2010年4月8日 星期四

2010九州之旅-1.太宰府天滿宮

Tada ima, 我回來了, 九州是我開始著了日本魔之地......十多年後重回.


現在已沒有直航到福岡, 只好乘國泰, 經台北晚機去早機返, 誰知飛機臨起飛才發生故障, 延遲了1小時, 到了福岡上空遇上大風, 又在上空盤旋了40分鐘......



到了酒店, 又遇上傾盤大雨, 晚上11時在街上找飯吃, 雖然是最旺的街道, 街上的店舖已關得八八九九了........福岡的店子, 是8時關門, 食肆10時, 餘下的只有居酒屋和便利店.......唉, 很有點悽風苦雨.


幸好日本是一個安全和周到的地方, 在通宵小飯管吃了一個晚飯/宵夜.......還在老友記Lawson買了好好吃的焦糖焗雞蛋布丁和eclair(你沒聽錯, 是法式名點eclair, 在一間便利店!!)



睡了一夜, 天氣放晴了, 去太宰府玩去, 從這天起, 天天都晴天! 心情太好了.



參觀日本的神社寺院, 總是很舒服的, 靜穆平和, 不會有"香火鼎盛"的場面.



太宰府天滿宮供奉的是保祐學業事業的神祇, 算是相當豪華燦爛, 但仍保持優雅含蓄.



人家雖然同樣金金紅紅綠綠, 但總是堂皇儼然, 不會娘娘俗俗的......



拍著拍著, 有人叫 : 有結婚式呀!.......哇, 立即換上100mm, 今次不枉我千山萬水的揹著你 :p



神社人員領著新人和家族, 一步一步緩緩的步出神宮, 由儀式到服飾, 豪華中見低調........能夠舉行這種婚禮的一定是大戶人家了.



日本的神社神宮佛寺, 沒有禁止拍照這回事, 總是大大方方的任拍........不讓你拍的當然會聰明的隱藏起來啦!



天滿宮供奉的是一千年前的大臣菅原道真, 有趣的是, 所有神社供奉的, 不是神像神畫, 而是一面鏡子.........


多數的鏡子, 都藏在重重布幔後面, 這裏很罕有地放在當眼的地方......我想真正的神鏡應該在神宮的深處吧.


想接受祈福嗎? 可以去報名的呀, 付費就可以了.



我們不信教, 但也寫下"繪馬", 表達一下心願, 也是長玩長有, 平平安安之類啦!!! 我最喜歡懶懶玩玩的嘛!



 



走出神宮, 吓, 有人在玩馬騮??!......看資料, 原來這猴子戲是很有歷史的......哎呀, 看看那猴子, 想起旅程之後上班的日子, 不知怎的有點同病相憐, 不忍再看下去.



去參道看櫻找吃去.



15 則留言:

  1. 都仲有靚櫻花睇喎
    [版主回覆04/09/2010 08:39:00]櫻尾個尾了, 還有少少未殘的, 拍拍拍.

    回覆刪除
  2. 日本都有街頭賣藝猴子.
    [版主回覆04/09/2010 08:40:00]係啦, 我都未見過, 候來看資料介紹, 這檔耍猴子是很有歷史的.

    回覆刪除
  3. 太好啦~又可以眼睛去日本!!
    [版主回覆04/09/2010 08:41:00]歡迎歡迎來跟我重溫日本之旅的開心.

    回覆刪除
  4. 我上次去都見到有人結婚呀..
    [版主回覆04/09/2010 13:11:00]我去日本多次, 神宮的婚禮只係見過兩次咋, 上一次在京都, 今次係最近距離.

    回覆刪除
  5. 菅原道真...我記得上堂講過佢嘅故事,不過加陣...唔記得哂嚕~~~ 九州喺一個我好想踏足而還未實踐嘅地方,跟本州、東北或北海道折然不同吧! 睇見你提及便利店,忍唔住要高呼: 「日本のコンビニ、万歳、万歳、万歳~~~」 可以睇到滿開的櫻花,就算喺水尾都喺一件好運嘅事情呢!
    [版主回覆04/09/2010 13:19:00]個名我都有少少印象, 不過未聽過他的故事了.
     
    九州呢........其實絕大部份和其他日本地方都相似的, 今次時間太短了, 只係在北部繞了一個小圈.......最特別的是博多的屋台, 由布院的油菜花, 還有就是好好吃的溫泉料理和吃了很多好好的tea and cake..........
     
    日本のコンビニは僕の友達だ、ロソンは最高です!

    回覆刪除
  6.  
    我都去過天滿宮呀, 我係二日市果邊下車, 再"問路"之後行過去.
    原本d牌仔叫繪馬, 我都有許願呀~
    我去果時d yen仲係 7個幾, 而家要8個幾, 超貴!
    [版主回覆04/10/2010 08:52:00]由博多去太宰府, 有好多班西鐵都是直達太宰府呢, 不用在二日市市下車噃........後來我們由太宰府去柳川, 倒要在二日市市轉大牟田線了.
     
    哎, 算了, 日yen 6個幾, 7個幾的時代已過去, 為這8個幾, 我們足足忍了年多沒去日本, 忍不住了! :p

    回覆刪除
  7. お帰り、Moon兄!
    真是估不到,連日本也有人將馬騮帶到街上買藝。
    [版主回覆04/10/2010 08:54:00]ただいま! 快來看相啦, 我會努力出post了.
    係啦, 雖然好有歷史和好專業, 但我都係不喜歡看見.

    回覆刪除
  8. 今年無機會去啦!!等明了年,我都好懷念看櫻的日子.
    [版主回覆04/10/2010 08:54:00]一有機會, 就去!

    回覆刪除
  9. 真係開心呀!
    [版主回覆04/10/2010 08:58:00]玩到七彩, 只係假期不夠和銀兩不夠呢.

    回覆刪除
  10. 有得看櫻花,尾都好個無呀
    [版主回覆04/10/2010 09:01:00]好彩......看web的櫻情報, 全都是散, 好彩執到少少.

    回覆刪除
  11.  d 相好靚 bor
    [版主回覆04/10/2010 09:02:00]映到我手瓜起展, 揹到我虎背熊腰呀, haha!

    回覆刪除
  12. 闊別九州十多年, 環境看來仍是優優雅雅的。
    [版主回覆04/12/2010 09:18:00]去日本, 真係令我都優雅d

    回覆刪除
  13. 我未去過九州
    [版主回覆04/12/2010 11:52:00]九州一向係稍為冷門d d, 尤其依家冇直航機.....

    回覆刪除
  14.         個新娘子件禮服好靚呀!
    [版主回覆04/15/2010 08:46:00]一個字......雅!

    回覆刪除
  15. 你這次九州去了幾天? 我的相片還在處理中
    [版主回覆04/15/2010 08:46:00]7天......實得5天, 時間好短呀!

    回覆刪除