2009年10月3日 星期六

海上生明月 天涯共此時

真的很少很少晚上出外散步, 襯中秋迎月, 好! 去玩燈籠吧.


那知到了公園, 一個玩蠟燭的大人細路都冇, 四周都貼了"禁止煲蠟"的標語, 大人小孩都是玩螢光棒.........雖然帶了少少蠟燭, 算了, 都係不要那麼異相


月光失蹤, 天氣仍很悶熱, 和太太坐了一會, 便打道回家了, 雖然如此, 我都好開心呀!



除了自製月餅, 今年再買了奇華雙黃蓮蓉, 除了稍甜以外, 很香很滑, 除了奇華, 其他都不用吃了, 今年公家買了聖什麼月餅, 哇, 除了用"鞋", "冇蓮香", "乾", "粉"之外, 我也找不到其他形容詞了.



今年太太和同事去深水埗, 買了一家叫生隆餅家的金華火腿月, 各種果仁加上一絲絲火腿, 結實香口, 好好吃呀, 只有奇華金腿可以一比, 早前吃了榮什麼的金腿, 我的天, 淋patpat, 除了糖東瓜就是糖冬瓜........



真的很久沒和親友一起賞月了, 小時候的情境仍很記得 :


- 大澳祖屋天階前, 開了一張木檯上面放了林柿, 芋頭, 菱角, 香蕉........月餅有各人有市區帶來過節的蓮蓉, 荳沙, 金腿, 雞油, 椰蓉, 五仁......擺幾張椅子, 人們真的賞月談天


- 一年, 表姐夫湊興拿了個二胡, 拉起"妝台秋思", "彩雲追月", 還有一首我記得旋律但從此再沒聽過, 也不知名字的小曲.......真係好中秋呀!


- 我和眾小友拿了月餅盒, 碌柚皮, 摺摺燈籠, 到處玩蠟燭, 那時沒有人禁止煲蠟, 我們也玩得有分寸, 那會像現在的青少年活像放火, 結果沒的招人禁禁禁.........連累我都冇得玩了.


- 小學時, 央得媽媽協助, 用午餐肉罐, 長鐵線, 木線轆做了兩個會轉轉轉的探射燈, 和弟弟一人一個,  好神氣呀!  紙燈籠? 只是給街上小童射破, 或者自己專登燒掉的下場.


- 中學時老遠由市區乘車入元朗, 到二姑媽的舊屋一起過節, 兩家人攀上天台賞月, 現在大家都各自住在高樓大廈, 賞月? 還是希望前面不要再起屏風樓吧!


現在都沒有這種情懷了, 幸好學了做月餅, 都有番d中秋氣氛.


31 則留言:

  1. 中秋節快樂呀 !
    小時候淨玩蠟燭都已經好開心啦, 依家反而唔見人玩 LU ... 個個都係膠燈籠, 走音電子音樂 ...
    [版主回覆10/03/2009 23:34:00]現在的小孩都以為那些膠東西就是中秋燈籠, 連燭火咁得意都未玩過, 不知是社會進步還是退化.

    回覆刪除
  2. (Empty)
    [版主回覆10/03/2009 23:23:00](Empty)

    回覆刪除
  3. 你既記憶力都幾好wor~~ 小時候既片段永遠令人懷念~  
    [版主回覆10/03/2009 23:23:00]好多冇謂的片段, 才是最深的記憶呢.

    回覆刪除
  4. 我有見過菱角的,係乜東東來的?
    中秋節快樂!
    [版主回覆10/03/2009 23:28:00]
    菱角係一粒黑色, 好次小牛頭的硬殼, 裏面有白色的肉, 但好睇, 麻麻地好食.

    回覆刪除
  5. 所有留言回覆都消失了........
    [版主回覆10/05/2009 07:59:00]激氣呀, 打左好耐, 跟住冇晒!

    回覆刪除
  6. 中秋節快樂 ! 好多年都冇見過咁靚既燈籠咯, 好懷念, 更懷念香港奇華﹐奇華而家有羅省 版奇華, 蛋黃吾多漏油, 有d蛋黃仲有d乾, 冇香港版咁好食.
    [版主回覆10/05/2009 07:58:00]外國可能找不到靚咸蛋, 香港近中國就多d貨源, 不過都唔係個個靚, 有d都好乾呀.

    回覆刪除
  7. Moon爺,你的月餅擺了幾天,是否有出現皮和餡分離的現象?(我的豆沙餡有這種情形,其他就冇事~)蛋漿有否導致餅皮粢蠟蠟的感覺?
    今年有番你家鄉" 月球" 慶祝中秋嗎?
    [版主回覆10/05/2009 08:29:00]蓮蓉就冇, 南瓜和薯蓉就有, 可能係餡中的水分未夠乾, 番焗一下會ok的, 餡料再剷火剷耐d至得.
     
    今年都係回娘家吃吓飯咁啦, 和太太去吓街行下公園, 今年個假期都比政府食左, 冇乜活動了.

    回覆刪除
  8. 原來你都係沙田友喎!
    [版主回覆10/05/2009 08:26:00]係呀, 都住了這區好耐了.

    回覆刪除
  9. 我都記得小時上天台玩紙燈籠的情境. 而自己的小朋友在他們小時也在後園讓他們玩過點臘燭的紙燈籠. 而我的孫兒沒有玩了, 他們的父母都不懂得這中秋的故事.
    [版主回覆10/05/2009 08:25:00]婆婆可以買一些和孫兒玩呀!......依家連香港的小朋友都冇機會玩了, 點蠟燭就比人話煲蠟, 好似犯法咁.

    回覆刪除
  10. 中秋節快樂
    [版主回覆10/05/2009 07:55:00]由於故障, 只好祝妳追追月快樂啦!

    回覆刪除
  11. 你都係沙田友喎!
    [版主回覆10/05/2009 07:54:00]住吓住吓又好多年了

    回覆刪除
  12.         原來你係住沙田,唔怪得之早前約埋友人去沙田凱悅度 afternoon tea 啦!         奇華同美心 嘅月餅不 嬲都唔錯,至於聖安娜,好似我篇 blog 所講,所有 products 都 唔多掂!
    [版主回覆10/05/2009 07:53:00]做左沙田友好多年了. 美心都ok的, 不過我很怕他的蛋黃, 不是漏油, 是流油, 好似做左手腳, 我冇買的, 不過有時親友給我吃一個.

    回覆刪除
  13. A-Moon, 你係咪玩野呀, 我剛回應你那兩個 "test" 同 "xxxxxx" 網誌, 你轉頭 delete咗去, , 你想 呀!!
    [版主回覆10/05/2009 07:36:00]sorry, sorry, 今次係我個問題..........係昨日y!blog壞左, 我試左兩次求其post d 嘢上去, 點知post又出唔到, 連delete都冇得delete......
     
    我抵

    回覆刪除
  14. 今年美心嘅月餅D 黃吾多靚, 好乾, 大致上冇咁油.  睇見你那個雙黃真係
    [版主回覆10/05/2009 07:44:00]我亞妹都係咁講........榮x仲差呀, 她的同事說 : 榮x白雙黃白"薯"蓉.......haha.
     
    香港都唔係個個靚, 有d黃都係起"骨", 有d直頭乾的.

    回覆刪除
  15. 我都喺沙田住咗好多年喇,十隻手指同十隻腳指都數唔晒.呢條城門河我都好鍾意行架.
    [版主回覆10/05/2009 20:54:00]係呀, 尤其是秋冬, 幾好行的呀.

    回覆刪除
  16. 奇怪!留了好幾次言都不成功!
    希望今次睇到啦!
    中秋節快樂!
    [版主回覆10/05/2009 20:55:00]哎, yahoo!blog真係!!!
    追追月快樂!

    回覆刪除
  17. 我今年食美 X 月餅都有勁漏油,而且鹹蛋黃好橙,原來「流油」係造咗手腳呀?點造呀?
    [版主回覆10/05/2009 20:59:00]我覺特咖咋, 一切開d蛋黃油流出來, 不是滲出來, 好奇怪的....... 不過今年都冇親友買, 所以冇食過了.

    回覆刪除
  18. 我都有個五仁未食喎!!!
    [版主回覆10/05/2009 20:59:00]五仁幾香口呀, 慢慢吃啦!

    回覆刪除
  19. Fatgarfield 肥加菲2009年10月6日 上午1:00

    Happy BELATED mid-autumn festival ah! Obviously, here, we don't have much celebration... but I still ate 'ice skin' mooncake with friends!
    [版主回覆10/06/2009 07:53:00]thanks ar, 唔怕遲, 香港就有月餅和燈籠, 和賞月活動, 外國都可以食吓月餅, 都好丫.

    回覆刪除
  20. 你好嗎?moon 哥 ,
    遲到了兩天的祝福呀~~~!
    祝moon哥moon嫂團團又圓圓! ("吔鳴"常常考人家的耐力 , 等到今日先可以出日誌........ ) 看了小三月餅後, 自己整月餅,真係好食好多! 榮發的白蓮蓉真係好好味 ! 街買的話,我都鍾意食奇華。 原來moon兄是沙田友, 我之前住了大圍也好多年。 田心村都有中秋晚氣氛喔!
    [版主回覆10/06/2009 07:56:00]唉, y!blog........
     
    係呀, 自家月餅可以選靚的料, 好食呀, 不過都唔易整得靚呀, 好考功夫.
     
    沙田都幾好住呀, 我都住過大圍那邊, 不過現在越起越多高樓, 冇以前咁多山景了.

    回覆刪除
  21. moon哥,你講得岩, 整得靚真係唔易呀~~~~ 家爐夠大火但唔夠風,啲色都唔夠均稱 要睇火同調溫........
    [版主回覆10/06/2009 21:10:00]繼續努力, 明年再玩, 一年一年的試, 一定有進步的

    回覆刪除
  22. 係呀!美 x 真係唔掂,奇 x 香好多。
    中秋節快樂!
    [版主回覆10/06/2009 21:12:00]冇錯, 這幾年我吃榮話, 恆鄉, 連香, 尾心, 最後都係只買棋華, 其他都係免了.

    回覆刪除
  23. 以前落街賞月要一早霸位, 依家悠悠閒....都係霸吓霸吓熱鬧d...
    [版主回覆10/07/2009 13:44:00]靜d都好, 不過係冇人玩蠟燭.

    回覆刪除
  24. 好浪漫bor 。  可能以前無乜活動, 記得細時在迎月夜已經好多小朋友攞住自製的牛奶0麥, 月餅盒, 柚子皮燈籠通街跑, 好好玩好熱鬧架 , 玩足三晚架。 而家過節咗少啲氣氛。  早幾年我老公都用牛奶0麥整探射燈俾仔仔玩, 佢哋好開心喺公園推住個轉來轉去嘅燈籠, 成街人驚訝地望住佢哋, 佢哋不知幾驕傲 。 
    [版主回覆10/07/2009 17:24:00]係呀係呀, 碌柚皮, 月餅罐, 探射燈........妳用什麼做個輪呀???
     
    以前住鄉村, 加上那時玩蠟燭不像現在那麼像犯罪, 玩足幾晚, 好好玩呀, 我地玩得好投入但係好有分寸, 玩左十幾廿年都冇燒傷, 冇法啦, 依家世界不同了.

    回覆刪除
  25. 個輪喺係五金舖買個膠碌。以前資源小, 小朋友嘅創作力豐富得多, 乜都可以玩一餐。
    [版主回覆10/08/2009 12:34:00]係呀, 當年係用木線碌做的, 現在冇木線碌, 原來在五金舖買膠碌, 又得!

    回覆刪除
  26.         " 不是漏油, 是流油 "         咩意思?
    [版主回覆10/09/2009 20:59:00](Empty)

    回覆刪除
  27.         " 美心都ok的, 不過我很怕他的蛋黃, 不是漏油, 是流油 , 好似做左手腳, 我冇買的, 不過有時親友給我吃一個 "         你自己個回應 嚟 o架 !
    [版主回覆10/10/2009 08:43:00]就係有d油"流"出來, 不是"滲"出來啦.

    回覆刪除
  28.         哦,明白你意思啦!         你下次整金華火腿月啦!

    回覆刪除