2009年11月8日 星期日

君度橙牛油蛋糕

好耐好耐冇做牛油蛋糕了, 因為不能承受那一大塊牛油的重......


不過上了Johnny的課, 也因今天有家庭聚會, 太好了, 一於動手了.......


買不到愛媛縣的柚子, 便用橙吧, 橙和牛油的味道也很夾呢!



20cmx9cm磅蛋糕模(這個模很大, 本來它是可以做全量的, 但太大個了, 我做了6成份量)


A. 牛油150g(叮熔) 砂糖108g 橙皮茸1個 橙皮刨絲1個(加糖水叮軟)


B. 糖粉30g 杏仁粉30g (篩勻)


C. 低粉150g 泡打粉3g (篩勻)


D. 蛋135g 暖牛奶15g


牛油趁暖加入A, B用手打蛋拂拌勻, 加入一半C拌勻, 逐少加入D拌勻, 再加入餘下的D. 全程不用打發, 加入麵粉後不要大力攪打, 否則起筋就不好吃了.


模子噴上脫模油/塗牛油, 入爐以170度焗約50分鐘, 要看糕面啡金, 竹簽刺入沒有黏漿為準. (焗到麵團表面脹起半乾時, 用刀子沿中線劃一條直痕.)


君度酒汁


糖水(100g水+130g糖煮至剛滾)50g 鮮橙汁50g 君度酒25g


蛋糕出爐後, 趁熱掃勻整個糕的底面四周, 盡量讓蛋糕吸飽汁. 待涼, 包好, 室溫放3日才吃, 是最好的.



這個德國KAISER模雖然很靚, 但太大了, 不夠"的式",


還有它令糕邊黏住, 不會整體爬升, 只會像龜背般拱起呢.


找天我要買一個小一點的.



蛋糕質地很鬆軟和潤, 不打發反而會潤一點, 果然是MOF的食譜, 今天回小鎮掃墓, 親人每人一小塊, 大家都讚很香, :)



46 則留言:

  1. 我都準備整呢個了!
    [版主回覆11/08/2009 19:20:00]好的好的, 做完記得分享呀!

    回覆刪除
  2. 是不是有牛油沉澱? 好肥淋淋的感覺? 我以前試過好多次都是這樣, 幾乎放棄了, 最近我遇到一個比較理想的食譜, 試過做cupcake (不是我blog上的黃金杯子蛋糕), 很不錯, 我想找時間做loaf, 試真啲, 日後再同您分享.
    [版主回覆11/08/2009 19:07:00]濕濕的不是油沉澱, 而是掃上了君度橙汁, 這個蛋糕質感很不錯, 製法簡易呢!

    回覆刪除
  3. 我都整左 真係好香呀  不過你整得靚好多
    [版主回覆11/09/2009 09:12:00]真係好香, 而且不用打發, 蛋糕都好鬆軟.

    回覆刪除
  4. 嘩,好靚呀.......

    [版主回覆11/09/2009 09:13:00]好味呀, 不過就肥d.

    回覆刪除
  5. 我都要快快整呢個食得!
    [版主回覆11/09/2009 09:15:00]試吓啦, 好易的呢!

    回覆刪除
  6. 好唔好食先?有冇 johnny 個咁好食先?
    [版主回覆11/09/2009 09:16:00]都好食, 當然冇johnny個咁好吃啦, 日本柚子香味清新d.

    回覆刪除
  7. 整得好靚呀,會唔會好甜架??
    [版主回覆11/09/2009 09:17:00]中等甜啦, 不過牛蛋係預左又肥又甜了, 食少少啦.

    回覆刪除
  8. 索哂橙酒汁,一定好好味!
    [版主回覆11/09/2009 09:17:00]係香好多呢!

    回覆刪除
  9. 快D去入貨--愛媛縣的柚子皮
    [版主回覆11/09/2009 09:18:00]好難找了, 零售不見有呢! 遲d見有新鮮日本柚子可以試吓.

    回覆刪除
  10. A. 牛油150g(叮熔) 砂糖108g 橙皮茸1個 橙皮刨絲1個 (加糖水叮軟)<==加多少水?
    [版主回覆11/09/2009 09:20:00]我都係隨意咋, 見d橙皮絲有d硬, 所以用糖水係咁意叮軟啦, 可以用下面的酒汁的糖水.

    回覆刪除
  11. 整得好靚, 一定好好食 , 一人分得一件太少啦。
    [版主回覆11/09/2009 16:30:00]少吃多滋味呀, 因為一會又要吃午飯呢!

    回覆刪除
  12. 只是睇都覺得鬆軟和潤,真係好正.
    [版主回覆11/09/2009 19:54:00]真係唔錯的呢!

    回覆刪除
  13. 你講得咁易, 真係要試試呀.
    可以想像那種橙香. 請問可以告知君度酒的英文嗎?
    [版主回覆11/09/2009 20:05:00]製作過程好簡易, 找到上好食材最難, 是愛媛縣的柚子皮和汁,
    但是橙味都好夾的, 那陣香味很濃, 君度橙酒是Contreau, 另外還有Marnier橙酒, 君度的味道較辣, 如果欣賞稍辣的酒味和橙皮味, contreau好些; marnier味道較醇, 各有不同.

    回覆刪除
  14. Mee ...... MeeMoreMore2009年11月9日 下午2:34

    好正喎~~~
    [版主回覆11/09/2009 20:06:00]係唔錯呢!

    回覆刪除
  15. 真是少有见你做牛有蛋糕,不过好靓!!
    [版主回覆11/09/2009 20:08:00]我真係好耐冇做牛蛋, 但這個不一般的牛蛋, 一定要試.

    回覆刪除
  16. 你梗係想避開啲無謂回應啦,work唔work架?
    [版主回覆11/09/2009 20:08:00]天機不可洩漏, 一洩就唔靈咖喇!

    回覆刪除
  17. 唉!!真係好吸引,但係好肥!老人家,都係望梅止渴好喇!!
    [版主回覆11/09/2009 22:09:00]所以我都係做比親友吃, 自己吃少少啦~~

    回覆刪除
  18. 君度跟橙皮當然夾喇!爆得好靚吖!下一個要試做這個呢!
    [版主回覆11/09/2009 22:12:00]我係喜歡牛油和橙的味道, 好夾!
    我就喜歡johnny那個, 整體脹起, 個頂拱拱地.......我呢個模, 糕邊不會脹, 只係中間脹到好似龜背.......都好得意

    回覆刪除
  19.          睇落同 Johnny 整果個唔係相差好遠咋喎!一見到橙就覺得好吸引。         你都係用微波爐叮溶牛油 o架?我試過一次都已經驚 咗喇!因為臨打開爐門前爆到七彩!攪到我要伸個頭入個爐內,慢慢抹番哂 啲牛油。
    [版主回覆11/10/2009 07:47:00]Johnny 的靚d, 我這個模好怪, 令麵漿不會整體膨脹, 只會在中間拱起, 所以唔太靚仔.
     
    牛油切粒, 我係叮10秒, 攪一攪, 令d油不會過熱, 都ok的.

    回覆刪除
  20. 又試試整這肥肥蛋糕先
     
    [版主回覆11/10/2009 18:09:00]好呀好呀! 快試試!

    回覆刪除
  21. 呢個真係好好味呀!買埋柚子汁就開得工啦!
    係呢,你個 blank page 係咪有阻客作用架?
    [版主回覆11/10/2009 18:10:00]好的呢, eva和心甜處都有得賣.
    hehe, 係我靈機一動, 不過好多blog友原來已用緊這方法, 頂得一時得一時.

    回覆刪除
  22. 整一個空白網頁果然有效喎.
    我都整左朱古力薄脆蛋糕呢, 遲D都試整埋其他兩個, 只係買唔到柚子皮, 我都係買左橙皮.
    [版主回覆11/11/2009 14:27:00]Eva和心甜都有得賣呢, Eva處好像是大包的.........
     
    朱古力蛋糕, 呢個真係最好食呀, 妳用那一種櫻桃呢?
     
    空白頁都係暫時頂住檔先, 唔知頂得幾耐.

    回覆刪除
  23. 我來試件先! 好久冇做牛蛋啦!肥死人呀!
    [版主回覆11/11/2009 20:59:00]好彩有大量人手, 一人一口糕, 咁幾好!

    回覆刪除
  24. 我都有呢個模, 不過未用過嚟焗蛋糕,
    只係用過嚟蒸班蘭糕!
     
    我都想買d細模. 唔使焗咁耐!
    [版主回覆11/11/2009 21:03:00]呢個模係好標準的pound cake模, 太大了, 我今日買左兩個細模了, 我喜歡蛋糕的式d

    回覆刪除
  25. 我去過甜心只係買到橙皮, 酒浸櫻桃都係喺甜心買的.
    [版主回覆11/11/2009 21:09:00]我買左了!!! 真係Ehime(愛媛)的柚子汁, 柚子皮, 網頁說還有柚子蓉呢.
    原來他們有醉酒櫻桃, 咁太好了.
     
    要鮮橙皮喎, 漬橙皮唔同味的, 冇咗d香味呢.

    回覆刪除
  26. 記錯左, 我d橙皮係喺great買的, 我都唔知佢漬唔漬, 見佢話要嚟整蛋糕, 聖誕布甸, 又來自意大利咪買住先囉. 因為係心甜搵唔到就走左落金鐘.
    [版主回覆11/12/2009 07:35:00]icic, 可能心甜近排入了貨啦. 糖漬橙皮係做甜麵包比較適合

    回覆刪除
  27.         咁你呢個模 喺邊度買 o架?咁似依家電視買廣告果隻「Supor」鑊質地 嘅?
    [版主回覆11/14/2009 22:15:00]唔係, 只係d花紋啫.......在沙田一田, 買左好幾年了.

    回覆刪除
  28. A moon兄, 我想請教橙皮茸1個 橙皮刨絲1個 =>大約係幾多g柚子皮吖?
    [版主回覆12/03/2009 18:12:00]好的, 告訴你.

    回覆刪除
  29. 我都試整呢個cake,唔知道橙皮茸1個 橙皮刨絲1個 =>大約係幾多g柚子皮呢?  Thanks!!!
    [版主回覆12/03/2009 18:13:00]好的, 我去你處告訴你. 哎, 不能留言呢.

    回覆刪除
  30. 真係唔好意思嘞!! 已加了留言版。

    回覆刪除
  31. hihi mr a moon:- i want to follow your recipe but my cake mould size is 17cm x 7 cm, so how should i adjust the proportion pls? cut 30%? i also like ORANGE very much:)
    [版主回覆12/11/2009 22:11:00]I think it is no need to cut down, the cake will be taller and more beautiful.

    回覆刪除
  32. 請問糖水(100g水+130糖煮至剛滾)50g係(100g水+ 130 g糖)or(100g水+ 13 g糖)呀?o甘)50g意思係煮滾後挪50g黎用呀?唔該晒!

    回覆刪除
  33. Sorry,係130克糖嗎?

    回覆刪除
  34. Moon哥,我都覺得唔多唔少係我把死人刀呀,因我拎返公司但唔記得拎把好刀呀,所以切到個橫切面o甘衰但d同事都話好食,仲有呀,第2晚我已經等唔切你教路就整多一次呀,今次我等唔到三日o拉,即晚掃完汁待涼後就即刻切出黎睇睇,今次靚好多呀,當然都係無你整得o甘好o拉,但已經好開心好滿足o拉
    [版主回覆02/19/2010 23:36:00]icic, 一把好刀都好重要.
    等唔切, 就食住一d先啦!^_^

    回覆刪除
  35.  你好, 第一次留言, 想請教你如果唔用酒只用糖水加柚子汁掃面可以嗎? 因為家人酒精敏感呀. 謝謝賜教.
    [版主回覆02/19/2010 23:34:00]可以呀, 可以因應自己的需要調整的.

    回覆刪除
  36. 可以借Johnny的食譜一用嗎? mykylie@hotmail.com 另外如果用新鮮柚子/橙,柚子皮是白色的部份嗎? 柚子皮茸是橙色的表皮磨茸嗎?
    [版主回覆04/15/2010 08:39:00]都ok....
    柚子皮和柚子汁都係專門的愛媛縣產品, 和我們日常的柚子是不同的, 他們也經過不同的製作過程......在銅鑼灣心甜有散賣的.

    回覆刪除
  37. 如果不現成買,用橙,那橙皮是否有白色的部份加糖水叮軟呢? 因為我去九州時帶了幾個呼子柚子回來,但老公說味道吃不消,不吃很浪費,最浪費是我重重的帶它回來嘛。我想若果用來做蛋糕可能會好一點。 橙皮茸 是橙色部份磨茸 right? 橙皮刨絲 白色的部份嗎?
    [版主回覆04/15/2010 10:22:00]icic, 日本的柚是很香, 不過通常都係酸的.......做糕好好丫.
    最容易的方法, 係磨出表面的有色部份, 已經好香,  就咁加入蛋糕漿中.........白色部份是不香的, 一般是不用的.
     
    愛媛柚子皮是一粒粒的, 苦苦的淡口的, 我相信係用水煮過, 我也不懂了......就咁用柚皮茸簡單d.
     
    柚子汁就照榨.
     

    回覆刪除
  38. 跟左你個食譜整呀...thanks...hoho...
    [版主回覆03/26/2011 12:35:00]有時間的話分享吓

    回覆刪除
  39. 你好我是第一次上來的,很喜歡,很想請教你,你說要柚子容和柚子汁,但食譜內又看不到要用柚子汁,是什麼時侯用的呢?希望你會回答我吧!謝謝^_^
     
     
     
     
    [版主回覆04/04/2011 20:44:00]我這個是橙版本, 橙汁是用在"君度酒汁", 在蛋糕焗好後掃在蛋糕上的, 如果是柚子版本, 則是柚子汁代替橙汁.

    回覆刪除
  40. A moon,多謝你的食譜,我心急未有詳細請教你,便已開工,有空請過blog一看指正,做的過程發現幾個問題想請教是
    (1 )請問叮橙皮的糖水份量,糖與水的比例
    (2 )最後的君度洒汁要塗多小份量,按上面份量餘下很多,我自作聰明,放在碟上嗦了很多汁,導至底部過甜。
    ( 3 )何解放了砂糖,卻要再加糖霜,作用是甚麼?是否因糖霜含粟粉呢?可免去不用嗎?
    ( 4 )你所提的龜背,我是否亦有犯此毛病呢?
    再三謝謝你的食譜,我實在愛死了,不好意思,未得你同意我己引用此篇,請諒!
    [版主回覆02/10/2012 20:23:36]得左......
    ........
    .........
    謝謝!!!
    [版主回覆02/10/2012 20:22:55]等我試吓先
    1.1111111111
    2.2222222222
    3.3333333333
    [五味軒回覆02/09/2012 21:37:46]謝謝A moon詳細解答,至於分行我都吾係好清楚,我每打完一行enter一下就下一行,但今朝一按回應都係一大段的,我出了你個blog再入返喺就係原本的分行,你而家的回應亦已分了行,相信分行後,出了blog再入便成分行。
    [版主回覆02/09/2012 20:36:47]係喇, 我想請問, 你怎樣可以在回應中, 打的字會分行呢?


    我用盡方法, 打出來都是一大段的.
    [版主回覆02/09/2012 20:35:10]唔好客氣, 我都係玩玩吓, 大家研究吓。


    1.叮橙皮的糖水呢……..其實我都係好隨意, 因為目的係煮軟橙皮絲, 我想, 100g水+100g砂糖吧。



    2.君度酒汁呢, 係塗好多好多, 底面四邊都索到滿才好.



    3.我都問過johnny sir, 是因為法國點心製法中, 傳統上杏仁粉和糖霜是twins, coat了糖霜的杏仁粉會更加疏鬆, 糖霜是沒有粟粉成份的.



    4.Haha, 我的龜背好多, 成隻駱駝咁, 你的靚好多., 我都唔知點解咁駝背???



    我的食譜, 都是抄抄改改, 無所謂, 隨便用和轉載, 只要和我交流吓心得就好了.

    回覆刪除
  41. A moon你好,請問你的原食譜份量是否將上面的食譜除6乘10,我今天已用上面的食譜除6乘10,得3條長方型細錫模,跟着再做上面的食譜半份,用迷你紙杯和一個迷你小長方型紙模,但卻很平,沒有突起,很多時我用迷你紙杯做muffins都有同一問題,變成平頂,未知是否因金屬模傳熱較好,效果亦較好,還是我手勢有問題呢?
    [版主回覆02/10/2012 20:21:36]原食譜係上面份量除6乘10, 可做兩個10cm x 18cm長方蛋糕.
    我估和手勢冇關係的, 因為這個蛋糕只是將材料拌勻而已. 我估和你的爐的特性有關, 每個爐都有它的脾氣, 很難改變的.

    回覆刪除
  42. 我要做三個俾阿仔的朋友,於是偷雞用17.5x9.5x5.5長方錫紙蛋糕模,效果不及易潔模四面金黃,免強可以見人,我個爐温越來越低,相信就快報銷,有無好介紹呀,吾好咁貴喎!.幾百好啦!
    [版主回覆02/11/2012 07:53:11]icic, 我個舊爐都係, 越用越冇火氣...............Delonghi 28公升啦, 不過我都好耐冇留意爐款了, 出左好多新model, 去"風宅"之類睇吓啦.

    回覆刪除
  43. 打個招呼~~~你好
    我都會試呀!謝謝分享
    [版主回覆02/13/2012 20:19:40]試吓啦

    回覆刪除
  44. 我有我的新空間2012年2月13日 上午10:40

    好吸引的蛋糕.
    [版主回覆02/13/2012 20:19:52]試吓啦!

    回覆刪除