2011年1月21日 星期五

2010澳門行 - 4.天寒地凍吃煲仔飯

聖誕後, 天氣又晴朗又冷, 真是旅遊的好時光......


咁冷的天氣....... 丫, 不如試新店lor, 福隆新街好似有一間煲仔飯.....yeah!


北菇雞飯, wow, 熱騰騰, 親手淋d豉油, 撈勻佢, 飯香, 雞香, 菇香, 醬香, 暖暖地散發出來, 未吃已流口水, 暖洋洋, 吃luuuuuu. 好味呀, 尤其係豉油飯, 乾爽又有點煙韌口感.......yummy



好耐冇吃田雞, 叫左個田雞煲......唔, 田雞d肉都幾韌, 味道沒想像中咁鮮甜, 下次都係吃第樣........



至於必去的地方呢! 當然係不遠的保健牛奶公司啦!!! 這裏的薑汁撞奶, 真是超班的好吃, 那朕奶香+薑香, 幼滑如水的口感, 微辣, 還有一陣淡淡的甜香......說不出是什麼香味, 總之就係好好味啦!



今次試吓紅豆沙, 其實都好靚, 不過總係冇禮記紅豆冰的那種獨特的豆香........太太用來止住癮先, haha



這條街的食店, 還有大半未"發掘"呢......



6 則留言:

  1. 條街就乜咁冷清清........
    [版主回覆01/22/2011 09:28:00]呀, 你說是杏香園那條街(我搬了它到下一個post :p), 那條是橫街, 很少人, 不過是杏香園滿座.

    回覆刪除
  2. 我鐘意去保健飲鮮奶。
    [版主回覆01/22/2011 09:29:00]係喎, 我次次去都冇飲奶.......他是牛奶公司喎.......下次試吓先......

    回覆刪除
  3. Fatgarfield 肥加菲2011年1月22日 晚上10:25

    薑汁撞奶, I love it!
    [版主回覆01/24/2011 07:36:00]真係好好味呀, 要保健喎!

    回覆刪除
  4. 煲仔雞飯好正呀, 香港凍左咁多日, 我都要整番次先, 食左暖笠笠.
    細細個已經好怕田雞, 呀媽煮親都會呃我話係其他東東, 不過點會呃到我吖.
    [版主回覆01/24/2011 07:39:00]冬天吃有味飯幾好呀, 如果有瓦煲更好啦.
    田雞呢, 生嘅都幾核突, 炒左嘅我都接受, 不過現在多機會吃肉, 田雞又不是特別好味呢.

    回覆刪除
  5. 好味!
    [版主回覆01/24/2011 16:11:00]真係唔錯咖.

    回覆刪除
  6. 如下次再食煲仔飯....你去隔離果間吖...隔離間好好味架...佢係澳門好出名架....
    [版主回覆04/29/2011 22:13:00]:o 隔離都有一間煲仔飯......等我下次留意吓先.

    回覆刪除