2010年4月9日 星期五

2010九州之旅-2.太宰府的一棵櫻

今年4月1日抵達九州, 滿以為一定可以遇上櫻花的"見頃"(migoro, 花開得最恰好的時候), 那知櫻花一年比一年開得早, 九州的櫻花3月尾已進入"散り"階段了.......


太宰府的周邊本來有數百棵櫻花, 那天到了太宰府, 連一棵都看不到, 失望之際, 竟發現了天滿宮旁菖蒲池邊有一棵已滿開, 快要散り的櫻花



"滿開"已經過了最美的時候, 而且只得一棵, 但已拍得不亦樂乎了!!!


這幅是我最喜歡的.......


 


 


這把傘真妙, 平日不見花紋, 但一遇上下雨天, 傘面就會出現一朵朵櫻花和一片片花瓣, 真是優美得如詩如畫.......


世上櫻花國家很多, 有這種櫻花文化和品味的國家只有日本.


 



在花海中, 見到一隻很可愛的小鳥.......哇, 點解咁似福岡的名糕點  --- 小雞餅ひよこ(Hiyoko雛)???!!! kawaii ne!!!



(這點心ひよこ(Hiyoko雛,小雞餅)是用隱元豆餡, 太太說好甜, 我這甜精覺的好香呀 )



她好頑皮呀, 跳上跳落, 轉來轉去, 肯好我有快鏡, haha



一剎那已無影無蹤.......像霧又像花......


17 則留言:

  1. 豬女下個星期去日本玩, 你地真開心, 一個一個咁去玩
    [版主回覆04/10/2010 21:30:00]hehe, 玩好緊要呀, 有得玩真好呢!

    回覆刪除
  2. 我都好仲意第2張呀!! 攝出了櫻的美態呢~~
    隻小鳥肥嘟嘟咁, 真係好cute~又識望鏡頭, 又識擺post~ haha
    把櫻花傘好神奇呀!!! 如果落完雨再曬太陽, 唔知會唔會多隻小鳥呢?
    今次旅程係咪悠悠閒呢, D相片很正呀~
    [版主回覆04/10/2010 21:47:00]我都係呀, 覺得好春天好嬌嫩呢!
     
    那小鳥好頑皮呀, 轉來轉去, 跳上跳下呢
     
    哈哈, 妳的idea真好, 晴天見小鳥, 雨天見花花 ; 晴天出白雲, 雨天見太陽.......
     
    今次旅程好自由自在呀, 不過也有趕的時候.......shopping和趕火車:p

    回覆刪除
  3. 把傘好得意啊. 唔知邊度有得買呢? 我好好彩, 上星期到公園時撞正櫻花滿開, 雖然唔喺日本, 都影到不少櫻花相啊 
    [版主回覆04/10/2010 21:50:00]那把傘, 在太宰府天滿宮外, 參道上的一間小店子見到, 聽說其他地方的都有, 不過我未見過呢!
     
    係呀, 其實美國和加拿大的櫻花更大棵更靚, 只係冇咁好氣氛呢.

    回覆刪除
  4. 把雨傘好靚啊﹗咁你有冇買把返黎送比我0者……
    [版主回覆04/10/2010 21:52:00]哎呀, 冇呀, 因為係直骨傘, 買了我怕那裡都去不到呢.

    回覆刪除
  5. 「世上櫻花國家很多, 有這種櫻花文化和品味的國家只有日本.」←大賛成~~~ 佢短短嘅花期,可以捕追得到櫻花最美嘅一刻真喺可預不可求,相信就喺咁,所以咁多人沉醉櫻花多過紅葉呢? 把傘好特別喔!喺太宰府附近有售嗎? 嗰隻雀仔喺相思仔喔!香港時常都會見到呢!
    [版主回覆04/10/2010 22:00:00]hehe, 係呀, 日本有寺院和神社的櫻花, 京都清水寺, 金閣寺, 九州熊本城, 青森弘前城........都係絕佳的背景.......還有櫻餅, 櫻便當, 花見團子, 好多好東西呢! 紅葉也是, 紅葉文化也是日本獨有的........紅葉也是大約兩個星期壽命, 也是好迷人. 那把傘是在太宰府天滿宮外的店子呢. 原來那隻就是相思, 我太孤陋寡聞呢, haha!

    回覆刪除
  6. 看到你的遊記好羡慕哦。我以前大學前面一整條超過1KM的長路梁兩旁都是櫻花樹, A whole long arch of sakuras,每年新學期上學都是櫻花盛開的季節,感覺挺幸福的。 ステキな写真たちをありがトン!てへ
    [版主回覆04/10/2010 22:05:00]櫻隧道! 我都未看過呢!!
    是在美國嗎?
     
    どういたしますで、お気軽でご覧ください。

    回覆刪除
  7. 我都覺得雞仔好甜呀 !
    [版主回覆04/10/2010 22:10:00]hehe, 我係甜精, 所以覺得好香呢!

    回覆刪除
  8. 好浪漫既意景。 日本既櫻花真係好靚呀~~ 那隻很可愛小鳥咁似相思雀...... moon哥與moon嫂今次一定好難忘喔! 至少我都比呢個浪漫意景迷住 。
    [版主回覆04/10/2010 22:34:00]hehe, 每次去日本都好難忘呢, 有櫻花的確是有氣氛好多呢!

    回覆刪除
  9. 櫻花好靚, 接下來你係唔係應該刻櫻花章
    [版主回覆04/10/2010 22:35:00]我會呀, 我要練多d靚櫻花圖案呢.

    回覆刪除
  10. d相睇完再睇, 睇完又再睇, 好靚呀, 隻雀仔又真係好似個餅喎. 我對把遮又係好有興趣呢.......haha女人本色.
    [版主回覆04/12/2010 09:07:00]我都係成日睇......返工好苦悶是, 又會看一看回味一吓, 幻想自己其實在旅行中, haha!

    回覆刪除
  11. 地球生態轉變, 連時花時菓都不能倖免.
    櫻花拍得好美.
    [版主回覆04/12/2010 09:08:00]希望第二時不會過年看櫻花, 香港d花都開到亂晒龍........

    回覆刪除
  12. 可以捕捉到小烏倩影已很難得呀!
    [版主回覆04/12/2010 09:08:00]好難捉呀, 牠擰來擰去的.

    回覆刪除
  13. 呢隻小雞人人都話甜....但個樣真係好可愛.
    [版主回覆04/12/2010 11:50:00]我呢, 就覺得少少甜左d啦, 但好香, 我個人就ok的呢, 但最好吃時飲綠茶.

    回覆刪除
  14. 把雨傘好特別
    [版主回覆04/13/2010 16:08:00]可惜係直骨遮, 好難拿.....

    回覆刪除
  15. 可能櫻花開花時,又遇著雪花降落,在配搭日式建築物,情景有點寧靜、有點郁郁寡歡,好有感覺、好有味道、好touching~
    [版主回覆04/13/2010 16:11:00]日本係有好多庭園神社古典建築趁住d櫻花, 所以特別靚呀
     
    櫻花時節冇雪咖.........除了今年東京, 聽說天氣反常, 有櫻又雪, 不過我都冇見過了.

    回覆刪除
  16.        櫻花好靚呀!

    回覆刪除
  17. 我都係差唔多日子到九州,31/3晚到

    回覆刪除