2009年12月5日 星期六

愛媛柚子朱古力

天氣已冷了很久, 靚朱古力也買定了, 靚模也買定兩個, 但一直ot也沒有時間, 連約了老友的朱古力聚也被迫取消.......實在太抱歉了. 今天剛好有一個閒日, 自己先動手練習!


借這裏向ot文化無聲抗議!! 向閒暇三呼萬歲!!!



今次試用的是瑞士的Felchlin Arriba 72% 黑朱, 甘香微酸, o岩晒我這黑朱迷, 對怕苦的朋友就對不起了.



一年沒動手, 生疏到不得了, 今年的tempering進步了, Felchlin的網站非常好, 很詳細和準確的列出調溫的data, 我也做得不錯.......


 


可是, 入模就很生疏, 還遇到一個問題, 是朱古力殼很易裂, 脫模又黏模, 結果有3成朱古力都裂了, 只有七成朱古力完整. 唉!!!



今年愛媛柚子風蘼全城, 構思將Koo sir教的raspberry filling改為yuzu, 試了兩次, 都好成功呀! 餡料又香又滑又酸咪咪, 和這朱古力很夾!!!



成功的......




都很光閃閃, 就是裂.......



看, 朱古力殼只有紙那麼薄, 不行呀, 但為什麼呢???



39 則留言:

  1. 嘩, 原來你除了是蛋糕高手外, 還是朱古力高手.  d 力力做得好靚呀.
    [版主回覆12/06/2009 22:27:00]老實說, 我真係...............低手來咖!!! 好多失敗妳冇見,haha

    回覆刪除
  2. 咕咕力唔識玩,亦唔敢玩,怕有排洗、怕有螞蟻........你做得好靚呀!蠟蠟鈴~
    [版主回覆12/06/2009 22:30:00]我學過三次, 都上癮了, 洗係好大穫, 好彩每次都可以回復原狀.....

    回覆刪除
  3. 見你地整朱古力,真係好叻呀,你地咩都識整,好羨慕!!
    [版主回覆12/06/2009 22:31:00]我都係玩玩吓咋, 學緊嘢.

    回覆刪除
  4. 嘩!有埋包裝印埋花好靚呀, 隔左成年都冇生疏喎.
     
    [版主回覆12/06/2009 22:32:00]生疏左好多了, 好le heh呀, 手騰腳震........

    回覆刪除
  5. 好像咖啡色的鑽石 !
    [版主回覆12/06/2009 22:33:00]係呀, 成功的話 , 真係好靚, 又好味呀!

    回覆刪除
  6. 製作咁多,送給朋友?我想學架!最喜歡做做做,不用說話,但可惜朱古力不太愛吃,要找辦法消滅佢。
    [版主回覆12/06/2009 22:34:00]係呀, d成功作品就分比親友, 我係黑朱迷, 加埋酸酸甜甜的filling, 真係冇可抗拒, 只怕肥!.

    回覆刪除
  7. 你做咁多, 送人???我好怕有餡流出來的古力.  你都做得好靚呀, 緊係好好玩喇, 今次亞妹有得食喇掛!??
    [版主回覆12/06/2009 22:41:00]咪嗰7成ok的送比人, 3成自己吃.........肥死我了.
     
    以前我都不喜歡吃有餡朱古力, 原來係......以前的餡不好吃, 自從學了朱古力, 才懂欣賞, 好的餡是好好吃的, 即係我嗰d呢, haha
     
    今次有她分肥了.

    回覆刪除
  8. 見到就覺得會好好食, 柚子餡@_@... 好期待tim~~~
    (雖然我已經岩岩收到, 但未捨得食呢-0-" 在此先謝謝moon哥~)
    [版主回覆12/06/2009 22:43:00]hehe, 呢個餡, 我都覺得好成功..........太太說, 上次的熱情果餡好吃!

    回覆刪除
  9. 我今晚都打算整朱古力啊, 屎火啦...睇完我都驚驚地添...我都好耐冇做過喇
    [版主回覆12/06/2009 22:45:00]妳一定會成功的呢!

    回覆刪除
  10. 如果覺得個殼太薄, 試下倒多層朱古力, 或者用Koo sir教既方法, 用掃幫佢哋補妝都得架.
    [版主回覆12/06/2009 22:25:00]icic, 謝謝妳呀! 我未試過倒兩次殼, 原來可以咁樣, 謝謝呀!!
     

    回覆刪除
  11. 嘩, 你朱古力都識整, 好叻吖. 其實我都好想係JOHNNY到學, 不過我又好怕整到成屋都係朱古力(因為我好"論盡"), 所以都係放棄咗.
    如果裂咗果D朱古力你可以請我食就好啦, 哈哈!
    [版主回覆12/06/2009 22:47:00]邊係呢......我都係學學吓咋! 我都係攪到周圍朱古力, 因為冇個大的朱古力爐, 所以滴到周圍都係, 不過都可以攪番惦.

    回覆刪除
  12. 請一粒我食啦!
    [版主回覆12/06/2009 22:48:00]隨便吃啦!

    回覆刪除
  13. 做得好好! 倒殼倒兩次便可。
    For hard filling, thin shell is easy to demould.
    For soft filling, thin shell is difficult to demould.
    Therefore, you need to find the balance between the two.
    [版主回覆12/06/2009 22:24:00]icic, thanks ar, 明白了. I think 倒殼兩次 is the best solution! Indeed the yuzu ganache is so soft and creamy.
    跟你上課時, 明明很易甩模, 所以很想跟你再學一次, 可惜.......要ot........
    有機會一定要跟你上課.

    回覆刪除
  14. 好靚!好靚!引到我報了名跟Johnny學藝。我鍾意葉形模
    [版主回覆12/06/2009 22:48:00]妳就好啦, 我都想呀, 但係要ot呀!

    回覆刪除
  15. 做完喇, 失手呀, 要拍四次先甩得晒模, 仲有剷完朱古力fill得唔夠滿, 轉印紙印到d印唔到d呀
    [版主回覆12/06/2009 23:04:00]我都係拍三四次, 甩唔到的, 個殼已裂, 上轉印紙時, 朱古力要滿d, 如果唔太滿, 可以反轉放, 模在上壓住轉印紙, 一樣ok, koo sir教的, 幾乎忘了.
     
    得johnny教路, 下次又再試.

    回覆刪除
  16. D古力好閃好靚呀!係喎,將 raspberry filling 改為 yuzu,是用柚子茸吧?兩個都是帶酸味的,不用調較食譜!
    [版主回覆12/06/2009 23:07:00]不可用柚子茸呀!!! 那是甜甜的膠狀物, 又不香, 我用的是柚子汁, 那是最香的, 但因它是水狀, 又很酸, 我試過了, 用量是raspberry puree的60%就很好了.

    回覆刪除
  17. 引死人啦!你做樹葉模做出來很漂亮
    [版主回覆12/07/2009 14:14:00]手痕所以試左先, 樹葉模意上不到咁好用.

    回覆刪除
  18.  做得好好呀....個面又令, 又完整, 有7成ok算唔錯啦.
    [版主回覆12/07/2009 14:18:00]面令是調溫好, 今次調溫做得不錯, 可惜倒模不太好, 三成真係太多了, 自己都食不了.....

    回覆刪除
  19. 今年你可以大量生產用來做聖誕禮物喇!
    [版主回覆12/07/2009 14:19:00]成功率仲係低, 都係做黎玩吓, 送比家人吃吓咁啦.

    回覆刪除
  20. 我都好想試下^~^
    [版主回覆12/07/2009 14:22:00]我是在創意西點跟Johnny sir和Koo sir學了兩次的, 才知道基本原理, 現在自己玩吓咁啦, 幾好玩, 而且可以吃得.

    回覆刪除
  21. Wow 好靚呀!皮薄餡靚,好有光澤。生疏都咁靚,補課後真係唔捨得食。我做淨朱都搞到一塌胡塗,又啞色、又易溶,想送比朋友都未出街就開始有 d 唔精神。自己都覺得好笑。
    [版主回覆12/07/2009 14:28:00]可惜裂左好多呀!!! 要再試了. 啞色易溶, 係調溫問題, 今次我調溫幾好呢.

    回覆刪除
  22. moon 哥經你咁講我今年都要試下先,咁柚子茸可以係邊買阿
    [版主回覆12/07/2009 14:30:00]係柚子汁, 千萬不要買柚子茸, 兩回事呀! 我是在銅鑼灣sweetie買的. 柚子汁份量是koo sir raspberry ganache中raspberry puree的60%份量

    回覆刪除
  23.         嗯,你跟 Johnny 學整朱古力?都幾靚呀!         我想請教你,其實個模駛唔駛搽油?我見過有本書教要先搽油,好奇怪,可能為 咗易脫模啦!         邊度會買到你果 啲方形 嘅朱古力墊紙?我見 嚫都係圓形,或者係心形錫紙,最憎 o架喇!
    [版主回覆12/07/2009 21:07:00]係呀, 他打開了我認識朱古力的大門.
     
    我的是新模, 我都有熔了少少可可油, 抹模, 再抹淨, 做過一次以後就ok了, 至於搽油, 如果指其他油, 就真係千其唔好了, 會玩完的.
     
    我是在eva的創意和sweetie買的, 我都有心形呀, 因為膠紙係PE, 質地特別靚,

    回覆刪除
  24. 今年我都開工了,但真係倒得太薄,很容易裂,唯有做厚點...
    [版主回覆12/07/2009 21:09:00]咁你點做厚d呀? 有冇得睇吓呢?

    回覆刪除
  25. 樹葉形好靚呀, 
    個餡好滑滑, 睇完個口都酸酸地, 好似食緊咁~!:p
    點算好呢......hee hee
    [版主回覆12/07/2009 21:12:00]係呀, 真係好好味呀, 可惜太多ot, 冇時間再做了, 如果第日做左就請妳吃啦!

    回覆刪除
  26. 整得好靚呀!moon........

    [版主回覆12/08/2009 10:30:00]呢d係成功作品呢!

    回覆刪除
  27. 整得好靚呀~ 不過我唔敢玩朱古力,因為怕肥、怕洗餐死,但係我真係愛C黑朱古力呀!!!如果你住喺我左近就好lu~ 起碼可以求你請我食一粒頂吓引啦
    [版主回覆12/08/2009 10:31:00]我都怕呀, 好次呢排又肥左d. 但係朱古力好好玩又好好食, 所以都系手痕

    回覆刪除
  28.          無記錯的話,好似 19號 Johnny 又會開班呀,因為 Ah Sa 報 咗名,原本佢都叫我一齊上 o架,不過我要教琴,去唔到上堂!         我都幾鍾意你個樹葉模,好靚!你係用咩模整 o架?聽 Ah Sa 講,原來有隻貴模係用動物 嘅骨膠做,整出 嚟 嘅朱古力表面特別 "令",又易 啲脫模,你係咪用呢隻呢?
    [版主回覆12/08/2009 10:33:00]唉, 我都係, 我要勁ot, 冇得去呀! 我係在sweetie買的, 係透明硬模, 我都不知是什麼質地呀!

    回覆刪除

  29. 樹葉古力好靚, 加埋呢個packing, 好高貴呀!
     
    我重未學倒模呀! 今次Johnny嘅班, 又撞咗期, 上唔到lu!
    [版主回覆12/08/2009 13:45:00]係幾靚呀, 呢個盒都係朋友送的呢.
    我都好想翻修吓, 可惜12月忙到七彩, 冇晒時間了.

    回覆刪除
  30. 整得好靚喎 !  整咁多食得哂嗎? 要唔要人同你分肥呢 ?
    [版主回覆12/09/2009 07:52:00]完整的, 已成功分肥了, 破爛的就自己啃吧, 好肥呀!

    回覆刪除
  31. 唔緊要喇. 開完ot就開開心心放聖誕假.
    原來又係玩朱古力的季節. 整得好靚呀.
    [版主回覆12/09/2009 07:49:00]一天一天的做, 未過時會好愁, 過了之後就冇事了.
    整朱古力那天真的很開心呀, 雖然裂了不少.

    回覆刪除
  32. 整得好靚呀, 我好好彩報到19/12那堂, 我之前係完全唔識整o家, 只係上過Godiva係towngas攪的班咋.
    [版主回覆12/10/2009 09:10:00]好羨慕呀!!! 學好了記得整出來分享呀!!!

    回覆刪除
  33. 嘩, 好靚, 好 pro
    [版主回覆12/10/2009 09:10:00]我係學師仔來咋.......:p

    回覆刪除
  34.         嘩,乜咁慘呀,要成日 OT?你做邊行 o架,等我記得叫 啲 friend 唔 好做呀!         原來都係透明硬模,但好似好少見到你呢隻咁靚喎!
    [版主回覆12/10/2009 09:14:00]如果你同邊個friend有仇口, 就記得叫他入呢行啦! 仲有好多東西比ot更好玩......... haha!
     
    我一見就覺得好靚, 幾貴呀, 都即買, 兩個模, 夠晒!

    回覆刪除
  35.         " 如果你同邊個friend有仇口, 就記得叫他入呢行啦! "         你都幾好介紹喎!         上次 Ah Sa 講果個咩骨膠模,都好貴 o架,好似過百蚊個!不過佢話導師話係正 嘢,朱古力可以做到好靚、好 "立立令",仲好易脫模 o添!

    回覆刪除
  36. 古古力令立立好靚呀! 我都好想去Johnny 度學整古力呀, 可惜我12月好忙, 抽唔到時間去上堂, 希望下個月有班開啦!
    [版主回覆12/11/2009 22:09:00]我都係呀, 生疏的手勢, 有一些難題,  想再學學.

    回覆刪除
  37. Thanks for your info.

    回覆刪除
  38. Moon 哥好掂喎........我都想試下整柚子餡
    [版主回覆12/15/2009 16:48:00]好呀, 只需將puree的份量變成60%的柚子汁就可以了.

    回覆刪除
  39. 好令好令唷...請問在那裡可以學到唷=.=?
    [版主回覆12/17/2009 09:09:00]我上次在專業烘焙向Johnny學.
     
     

    回覆刪除