2011年5月29日 星期日

電腦與癲佬

唉, 要走的始終都係會走.......


前幾天剛剛讚用了7年的骰仔電腦耐用, 話口未完, 星期四晚突然開不到機, 底板buzzer長鳴.......certified了!!! 死因 : 底板玩完.......等於人類的腦幹死亡, 冇得救 >_<...


不幸中之大幸係我的data全部做晒backup(慘痛經驗的教訓:p)



由於在下的電腦已屬於上兩代的老人家, printer, scanner已經和新一代有嚴重代溝 : 接不上口(parallel port 冇人用啦), 冇法啦, total loss, 全系統更換...... 嗚嗚~~~~ >_<.......


破財呀!!! 好肉痛呀!! 換來的就係呢舊嘅嘢喇.........中低檔intel core i5  2.8G  4核心, 我發覺呢10年cpu速度冇乜大提升, 只係一味加核心, 電腦科技似乎冇乜突破, 只係大堆頭谷高速度........


 


一不做二不休, 換咗大 d 的mon, 取代我可憐但耐用的14吋mon仔.......


金錢已經係慘, 仲有更慘的係時間的損失........重新set up 個system, plug_and_play永遠係騙人的, 到今日仍然係plug_and_pray.........



仲有.........抗拒左好耐, 終於都要離開我最親切的XP, 換windows 7了........全新的64bit, 所有ICON 和用慣用熟的功能都執晒位, 好多用開的軟件又用唔番........


哎, 害我成個週末冇晒.........冇覺好訓, 不要說做糕糕包包........成個癲佬咁.


---------------------------------------------------------------------------------


能夠做吓包包的日子, 是最幸福的!!!


仲有敬告各位, data一定要backup, 電腦係玩突然死亡的. harddish 平均3-4年壽數咋.


9 則留言:

  1.         嘩,為一部腦要換哂周邊設備,都真係幾肉痛喎!!         我都最怕就係要重新 setup 部腦,真係又煩又 嘥時間!我都好明白你 嘅心 情。你係點樣 backup hard disk 啲 data o架?我俾你講到我都好鬼驚 o添!         唉,有時間真係寧願做 "阿茂" 都好過做 "癲佬" 呀!!!!
    [版主回覆05/31/2011 21:36:00]肉痛又傷神........唉, 唔好玩.
     
    我用兩個方法backup的.......一, 係用一個usb外置harddisk, 二, 裝左一個server, d file 可以經網路上傳........前者其實更實用d.
     
    市面上有一d軟件或硬體可以做自動backup的, 不過我唔識, 都係手動, 每次都save兩次, 係麻煩d, 但係安全好多.

    回覆刪除
  2. 不如試下轉MAC啦,一試後好多人都返唔到轉頭,因為都幾USER FRIENDLY。我地以前都用PC,但自從用MAC MINI後,就發覺PC落後好多。加上部MAC MINI好細,唔駛佔位,又POWERFUL,仲可以自己認各PRINTER/SCANNER,開機超快,真係幾好架。
    [版主回覆05/31/2011 21:38:00]我都聽過mac機好, 不過用慣左pc, 冇法啦, 好怕再適應過.........
     
    btw, 妳係咪 ah ga 呀 :p :p ?

    回覆刪除
  3. 佢係時候走,你都要放手架喇﹗
    [版主回覆05/31/2011 21:39:00]唉, 留都留唔住........不過好鬼麻煩, $$$$$ + zzzzzz

    回覆刪除
  4. 我都係最怕從新適應過D新野.
    [版主回覆05/31/2011 21:43:00]係啦, 適應係逼不得已啫, 一為工作, 二為環境.........
     
    如果係自己有興趣的又唔同, 那些叫好奇, 逼不得已的叫適應.

    回覆刪除
  5. 真係好多時都俾電腦玩C !!
    [版主回覆05/31/2011 21:45:00]我回顧過, 平均一年至兩年比佢玩一次..........

    回覆刪除
  6. 我係電腦白痴呢D咁高難度嘅工作,
    當然係由家中兩位男士負責啦!
    [版主回覆05/31/2011 21:48:00]我都唔想覺, 可惜我家只有一個男士........我:p

    回覆刪除
  7. 換新野! Good!
    [版主回覆06/05/2011 08:29:00]no~no~, 傷神兼傷$$$

    回覆刪除
  8. 壞左部腦, 仲慘過乜呀!
    [版主回覆06/05/2011 08:28:00]唉, 近排都好慘呀~~~

    回覆刪除
  9. 係呀,建議你轉MAC果個係我呀,細細美美呀媽呀! MANGO,好耐冇見,好在你有寫BLOG,好似成日同你有聯絡咁,距離好近! :)
    [版主回覆06/23/2011 07:36:00]hee, 多d來捧場啦, 我都未探妳和細細美美添......

    回覆刪除