2010年1月13日 星期三

班蘭雪芳

老友記好恨吃班蘭雪芳蛋糕, 那天沒空檔做, 這天我代她做一個.......也代她吃了 :p


嗯, 單反才可以拍出這樣的薄景深......



今次都是用暖麵漿.


斑蘭葉數條剪碎, 加少許水, 攪拌機打碎, 過篩兩次成斑蘭汁


蛋黃 55~60g 糖20g 油35g 斑蘭汁50g 低粉75g


座40~50度暖水, 蛋黃加糖打至稍杰, 依次加入油, 斑蘭汁徹底打勻. 篩入低粉拌勻


蛋白120g 糖40g


座暖水, 打發至幼滑拉起成軟鉤. 分兩三次fold入蛋黃麵漿, 170度焗40分鐘, 待涼脫模.


看, 都升得好適中.



好成功呀(好成功即係唔凹陷!) 加上好柔軟, 有斑蘭的獨有向香味.


左 : 500D ; 右 : S90, 其實S90都唔錯呀!



天然斑蘭, 不是很綠的呀!



29 則留言:

  1. Moon 爺,請你用靚仔影返張街市夜景來睇,影多張晚上室内燈光(不是打光燈)。
    [版主回覆01/14/2010 07:48:00]我都影左好多試驗品, 但係未出得街, 因為仲有好多疑問, 大機係難玩好多的.
     
    有結果再post.

    回覆刪除
  2. 我就是不習慣操作,影深太短,是太短,即是當我不那麼短影深時他偏偏出現,真是要多加練習
    [版主回覆01/14/2010 07:54:00]景深薄, 係大機的特點呀, 但係可以控制的-----收細光圈 / 用短焦一點.....仲可以用"A-DEP"mode(景深先決模式) 或者用CA mode(用家自訂模式)去控制.
     
    不過因為景深薄, 對於對焦的要求高左好多, 連我也不滿意它的表現, 約左機皇同事試機, 才有定論.

    回覆刪除
  3. 引死人呀! 可惜要陪爾雅考試!
    [版主回覆01/14/2010 07:55:00]考完試再開爐啦! 妳去買葉方便呀!

    回覆刪除
  4. 好軟熟,真係暖麵漿的功勞!
    [版主回覆01/14/2010 07:56:00]係呀, 好軟, even暖打的蛋白好似粗左少少, 但冇影響質感......希望呢個方法令我安枕無憂了!

    回覆刪除
  5. 影得靚, 個蛋糕又做得靚.  勁!   你替她做蛋糕, 又替她食佐佢, 真的又幾好玩呀. 
    [版主回覆01/14/2010 17:50:00]係, 冇法子啦, 我整的時候她又不能來吃.

    回覆刪除
  6. 斑蘭雪芳 ..... 我既至愛呀 ..... 我上次要試暖漿 ~~
    [版主回覆01/14/2010 17:51:00]暖麵漿暫時幾work, 最好30度~32度啦

    回覆刪除
  7. 學做蛋糕又可以學埋攝影, 一舉兩得。
    美心新出了的班蘭蛋糕, 朋友說不好吃。
    [版主回覆01/14/2010 17:51:00]係呀, 雙重娛樂呢!

    回覆刪除
  8. 蛋糕既質感好軟綿綿呢! 果然係雪芳達人!!
    [版主回覆01/14/2010 17:52:00]邊係呢, 我都係整整日常蛋糕.......仲成日出問題呢!

    回覆刪除
  9. 你的老友記尚在回氣中(那日與夜的時差). 可惜呀, 她未能親嚐新鮮班蘭的雪芳.
    [版主回覆01/14/2010 17:56:00]哈哈, 呢位老友記都係好難食到, 搭飛機的雪芳, 我怕變了柿餅, 下次回來再做給她吃啦!

    回覆刪除
  10. 好鬆軟啊,睇見都想食佢一啖呀 !
    [版主回覆01/14/2010 17:57:00]係呀, 今天早餐剛吃完了, 雪住都咁軟熟.

    回覆刪除
  11. 我想試整le個
    [版主回覆01/14/2010 17:58:00]好呀, 唔難的.

    回覆刪除
  12. 看來暖漿法真的是我們這個焗爐機款的救星。可惜最近回家已經巴不得妝也不卸鞋也不脫就睡在大廳中央(實際有好幾天真的脫了鞋就睡沙發)還沒有時間嘗試呢! 最近我也換了照相機,是sony的Hx1,玩熟了嘗試真正的大機
    [版主回覆01/14/2010 18:01:00]呀, 是super zoom 機, 我未玩過呢, 希望你快快忙完, 可以玩吓機啦!

    回覆刪除
  13. 我都好鍾意班蘭雪芳既清香!
    [版主回覆01/17/2010 19:53:00]幾好食咖!

    回覆刪除
  14. 哈哈! 依家整餅仲多一樣野忙.
    [版主回覆01/17/2010 19:56:00]真係呀! 多一樣玩具, 多一樣忙, 我玩得好沉迷咖.

    回覆刪除
  15. 班蘭既味道好特別, 有一陣優香 ... 正 !
    [版主回覆01/17/2010 19:57:00]係, 有一種特別的香味呢!

    回覆刪除
  16. 你嘅雪芳蛋糕已經做到百發百中喇喎 我已經ordered S90
    [版主回覆01/17/2010 20:00:00]我都希望係啦, 真係兜兜轉轉幾年, 希望我已了解雪芳蛋糕啦.
     
    S90, 細機中好機, 我用緊, 好可靠.

    回覆刪除
  17.          卒之到妳整班蘭雪芳 嗱!睇 嚟暖麵糊真係好 啱你喎!一個字:靚!!
    [版主回覆01/17/2010 20:01:00]真係幾靚, 希望暖麵漿可以令我安枕無憂啦!

    回覆刪除
  18. 班蘭雪芳蛋糕,  美味呀~
     
    [版主回覆01/17/2010 20:01:00]yummy呀!

    回覆刪除
  19. 想問暖麵糊係咪整其他雪芳都得架?  搵日試吓先..不過成日都買唔到班蘭葉
    [版主回覆01/22/2010 09:05:00]應該係, 我未試晒, 你幫我試吓.
     
    班蘭, 都係朋友帶我去荃灣才買到呢.

    回覆刪除
  20. 係呀...自家制好味好多...我最近試左美X西餅果隻真係好麻麻
    [版主回覆01/22/2010 09:06:00]我淨係吃個他的天使蛋糕, 都ok的, 不過自制仲好味.
     
    他的班蘭 , 係點嘅呢???

    回覆刪除
  21. A moon,
    請問你焗的戚風個面會唔會好燶?我的戚風個面好多時都燶食唔到,想問下幾時加鍚紙會好d?我已將放左最底的那格,焗的時候用165度,30分鐘或28分鐘,但個面就成日都好燶,睇你及其他人d相才知自己的戚風好燶
     
    [版主回覆01/22/2010 09:09:00]面燶燶, 係爐身太矮吧, 那麼要蓋錫紙了, 要等蛋糕面set好晒, 開始深色, 才蓋.

    回覆刪除
  22. 好靚仔. 真係好夠天然的班蘭。不係美 x 綠到好怪。
    [版主回覆01/22/2010 09:10:00]綠到好怪.........那是加了色素了, 鮮斑蘭不是太綠的呢!

    回覆刪除
  23. 佢個班蘭係得d色, 無味ga...同好鬼油...唔掂, 自家制好味好多
    [版主回覆01/22/2010 22:30:00]icic, 如果係好油, 那可能不是雪芳蛋糕的食譜了. 我都吃過一個私房班蘭蛋糕, 好油, 不過也好綿花, 幾好味的.

    回覆刪除
  24. 我都諗緊買g11定s90好, 見後者都做到淺景深的效果, 唔知難唔難控制呢?
    [版主回覆01/31/2010 18:10:00]dc的淺景深主要是在近攝時出現的. 兩部機的ccd和電子部份, 光圈是一樣的, 只係g11鏡頭的zoom range大d, 但係又重d. 我相信兩部機都易控制的.

    回覆刪除
  25. 請問你個模是幾多cm呢?謝謝.
    [版主回覆02/17/2010 12:06:00]係17cm KAI 鋁模

    回覆刪除
  26. 謝謝你的極速回覆.我個KAI鋁模是20cm,要將材料份量倍大了.
    [版主回覆02/17/2010 15:40:00]係呀, 要1.5~1.6倍材料了

    回覆刪除
  27. 請問個kai 模要搽油嗎?大概要用幾多條葉?
    [版主回覆02/18/2010 22:59:00]千萬, 絕對不能搽油.......!!!!
     
    我用了大約3條葉.

    回覆刪除
  28. 好正...班蘭蛋糕好正 你
    影啲相又正 S90玩左都2,3個月,仲未掌握到,有時影微距好難對焦
    [版主回覆03/01/2011 20:25:00]Thanks ar!

    回覆刪除

  29. 我跟你個食譜整咗啦, 真係好正!!! 一萬個多謝你的寶貴經驗分享!
    [版主回覆03/01/2011 20:26:00]成功呀, 大家分享吓咁啦.

    回覆刪除