2010年4月11日 星期日

印仔同學會之日

放假天, 約同學會來家一聚, 做個雪芳, 雕雕印仔, 大家都說有興趣.


老友帶埋班蘭葉來, 希望今次不會又係凹陷收場.



託老友的好手氣, 好成功呀, 蛋糕又鬆又軟又潤, 最緊要係......平的.



老友帶來cracker和東歐買的鵝肝醬, 好一個下午茶.



還有我買的兩款長崎蛋糕Castella, 這種蛋糕真神奇, 只是用蛋, 麵粉, 糖和水飴, 冇油冇發粉冇乳化劑的.



先是在大浦天主堂下的小店買的清風堂, 當天就是被他闊綽的試食吸引, 一試........好好吃呀, 蛋味好香.......



跟住係百年老店文明堂總本店買的, 一樣係緻密軟潤, 好像蛋味不及清風堂.......但兩款蛋糕都是很甜的, 配綠茶最好.



今天5缺2, 問老友, 不如我幫妳雕一個印啦, 妳想要乜.....


 


........我最錫肥曲, 你雕個肥曲比我啦......


 


........吓, 咁高難度, 冇咁高功力喎, 我怕雕出來走晒樣.........


 


.........我都係講吓啫........


 


.......嗯........好啦, 我又挑戰吓先.......在facebook拿了肥曲一幅相, paste在word, 將相片格式化為黑白, 再執一執, 轉在膠片上, 慢慢來........


 


最後.........成功了!!!!


 


哈哈 ,好好玩呀! 老友, 收貨嗎?......呀, 係肥曲, 收貨嗎?....


(舊版)


 (改良版)


下次妳們來, 一起切磋啦!


28 則留言:

  1. 在小三處趕來, 先來一小塊蛋糕
    嘩嘩嘩!!!!!!!!!!!!!!
    肥曲是她主人的大作嗎?
    你這老師教得好才有這些好學生的成績.
    [版主回覆04/12/2010 08:52:00]有機會我整個靚和唔凹的雪芳蛋糕妳吃.
     
    個印仔, 係在下拙作........都幾滿意呀, hehe

    回覆刪除
  2. 個印你整?? 好利害!!! 靚!
    [版主回覆04/12/2010 08:54:00]係呀, 原來又不是太難, 只要找一張適合的相. 狗仔多毛毛反而易, 因為冇乜平滑直線.......係花d時間慢慢來.

    回覆刪除
  3. 你好叻呀, 同幅相一模一樣。
    [版主回覆04/12/2010 08:54:00]都有8-9成似呀, :)

    回覆刪除
  4. jenny,
    當日同學會五缺二.
    moon哥,
    你~~~捨得將肥曲送出嗎?
    小六,
    曲曲很可愛呀!
    [版主回覆04/12/2010 10:33:00]捨得捨得, 我享受雕的過程, 仲有影埋相就ok了
     
    第日又約過啦.

    回覆刪除
  5. 我老公都話肥曲嘅眼神都似埋呀, 我果個就........
    [版主回覆04/12/2010 10:43:00]隻眼幾精靈呀, 練多幾次就好快進步了.

    回覆刪除
  6. 一睇就知係肥曲啦, 小六咪好開心, 一日追住肥曲黎打印 幾時同小三做番個CC, BB呢????好提議掛小三???? 你吾同自己做番個Moon 記嘜頭????哈哈哈!
    [版主回覆04/12/2010 11:39:00]有8-9分似呀.......第一次雕照片印仔. 仲可以好d, 例如怎處理灰度部份......印仔係冇灰度的.
     
    雕人像, 唔好喇啩, 人像更難, 稍有少少偏差就分別好大, 到時就唔好了.

    回覆刪除
  7. 我都開始雕印仔,不過雕得好簡單,真係要學吓師至得喇,你幾時開班呀?
    [版主回覆04/12/2010 11:36:00]我都係初學咋, 我係Yves Kitchen學左兩堂, 所有功夫都係老師傳授, 快去facebook入group啦, 她們會在那裡通知開班的呢!

    回覆刪除
  8. 你真係好好心機製作啊!我同意 phlee的提意喎!幾時會有你的嘜頭?
    [版主回覆04/12/2010 11:57:00]哇, 唔好了, 我邊有肥曲咁靚呀!?

    回覆刪除
  9. 小六﹕當然收貨啦
    肥曲﹕收,如果有得食埋仲好啊﹗ho...ho....
    多謝晒,真係成隻肥曲咁款啊
    [版主回覆04/12/2010 20:44:00]哈哈, 她跟本就係肥曲........喂, 改良版左了.
    肥曲話, 呢舊嘢, 又韌又冇味, 有乜咁好, haha!

    回覆刪除
  10. 十足餅印咁~ 印子裏的肥曲好有活氣~~ 仲以爲你雕阿谷德眧添~~~~
    睇你玩雕印子玩得好過癮,又雕得好靚,絕對係值得花時間0既~ 睇怕我都沒有咁0既天分
    [版主回覆04/12/2010 20:46:00]他是肥曲, 不是肥谷, 肥谷 no good......
     
    雕印仔, 好好玩呀, 呢個印, 我估由起稿到完成, 三個鐘倒啦, 下次會快d.

    回覆刪除
  11. 好勁呀! 咁難的你都整到(個印呀)
     
    [版主回覆04/12/2010 20:48:00]係呀, 我都估唔到, 膽粗粗一試.
    其實我對線的粗幼仍是掌握得不好呢!

    回覆刪除
  12. 狗兒雕得很神似呀 !
    [版主回覆04/12/2010 20:48:00]有8成似啦!

    回覆刪除
  13. 好掂喎
    [版主回覆04/13/2010 09:34:00]幸好ok左!
     

    回覆刪除
  14.  嘩。。你真是有美術天份,不是將顔色像轉爲黑白。。然後刻在膠板上那麽簡單。。怎樣把輪廓表現出來已經需要一定的美術底。。AMOON 你中學時美術一定好好吧?
     
     
    [版主回覆04/13/2010 09:38:00]我d美術, 中學都ok嘅, 不過之後就止步了.
    現在有電腦的幫助, 方便好多, 人人都可以做到的, 我只係後期加幾筆呢.

    回覆刪除
  15. 你真係好得....!!!!!! 見印仔即講...唔係ar ma!!!!!!!!(驚嘆中)
    [版主回覆04/13/2010 09:38:00]只要有心機........和時間, 慢慢練, 都ok的

    回覆刪除
  16. 噢!地利 Oh!tria2010年4月13日 清晨5:12

    個印仔好 靚呀.
    [版主回覆04/13/2010 09:40:00]我自己都意外驚喜呀!

    回覆刪除
  17. 嘩,你挑得好神似呢,俾十個叻你!
    [版主回覆04/13/2010 09:40:00]thanks ar, 我以為我第一個會雕爛, 點知又ok.

    回覆刪除
  18. 真係好似呀, 你的雕功真係好掂
    [版主回覆04/13/2010 09:42:00]其實有一半係電腦的功勞, 它幫我將彩色變純黑白.

    回覆刪除
  19. moon哥, 你真係好勁揪。尤其肥曲個個。 呢牌我玩緊整Mascarpone Cheese,我想整個tiramisu膠片,請問你點print落膠片度,膠片邊度買?thx!
    [版主回覆04/13/2010 13:40:00]啊? 係咪即係類似轉印紙.......呢個我只係識買現成的, 自製真係唔識了. 如果只係透明膠片, 我估在某些文具店問一問有冇以前的投映膠片.......我估現在真的很少很少了.

    回覆刪除
  20. 我想話呢...假期中我都做咗班蘭雪芳,冇用到你嘅暖漿法,結果個蛋糕甩模之後,個面好似畀人按咗幾吓咁,有幾個凹位呀!唉~~~ 睇到你食文明堂嘅カステラ我諗番第一次去日本都喺買文明堂嘅,雖然好甜,但喺食過呢一次就愛上咗呢款蛋糕,神奇~~~ 如果你有機會去金沢,或者喺成田機場嘅ana shop,試吓烏雞庵嘅カステラ吖,唔喺好甜之餘,仲有好香好香蛋味,好好味呢!推介~~~ http://www.ukokkei.co.jp/
    [版主回覆04/13/2010 17:56:00]哎, 妳都係和我同一族了......今次我係暖蛋黃漿, 冷蛋白霜.......竟然得左........哎, 好次中六合彩. 可能係老友手氣好啦, 不過我平時做法係一樣的.
     
    日本呢, 我最愛就係吃雪芳蛋糕, 和百貨公司地下的著名蛋糕店. Kastella呢, 我就ok啦, 不過去到長崎, 我一定要吃這神奇蛋糕, 冇油冇發粉冇乳化劑...........烏雞庵......好, 記住.
     
     

    回覆刪除
  21. 嘩, 你呢個印仔真係雕得好靚呀
    [版主回覆04/13/2010 17:59:00]多謝妳呀師父,我會努力玩玩玩了

    回覆刪除
  22. 好...我明白了...以前用舊爐係冇呢個問題,可能新爐內裡比舊爐高d,所以以前會焗得糕面乾d,我下次會再較上火焗一焗糕面了
    [版主回覆04/15/2010 08:47:00]係呀, 焗到外面金啡, 裏面都係潤咖, 冇問題.

    回覆刪除

  23. kekeke! 交功課.
    [版主回覆04/15/2010 08:48:00]好好好, 惦惦惦!

    回覆刪除
  24.         個印仔真係靚到無得彈,唔知仲以為係電腦雕 o架!
    [版主回覆04/15/2010 08:49:00]有好多手雕痕跡呀.....呢d係電腦雕"做唔到"的, haha

    回覆刪除
  25. WOW, 你挑得好靚呀!像真度 100%。有時間真係要去試下。唔知暑假有無呢?
    [版主回覆04/15/2010 08:52:00]8-9成啦, 仲可以再仔細d, 不過我的功夫止步了, 都超越左我的極限了, haha
     
    Yves Kitchen成日都開班咖, 妳去facebook add入他的group, 或者打去問吓啦.
    http://www.facebook.com/album.php?aid=153011&id=611448340&l=0c82367325#!/bonnieyves?ref=ts

    回覆刪除
  26. 其實我覺得長崎蛋糕Castella味道都係一般。可能你的雪芳好食啲。B-Speak蛋卷就係好食可惜貴。
    [版主回覆04/15/2010 09:05:00]

    我欣賞它呀, 它的潤澤細緻的質感, 係世上其他蛋糕所冇的, 獨一無二的. 試做過的糕友就知係難度極高的.
     
    仲有係他是世上唯一(我估係)完全不用油脂的蛋糕呢. 加上他們都係堅持用靚材料的, 所以好有蛋香和糖香........不過, 平心而論, 真係好甜, 不能當一般平日吃的糕, 而係只可以切一小塊, 喝茶時吃.
     
    加上我好欣賞的係好多castella都係百年老店, 它們堅持百多年只係專注做一種蛋糕, 真係一種, 沒有其他......(文明堂不是, 他也有其他糕點).  這份文化感都係好吸引的.
     
    話到尾, 我係烘焙迷, 和日本迷, haha
     
    ---------------------------------------------------------
     
    B-speak, 唔好提了.......貴不是問題, 他們的質素, 係超值的, 但係我食唔到呀......woowoo :(


    回覆刪除
  27. moon哥你實在太厲害,
    有咁多興趣又樣樣都掂~!
    老師收到你咁有天份既學生真係開心死~!!!
    今次影d相仲好和風tim呀,超靚~!
    [版主回覆04/16/2010 07:34:00]原來慢慢整吓整吓, 又ok喎, 我都估唔到會成功.
     
    今次拍左好多相呀!

    回覆刪除
  28. 大佬 moon, 睇完你的印仔系列, 你的神乎奇技, 實在令我大開眼界, 勁啊!
    [版主回覆05/24/2010 08:08:00]阿四小妹妹, haha, thx, 我只係好短經驗咋, 個多月左右啦, 未成火候呀..........不是太難, 但易熟難精, 下次見面, 教妳玩!!

    回覆刪除