2009年10月5日 星期一

中秋的慢~~~包包

中秋用了一包新麵粉, 做了一個包包, 也是很懶的慢發酵, 少d酵母和放雪櫃, 其實冇乜特別, 但也很特別......


材料 : 高粉225g 裸麥粉25g 速酵母1g 鹽4g 糖15g 水155g土耳其無花果乾適量(150度焗10分鐘令它乾身)



早上, 用半小時量料, 搓麵團, 由它在室溫中放約一小時, 排氣, 放入雪櫃, 然後.........


.......去街吃烏冬.......下午回家小睡......晚上回娘家前, 一看, 在雪櫃中的它只是發了很少, 取出, 放在室溫中回溫.......天氣不算熱, ok的.


 


兩小時後回來, 發得剛好, 排氣, 包入無花果, 末發酵1小時, ok了灑粉, 劃痕, 入爐250焗, 哇, 爐爆前所未有的凌厲!! 噴水, 200度再焗, 共約20分鐘, 上色差不多了, 出爐.


由於一切都好慢, 所以好隨意的, 好香呀!!



這個中秋真好! 可惜假期太短.


32 則留言:

  1. 好靚嘅包包,唔知口感如何呢?
    [版主回覆10/06/2009 07:34:00]都係歐洲包咁, 粗粗地, 鬆鬆爽爽, 因為冇加油. 皮都幾香, 不過就唔脆了.

    回覆刪除
  2. 爆得好,無焗爐石、石春都有咁既效果…um.......... 噴水幾次?口感如何?
    [版主回覆10/06/2009 07:41:00]今次我盡地一煲, 扭到最高溫(250C)兼放到最下格, 等它脹到盡, 就上番中格, 扭返200C, 焗到上晒色. 因為灑左粉, 所以我都係只在焗盤底向發熱線噴了一兩次水.
     
    我今次麵團加了62%水份左右, 麵團不太濕, 出來比較鬆爽, 當然都係田園包, D肉不會柔軟. 老化都OK慢, 隔了兩日仲OK咁啦.

    回覆刪除
  3. 個包包好靚呀, 食唔到睇到都開心
    [版主回覆10/06/2009 07:42:00]係呀, 做包係時間長, 不過勝在唔駛理它, 都幾relax呀.

    回覆刪除
  4. 好美的爐爆紋
    [版主回覆10/06/2009 07:43:00]今次好滿意呀.

    回覆刪除
  5. 我患上了假期後混沌症後群 .
    [版主回覆10/06/2009 07:45:00]哎, 我直頭成舊灰雲罩住, 好疲倦, 明明放假是唔係咁gu喎!

    回覆刪除
  6. 呢個方法又幾好,唔駛等餐死,但點可以知它發得夠唔夠?
    [版主回覆10/06/2009 07:48:00]係呀, 勝在發得慢, 唔駛點理佢.........發得夠唔夠, 都係一般方法, 初發酵, 係見表面有氣泡, 手指督........末發酵, 係兩倍大, 用手拍吓, 會彈吓彈吓咁咋.

    回覆刪除
  7. 睇得啲田園包多...啱啱去thailand酒店就試吓食包包
    咦...有啲外層脆脆哋,又有啲乾果嘅包包又幾好食喎....
    真係...真係有啲衝動
    [版主回覆10/06/2009 07:49:00]係呀, 它有不同的風味, 又幾好食咖.

    回覆刪除
  8. 好靚呀~ 個色水都好好   我又要試吓先~  不過我得鮮酵母, 請問用幾多呢??
    [版主回覆10/06/2009 07:50:00]鮮酵母, 用3倍重量........不過要睇酵母的活性.
    速酵母 : 乾酵母 : 鮮酵母 = 2 : 3 : 6

    回覆刪除
  9. 爆得好靓!!...
    [版主回覆10/06/2009 17:11:00]我都覺得好開心呀
     

    回覆刪除
  10. 包包好靓,容易做,只不过家人不喜欢吃这类包包。
    [版主回覆10/06/2009 17:12:00]係呀, 我都係自己食返咋, 太太唔食硬包的呢!

    回覆刪除
  11. 如果唔加棵麥粉可以嗎?
    [版主回覆10/06/2009 17:12:00]可以呀, 可以淨高粉, 也可以加全麥粉, 份量是好自由的.

    回覆刪除
  12. 好似翡翠台明晚(7/10)七時左右介紹德國和德國麵包, 你有時間看看 ! 早兩天去(宜家)找不到你說用來搓麵包的板, 但有一枮板四四方方用來搓麵粉都好似幾好, 不過要二百五十幾, 又好似幾貴, 買什麼板用來搓麵粉好呢! 有好提意嗎 ?  
    [版主回覆10/06/2009 17:17:00]我係用一塊白色的日本膠砧板, 唔係好大塊, 底下墊一塊矽膠布防滑, 或者頂住牆邊, 都好方便呢. ikea那塊搓包板不是時時有呢, bakingware house有搓包墊賣, 不過好輕身的.
     
    好好好, 係咪細說名城? 好好睇呢!
     

    回覆刪除
  13. 嘩!好靚呀!我好鐘意食包包,但覺得 d step 好煩(唔識發酵),所以只做蛋糕。
    [版主回覆10/06/2009 21:02:00]做麵包的樂趣, 不足為外人道呀.........仲因為我係包癡.

    回覆刪除
  14. 爆得好靚!是什麽麵粉?
    [版主回覆10/06/2009 21:01:00]係一隻特高筋麵粉.

    回覆刪除
  15. 好似係細說名城 , 我好少看電視的。唔該晒你提供的意見, 找到合適的才可以開工 !
    [版主回覆10/06/2009 21:03:00]係呀, 好好睇呀!!!! 上次講德累斯頓, 好好睇呀, 好似舊地重遊.....

    回覆刪除
  16. 圓碌碌, 爆得好靚呀
    [版主回覆10/07/2009 13:45:00]係呀, 好開心呀, 不過包的質地就冇大改變.

    回覆刪除
  17. 唔得喇~ 見到你個包整得咁靚仔~ 真係忍唔住 ~ 我今晚整吓先....
    [版主回覆10/07/2009 13:54:00]今晚搓, 第二晚回溫才做形呢, 不過放24小時可能太久, 會有酒味噃......我最多試過10小時.

    回覆刪除
  18. 爆得好靚呢!! 点解吾包多点料????
    [版主回覆10/07/2009 13:54:00]無花果唔包得多呀, 好濕的呢. 提子可以包多D.

    回覆刪除
  19. 一克酵母就夠喇?爆得好靚呀!
    [版主回覆10/07/2009 14:01:00]係呀, 放雪櫃中發酵6-10小時, 回溫1-2小時, 才做形末發酵, 好慢的, 多酵母就會過快和有酒味呢.

    回覆刪除
  20. 原來CR就係做咗你這個慢包. 真係要試試, 時間啱哂我.
    特高的筋麵粉? 新產品嗎?
    [版主回覆10/07/2009 17:10:00]係歐洲包, 冇油的喎, 照計妳是吃軟包的喎, 不過呢, 如果不加裸麥, 全麥, 會軟d嘅. 麵粉都係高筋粉, 不過我覺得呢隻比較我用開的高筋.

    回覆刪除
  21. 吓....點解會變了這編係新出架...
    都好,肚餓.....
    你有新家啦!!!
    好多人講yahoo blog就來打荼....係咪你開定個新blog呀!!
    [版主回覆10/08/2009 12:21:00]???
    我冇聽到呀, 只求簡單和穩定的功能........但係時不時都壞壞吓, 所以開多個影子, 有乜依郁, 都有新屋.

    回覆刪除
  22. 我之前都試過, 不過都發得好大.......攪到好混亂
    [版主回覆10/08/2009 12:22:00]如果天氣熱, 雪櫃都發得太大, 可以取出排氣滾圓再雪個的.

    回覆刪除
  23. 真係爆得好靚呀!
     
    另外, Kenwood/Delonghi今日開始開倉呀!
    http://www.kenwoodworld.com/en-hk/About/News/Kenwood-Delonghi-Clearance-Sales-2009/ #
    [版主回覆10/08/2009 12:23:00]謝謝呀, 我仲未捨得換我的小爐, 下次再通知我呀!

    回覆刪除
  24. 第二日食效果如何??皮不脆了?包肉軟不軟?
    [版主回覆10/08/2009 21:49:00]包肉保持到兩三天都ok, 皮呢, 韌了, 香港天氣嘛, 如果係在歐洲, 就越放越脆呢.

    回覆刪除
  25. 個look好歐洲, 好高級呀!
    [版主回覆10/09/2009 14:25:00]多謝多謝........在歐洲, 好多麵包的look都唔夠呢個靚呀 :p
     
    不過食落呢, 都係未夠皮硬肉軟, 可能冇加油??? 

    回覆刪除
  26.         點解你次次整 嚫 啲包包都咁吸引 o架,連介花都介得咁靚,好似街賣果 啲咁靚!         我想請教你,係咪用裸麥粉 嘅麵糰會好濕 o架?
    [版主回覆10/10/2009 09:20:00]我嘅功夫, 只可以叫做合格啦.
    我都係放假玩吓, 當你玩左3年, 做過百幾次包, 都會咁上下的.
     
    裸麥冇乜筋性, 麵團會好黏, 我都唔鍾意太多裸麥粉, 但係加少少當調味, 就冇問題的.

    回覆刪除
  27.         如果我有朝一日見到自己整個包好似你果 啲咁靚,都唔知係咩時候 lu!         裸麥粉落得少又唔覺有香味,落得多又真係好黏!
    [版主回覆10/10/2009 18:50:00]咁即係話, 好隨意, 憑自己的喜好落.

    回覆刪除
  28. 包包高大威猛, 爆口勁靚呢,   材料簡單, 你既手工就絶不簡單!
    [版主回覆10/10/2009 18:53:00]那裡那裡, 呢個包真係好易做, 我估在於歐洲人, 等於煮飯吧.

    回覆刪除
  29. 我最鍾意食歐洲包,整得好靚,我都想整。
    請問金依士是乾依士還是速依士?加埋入雪櫃,咪要發酵三次。
    [版主回覆10/11/2009 21:34:00]我不是用金依士的(是耐糖依士), 用的是Saf Instant 普通鹹飽速效酵母.
    其實只是兩次發酵(不計靜置), 初發酵中途排氣只是"翻麵"punch, 想麵包質地靚, 就要中途翻麵一兩次.
     
    天氣涼了, 全程放雪櫃發得太慢, 不是辦法, 我要減少放雪櫃, 多點放室溫, 但希望仍是維持初發酵6-10小時, 才可以出街或睡覺呢!
     
     

    回覆刪除
  30. Like bread wor!
    [版主回覆01/13/2010 08:10:00]:)

    回覆刪除
  31. 哈哈哈,原來家中用的也是 Saf Instant。
     
    對不起,仍有問題。搓好麵團,放室溫一小時,是否會發大一倍?抑或是依士較少,發得會較慢?不懂「 翻麵」啊?師傅教落, 搓好麵團,發大一倍,排氣,分成小團, 靜置十五分鐘,做形,再 發大一倍,放烤箱。 中途排氣「翻麵」,不會怕泄了氣嗎?
     
    「想麵包質地靚 , 就要中途翻麵一兩次 . 」應在甚麼時候呢?
     
    謝謝!
    [版主回覆01/13/2010 08:07:00]sorry, miss了這留言tim.
     
    我的慢發酵包, 因為酵母極少, 低溫發酵, 所以發酵時間就要好長好長, 6-12小時. 發酵越慢, 包的味道越香的. 初發酵也不只發大一倍, 2-3倍啦!
     
    翻麵的方法好多, 最常用的方法是將麵團取出, 稍拉長, 摺信紙般3摺. 翻麵會令麵團組織更靚, 更多小孔, 咬感更好. 翻麵是大約見麵團脹大一倍左右啦, 相隔的時間大約是一至二小時啦. 正是要它排了氣, 讓它重新發酵的.
     
    你說的方法, 係一般軟包的發酵法, 和歐包是很不同的呢.
     
     
     
     

    回覆刪除
  32. 其實慢包是否沒有規定發酵時間,只要大了一倍就可以排氣?
    [版主回覆01/10/2011 13:54:00]係呀, 初發酵至3倍左右, 末發酵至兩倍左右啦, 很視乎經驗呢!

    回覆刪除