一家大小消磨半天的地方......

我地呢, 吃完海鮮, 又心思思吃些甜點, 在food court的茶餐廳, 啊! 小小地方, 蜜柑雪芳蛋糕做得真好呀! 日本真好, 時時都吃到美味的雪芳, o岩晒我 :)



看到熊貓曲奇, haha, 有前, 有後, 仲有寫住"フン入り"(內有糞), 吓.......? 拆開, 真係有包貓糞呀! 真玩嘢(其實係綠茶椰子脆餅), hohoho!










8 則留言:

  1. 一路睇, 一路吞口水 ! :P
    [版主回覆02/06/2012 16:09:55]真係好好味呀! 好新鮮又大隻.

    回覆刪除
  2. 好新鮮的海鮮, 睇到我想明天去食魚生.
    [版主回覆02/06/2012 16:10:23]hehe, 咁一於去吃啦, 香港都ok的.

    回覆刪除
  3. 我都去過這市場。日本海鮮市場真係好正,見到樣樣都想食。
    [版主回覆02/06/2012 16:11:44]呢個tore tore市場都唔錯呀, 細佬說黑潮市場更好, 我未去過呢!

    回覆刪除
  4. BBQ好正呀, 我仲未試過呢, 真係要試吓啦...
    [版主回覆02/06/2012 16:13:26]其實那天好冷呀, 除了我地, 另外只有一台香港人......不過圍住個爐都幾暖......呀, 不過話時話, 如果用個火鍋白灼, 我估會更好吃呢 :)

    回覆刪除
  5. 「有燈無月不娱人,有月無燈不算春。春到人間人似玉,燈燒月下月如銀。滿街珠翠遊村女,沸地笙歌賽社神。不展芳尊開口笑,如何消得此良辰。」 元霄快樂啊!
    [版主回覆02/07/2012 19:36:52]大家咁話.

    回覆刪除
  6. 日本魚巿場啲海鮮好新鮮,人多仲可以試多幾味
    [版主回覆02/10/2012 20:08:44]香港冇呢種經驗咖.

    回覆刪除
  7. 刺身好新鮮!!!勁想食呀!!!
    一次過睇左你好多日本既遊記!好正呀!!!!
    好想去日本!!!!

    回覆刪除
  8. 真係有蜜柑雪芳蛋糕
    今日行過城市超級,仲諗住買蜜柑汁/蜜柑JAM做雪芳
    [版主回覆10/07/2012 20:41:18]幾好味呀, 仲可以去日式超市買新鮮蜜柑做呢!

    回覆刪除