2010年4月27日 星期二

新爐第一包

等了很久, 終於有時間用新爐焗包了, 好緊張呀, 不知會有什麼效果........



做我最熟悉的慢發酵田園包 - 無花果包包.


材料, 識背了, 高粉270g, 裸麥粉30g 鹽6g 糖20g(甜甜地夾無花果), 速酵母2g 水190~200g


上述材料搓滑, 放入雪櫃中2小時, 臨出街取出, 吃了lunch, 3小時回來, 麵團已發特剛好,


排氣, 滾圓靜置15分鐘, 按平, 包入切碎的超甜無花果乾3~4個, 放入發酵籃中, 用布蓋好, 再包酵袋, 室溫發酵1小時


 



今次用了千里迢迢經老友轉送的噴回嘴, 好用呀!



我用position4 - turbo quartz, 230度, 噴了兩次水, 天呀, 焗了5分鐘, 包頂已上色了, 上火的石英管太勁了, 10分鐘, 整個包已經上色, 15分鐘, 包已完全啡色, 迫住出爐了.........


沒有期望中的勁爆場面.......有d失望. 包殼太快變硬, 反而阻礙了它膨脹..



唉, 包肉還未收水, 包心還未熟透.........



---------------------------------------------------------------------------------


第二包, 仍是用position4, 減到210度, 包包可焗倒20分鐘了, 包殼好啡好靚, 但仍是不太爆.



包肉熟透, 剛焗好時水份充足, 田園包, 仍是比較快老化, 可以做得更柔軟和耐久嗎?


 


 


21 則留言:

  1. 第二爐好漂亮哦,相信你和新爐磨合期很快就完成了! 我昨天第一次用了KM做包包,好輕鬆哦!可惜還是烏龍百出,決定今天晚上報仇雪恨,再來一次。
    [版主回覆04/28/2010 11:50:00]第二爐好一點了, 溫度調低了, 好一點, 下次用position 3, 應該再好d, 好想快d練吓!!!.
     
    KM, 我都想試吓, 可惜我家冇呢.

    回覆刪除
  2. 第2包既色好像仍深, 及未爆盡, 看來你還要些時間去摸熟鄗爐既脾性啦.
    [版主回覆04/28/2010 11:56:00]第二爐好左d, 歐包深色d係香d, 不焦就ok了, 我反而怕第日做港包會變包公.

    回覆刪除
  3. 第2包都好似焗得未夠透呢...
    第一張相勁勁勁靚呢!
    有朝一日我可以好似moon哥咁熟悉西式麵包就好了!
    [版主回覆04/28/2010 11:58:00]第二包熟透了, 只是我未等它降溫就切, 太心急了.......
     
    歐包不難呀, 起碼做形好容易呢!

    回覆刪除
  4. Sally Ho 莎莉豪2010年4月28日 上午9:52

    個噴咀在HK買架?
    [版主回覆04/28/2010 11:58:00]個噴嘴係朋友的朋友在泰國找到的呢.

    回覆刪除
  5. 恭喜你有新玩具!祝合作愉快!

    回覆刪除
  6.  
    你個包好靚呀, 我總係怕d包會焗焦, 太快拎出黎。
    我已經用position焗左, 真係好控制d gar.
    [版主回覆04/28/2010 16:27:00]position3是嗎, 我下次都試吓, 下發熱線強d, 上面的石英管就唔會咁快開動, 咁個包冇咁快燶.
     
    奇怪的是, 如RG的職員講, position3時下發熱線不停開著, 不會溫度過高嗎?........試左再說.
     
    歐包係傾向皮深色一點的, 取它的香味

    回覆刪除
  7. 第二包ok呀. 慢慢來, 摸熟就無問題喇
    [版主回覆04/28/2010 16:27:00]第二包好左d了, 下次用position3, 或者會再好d吧.

    回覆刪除
  8. 我o係泰北搵唔到呢個噴咀呀! !!
     
    230太高溫啦! 我多數都係200-210度, 都係覺得唔夠爆!
    [版主回覆04/28/2010 16:28:00]icic, 真係要剛低20度才ok, 妳用邊個position去焗包呢?

    回覆刪除
  9. 都OK啦! 加油!
    [版主回覆04/28/2010 16:29:00]初步都ok, 要再試, 希望膨脹和爆得好d.

    回覆刪除
  10.  
    係position 3 呀, sorry 我打少左個字。
    我又post左個包, 好明顯個頂d色係平均一d, 可能因為主要熱源係個底, 所以包底d皮會厚番D。
    position 4用上面既石英管多D, 我覺得就算係用同一溫度, position 3既熱力好似係溫和D.
    希望大家都早日上手啦
    [版主回覆04/28/2010 21:33:00]我估到了........
    妳說得對, position 4 會令上火石英管開多d.......好心急呀, 想快d做包.

    回覆刪除
  11.         點解你個包包入爐前都可以做到咁靚 嘅 割紋?割口好 sharp。
    [版主回覆04/28/2010 21:21:00]我把刀好利呀, 是有波紋的, 本來是用來片牛肉的....haha

    回覆刪除
  12. 我用position 4架!
    [版主回覆04/28/2010 21:35:00]icic, position 4, 下火會少d, 相對上火會多番d, 看, 我個包好快黑了........好想快d試position3

    回覆刪除
  13. 第一眼睇以為你整壽包添, 原來係發熱管嘅色........
     
    [版主回覆04/28/2010 21:35:00]哈哈, 田園壽包, 好創新呀!

    回覆刪除
  14.         " 我把刀好利呀, 是有波紋的, 本來是用來片牛肉的 "         嘩,咁勁,劈友都得喎!
    [版主回覆04/29/2010 16:51:00]好細把咋~~~

    回覆刪除
  15. 可唔可以知道你朋友響泰國咩類型O既店買到呢款噴嘴呢?
    謝謝!
    [版主回覆04/29/2010 16:51:00]我幫妳問一問........

    回覆刪除
  16. 慢慢黎啦, 唔好太心急, 比d時間同佢培養感情, 好快你就可以馴服到佢
    [版主回覆04/29/2010 16:58:00]呢個係好爐來的, 我想信會做得到.

    回覆刪除
  17. 個爐已經進註你家,你有排慢慢玩,慢慢試,
    做麥0甘心急囉出0黎,
    KM OR KA 會是你下一步計劃嗎
    [版主回覆04/30/2010 21:36:00]當然啦, 第一包喎, 梗係要分享吓........
     
    KM KA呢, 除左地方問題, 我仲開始覺得我已入了"手搓一族"了, 會上癮的.

    回覆刪除
  18. 我係用position 4 170℃架~ OK wor

    回覆刪除
  19. EE?! 我明明係回覆你個lemon chiffon架~ 點解黎左lee度嘅??? 唔好意思....因剛換左部iMac仲未好習慣 ~ 我嘅意思係.....焗chiffon時我用position 4 170℃,而焗無花果包就係頭7~8分鐘用position 3 220℃,跟住再轉position 4 190~200℃焗熟個包為止

    回覆刪除
  20. 你好 !
    我剛剛買咗 roller grill FC60TQ 見到 D 制同你個焗爐一模一樣 , 想請教爐上嗰 4 個 postion 適合 for d 咩食物 , 真係好難控制 , 焗 8” 海棉蛋糕用 postion 3, 170c 焗咗 13min 面就剛剛好個底燶哂 , 真係好快 , 切咗個底都冇問題 , 但我焗曲奇就真係唔知點控制 , 用 postion 4 面燶哂 , postion 3 底燶哂 , 可唔可以教我點控制 , 重有上面 石英管 拆唔到出黎洗 , 咁米焗唔到有汁嘅食物囉 ~
    [版主回覆06/14/2011 21:46:00]我漸漸都掌握到roller grill的火力了, 起初真的覺得很難駕馭呢!
     
    position 3, 係指底發熱線長開, 恆溫器只控制上火石英管的開關, 所以底火較強, 較適合歐洲包 , pizza等需要高底火的烘焙.
     
    position 4 , 是指上下火都受恆溫器控制, 底火冇咁強, 相比之下上火會強些, 適合一般麵包蛋糕.
     
    上面的只係我的經驗, 每個爐都要自己試.........例如如果放焗盤的位置高低, 底火太勁可不用焗盤, 把蛋糕模直接放在焗架上, 焗架冇咁熱........
     
    我從來都冇想過拆發熱元件來洗呢!!!!! 拆得的嗎??? 不怕壞嗎:p:p:p 算吧, 由它吧, 抹抹算了, 反正焗爐很難避免污跡......

    回覆刪除
  21. 多謝你咁詳細講解, 我會再試多幾次, 剛剛焗咗D曲奇, 用咗150C 15min, postion 4, 只焗一盆放中層效果非常好, 但我買佢原因係想一氣過焗四盆喎!
    [版主回覆06/19/2011 18:56:00]不用客氣.
     
    一次焗四盤........我想, 要不停的轉換位置, 看來很難呢!

    回覆刪除