2011年9月24日 星期六

十算之旅(11) - 大沼的夜與日(一) 七飯產蘋果批

函館的周邊, 不是太多名勝, 只有湯之川溫泉, 還有漂亮的大沼.......

每次到函館, 都會到大沼走一走, 一直都覺得大沼是一個不錯的郊遊地點, 不過越來越發現她的浪漫!!

交通很方便呢! 不用30分鐘火車已到了大沼公園站了........轉吓眼, 就到了, 先來個船河.........記得要乘遊覽船, 不要乘高速船呀! 好似坐"大飛", 浪漫全失.......

我地坐船, 你地泛舟, 遠處的駒之岳時時都係咁含羞答答, 來了幾次, 都看不到很有形的山頂, 今次呢???

坐完大船, 又自己踩吓paddle boat, 遊吓湖........

 

這天, 大沼好多好多人呀, 不是旅遊團噃, 一團也不見, 全是本地人一家大細, 原來今年的31/7是大沼的湖水祭......

啊, 晚上還有"流燈"和花火呢! 哎, 晚上7:30才放流燈, 船仔都踩完, 點可以等到入夜呢???

但係睇見咁靚的流燈, 又好想睇呀!

大沼公園內, 只有一個大食堂, 沒有什麼好東西吃........都去吃個豉油拉麵做lunch啦, 味道不能算太好了.....

意外收獲是在食堂的天台看到駒之岳終於露出山頂, 第一次親眼見咋, 我覺得他好似一個梳了飛機頭的靚仔, 哈哈!

補充了少少體力, 不要錯過到湖邊的林蔭小徑漫步呀, 好舒服的呢!

 

 

走著走著, 我記起幾年前曾經在一過湖邊的平台閒坐, 太太說她記得後面應該有一間很漂亮的餐廳.......我說, 怎可能呀, 這裏咁偏僻.........轉眼間, 真的見到當年的平台.......

平台的後面, 真的有一間很漂亮的餐廳呀!!!

wow, 好加拿大的田園feel 呀!

再加日本的精緻.......

叫一客apple pie, 慢慢喝一杯咖啡.......

蘋果本地農產品, 是附近一個叫七飯的地方出產的, 份外好feel!

靜看外面的青山綠樹, 還有是.......我們幾乎包廳呢! 好靜好靜......

就是這份空間感, 在香港已是奇蹟........不, 是impossible, 只有在日本, 才可以同時享受精緻的細節和贅澤的空間感.......

Table de Rivage.......終於為大沼的浪漫畫龍點睛lu!!!

吃過下午茶, 我們訂了位, 今晚再在這裡吃晚餐......

然後在夕陽下, 再散吓步, 拍吓照先........

一個發光的小島........

......大沼的浪漫, 一點一滴滲在心上......


6 則留言:

  1. 又見一個世外桃源 !  多謝分享 !
    [版主回覆09/25/2011 22:06:00]有機會一於去吓啦!

    回覆刪除
  2. 只能讚嘆一聲, 很美!
    [版主回覆09/25/2011 22:07:00]次次都去咖, 加上有一間美麗的餐廳, 必去.

    回覆刪除
  3. 我都在此發現.......你夫婦倆都擁有嗰共同點,很識得得搵食,非常搭配~
    [版主回覆09/25/2011 22:10:00]其實在家庭中, 我都未算日本迷之最, 仲有好幾位兄弟姐妹是超級迷.........找美食呢, 我太太多d, 我就收到order, 負責找地址, 真係幾合拍咖.

    回覆刪除
  4. 山頂好cute呀! 實在太美啦!
    [版主回覆09/26/2011 11:58:00]係呀, 但點睇都不似一隻"駒", haha!

    回覆刪除

  5. 感覺很恬靜閒逸, 這座橋令我想起莫內的日本橋。
    [版主回覆09/26/2011 19:43:00]我呢, 更喜歡第一和最後的一幅, 現場呢, 真係比d樹包圍住, 又涼又靜.......   :o, 原來莫奈有一幅日本橋.......係咪好印象派咖...:)

    回覆刪除
  6. 莫內的日本橋唔止一幅, 他在晚年畫了很多。
    [版主回覆09/26/2011 20:41:00]喺咪咁呀, haha

    回覆刪除