2011年12月4日 星期日

冬季的聚會

到冬天了, 又是我們聚一聚的日子了.......

今次好有興趣試兩樣東西........一是試吓麵包機搓包........




原來麵包機和KM/KA好唔同, 搓包的動作輕輕的轉吓轉吓, 好像完全不用力的, 十多分鐘後, 麵團就輕輕鬆鬆搓好了. 不像stand mixer, 好大力的打到機都震.

打出來的麵團都好靚呀, 都拉到不錯的薄膜呢! 做個紅豆綠茶卷卷, 好好玩呀!

 


這隻sogo買的宇治抹茶好靚, 顏色好翠綠, 氣味又清香. 紅豆蓉是日本買回來的, 好香呀! 出奇地不是太甜.




另一個想試的是傳說中超高難度的蜂蜜蛋糕

在40度中打打打, 加了sp的麵糊好靚呀!





 


焗出來的蛋糕都算成功呀, 可惜都係有少少沉底, 呢隻蛋糕真的好難做, 不過味道好好, 很香蜂蜜味!






製作中, 來個下午茶, 今年買了個新牌子的panettone, Fillipi, 都好好味呀, 好香, 和幾油潤.

本來老友提議做panettone, 但這種麵包很花時間, 做出來的效果也遠不如意大利製的, 所以都是買來吃算了.





還有香口的鵝肝餅乾, yummy!




好友送了些有機洛神花給我們, 近年香港也有種植了........以前見一些台灣食譜有這種花, 覺得很神秘.........這個名字好浪漫, 使人想起曹植和宓妃的愛情悲劇......

沖了一杯洛神花茶, 加點蜂蜜, 酸酸甜甜顏色漂亮, 真好渴呀!






感謝各位老友不辭勞苦預備這個聚會!

12 則留言:

  1. 美味! 口水直流。。。
    [版主回覆12/08/2011 18:59:02]yummy day! :)

    回覆刪除
  2. Nice green tea bread! Very pretty color. May I ask where you can buy the red flower?
    [版主回覆12/08/2011 19:00:45]那些是洛神花, 現在香港都有了, 我見過天后琉璃街近英皇道有一個有機菜店有售.

    回覆刪除
  3. 呀, 你都煲咗茶, 我加D蜜糖幾好飲.
    [版主回覆12/08/2011 19:01:35]我用左4個, 大熱水沖就得咖喇, 加d密糖, 酸酸甜甜好味道.

    回覆刪除
  4. 去小三家玩聚會?落神花茶好飲呢!有二十幾年無飲過尼!
    你嘅new toy好玩嗎?滿意嗎?
    [版主回覆12/09/2011 20:16:52]冇配件送, 只係有幾隻槳(K字, 膠K字, 燈籠和打麵槳), 要大馬力, 就一定係KM major了, KA都係唔夠大力. 台灣yahoo blog就好啦, 唔駛變, 不過同香港y blog通唔到, 我都有台灣blog account, 可以回應妳的.
    [Tastebug回覆12/09/2011 17:54:00]喂!你都未答我有冇送其他配件呀!!! K-Mix我並冇興趣,馬力太細,不如用返KA~ x小編輯話,工作人員會去follow up~ 我響臺灣yahoo開佐嗰台,暫時乜都冇咖~
    [版主回覆12/08/2011 19:08:09]在yc家中作客呢. KM Major 系列係比較貴, 如果不是老友識得人有折扣, 我都唔捨得買...... KM仲有kMix 系列, 不過馬力只有500W, 和一般KA差不多.

    妳的Y Blog仲未得牙........耐心等??? 等什麼呢? 真係冇解......
    [Tastebug回覆12/08/2011 17:07:11]Moon爺,你的KM023有冇搭埋其他attachment咖?我有意加入KM一族,今日去逛逛,嘩.......價錢令我咋舌,可以買我兩部KA,Titanium Chef Major - $1799(有attachment), Major Titanium- $1499(冇attachment),比香港貴很多!驚尼~ @@

    回覆刪除
  5. 綠茶同紅豆果然係一對模範伉儷!……第三個係Panettone嗎?
    [版主回覆12/08/2011 19:09:48]綠茶的苦和紅豆的甜剛好配合.......那個是panettone......不過是買的, 整唔到咁嘅效果呀......

    回覆刪除
  6. 嘩!好想食呀。
    [版主回覆12/08/2011 19:10:04]有得玩, 有得吃, hehe

    回覆刪除
  7. 好正喔
    [版主回覆12/08/2011 19:10:14]:)

    回覆刪除
  8. 好想食呀!!!!!

    這些食物好吸引呀!!!!!!!

    雖然大家唔認識大家,但係我們可否做朋友呢????

    :〉
    [版主回覆12/08/2011 19:10:28]多d來探我地啦.

    回覆刪除
  9. 我個麵包機淨係用黎做全自動烘製方包, 未試過淨係用黎搓粉, 看來你們用麵包機搓粉, 自己定型的效果都好好喎! 蜂蜜蛋糕真不容易做 ! 好似燶燶地?
    [版主回覆12/11/2011 09:18:10]試吓丫, 唔駛手搓, 又可以玩吓做型, 都幾方便........蜂蜜蛋糕呢, 係高難度之作.......唔明點解日本和台灣的可以咁靚(我地都有落sp, 唔通仲有其他???)

    回覆刪除
  10. 我都係用麵包機嚟做搓粉動作,既可慳時間,又洗少好多嘢呢!
    [版主回覆12/12/2011 20:33:16]係呀, 都幾方便呀!

    回覆刪除
  11. 原來麵包機可以輕輕鬆鬆便做到麵糰出來. 太好了. 早知道便不買 KW020, 買麵包機便算, 我還以為麵包機只做吐司.
    [版主回覆12/12/2011 20:34:19]KM的功能又多D嘅, 同埋容量又大D.

    回覆刪除
  12. 我都係用象印麪包機呢!原本仲恨架KM,而家聽落都唔錯喎!聖誕快樂!

    回覆刪除