2010年4月19日 星期一

2010九州之旅-6.中州屋台之夜

這晚, 由悠閒的柳川回到繁華的天神, 雖然離開十多年, 仍好面善.......西鐵三越, 和對面的大丸, 兩大陣百貨陣營, 還有Solaria Stage, IMS, Vivre, Parco.......一個個大mall.......還有一望無際的天神地下街........新知舊雨, 兩旁並列.....


shopping? 別奢望了, 全都是8:00閉店!!! 有冇攪錯.......



到中州去, 中州是繁華街地區, 我不要什麼燈紅酒綠(haha), 我只向著一個目標進發----吃屋台去!!! 差點流落街頭, 幸好憑著靈敏的鼻子, 在春吉橋附近找到最大的屋台小路.


那珂川的夜色中有一列盛放的櫻花



在這發光的金魚缸中吃東西, 真的好有趣呀!


看中這檔------永大叔(Eh Chiang), 他的串燒, 和沒客人位子多.



好雅潔的小空間, 絕對不會有什麼油跡污垢的......



KAMPAI!!!



老闆問我們那裡來, 我說, 香港來的, 他說我都去過香港三次呀!


他問我是不是第一次來日本, 我不好意思說不計其數......hehe, 我第三次來福岡呢.


老闆問我有沒有吃過maguro(吞拿魚)刺身, 我說好吃呀! 那知他捧出一碟新鮮的魚生, 我說, 這不是maguro呀! 他說, 不是maguro, 是makkuro, 即是平時叫的saba鯖魚, icic, 好吃呀, 又甘又滑........哎, 冇問價錢添.


在大牌檔吃魚生, 只有在日本才敢.



鹽燒雞翼, 真係好好味呀, 簡單的灑上鹽, 什麼也不加, 是燒烤中最好吃的, 香港很少吃到呢!



咦, 有bara噃, bara有兩個意思, 是玫瑰, 也是五花腩, 好味呀, 一定是鹽燒!



看見有燒玉子......好, 來一客.



明太子玉子燒, 裏面夾點紫穌葉, 好吃呢, 不過稍乾了點, 我跟老闆說, 日本的玉子燒, 世界第一呢!!!



意猶未盡, 再來個天婦羅......好飽呀!


這餐竟是整個旅情中最貴的, 兩個人吃了$500多.......不算貴呀, 妳可能說. 對呀, 如果在歐洲, $500可能只是兩塊粗粗的牛扒呢.



飯後果是九州的士多啤利, 百貨公司買的, 我們出發前已嚷著........每晚, 一定, 一定, 一定



13 則留言:

  1. No 1
    [版主回覆04/19/2010 22:29:00](Empty)

    回覆刪除
  2. 十多年前第一次自由行便是去九州, 感覺很好 。
    你點的食物很精緻 , 味美。 好想再去呀 !
    [版主回覆04/19/2010 22:32:00]哇, 原來妳是前輩haha, 自由行真是好好呀, 我第一次去日本也是九洲, 那時還是跟團呢.
     
    還未去的有立山黑部, 山陰和四國, 期待.

    回覆刪除
  3. 講起呢啲街頭小店,上次我家姐去到食,或者佢哋又唔識日文啦,畀人斬到一頸血,話三個人食咗七佰幾八佰蚊喎,最重要嘅喺...唔飽,返港後不停同我訴苦呢! 我想信日本呢一世人都唔會去得哂喔!
    [版主回覆04/20/2010 10:00:00]係呀, 我細佬都有類似經驗, 屋台是高價消費地方來咖, 我見日本人的習慣係叫一兩碟小菜, 一枝啤酒就喝一晚的.........我地就.........
     
    基本上所有東西都是明碼實價的, 除了那碟魚生, 幸好後來發現都係正常的價錢(點都係貴了). 有機會呢, 我都會再吃, 是風味來的, 不過就吃完飯再去吃點宵夜啦!

    回覆刪除
  4. 我也有經過中州屋台呀不過帶著孩子吃屋台不太方便,我們那晚吃了(encore)季樂佐賀牛燒肉。看你吃屋台風味也很不錯!
    [版主回覆04/20/2010 10:02:00]佐賀牛, 都好呀, 我未吃過呀. 小朋友又的確不太o岩吃的.......我想試Horumon呀, 日式牛雜, 不過最後都冇呢.

    回覆刪除
  5. 日本啲乜都貴係人都知. 你這是HK$嗎? 不算貴咯, 食物很精緻.
    [版主回覆04/20/2010 20:48:00]其實日本的東西不可以說很貴呢, 一般類似的食物, 比香港大慨貴50%~60%(是大概), 但質素是香港的double也不只呀, 包括食物, 環境, 服務, 氣氛, 都令我自動樂意獻金呢.......歐洲呢, 價錢是香港閒閒地2-3倍, 質素嘛, ok啦, 拉勻好過香港50%啦, 所以不值得.

    回覆刪除
  6. 原來我哋都係日本痴!
    [版主回覆04/20/2010 20:49:00]亞洲的旅遊地區, 真的想不出那裡可以好得過日本.....

    回覆刪除
  7. 都唔明點解日本d百貨公司咁早關門 我未試過係d屋台到食野, 等我下次去日本一定要試下先得
    [版主回覆04/21/2010 22:01:00]係啦, 真係各處鄉村各處例.........澳洲的購物街仲勁, 6:00已全部拉閘, 6:05已水靜河飛了!!!!!

    回覆刪除
  8. HELLO, 第一次黎呀~ 想問下BLOG主 屋台會唔會好難搵呢?? 因為見過其他人的遊記, 屋台好似要行好耐
    [版主回覆04/21/2010 21:59:00]都相當易找的, 大部份的旅行書刊都會清楚標示屋台的位置, 在天神和中州河邊都見到蹤影呢, 有些甚至在大路的,
     
    我吃的地方在中州春吉橋附近, 好多檔也很似樣, 由地鐵中州川端站行過去, 10分鐘左右啦, ok的

    回覆刪除
  9. 我同事都係日本痴 ,去日本佢話返鄉下,每年返幾次令我好鬼羨慕!!
    [版主回覆04/21/2010 22:04:00]哇, 每年幾次........我都好想呀!!!!!!

    回覆刪除
  10. 佢下個月又去啦!!
    [版主回覆04/22/2010 09:23:00]羨慕ing!!!

    回覆刪除
  11. 8:00就閉店!!! 真係有冇攪錯...... .難怪我們都冇手信.........
    吖~~~你那會自在shopping呀!搵食緊要呀!!!!
    在大牌檔吃魚生, 只有在日本才敢. 雖然我不食魚生,但,絕對同意你的説法。
    [版主回覆04/25/2010 22:07:00]他們相反的, 手信店早上6:00就開門了, 我都買左好多, 請妳在blog吃啦. haha.
     
    他們的店是早開早收的, moon嫂逛到8:00, 才找吃, 我呢, 就到處走, 拍照, 八完就約埋去醫肚.

    回覆刪除
  12. 去屋台吃東西,好有風味呀!
    [版主回覆04/25/2010 22:08:00]係呀, 只有福岡才有這麼多屋台的呀, 貴d d都去吃.

    回覆刪除
  13. 我上次去,天寒地冰排隊食左碗拉麵!
    記得一邊食一邊同檔主用我有限的日方文去溝通,好攪笑!去屋台真係一種好好的體驗。
    [版主回覆04/25/2010 22:11:00]天寒地凍, 鑽進屋台的檔口仔, 一定好正呀!!! 下次想放膽吃一次horumon.......
     
    我都想不到我的有限公司日文可以和老闆傾幾句計, 都算有文有路呀!

    回覆刪除