2009年8月26日 星期三

東歐行 - 第五站-捷克-古城Krumlov

在艷陽下離開美麗的布拉格, 出發到古城 - "波希米亞的古姆洛夫"(Český Krumlov).


我就蒙查查, 太太一早刨了資料, 說古姆洛夫好靚o架, 好似以前去過的德國古老小鎮羅騰堡 - Rothenburg ob der Tauber......羅騰堡! 浪漫的回憶一幕幕浮現......


到了! 古姆洛夫真係一個好簡樸明媚的小鎮, 我正期待那些曲徑通幽, 古堡大宅, 小店茶座.......



古姆洛夫已經有700多年的歷史了, 但它沒有發展新樓盤, 舊城區基本上仍保持著幾百年前的風貌, 1992年已被聯合國列為世界文化遺產.


別以為鎮子會很破落, 每間屋子都保養得很好, 幾乎沒有一間殘破的屋子, 古鎮仍是很年青.


石板街遠處的是古城的舊城門, 右邊黃色的小樓是我們的酒店, 雖然比較狹小, 但住在小酒店更有風味呢!



穿過寧靜的小街, 到從前城主的古堡去!!


有一個傳說 : 從前鎮上有一位理髮師的女兒, 長得很漂亮, 待字閨中, 爸爸一心希望她可嫁得金龜婿, 一天, 和貴族城主的少爺偶遇, 少爺被少女迷住了, 展開愛情攻勢, 很快娶得美人歸. 理髮師想 : 呢次我個女真係嫁得主好人家了.


那知那少爺表面上風度翩翩, 心理卻有點不平衡, 把妻子鎖在古堡裏, 又打又罵, 一次, 少爺跟城主到首都公幹, 少婦思念父母, 偷走出來, 那知少爺雖然不正常, 但很攻心計, 他早料到有此一著, 早就把理髮師夫婦捉起來軟禁了.


少婦無奈回到古堡, 少爺回來知道了, 不但打罵, 還把她的頭髮剪掉, 叫她出醜, 結果少婦忍受不了, 從古堡的高處跳下.......從此在月黑風高之夜, 古堡廊橋的深處, 時時傳出幽幽的哭聲.........


我想 : 導遊哥哥又作鬼古了. 那知廊橋, 古堡的高窗他都一一指出, 最神奇的是小鎮地圖上竟然標出那"舊理髮店"的位置, 我親自去看, 那屋子仍保留在城堡的旁邊, 又好似真的一樣........



城堡的更樓(高塔)是古城的地標, 到處都可以見到, 可惜它是不開放的......


城堡中到處都有點陰陰森森, 雖然是地方寬敞, 高樓大屋, 但真係變態鬼古的溫床.



從城牆的孔看出去, 小鎮好似一幅畫呀!!!



正在廊橋上影相, 巧遇婚禮完畢後新娘子步出, 真的好漂亮呀! 怎麼不見新郎? ........不是城堡的少爺吧..........大吉利是, 吐口水講過!!!


 


離開古堡途中, 在小斜巷中見一對間小店, 店主夫婦賣一種叫Trdelník的甜點, 麵團捲在鐵筒上烤, 烤脆後蘸上白糖, 唔知什麼味道, 我就當然點都買一個來試啦, 甜甜硬硬的似吃厚餅乾, 都幾ok!


    


晚上到這間小餐館吃晚餐, 當然要喝當地出產的啤酒Budweisser啦! 啤酒古城Budweis (České Budějovice)就在附近. 香港的Budweisser, 已經是移植去美國的"合法老翻", 和捷克的原裝正貨還在打百年官司呢! 


 


今晚的主菜是.......哇! 太好了, 我在德累斯頓看見人們吃的白色麵包, 竟在這裏見到!!! 這種麵包真的好奇怪, 由皮到肉都是雪白的, 怎可能烤出白色麵包??? 吃下去湮湮韌韌的很奇怪, 其他食物呢, 都很豐富和地道, 我都吃得一大半, 但吃著吃著, 又懷念唐餐了........


大家知道這是什麼包包? 怎麼弄的? 知道請告訴我.



夜裏, 古城又是另一番氣氛, 我們當然不會錯過啦, 到處鑽來鑽去拍照.........




小酒店外的夜色真漂亮!



第二天早上, 下著濛濛細雨, 我都不客氣了, 大街小巷到處看看.......


 



走到古堡的深處, 原來是一個漂亮的後花園.......再給我多住一晚便好了.......可惜小鎮沒有靚shop, 也沒有靚cake, 再留就悶親太太了.



呀! 原來流經Krumlov的那條灣灣的小河, 也是流過布拉格的Vltava!


23 則留言:

  1. moon,照片拍得好靚-----

    [版主回覆08/27/2009 11:24:00]我都好慶幸拍到這輯夜景呀, 我有帶我的小小腳架仔 ^_*

    回覆刪除
  2. 好似去左小大國呀 !   D 屋仔好可愛 !
    [版主回覆08/27/2009 11:27:00]這種小小的古鎮好好行的呢! 德國的浪漫之路有好多呢d小鎮, 各有特式, 人家好自豪的是咱們的小鎮保持了幾百年的風貌呢! 才不會發展什麼地產. 到今天都成了寶物了!

    回覆刪除
  3. 真係靚到..........
    唔知講乜好了......
    等睇下集!!^___^
    [版主回覆08/27/2009 11:28:00]慢慢睇吓欣賞吓啦! 陸續有來的呢! ^_^

    回覆刪除
  4. 好靚好靚, 人地既人活點解可以咁寫意架
    [版主回覆08/27/2009 11:43:00] 
    那天早上7-8時, 我到處逛, 食店等已陸續有人上班, 經過一條小巷, 三架車排隊駛過, 第一架是小貨車, 司機停車, 下車, 送貨......人也不見了, 後面兩架車, 靜靜的等等等, 在我這香港人眼中, 真係不可思議!!!

    回覆刪除
  5. how pretty!!! what a romantic city!
    hahaa, we somehow always miss Chinese food when we're in foreign country! (kind of like my American students miss Mcdonald and KFC when they were in China! hahaha!)
    [版主回覆08/27/2009 13:55:00]Hi, long time no see, A, B and C!
     
    Yes Yes!!! It is so romantic in the old small town in Europe especially that in south Germany. No matter they call them " Romantic Road (Romantische Straße)" I'll never forget the small towns and villages there.
     
    HA! In Europe, we even miss Chinese food and McDonald but never do this in Japan!

    回覆刪除
  6. 哈~地道餐一d都唔開胃~~  試問你怎會唔想起唐餐尼! 不過,德國腸子的確好出名咖波~
     
    [版主回覆08/27/2009 16:36:00]雖然係食唔慣, 不過地道就得了, 一生人總要試吓, 話晒呢d係當地人常常吃的.........正如西人到中國, 第三餐就要吃KFC了.
     
    德國腸都好好食呀! 所以第一餐我都好起勁呀!

    回覆刪除
  7. 師父... 相得靚呀.... 像postcard!
    我也希望到此一遊!! 我喜歡看境多過shopping!!
    古老的城堡....永遠最多傳說! 我喜愛聽的... 師父講多啲啦!
    [版主回覆08/27/2009 16:39:00]hehe, 係d地方靚啫, 我只係按shutter. 我都喜歡看風景多d, 不過來到歐洲, 連一向都喜歡shopping的太太都冇晒興趣了.
     
    古堡, 我都有興趣去法國古堡之旅呀, 不過太太話, 麻麻地, 好似個個都一樣, 看天然風景好好多........跟住的國家多點天然風景了.

    回覆刪除
  8. 白色麵包我常做這個,直接法所以不耐放,但是很可愛和好吃就是了 http://cookpad.com/recipe/486817
    [版主回覆08/27/2009 16:28:00]這個有點近似了, 謝謝妳呀, 等我有機會又試吓先.

    回覆刪除
  9. 很美,  好詩好畫一般 ............
    [版主回覆08/28/2009 10:17:00]我最喜歡這些歐洲小鎮呢!

    回覆刪除
  10. 淒美的故事. 也真的值得他們驕傲, 700年風貌不改.
    看照片不見有很多遊人, 是一個寧靜的古鎮.
    [版主回覆08/29/2009 09:32:00]我都好奇怪, 為什麼他們不會拆掉舊屋, 起現代化的屋子......我想他們很享受和熱愛這種生活..........不過屋子的室內就好現代化的呢!
    這個古鎮很寧靜, 不像羅騰堡, 那裡更古典但更多遊客.

    回覆刪除
  11. 呢個古城好靚喎!有張相好似〔花街朱古力〕D屋呀! 住在這城中...很童話呢!
    [版主回覆08/29/2009 09:52:00]係呀, 這些小鎮是歐洲的精華, 不單風景美麗, 更加令我感覺到, 生活中最重要的東西, 是不用變變變的, 到他們長大, 老了, 回到小鎮, 仍找到他們, 他們爸媽, 祖父母長大的屋子.......只係裏面已現代化了.

    回覆刪除
  12. 仲有... 你大門口張BANNER好靚呀!好襯你個BLOG!
    [版主回覆08/29/2009 21:09:00]謝謝呀, 找到靚景, 就裝飾一下大門吧!

    回覆刪除
  13. 故城小鎮風景清新,有時一些風景砌圖都有這麼美!
    [版主回覆08/29/2009 21:14:00]係呀, 每一個角度, 都好似一幅畫, 可惜第二天天氣不好, 否則更靚!

    回覆刪除
  14.         點解 啲 建築物咁似澳門見到果 啲 嘅?
    [版主回覆08/29/2009 21:18:00]澳門當年沒有大力發展和打造, 所以他們都生活在自己的故園, 不個近這幾年都變了.......如果古姆洛夫在這裏, 我想古堡的旁邊係"永梨", 教堂前面是"新葡驚"......

    回覆刪除
  15. 睇咗咁多篇,真係忍唔住要留低句................你啲相影得很靚,每一幅都可以用來做post card或wall paper,很可惜我老細沒有這種情懷,他怕悶,所以從來都不會想到歐、美走走
    [版主回覆08/29/2009 21:25:00]謝謝呀, 我的照片都漩靚, 不過係景靚, 仍欠一些意境........每個人都有他感興趣的地方, 我都只係喜歡安全先進的地方, 其他的我都不太有興趣........十幾二十時就另計.
    歐洲好多靚景, 不過講到吃呢, 就真的有點悶.......是東方人不慣呢.

    回覆刪除
  16. 我以前有個朋友就係捷克留學~!!
    [版主回覆08/29/2009 21:26:00]好勁啊! 他在那個城市? 他能講捷克話/德語嗎?

    回覆刪除
  17. 我很喜歡逛鄉村小鎮,大街小巷的走,但旅客與住客是兩種心態,
    嘿嘿!你吃的那個白麵包,0甘似媽媽買回來的饅頭西方版
    [版主回覆08/29/2009 21:32:00]我們覺得很特別的靚景, 當地居民日日見, 不會覺得什麼.
     
    我都覺得這種麵包好像是蒸的, 但西人是不會蒸包的, 可能加大量蒸汽焗啦, 這種包比饅頭韌好多.........還是饅頭好吃(我喜歡真正的北方饅頭)

    回覆刪除
  18. 嘩﹗好靚的風景﹗
    還有好悅目的版面呀﹗以前的太暗了,現在很好。
    [版主回覆08/29/2009 21:36:00]真係好靚呀! 有冇興趣去德國的浪漫之路呀?
     
    之前的, 我都鍾意呀, 比較低調和陰涼.......今次換畫....面, 係襯番個banner........好少女feel

    回覆刪除
  19.         " 如果古姆洛夫在這裏, 我想古堡的旁邊係"永梨", 教堂前面是"新葡驚"...... " 咁驚?唔係呀嘩!         其實我係想講,點解 啲建築物咁葡萄牙 feel!         個新 banner 勁靚喎!
    [版主回覆08/30/2009 15:49:00]唔到你唔驚, 你去澳門看看........
    ......這邊的屋子細看不同澳門的(葡萄牙我未去過), 這裏的屋子線條較硬朗, 裝飾線條簡潔一點, 還有窗口沒有木的百葉窗, 不過歐洲的風格各國都有d相似的, 又有少少不同的.

    回覆刪除
  20. 師父BLOG轉形象....很靚哦....
    我都是最喜歡這小鎮古城KRUMLOV的一輯相!!真的很想立即飛去!
    [版主回覆08/30/2009 15:53:00]我都喜歡之前那個, 沉色d, 呢個就趁下我個新banner.
    去歐洲, 記得一定要去小城呀, 例如瑞士的Zermatt, St Maurice, 德國的Garmish-Patxxx(忘了), Rothenburg.......法國的Nice, Charmony.......

    回覆刪除
  21. 未前之前不懂說~去了才學懂
    [版主回覆08/31/2009 14:51:00]捷克話真係好唔同, 西斯拉夫語相信好難學呢!

    回覆刪除
  22. 這些歐洲小鎮真係好靚, 你影得好出色啊 !  如果自助遊, 言語會唔會好困難呢?
    [版主回覆09/01/2009 21:52:00]小鎮真是很靚呀!!! 如果自駕遊都ok的, 語言呢, 如果是旅遊從業員, 簡單英文都ok的, 一般人民呢, 我估德文都ok的, 英文呢.........唔通的了, 不過只要夠膽撞就冇問題啦, 我就係懶, 所以都係跟團呢!

    回覆刪除
  23. 哇, 好鍾意呢張相. 好羨慕你可以影的咁靚. 你去幾多日啊?

    [版主回覆09/04/2009 09:12:00]我去左14日呢, 這裡是最可愛的!

    回覆刪除