2010年3月23日 星期二

滿足的飲茶

尋尋覓覓, 總找不到一處令人回味的飲茶處......總不能叫消失了的悅荷坊和凱悅軒復活, 或者時時飛去麒麟........


間違い! 原來凱悅軒真的復活了, 後生仔不辭勞苦訂了幾次位, 終於可以去探探這故友了.



一盞靚茶, 四款小碟......這個醬茄子, 令我憶起多年前在日本宮島龜福的田樂茄子, 好味呀!!



凱悅軒仍是保留小巧的格局, 可惜位處市中心, 無可避免是樓景, 午市飲茶採取放題形式, 每位$200任吃, 幾貴呀!



點心款式貴精不貴多, 也不是款款好吃, 但精美的幾款令人回味無窮!!


這叉燒, 豬迷如我一定要吃, 是三粒"的", 少少肥, 甘香軟滑, wow!



要我叫點心? 我第一樣一定係 : 叉包!!!! 無論說什麼, 人們也不會明白叉包的神聖地位, 等於歐包中的baguette! 這心情, 只限於麵粉fans如我.


爆得靚, 包身鬆而不散, 軟而有彈性, good! 餡呢, 好味丫.



炸物......不是我的至愛, 但是今次........


這隻咸水角, 一口咬下, 又薄又脆的表皮下面, 是軟得幾乎感到流動的皮, 大家都忍不住叫好, 那種雙重的口感......那麼軟的皮, 師傅怎可包得那麼完美......至於餡, 都被遺忘了.



可惜我不能把咬了一半的咸水角拍下......



春卷, 那種鬆化, 霹靂啪o勒的在齒間碎裂, 又是精彩得連餡也忘掉........完美得近乎日本的高級天婦羅(雖然我未吃過haha), 我們都說師傅用的是否價值百萬的天婦羅炸爐??



豬迷要吃燒買, 小巧, 豬肉粒粒甘香, 加上一隻蝦, 好吃.....豬肉多點蝦少點更好, hehe.



蝦餃也做得不錯......



煎一口蘿蔔糕, 很香口, 不過始終不及又滑又企身的蒸蘿蔔糕.


 



糯米飯不像生炒的, 軟軟, 好在不多油(其實多油的生炒都好好食)



柴魚花生粥........粥好滑呀, 好吃.



不是常常去吃, 但有了這裏, 便讓我想嘆一餐茶時可以有一個去處.



6 則留言:

  1. 我喜歡吃麵包, 也喜歡飲茶吃點心。
    [版主回覆03/24/2010 11:50:00]飲茶我都喜歡, 但更喜歡吃麵包, :)

    回覆刪除
  2. 等我有時間都去試吓先!
    [版主回覆03/24/2010 11:50:00]可以吃個lunch

    回覆刪除
  3. 真係好吸引咁喎!
    $200/人 -- 又真係幾貴!
    [版主回覆03/26/2010 07:35:00]真係幾貴呀, 只能間中吃一次.

    回覆刪除
  4. 亞 Moon 哥又去搵食, 那個叉燒包真係好靚喎, 我去飲茶都一定要食佢. 你最好張 T-Pot 相照得好!
    [版主回覆03/26/2010 07:39:00]今次不是我找的, 不過真係有質素, 香港澳門酒樓好多, 但係去到值得欣賞的就好少好少......
     
    新潮茶壺, 幾得意, 仲有壺中人添, haha

    回覆刪除
  5. 我去飲茶來來去去都是愛吃义燒包, 牛腸/蝦腸, 也間中吃炸兩.
    你這餐茶很 , 我都好滿足
    [版主回覆03/26/2010 07:42:00]我時時有個感覺, 叉包做不靚, 咁點心部功夫有限了........我都喜歡傳統的點心如蝦餃燒賣腸粉, 新派的配搭少少就ok了.

    回覆刪除
  6. 自香港人轉做九龍人之後 , 一直搵緊「得」嘅飲茶食點心地方 , 有你好介紹 , 凱悅軒值得一試喎。
    [版主回覆04/09/2010 23:47:00]可以去試吓呀! 這間是精緻的飲茶地方, 九龍真的不多, 但有歎茶的感覺呢! ........但一定要提早訂位呀!

    回覆刪除