2009年11月12日 星期四

我知我衰左那一邊了

你知道嗎? 自從做了第一個成功的綠茶間條蛋糕後, 樂此不疲, 之後一連做了4個咖啡間條蛋糕......都係凹陷收場......


......靈機一動, 一不做二不休, 做一個太極陰陽雪芳蛋糕!


一樣的材料, 一樣的做法, 分兩份做, 其中一份多了一茶匙咖啡粉........


黃45g 油35g 熱水50g 分兩份, 蛋白120g 糖70g 低粉70g


蛋白打到恰好幼滑有光澤, 拉起呈軟勾狀........麵漿做好後, 濃度適中拉起呈絲帶狀. 真的連自己也找不到錯失了.


一手一個mixing bowl, 倒入模中, 好好玩, 還用竹簽挑些紋玩下嘢



看了Johnny焗的柚子牛蛋, 原來要焗50分鐘, 我再也不再拘泥於食譜全部都是35分鐘.


不火不燥, 170度慢焗足50分鐘, 讓水份有足夠時間蒸發, 看! 蛋糕升得溫文, 而且到最後還開始慢慢回縮......



冷卻後, 糕面平平的, 沒有下陷, 十分完美是不是.........??!!



脫模了.......看見嘛!!!!! 原味那邊, 十分乖, 咖啡那邊, 不折不扣不遍不倚不多不少, 就在它的正中位置凹陷了!!!



切開太極雪芳, 原味那邊很鬆, 水份剛好, 是潤潤的; 咖啡那邊也一樣好, 只是質感有少少分別, 總有一丁點泡泡感........


現在可以肯定, 咖啡蛋糕係凹陷的元兇了, 但是立即又有疑問, 天下間做咖啡雪芳的何止千萬, 冇可能必然凹陷呀! 大家有試過做咖啡雪芳嗎?


 



我用的咖啡粉, 是Nescafe的Expresso, 很幼細很香的, 百佳間中會有貨.


21 則留言:

  1. 都算做得好好啦.
    [版主回覆11/12/2009 11:26:00]謝謝鼓勵, 但係凹陷這情況, 就怎也不了及格了, 我都想大家提供相關的經驗呢!

    回覆刪除
  2. 好靚! 雖然有少少凹~~  
    得我又玩吓先~~
    [版主回覆11/12/2009 14:55:00]凹左, 點都係唔合格了, 而且係冇理由咁樣凹呢, 妳快d試下, 2-3小匙咖啡粉, 打蛋黃漿時加入.......

    回覆刪除
  3. 唔係丫,算係咁啦
    [版主回覆11/12/2009 14:56:00]唔忿氣啦, 點可以凹左呢?

    回覆刪除
  4. 哈哈 !陰陽雪芳你都想得出,利害。
    [版主回覆11/12/2009 14:57:00]如果成功, 我仲會做車輪, 扭紋添呀, 不過出師未捷.....

    回覆刪除
  5. 都好靚呀,只係少少凹啫。
    Mixed 真係幾搞鬼!
    [版主回覆11/12/2009 18:35:00]ok都ok的, 不過凹陷呢, 就真係冇理由了, 如果不是凹陷問題就可以玩多好多花樣了.

    回覆刪除
  6. Moon 哥,係唔係我做到唔凹陷的coffee雪芳, 你就幫我食咗佢先?  因為唔太喜歡咖啡味呢!  不過我做過其他味都無依個凹陷情況.
    [版主回覆11/12/2009 18:37:00]哈哈, 妳係咪試做先? 說笑說笑, 唔緊要, 做開才做啫, 不用特別去做.

    回覆刪除
  7. 有呀! 我們就冇這陷井,凹陷是你的招牌嘛~ 搶人鋒頭.....想死咩!
    [版主回覆11/12/2009 21:51:00]咁妳嘅食譜係點呢? 快d過d料黎啦.
     
    呢個太極糕已經證實了我的咖啡糕係禍首, 一邊冇凹一邊凹, 鐵証如山, 徵求解決方法或食譜.
     
    重酬!

    回覆刪除
  8. 一手一個mixing bowl, 要d粉漿平均咁落都好難呀, 佩服!佩服!
    [版主回覆11/13/2009 07:33:00]都唔算好難, 因為d麵漿係打都可以慢慢流動的, 最後那些就用膠刮就得了.

    回覆刪除
  9. 你咁有心機研究. 我都希望有時間學你玩下.
    [版主回覆11/13/2009 07:34:00]整就唔係太難, 就係凹陷呢吓比較難攪......

    回覆刪除
  10. 我做過咖啡雪芳, 都係跟你食譜做, 都係Nescafe Expresso, 冇試過陷播.
    [版主回覆11/13/2009 08:44:00]咁就真係頭痕了.

    回覆刪除
  11. 你話會做埋車輪...好攪笑呀!  不如用刀批了凹陷便算數喇 !
    [版主回覆11/13/2009 14:24:00]等我研究下兩色蛋糕的可能性.........不過要先解決凹陷的問題, 否則做出來都唔見得人.

    回覆刪除
  12. 係咪都唔難咖啡粉的事呢???
    [版主回覆11/14/2009 22:18:00]我都唔知了, 完全冇idea.

    回覆刪除
  13. 咖啡雪芳我也有做過,但也是沒有凹陷的呢,我真係懷疑係你個爐的問題呢
    [版主回覆11/14/2009 22:21:00]我都完全抓晒頭........可能係個爐, 但係睇落個糕上火上得好靚, 又均勻, 好似冇問題........

    回覆刪除
  14. 你嘅疑難, 我真係幫唔到!
    隻咖啡粉, o係城市super成日都見到, 重平過P字超市,
    不過唔同packing!
    [版主回覆11/14/2009 22:22:00]冇晒計........等我第二時換個爐看看........

    回覆刪除
  15.         又凹,唔係嘛!你試 吓問人借個唔係 KAI 雪芳模再整,睇 吓有冇凹?         1 茶匙咖啡粉就夠 嗱 ?
    [版主回覆11/14/2009 22:18:00]係啦, 真係冇命了.......我找吓仲有冇舊模先........
     
    我就係唔敢落得多, 點知一tsp就凹了.

    回覆刪除
  16.          應該唔關咖啡粉事,我都同你講,我上次問 Ah Sa 借個 KAI 模整班蘭都凹啦!
    [版主回覆11/16/2009 09:41:00]咁就大劑了, 一係個模, 一係個爐, 但你見我個蛋糕上火又靚又均勻, 又唔似有問題......不過有機會我都試吓各種可能性.

    回覆刪除
  17.         唔係大劑,係好大劑,超大劑呀!!  因為你 哋果模勁貴!
    [版主回覆11/18/2009 23:05:00]冇橋了, 唯有再試, 試到得為止......

    回覆刪除
  18. 重酬???
    ... .... ....... 你坐抵先..................坐好未呀?????????????我講了渦............果食譜係.............................................你的~~~~~~
    其他食譜我也有,等我搵嚇先~
    [版主回覆11/18/2009 23:08:00]咁真係冇橋了........真係好難講, 就算食譜一樣, 大家用的焗爐, 麵粉, 雞蛋, 咖啡粉都唔同........
     
    呀, 不如借妳個爐來試試.

    回覆刪除
  19. i tried coffee 1st time only a little 凹, but 2nd ALL surface severly凹! now i stopped baking that!
    [版主回覆12/19/2009 08:07:00]原來你又係易凹一族...! 下了soda好左d, 我會再試驗更好的方法了.

    回覆刪除
  20. 下次用另一種咖啡粉? hey mr. a moon:- next time u go japan, try try NESCAFE Excella instant powder. its size is as fine as NESCAFE EXPRESSO, aroma & taste r good. now i use only 1/2 portion as said in recipe. also, it is cheap!!! 40g below 200Yen. even big size around 450Yen. most importantly it is MADE IN JAPAN (Kobe).

    [版主回覆12/19/2009 08:08:00]icic, thx! I should search it when I go to Japna next time!

    回覆刪除
  21.         " 唯有再試, 試到得為止...... "         你真係好毅力呀!
    [版主回覆12/19/2009 08:08:00]冇法啦, 衰左嘛, 試都係遊戲, 幾好玩

    回覆刪除