2011年8月28日 星期日

十算之旅(5) - 北海道的南瓜雪芳 x 我的南瓜雪芳

在日本見過一些雪芳蛋糕專賣店.......是在香港不能生存的. 但每次都抑制衝動, 因為整盒蛋糕太大, "挽"足全程, 太易弄破了......今次在札幌機場最後衝刺, 見到她, 決定成個買回來!!


左邊是"原味 x 士多啤利". 右邊是"芝士 x 黑千石黑豆"........真想一啖咬落去.......可惜全是塑膠模型---日本的食物模型, 又是一大奇觀, 世上所無.



我買的是 "南瓜 x 菠菜" 雪芳, 呢呢......就是中間那個了.


她家世顯赫, 是北海道高級酒店集團---鶴雅集團的旗下餅店,  HAPO, 愛奴語"母親"的意思, 採用的全是北海道天然食材, 完全不用食物添加劑.



15cm, 價錢呢......yen1,575, 十算計, 約HK$160........!! 哇, 頓時令我刮目相看.



怎樣把蔬菜入糕呢? 原來 HAPO 發明了一種得獎的專利方法, 把蔬菜製成"Nepuree"果茸, 用這個方法製的的果茸, 保留了最多的營養.


唔好講咁多, 開盒了......好緊張.......



糕形做得好靚, 比例勻稱, 底面都是自然平面的, 糕色是很靚的金黃色, 是南瓜的特色.


                      


切開了, 切開了.......糕肉顏色很金黃, 很幼細, 但油份很重, 拿過後手指是有油跡的.......嗯, 不是我理想中的. 令手指有油跡的蛋糕如牛蛋, 馬德林, 費南雪等, 不是我杯茶(我件糕才對)


菠菜部份怎麼一點也不出色, 哎呀, 模型騙了我呀!


南瓜味淡淡的, 獨有的甘甘甜甜, 菠菜是冇味......, 由於油份重, 蛋糕的口感失去了雪芳蛋糕獨有的彈彈和微韌, 在日本其他cafe吃過不少雪芳, 口感不是這樣的.


和海綿蛋糕或脂肪底的蛋糕不同, 雪芳由於加了頗多的水份, 糕肉應該是有點彈彈和微韌.



嗯, 我的比分是.......味道75分, 但加上價錢因素......60分, 但由於用了天然材料, 不加什麼 E-xxx, 又變回75分啦!


----------------------------------------------------------------------------------------


挑起我條筋, 我又做一個南瓜x綠茶雪芳, 可惜跟了一本日本雪芳蛋糕書(東京買的), 胡說八道, 1/3個17cm雪芳麵漿竟教人加80g南瓜茸, 豈不是相當於一個雪芳加240g??? 算吧跟它吧, 果然塌得一塌糊塗! 濕petpet......


再做一個 :


蛋黃4 砂糖20g 油10g 南瓜茸60g 豆漿20g


蛋白4 砂糖40g


低粉75g 南瓜子少許(灑在模底)


結果好靚呀!!!



切開, 鬆軟潤澤, 質感很理想呢, 南瓜令蛋糕份外潤. 現在習慣了加10g植物油, , 指尖不帶油跡. 完全不加油會太韌, 加40g覺得太油.


不過呢, 南瓜味實在太淡了, 買了紐西蘭產的日本種南瓜, 肉質始終沒有那麼甜和粉, 有點"腎腎"的.......下次買正式日本南瓜再試.



12 則留言:

  1. 味道如何?
    [版主回覆08/29/2011 21:39:00]都可以話好味的, 但係冇乜驚喜......

    回覆刪除
  2. D 雪芳蛋糕 花紋好靚!
    [版主回覆08/29/2011 21:39:00]哎, 真實那個冇咁靚, 比個模型o厄左....

    回覆刪除
  3. 多謝分享。
    咁你覺得好唔好食呀?
     
    [版主回覆08/29/2011 21:42:00]嗯.......都好味道的, 但質感不太喜歡, 太油, 令它冇左應有的彈彈的, 柔韌的口感

    回覆刪除
  4. 我年頭係東京都買左個chiffon來試,佢係勁高同大個
    不過都係唔好味的
    [版主回覆08/29/2011 21:43:00]我都見過呀, 好大個, 紙模的, 是嗎? 好想買呀但冇買到.......
     
    .......點樣唔好味呢, 請告訴我參考吓.

    回覆刪除
  5. 唔講仲以為日本果個!! 外型靚!!!! 不過我相信你整果個會好食D~
    [版主回覆08/29/2011 21:45:00]:p:p:p 他做的金黃d.......不過呢, 我都係吃慣我做的......
     
    ......不過呢, 日本好多cafe都有雪芳蛋糕cake set, 他們做的雪芳好好吃咖.

    回覆刪除
  6. 你整果隻靚仔過日本果隻,  相信味道都係你整果隻好D。
    [版主回覆08/29/2011 21:47:00]嗯........他們做的都綿密和火氣好些. 不過太油了, 影響左口咁.
     
    我做那個呢.......質感真係好好呀! 不過南瓜味淡左d.

    回覆刪除
  7. 嘩! 你整果個綿密好多喇 ! 一睇就知你果個蛋糕好食好多。 好彩我番轉頭細心睇到個食譜, 唔係就走寶喇 ! 依家就想立即跟住整番個喇 ~~  不過要
    [版主回覆08/31/2011 22:01:00]咁幾時有得食記得通知我.

    回覆刪除

  8. this one~
    我印象中好似係乾乾地,有D甜,
    佢係EARL GREY 味但我覺得好淡
    [版主回覆08/31/2011 22:03:00]好像是這個呀, 怎麼咁麻麻.........
     
    反而在一些cafe吃的好得多.

    回覆刪除
  9. 唔怪得你話買中間那個,但你切開的的那個,完全兩個樣,哈~
    [版主回覆08/31/2011 22:03:00]係啦, 都冇綠的嘅.........

    回覆刪除
  10. 你整果隻雪芳真係好靚仔喎~~~ 
    我依家都跟你用少油的方法整雪芳, 的確唔錯呀, 健康 D   ~~~
    [版主回覆08/31/2011 22:05:00]係呀, 其實油份對雪芳不是太重要, 太多反而影響口感, 少少就夠了.

    回覆刪除
  11.         戚風玩到咁款都算厲害!         自從跟你減油之後,我多數都只係減一半油,無減到得番 10 克咁少,但個模都已經黐得好犀利,好難洗,浸水幾粒鐘後都係無乜改變!
    [版主回覆09/10/2011 17:32:00]我呢, 就浸濕一會, 用抆刀刮去糕皮, 再用百潔布擦一擦, 就行了.......用鋁模就可以這樣了.

    回覆刪除
  12. Fatgarfield 肥加菲2011年9月13日 下午9:48

    You're a real chiffon specialist! Perhaps you can consider opening a chiffon shop in HK ah! 
    [版主回覆09/15/2011 16:47:00]Oh, I'm just a chiffon fan. If someone opens a chiffon shop, I should go to ask for a trainee position.

    回覆刪除