2010年4月15日 星期四

2010九州之旅-5.柳川-幸福的下午茶---2次方

坐完船仔, 成身鬆弛, 但係冇左下面的節目, 怎詩意也不能算數.......

柳川三百年鰻魚飯店 - 本吉屋, 我出發前已嚷著吃了........



下了船, 也不知那裏找, 總店好像離這裏好遠.......行著行著, 呀, 原來面前就有一間小分店.........

小小的數張座敷式的桌子, 我最喜歡了, 可以脫了鞋大刺刺的坐下, 還要是在臨河的窗前, 還有, 六七張桌子, 只有一台客------我倆包廳!

先別急, 喝一杯茶, 看看船仔, 吃一個酢物 - 燒鰻魚淋上醋汁, 很醒胃呀!




主菜到了, 本吉屋的蒸籠燒鰻魚飯, 用三百年的配方, 調味的不是糖而是"大松下飴", 鰻魚先燒, 連飯再蒸, 鰻魚入味香甜而不太肥, 飯才是精華, 粒粒滲滿醬汁, 晶亮又肥嘟嘟.

慢慢的吃著, 看著, 感受著, 不禁說句 : shiawase!!



看, 店子小小多雅緻.



------------------------------------------------------------------------------

有一點不說不快...........

日本的餐廳, 多數是小桌數張, 什麼時間, 都不需要什麼排隊等位拿飛仔等叫號, 行入去就吃, 包廳也試過好多次, 不是偶然, 好多時都係;

回到香港, 無論大店小店, 貴店平店, 好吃不好吃, 都是排長龍好像等善堂派米的, 而且多數檯子密得背靠背, 一不留神會夾錯隔離檯的菜............我們都說質素都被租金和飲食集團吃掉了........但日本城市租金不貴嗎? 日本的連鎖店更大規模呀! 真是不解.

sumimase, 說完了.

-----------------------------------------------------------------------------

吃完走出來, 太太說, 旅遊書上見到一間好雅緻的紅茶館, 去囉去囉.......好, 再來一個下午茶 - take two!



就是這臨河的小店.......紅茶之店River Flow, 好別緻, 走進去, 登上二樓.......



 .......又是包廳, 那時是下午4:30, tea time呀!



就算全滿, 也是4檯客, 真是無話可說了.......

 多有高級味的餐具......

拍不釋手的是這個貴氣的杯碟, 一杯Assam, 份外好喝......



日本另一個我最愛的, 是他是雪芳之鄉.......無論大少tea house, cafe, 餅店, 都見到靚靚的雪芳, 全世界其他地方, 都沒有了.

純味雪芳, 21cm模子, 頂部cut平的.......很鬆軟, 充滿蛋香, 不過稍嫌不夠潤......(haha扮晒嘢), 但輕輕蘸點6成打發的鮮忌廉, 又香又滑......雪芳配忌廉是最恰當的, 不吃忌廉是損失.



太太的士多啤利茶, 好香呀, 杯杯和士多啤利都是心型, 多細心........



日本這兩年大熱卷蛋, 這個士多啤利卷真好吃, 糕身很潤, 裡面不是忌廉而是吉士醬, 加上鮮士多啤利, 那份感覺, 不是好吃可以形容, 怎說好呢.........

不禁說句 : shiawase!!



下樓, 發現原來臨街有一個小角落, 骨子到不得了, 坐在這裡下午茶, 哇~~~

我有少少鍾意左佢..........



19 則留言:

  1. 個心型杯真係好靚呀!
    係咁靚的環景, 你有無唱首情歌比你太太聽呀!
     
    [版主回覆04/15/2010 15:58:00]唔好喇啩, 咁破壞環境, 實比人踢出去, haha

    回覆刪除
  2. 鰻魚飯超靚 ! 雪芳蛋糕似乎不及你濕潤 !  心型杯好美呀 ! 
    好幸福啊。   
    [版主回覆04/16/2010 07:52:00]當時真係有d不相信, 可以那麼地吃下午茶, 明明之前一兩日仲係捱緊騾仔好殘的呀~~~

    回覆刪除
  3. 好別緻的Teahouse!我有多多鍾意左去日本旅行啊!
    [版主回覆04/16/2010 07:39:00]日本的小鎮好多時都找到雅緻的茶屋/cafe, 又有蛋糕吃, 想起都開心呀!

    回覆刪除
  4. 卷蛋, 好精緻~
    [版主回覆04/16/2010 07:40:00]很享受日本的雅緻文化.

    回覆刪除
  5. moon哥, 點解日本每一個角落既風景都咁雅緻同吸引既 ..... 日本人真係好細心,用既高級餐具真係令人窩心 。 連杯杯都係心型簡直無敵...... 咁岩你有食士多啤利卷,人家做的真係回味無窮~! moon哥moon嫂會唔會唔想返嚟香港呢? 請問呢個係咪真人嚟架?
    [版主回覆04/16/2010 08:01:00]呢個, 當然係真人啦, 他會行會走仲會撐船呀 haha, 他收工了所以把船拉埋一邊.
     
    日本呢, 吃東西除了吃, 還有很多周圍環境, 餐具, 招呼, 誠意........一籃子的享受, 可能就係文化吧, 第二處冇咖.
     
    哎, 如果我有錢有時間, 我希望用一個月慢慢玩......可惜兩樣都用完了.

    回覆刪除
  6. 好感受到你地當日既悠閒~~~  好同意係香港食野既感受!!! .....
    [版主回覆04/16/2010 08:06:00]日本都係一個人口密集和高消費地方, 點解香港會係咁嘅呢.........一個冇乜空間的地方, 係好難和諧和有創意的, 香港條件唔差, 點解總係好次"用到盡"呢........算啦, 都係有機會就去吓日本啦.

    回覆刪除
  7. 你今次飛係咪都未有直航?
    我收到風5月後KA又有直航啦!
    [版主回覆04/16/2010 13:14:00]係啦, 冇晒直航, 要經台北, 仲耐過去北海道.......九州咁熱門, 應該要直航啦, 希望下次有啦!

    回覆刪除
  8. 很雅致的地方................

    [版主回覆04/16/2010 23:41:00]好享受呀!!!!

    回覆刪除
  9. 好寫意呀....moon 兄,真你識嘆
    [版主回覆04/16/2010 23:42:00]歎係人的本能呢!

    回覆刪除
  10. 嘩!!!!!!!!!!  用 shiawase!! 形容真係最貼切.
    [版主回覆04/16/2010 23:48:00]係呀, 每一次好歎的時候, 都找不到更適合的.....不只是好食, 又不是快樂, 又不是興奮, 只能說句........幸福呀!

    回覆刪除
  11. a moon, 我想話呢...睇見你影嘅食物相,我都要講句:幸せね。 其實我唔多好鰻魚,但喺就非常鐘意佢嘅燒汁,跟日本米一起食,是極品,看到第一張粒粒蘸滿醬汁的米飯,我...吞口水喔! 日本人就喺咁有心思,咁得人歡心,睇見心形嘅茶杯,有邊位女士不心動吖! 雪芳可以喺日本佔一席位,確實喺難能可貴。我都唔明香港有名嘅餅店為何唔將佢列入其中一款,喺因為賺錢唔多?抑或...唉~~~ 其實要做好一個有質素嘅雪芳,對我而言...一啲都唔容易呢!
    [版主回覆04/17/2010 00:02:00]鰻魚飯雖好吃, 都由自可.......下午茶和cafe才是精華呢.........妳說得對, 日本go han也是極品, 粒粒煙煙韌韌肥嘟嘟.
     
    雪芳係美國發明, 可是在原產地已消失, 幸好在日本發揚, 我想, 是因為日本的飲食文化, 很接近禪的簡單, 原味, 雅緻.......實在太好了........中國飲食文化崇尚複雜, 多味, 有看頭......美心也有雪芳呀, 不過一來它做得不好, 二來香港人也不會吃很久, 好快會厭..........
     
    日本的商店, 一味只賣castella, 只賣一款芝士蛋糕, 只買烏冬, 只賣炸豬扒飯., 只賣雪芳蛋糕......中式的店子, 是不可能的呢.

    回覆刪除
  12.         有靚靚茶杯裝住靚靚 嘅茶,再 加件靚靚 嘅 卷蛋,真係好幸福呀!
    [版主回覆04/17/2010 14:58:00]真係好似發夢呀, 明明前兩日仲做到一隻D咁, 點解可以咁幸福..........

    回覆刪除
  13. 我上次沒有你好彩...明明已在網上check了不是那天休息...去到也closed!!!!超失望
    我也有寫遊記架..
     
    [版主回覆04/17/2010 14:59:00]一期一會..........真的好講緣份, 下次有機會再去啦!

    回覆刪除
  14. 我們也是吃這家大吉屋味鰻魚飯的確很不錯,可惜要趕行程沒有享受柳川茶室,看你嘆茶食cake真夠寫意。下次都要叮囑老公將行程編排得輕鬆一點,讓我們有足夠時間去細味寫意旅遊的真樂趣。
    [版主回覆04/17/2010 14:48:00]hehe, 多去幾次啦, 咁就可以輕鬆d了......(我都好想呀, 發吓夢)

    回覆刪除
  15. 係香港食日本野, 我一定會叫鰻魚飯或壽司, 因為I LIKE EAT
    [版主回覆04/19/2010 14:56:00]我都喜歡鰻魚飯, 其實日本東西我大部份都喜歡, haha

    回覆刪除
  16. 優優悠悠的行吓食吓,好享受啊!
    係囉,日本都係一個人口密集的地方,點解可以有悠閒的角落而香港就沒有呢?
    [版主回覆07/02/2010 11:35:00]係呀, 日本要旺有旺, 要靜有靜, 香港呢, 鄉村沒落, 城市膨脹, 可能係香港的經濟太狹窄, 只係旺地產和金融啦........冇晒小生意咁滯.

    回覆刪除
  17. 你好呀 我plan緊8月去九州旅行的~ 我想問下river flow離站係咪好遠架? 同埋柳川呢個地方, 多唔多特別的景點行呢?
    唔該你呀
    [版主回覆07/02/2010 11:32:00]係呀, 都遠呀, 不過如果乘柳川船仔呢, 下船處就好近本吉屋鰻魚飯和river flow呢.....柳川最得意的係船河, 另外d小店子, 小鎮風味

    回覆刪除
  18. 咁我想問下船仔係咪1500yen一個人呀? 因為我打算唔坐呢, 如果行係咪都好遠呀? 唔該你丫
    [版主回覆07/02/2010 21:15:00]忘了價錢了, 因連shuttle bus套票買, 如果不坐船, 係行好遠呢.

    回覆刪除
  19. 蛋糕好吸引,月尾去九州希望都可以食倒咁正既cake
    另想請問在九州有冇見過烘焙材料工具店?
    [胭脂迷回覆08/11/2013 23:38:49]謝謝你回覆,
    咁唯有網購啦
    [版主回覆08/11/2013 12:05:54]在柳川,紅茶之店,西鐵柳川站坐船仔到終點,才可找到。
    九州沒發現烘焙用品店啊
    [版主回覆08/11/2013 12:05:38]在柳川,紅茶之店,西鐵柳川站坐船仔到終點,才可找到。
    九州沒發現烘焙用品店啊

    回覆刪除