2011年4月23日 星期六

綠茶雪芳 - 今次又忘了加什麼 -____- !

終於放假了!!! 又可以烘焙了, 上星期六開心做了green tea opera, 今次又做綠茶......當然不敢一個人做opera, 我可沒有四頭八臂......做雪芳吧!!


首先, 大家看看兩件綠茶雪芳有什麼分別?


A........



B.........



?


?


?


?


?


?


?


A. 烏吓烏吓.......忘了加水, 唉, 真係家族遺傳的大頭蝦, 冇計.......


     蛋糕外表很靚仔是嗎?  好細緻......吃一口, 哇, 怎麼乾乾鞋鞋的, 哎呀, 冇加水呀! 失敗....... 仲懶醒灑了抹茶粉乾上加乾.......失敗加失敗 :p :p :p



B. 再做一個.......


蛋黃4  糖 30g  油5g  麵粉70g 抹茶粉 6g(1tsp) 水50g..........蛋白4   糖30g


原全不同呀! 又軟又滑又潤, 室溫下放了一天, 仍是那麼軟潤, 蛋糕收縮問題完全解決晒!! 輕油雪芳萬歲.........冇水雪芳就咪攪了.


不知下次又會忘記什麼? @_______@ !! 不會發明了無麵粉雪芳吧~~~~~



一般全蛋打發的海綿蛋糕都比較鞋, 可能是沒有另加水份.......?


19 則留言:

  1.  係咪有一件撒左綠茶粉呢??? 
    [版主回覆04/24/2011 12:51:00]這是其中一樣而已..........:p

    回覆刪除
  2. 上面綠茶粉係面, 組織細密d,
    [版主回覆04/24/2011 12:52:00]睇埋下面的圖文.......:p

    回覆刪除
  3. 好鬆軟WOR!!!! 正呀~~好靚呀!!!!
    [版主回覆04/24/2011 12:55:00]終於可以每次都成功了, yeah,
    Happy Easter!

    回覆刪除
  4. 咁咪有理由一次過做兩個囉...哈~~~~~
    [版主回覆04/24/2011 12:55:00]仲係即刻落街買蛋............:p

    回覆刪除
  5. 我都做咗一個綠茶雪芳呀.
    [版主回覆04/24/2011 12:56:00]好靚呀, 我都想整綠茶cream, 不過moon嫂一聽就怕了, 所以都係plain chiffon.

    回覆刪除
  6. 好靚仔呀~~~戚風
    [版主回覆04/24/2011 12:58:00]終於每次都成功了......!!!

    回覆刪除
  7. 冇加水都整得好靚wow!
    [版主回覆04/24/2011 12:59:00]冇加水 + 綠茶粉 = 好乾的.......實驗證明加水好重要:p

    回覆刪除
  8. 希望不是無落糖 or 粉, 前者都好大鑊, 後者...個糊稀冷冷, 無理由唔知卦..哈哈, 我做了好多個依然係有收縮問題, 令我聯想到係我個爐, 因為那不過是信用卡換回來無牌子的貨色, 焗cookies和muffin都ok, 但相信用來做chiffon係火力不夠, 焗時火力無入透心, 要再在烘焙世界更上一層, 換爐是時候了, 就換個delonghi玩下啦! 舊果個的時間掣和上下火掣都爛埋, 佢是時候要退役了
    [版主回覆04/30/2011 21:23:00]爐都有映響的, 不過我換左呢個猛爐後, 都試過收縮雪芳 x____x
    不過換個好d的爐, 始終係效果好d的, delonghi好丫 , 一於換吧!

    回覆刪除
  9.         哈哈,你真係幾大懵喎,上次唔記得落油,今次唔記得落水,下次你會唔會乜都唔記得整就放個吉模入爐焗 o架!!         我個 friend 話俾我聽,有 啲人會將個蛋糕放 喺個爐入面倒扣,減少溫差所產生 嘅濕氣 ,佢話如果濕氣凝結番成水,就會變成有重量,"摘" 到個蛋糕凹陷喎!
    [版主回覆04/30/2011 21:27:00]我係大頭蝦一族呢!
    爐內倒扣, 我都試過了, 一樣係凹凹凹, 我估一來係以前個爐太弱, 二來我試左輕油雪芳, 都幾好呀!

    回覆刪除
  10. 繼上次無油雪芳後, 今次推出無水雪芳 .....好奇待你下次嘅出品
    [版主回覆04/30/2011 21:27:00]哎, 唔好喇啩

    回覆刪除
  11. 幾好呀,都係實驗之一…平白白唔會走去唔加水架嘛!
    [版主回覆04/30/2011 21:28:00]咁又係呀, 如果唔係意外, 一定唔會試, 錯有錯著:p

    回覆刪除
  12. 咁樣睇睇唔出
    [版主回覆04/30/2011 21:29:00]食來呢, 就覺了, 冇水的係乾好多的.

    回覆刪除
  13. 無麵粉做不成糕吧...,可能變左蛋餅?
    我有時都好大意, 不過落少左野就未試過, 反而通常係份量錯...
    [版主回覆04/30/2011 21:30:00]如果我有一日做左個冇粉蛋糕, 咁就好驚了......
    不過呢, 法國人會做冇粉的杏仁蛋糕呢!

    回覆刪除
  14. 請問用non-stick 模焗戚風可以嗎?? 倒轉時會否自己脫模?? 
    [版主回覆04/30/2011 21:33:00]不黏模不好呀! 一來不黏層會剝落, 二來雪芳係應該貼緊模子的爬升的, 都係鋁模好.

    回覆刪除
  15. 冇粉的杏仁蛋糕 --> 我都想試下係點~
    [版主回覆05/03/2011 09:50:00]我只係在電視見過一次咋.......

    回覆刪除
  16. 你好 ~ 由美味DIY 這個討論區認識你~ 很敬佩你對包包及蛋糕的那份情意結~
    有個關於蛋糕的問題一路都解決不到 ~ 想問一問你的意見~
    請是提子乾和朱古力粒的問題 ~
    每次整雪芳或海綿蛋糕加上以上兩種材料都會沉到糕底 ~
    請問有方法可以解決這問題嗎 ? 謝謝 ~ ^0^
    [版主回覆05/03/2011 09:56:00]原來你都係diy舊友, 歡迎呀!
    粒粒沉底, 好難解決喎, 唯有快手入爐, 不過入左爐都要成10分鐘才set..........我好少放粒粒的呢.
    唯一解決的方法, 係將粒粒再剪細粒d, 減慢下浸吧.

    回覆刪除
  17. 謝謝你的回覆~ 等我試下整細粒的會唔會好的先~
    我都有諗過可唔可以加多小小麵粉令個麵糊無咁 "禧" 可以減慢下沉的速度~
    我會努力 try 同努力睇你的 blog 架 ~ ^^
    [版主回覆05/03/2011 18:44:00]不用客氣, 我估, 蛋白打得企身d都得.

    回覆刪除
  18. 好得!
    [版主回覆06/27/2011 08:15:00]:)

    回覆刪除
  19. 請問綠茶chiffon 3白, 3黃呢個食譜要加幾多麵粉呢? 我跟係另一個4白, 3黃做的都成功, 不過始終唔想浪費一個黃, 另外, 我只用了普通的麵粉, 冇用低粉, 其實2者做出來有什麼分別呢? 謝謝你.
    [版主回覆06/27/2011 08:15:00]我真大頭蝦......寫漏了, 已補上, 謝謝 :p

    回覆刪除