2010年10月3日 星期日

終於敢露吓面了

大家有冇覺得, 我很久很久沒有post雪芳蛋糕........?


其實a moon冇停過, 每星期都盡量玩, even近來忙到出煙.......可是, 10次有8次都係凹陷, 凹陷, 凹陷........凹到我都灰心了, 最灰心的, 是連原味都凹, 最拿手的鮮橙, 都凹........用盡各種溫度, 水份, 麵粉份量, 三白, 四白.......都凹........換了勁爐, 都係凹


先是爆到像西蘭花, 跟住睇住它縮縮縮........脫模一看.....又是凹的......


我已知道凹的原因了........是蛋糕焗熟後, 仍有很多水份鎖在糕肉, 待冷時, 水蒸汽凝結收縮, 蛋糕勁縮, 又因水份令糕肉過軟, 就此扯脫離模, 凹陷了......



這兩次有什麼改變?


1. 終於投降, 加了3/4tsp baking powder, 利用CO2支撐氣孔


2. 以往蛋白打到幼滑光澤好像滑滑的奶油, 可能鎖水和鎖氣能力太好, 令蛋糕勁膨脹, 也太多水份. 這兩次, 蛋白打到剛好企身, 還見到細細的氣泡就停了.


好成功呀! 脹得溫文, 也不太收縮, 糕肉看似很粗孔, 其實好軟潤o架! 好久沒這麼成功了, yeah!


還可做幼細d, 但終於擺脫陰影了......希望!



20 則留言:

  1. WOW~好吸引呀!
    最近我都再番工,暫時做咗三次戚風和一次戚風卷蛋。
    太愛戚風蛋糕喇,好吃之餘,變化又多。
    [版主回覆10/04/2010 17:03:00]冇錯, 戚風又較健康, 又好吃, 如果焗不到戚風, 焗到其他一切都不滿足呢!

    回覆刪除
  2.      ....終於都見到"佢"出現啦  

    回覆刪除
  3. 戚風蛋糕易學難精,有時都唔知衰邊處!

    回覆刪除
  4. 有時看你做的蛋糕, 總是很奇怪, 反反復復的但結果可以不一樣, 而你仍有心思同毅力戰鬥下去, 真係要比個'服'字給你。
    [版主回覆10/04/2010 17:06:00]係啦, 可惜好少機會和有類似經驗的朋友交流,.......人人都一做就成功, 冇乜失敗呢!........好想放棄, 但雪芳蛋糕又是最耐吃的一種糕點呢!

    回覆刪除
  5. Fatgarfield 肥加菲2010年10月4日 上午8:35

    Yeah! So happy to see your chiffons again!
    [版主回覆10/04/2010 17:08:00]Yes yes, I will try and try until 100% successful!!

    回覆刪除
  6. 對你既雪芳不死意志好有信心, 你始終都一定會成功既!!!!
    [版主回覆10/04/2010 17:09:00]唉, 很多朋友都係未試過失敗, 所以唯有自己摸著石頭過河........試左好多次, 心都灰呢!

    回覆刪除
  7. 繼續努力呀
    [版主回覆10/04/2010 17:10:00]一定啦!! 雪芳蛋糕係可以時時食的蛋糕呢!

    回覆刪除
  8. 好嘢! 你終於成功啦!
    [版主回覆10/04/2010 17:10:00]今次係好明顯.......真的不同了呢

    回覆刪除
  9. 芳妹好靓bor... 成功...哈哈哈!
    [版主回覆10/04/2010 17:10:00]氣孔粗d, 下次可以微調一下呢!

    回覆刪除
  10. 味道好咪得 lor, 樣喎, 吾重要啦
    [版主回覆10/05/2010 21:07:00]凹陷的雪芳, 會比較實一點, 也過不到自己呢!

    回覆刪除
  11. 我最近失敗了兩三次都無 Post 出來 ! 
    [版主回覆10/05/2010 21:09:00]大家交流吓啦, 希望可以解決, 有餅友不經意的, 卻次次成功呢!

    回覆刪除
  12.          唉,乜得你咁易凹 o架!快 啲俾自己有覺好 瞓啦!
    [版主回覆10/05/2010 21:10:00]係啦, 希望以後唔好玩我, 比我安安樂樂啦!

    回覆刪除
  13. 今次好成功~  
    [版主回覆10/05/2010 21:10:00]希望真的找到成功的竅門啦!

    回覆刪除
  14. moon 兄你都已經連爐都換埋~之前以為你已經解決左阿芳呢個問題添,我相信你一定能夠解決到呢個問題架~~加油呀!!
    [版主回覆10/05/2010 21:12:00]係, 每一次都以為已解決凹陷的問題, 但跟住又衰左........希望今次真的解破謎團啦!

    回覆刪除
  15. 今日我再做咗班蘭戚風,今次無用泡打粉,但出現咗少少凹陷。
    蛋糕脫模後略為濕潤,有回縮和結層I(結層無彈性,其餘有),我估係底火太猛及仍未熟透。
    以你的經驗,對嗎?
    [版主回覆10/05/2010 22:06:00]我都有類似問題了, 勁爆, 收縮, 結層, 凹陷, 糕肉點焗都係太濕潤......我什麼也試過了, 底火高低, 焗生焗燶, 都冇用呢!
     
    直至前天, 一. 加了發粉, 二. 蛋白不要打發到太幼滑, 情況立刻改善了........
     
    .......不過, 餅友再做一次, 蛋白打到很幼滑, 一點事都沒有, 蛋糕靚靚的.........
     
    所以, 我也不知真正問題所在........但求不凹陷就好了.

    回覆刪除
  16. 若要但求沒有凹底,排除水份外,咁可能要隔一隔底火,有無試過加多個盤呀?
    [版主回覆10/06/2010 07:27:00]什麼盤怎樣放都試過了, 還是凹凹凹, 我的情況不關事呢!

    回覆刪除
  17. 希望之後都唔凹啦
    [版主回覆10/08/2010 09:39:00]係呀, 唔好再玩了......:p

    回覆刪除
  18. 哈...你成為了專家啦!!
    [版主回覆10/09/2010 10:40:00]唉, 攪左好耐, 久病成醫了.........真的不想再係咁了.

    回覆刪除
  19. 你意思蛋白打發幼滑嘅時間係咪長過剛企身?剛企身係咪個勾微向下垂呀
    [版主回覆10/15/2010 21:50:00]蛋白打發不久, 泡沫變幼, 加了糖, 再打一會, 便會假性企身........再打, 會開始幼滑, 拉起軟勾, 再打, 拉起的勾會越來越企身.........應該是這樣的蛋白才好的
     
    可是我做的雪芳多次凹陷, 結果只打發到假性企身的蛋白, 才解決凹陷.......
     
    但不要跟我的!.......我的老友都說 : 次次都打到幼滑, 甚至打到over, 出來的雪芳蛋糕不知多靚......唉.

    回覆刪除
  20. 會不會是你倒蛋糕漿時分次倒入,敲一吓底,再倒會有改善!
    [版主回覆10/15/2010 21:50:00]我一於再試試試, thanks

    回覆刪除