2010年3月22日 星期一

楓糖田園包......有好爐介紹嗎?

終於有一個週末不用ot, 立即做包.


很久之前探妹妹, 買了很多楓糖漿, 還有一瓶未開封, 幸好楓糖和蜜糖一樣, 可以保存很久, 一於用來做一個甜的田園包!



高粉250g 裸麥粉50g 速酵母2g 鹽5g 水約130g+楓糖漿60g攪勻 橄欖油10g


適量巨峰提子乾浸水, 山合桃焗脆


除了油份, 所有材料拌勻, 搓滑, 放室溫2小時, 臨睡放入雪櫃, 可能天氣仍是涼, 第二天, 麵團仍長不好, 唯有座暖水發到2倍. 排氣靜置, 包入提子乾和合桃, 捲成長形, 座暖水發酵50分鐘至大約兩倍大, 入爐220度焗約20分鐘至表面金黃.


 


包的質地是偏結實的, 不過十分香.



星期日做了一個日本甘夏柑的雪芳蛋糕, 凹到好似一個盤.......真的要換爐了, 很奇怪, 看麵包的上色, 真的好正常...........


大家有冇好的電焗爐介紹? 我只知Roller Grill  和 DeLonghi........


25 則留言:

  1. 個麵包好似個麵包印仔。
    [版主回覆03/23/2010 15:51:00]haha, 係喎, 又係長長的啡啡的又係切兩片!!

    回覆刪除
  2. 我經常到訪貴blog,偷學做雪芳的技術,當然順便看做麵包喇。楓糖也是我喜愛的材料之一, 但我發覺每次用它做出來的麵包都是偏實, 由於它的價值不算便宜,現已放棄,改用brown sugar。 未知你會否如做雪芳一樣,作無限次實驗,令楓糖包也可以鬆軟呢?
    [版主回覆03/23/2010 16:01:00]yeah! 原來你都有經驗, 我呢個包係實左d, even發酵好充分, 我估係糖漿有黏性啦!.......我有一包maple sugar, 朋友送的, 不知會否好些.......呢個有你的經驗, 我不會特別試了, 有機會我加牛油, 看看是否鬆d........

    回覆刪除
  3. 好 Pro 啊!
    要噴水的嗎?
    [版主回覆03/23/2010 16:01:00]這個不是脆包, 冇噴水了.

    回覆刪除
  4. 我係用deloghi, 我覺得幾好用
    [版主回覆03/23/2010 16:02:00]好的好的, 是意大利還是祖國製的呢? 聽說新版的火力不是太平均, 要轉焗盤.......

    回覆刪除
  5. 麵包皮脆嗎??
    [版主回覆03/23/2010 16:03:00]這是甜包, 麵包皮不是脆的.

    回覆刪除
  6. 係喎, 我忘了, 依家佢已經係國產, 我果部係多年前買, 係意大利做!
    [版主回覆03/23/2010 21:32:00]可惜斷市了.....

    回覆刪除
  7. Roller Grill la ,我知叫你買我嗰部係無可能架喇, 但如果要做靚法包, 又好值得架.
    [版主回覆03/23/2010 21:35:00]icic, 等我去看看........似乎上海街可選擇的model不多......靚法包.....係咪真咖.

    回覆刪除
  8. 我都想買新焗爐呀! 如果你有結論! 請公佈天下呀! 謝謝!
    [版主回覆03/25/2010 07:30:00]我會收集資料和意見了, 買了告訴大家.

    回覆刪除
  9. 個外形好似法包, 不過我都係鍾意食鹹包多d
    [版主回覆03/25/2010 07:30:00]呢個甜包都好香, 但比較實

    回覆刪除
  10. moon 哥, 我用緊roller grill 60 lit,係orange亞力介紹我用。 你問下光榮行萍組,而家折埋幾多,咁就知行情。 到時如你真係要,我再幫你去quote個價如平,但你要自己去荃灣提貨。
    [版主回覆03/25/2010 07:32:00]謝謝你的資料呀, 60lit.......好大呀, 我相信我個廚房放不下呢.......有冇細d型號呢?

    回覆刪除
  11. moon 哥, 我用緊roller grill 60 lit,係orange亞力介紹我用。 你問下光榮行萍組,而家折埋幾多,咁就知行情。 到時如你真係要,我再幫你去quote個價,但你要自己去荃灣提貨。
    [版主回覆03/26/2010 07:25:00]好的, 等我去實地看看.

    回覆刪除
  12. moon哥, 好似有一隻30 LIT。 呢款焗爐有個好處,就係唔使做個櫃裝住佢。 60 lit 都係闊24吋喎,兩個階磚左右。
    [版主回覆03/26/2010 07:27:00]我都想用60lit, 但真係比較大, 放在廚房太迫了. 可能都係要30lit, 等我去睇吓.

    回覆刪除
  13. moon哥, http://www.rollergrill-international.com/produits_cat.asp?CatId=6 有冇諗過台灣焗爐?大陸有些2-3000人仔已有石板和噴水。
    [版主回覆03/26/2010 07:30:00]謝謝介紹, 不過冇乜呢方面的資料, 不知質素怎樣.
     
    我都常常上roller grill的網看看, 但香港的爐具店不是代理, 可能只得好少型號選擇吧.

    回覆刪除
  14. moon哥, roller香港有代理,不過唔係獨家代理, 我部唔係水貨黎架。:) 呢幾年已換過二個爐,原因就是細,部30L土豆我用用下都覺細,所以有地方都係諗下大爐。 340TQ應係34 Lit。
    [版主回覆03/26/2010 16:18:00]好呀, 有代理會好d, 起碼多點款式或售後服務.
    60lit爐當然好啦, 但地方不夠呢,  FC60是(595 x 610 x 590 mm )23.4"x24"x23.4", 闊和高都尚可以, 但厚近2呎, 再加散熱空間, 我入不到廚房呢.
    http://www.rollergrill-international.com/produits_details.asp?ProdId=41
     FC60TQ寫住內外都是470 x 370 x 350 mm, 咁細? 我估有錯吧
    http://www.rollergrill-international.com/produits_details.asp?ProdId=42

    回覆刪除
  15. 個包好靚呀, 真羨慕你整包好似灼生菜咁.
    [版主回覆03/27/2010 15:45:00]哈哈, 我其實都尾熟手, 一至兩個星期玩一次, 仲要練好多年.......有排玩呢.

    回覆刪除
  16. 麵包好靚仔呀. 你個爐淨係唔接受呀芳.
    [版主回覆03/27/2010 15:47:00]唉, 其實我個爐, 焗雪芳d色都好靚, 但就係越來越唔妥.......d熱力入唔到糕心吧.......

    回覆刪除
  17.         呢個包包好吸引喎!         買仙姐個五層爐啦!
    [版主回覆03/27/2010 15:47:00]我都好想呀, 但係我估要鑿埋隔離屋的廚房了........:p

    回覆刪除
  18. moon哥, 冇错,網上尺寸系唔岩架。60升应分有冇tq呢個功能。尺寸應一樣。另代理老細話留二至三吋散熱就得。再唔係你要問陳小冬部意大機爐,內膽細d,我諗機身都會細d 。
    [版主回覆03/27/2010 16:00:00]icic,  咁太失望了.......我個廚房係窄長型, 放了兩尺厚爐在通道, 真是轉身都轉不到, 陳小冬........哈哈, 我一直都不知這名字........Gierre梗係好啦, 但都係21.5吋厚.......我看都係340TQ了, 不知這款爐表現如何? 除了焗法包不行........

    回覆刪除
  19.         " 我都好想呀, 但係我估要鑿埋隔離屋的廚房了........:p "         有冇咁誇張呀!
    [版主回覆03/27/2010 22:36:00]真咖, 我個廚房好細咋.

    回覆刪除
  20.  
    你好, 我都係搵緊焗爐gar, Gierre我都覺得係太大部啦, 你而家睇緊既340TQ係34L? 我都好有興趣? 保養方面點呢? 如果你真係買, 唔知我同你一起買, 會唔會有discount 呢?
    [版主回覆03/30/2010 07:27:00]我都未去實地睇過呀, 只係搜集資料, 相信要過左復活節假期才可以了........
     
    大家交流吓消息啦.

    回覆刪除
  21. 我見到有人用呀, 不過我打去 上海街富達, 佢唔肯話我知幾錢...要我去睇wor...我最快要星期四先有時間去ar...
    http://hk.myblog.yahoo.com/jw%21ujP4NrOfERDkWq2hUaQFrtsO/article?mid=5536&suc=1
    [版主回覆03/30/2010 07:36:00]icic, 係呀, 好多店舖都唔做電話報價, 可能防d行家check價, 或者迫人去店看啦!.  我未咁快去睇呀, 有咩消息告訴我, 如果買兩個有discount, 預埋我.

    回覆刪除
  22. 我都唔急, 依你既經驗, 尼個roller grill既內部高度夠高嗎?
    可能因為我以前果個(送左比人好耐啦..)太cheap, 焗muffin 時個頂好易"過火".
    我weekend都上大陸, 又係7/4先番香港. 有消息一定會通知你.
    我只係知上海街富達, 其實上海街係咪仲有其他shop都有gar?
    [版主回覆03/30/2010 15:07:00]我個爐相反, 唔夠迫力, 好奇怪, 用紅外線check焗盤溫度好正常, 焗包都上到色, 但係焗雪芳蛋糕就越來越凹.........可能係d熱力去不到爐的中心.........我都唔知, 只知舊爐仔一次都未凹過, 去朋友家焗, 都係未凹過.
     
    上海街光榮行應該都有, 等我去睇吓先.

    回覆刪除
  23.  
    我剛剛睇左本書叫 Ultimate Cake, 入面話 cake既top dropped 係因為:
    1. the overn temperature was too hot.
    2. the cake was not cooked for long enough.
    3. the cake tin was knocked during cooking.
    4. the oven door was opended too soon which created a draught.
    我無咩點整過cake, 唔知幫唔幫到你呢?

    回覆刪除
  24. 你還有興趣再實驗楓糖包嗎? 我看了些書及上網找了些資料,發現原來楓糖的糖與水比例是: 糖67%, 水33%,而且如果formula 裏的糖含量高過10%會影響yeast's activity,我根據這些資料改了我的recipe,偏實的情況已解決了。依你的recipe,我會改為: 高粉250g、粿麥50g、速酵3g、鹽5g、水162g、楓糖54g、油10g。我遲些會試做你這個recipe和將速酵保持於2g,看看效果如何。
    [版主回覆01/31/2011 12:01:00]謝謝你呀, 我有興趣呀!! 近來太忙, 又有少少不舒服, 等天氣暖d, 我會開工了!

    回覆刪除
  25. hi, 你好!

    我家的焗爐剛剛壞了,也想買一部較大的。現在睇緊 roller grill 和 Gierre, 請問你有沒有roller grill 香港代理的聯絡資料?如有的話, 可否告知?謝謝!
    [版主回覆11/15/2011 12:56:34]miss 左添不好意思, 我在妳另一個回應答啦.

    回覆刪除