2009年8月6日 星期四

東歐行 - 各位, 我回來了

各位, 我回來了!


我輕了2磅, 但多了少少中央肥胖肚腩, 實在太多肉少菜了!


山河美景, 大街小巷, 多姿多采, 滿足晒我的八卦性格......


還有很多很多的香腸, 豬手, 肉扒, 啤酒........唉, 吃了我一年的份量, 麵包, 蛋糕都有呀!


由昔日東西歐對峙的德國柏林起步, 進入從前由蘇聯控制的捷克, 匈牙利, 克羅地亞, 斯洛文尼亞, 再返回西方世界的奧地利, 最後由德國慕尼黑離開.........



幸得導遊通曉歐洲文化歷史, 帶我們由大城市德累斯頓, 布拉格, 到小城市札格勒布, Ljubljana, 到小鎮Krumlov, Karlovy Vary.......由捷克的波希米亞平原, 前奧匈帝國的的赫爾巴千平原 (Carpathian Basin/Pannonian Basin)巴伐利亞森林.......由德意志霍亨索倫皇朝(Hohenzollerns)到奧地利哈勃斯堡皇朝(Habsburg)......由格林兄弟, 莎士比亞說到巴伐洛提, 現場旁白, 娓娓道來



從前覺得, 歐洲文化之所以統領世界, 是因為它幸運, 擁有最好的天然資源, 最肥沃的平原大地, 全球20%的人口, 擁有70%可耕的土地(中國幾乎是相反), 還要向外擴張侵略......這次了解得更多, 地域民族的興盛, 不是我看得那麼簡單幸福, 可能是從鮮血中得到......



不過, 歐洲最叫人困擾的是......廁所, 每次都要看看錢包裏有沒有硬幣, 才敢上廁, d大叔大嬸好惡呀!!!



拍歐洲的風景和建築物, 不得不用我不太習慣的"直度", 因為那裡的景物實在太高高高聳, 不斷的退後退後退後, 還是拍不到全貌......歐洲人真是一個氣魄宏大, 高瞻遠足的民族(不, 是多民族群)



導遊說的歷史故事, 雖然打了50%瞌睡, 又忘了30%, 仍有20%剩下, 令我對這個旅程更有興趣, 否則每一座教堂, 宮殿眼中都是一樣, 但現在總算留下不少記憶.


包餅, 食物, 城市, 風景, 從那裏談起呢?


28 則留言:

  1. Welcome Back! 由布達、佩斯(兩個城市)回來!
    [版主回覆08/07/2009 08:18:00]hehe, 布達佩斯只係中途站, 我是由慕尼黑.......應該是從夢境中回來的, haha

    回覆刪除
  2. Welcome back!
    想像到你必定很享受這假期了。祈代你的分享。
     
    [版主回覆08/07/2009 08:19:00]好好玩呀, 等我慢慢整理一下, 太多東西入了記憶, 太多照片要入電腦......

    回覆刪除
  3. 好開心你返o黍喇, 我有整定d chiffon等你o家.
    d相慢慢整理啦, 我上次upload相, 揀相, 寫網誌都攪好耐.
    [版主回覆08/07/2009 08:24:00]我有來看妳的雪芳, 成功!
     
    我依家都未想好點寫添.

    回覆刪除
  4. 哈哈, 我有掛住你呀!
    [版主回覆08/07/2009 08:24:00]謝謝, 咁多d來探我啦!

    回覆刪除
  5. Welcome Back!
    [版主回覆08/07/2009 08:25:00]終於回來了, 不枉此行呀, 除了那些西餐.........

    回覆刪除
  6. 回來啦!好野! 掛住你..... D chiffon吖! 那兒好玩嗎?
    [版主回覆08/07/2009 08:26:00]我要抖一抖再做戚風呢! 先想整包包!
     
    呢個旅程都好好玩呀, 仲吃得包多呀!

    回覆刪除
  7. 嘩! 師父回歸啦!
    希有相分享啦........
    [版主回覆08/07/2009 08:28:00]哇! 我邊有咁老呀!
    2000幅相, 幅幅都咁有回憶, 我都唔知點算了......

    回覆刪除
  8. 歡迎
    [版主回覆08/07/2009 08:28:00]謝謝呀!

    回覆刪除
  9. welcome back!有無手信先
    [版主回覆08/07/2009 08:39:00]歐洲真係冇嘢o岩買, 說來你也不信, 我買了一瓶鹽和一瓶糖, 另外有一些零零星星的朱古力製品.......
     
    最好的手信, 就是2000多幅相呢!

    回覆刪除
  10. 歡迎回歸!  嘩嘩嘩, 東歐真係好靚啊, 好羨慕ing !
    [版主回覆08/07/2009 08:40:00]東歐真的很美麗, 山水和阿爾卑斯山一帶又有不同.........

    回覆刪除
  11. Welcome back! d相好靚呀!
     
    點解會"輕了2磅, 但多了少少中央肥胖肚腩"?
    係咪雖然輕咗, 反而令中央的肚腩更突出呢? hehe~
    [版主回覆08/07/2009 08:44:00]日日到處跑, 所以瘦了, 但天天吃扒, 喝啤酒, d脂肪又積聚了, 證明運動可以減肥, 但未必減肚腩......唉, 去日本就不同, 大吃特吃, 回來又冇左個肚腩.

    回覆刪除
  12. Welcome back ! 我的精神食糧又豐富起來了。
    [版主回覆08/07/2009 08:45:00]真係咁勁? 但我今次呢d歐洲食糧, 會令人肥胖的呀

    回覆刪除
  13. 嘩!咁大隻豬手, 一個人嘅份量? 點食呀?
    [版主回覆08/07/2009 08:47:00]係, 係一個人一大隻!!!! 成個夏威夷木瓜咁大, 那天我們剛好又自己去吃了個tea, 結果只係吃了幾口, 真係......唉!

    回覆刪除
  14. welcome,鳥倦知返了
    第二張照片,是匈牙利的布達佩斯嗎?
    有沒有去德國的"新天鵝堡",如公主與王子的堡壘!
    最後一張是奧地利嗎?哈哈!我亂估一通,通通估錯@___@
     
    [版主回覆08/07/2009 09:01:00]我仲可以再玩, 可惜時間已到, 不過moon嫂就已經散晒了.
     
    不好意思, 估得不對, 不過一d都唔奇, moon嫂也說, 去去吓間間教堂都一樣, 個個城市都差不多........幸好我都有聽書, 所以都還分得開......
     
    那城市, 是德國的德累斯頓, 真係有d似布達佩斯......教堂呢, 死o勒, 我都有點混亂了, 呀, 是布拉格的聖維特教堂..
     
    新天鵝堡不順路, 所以冇去, 有些團友想導遊改行程去一去, 還鬧了少少風波呢.........下次去德國深度遊 - 童話之路啦!

    回覆刪除
  15. 歡迎你返黎呀 ! 好唔好玩呢 ? 去旅行竟然瘦左 ??? 你就好啦 ! 我最叻o個次都係打平手咋 ...
    [版主回覆08/07/2009 09:03:00]好玩呀! 多姿多采! 唉, 我去日本, 收了身添呀, 可惜今次肚腩大了, 日日行也抵不過天天吃肉........

    回覆刪除
  16. oh....welcome back..!!!!
    [版主回覆08/07/2009 09:03:00]thanks

    回覆刪除
  17. 你終於返黎啦~~~ 好開心見你到既相同簡介~~ 好靚呀d 相!!
    之後你可能會好忙去打字, 回憶, 上相...... 等你~~~
    [版主回覆08/07/2009 09:04:00]可能會講足幾個月才講得晒, 太多回憶了!

    回覆刪除
  18. 嘩~~你番黎啦~~~^_^
    建築真的很宏偉呀~~~好有氣勢呢~~~
    多肉少菜都瘦左2LB? 係咪要行好多好多路呀??
    這幾天我不斷刨你的blog, 星期日會到macau哦~hee heee
    [版主回覆08/08/2009 00:09:00]係呀, 我從前都覺得d皇宮教堂好悶, 但享受拍照就不同了, 仲有d故事都幾有趣.
     
    都行左好多路呀, 有一日行山呢! 另外到處八呢.
     
    去macau, 好send d好東西給妳先.

    回覆刪除
  19. 你返來喇 ! 張相既豬手好似好好味咁喎 !
    [版主回覆08/08/2009 00:10:00]味道呢, 都ok的, 最利害是, 大大大~~~~~~~~~~~

    回覆刪除
  20. 嘩...返黎啦,d風景好靚阿
    [版主回覆08/08/2009 00:10:00]真係唔錯, 尤其是斯洛文尼亞!

    回覆刪除
  21. 快活的假期話咁快就過完啦?!
    休息夠就快些跟大家分享你們旅遊樂啊。
    [版主回覆08/08/2009 00:11:00]快活不知時日過呀!!
     
    我會和大家分享的呢!

    回覆刪除
  22. Welcome Home!
     
    Very nice pictures.
     
    I am now on the train from Montreal back to Toronto(HK time 12:05am Saturday), should be home in 6 hours.
    [版主回覆08/08/2009 10:19:00]妳又去了旅行, montreal好丫, 好風光呢!
     
    回來告訴我們旅程啦!

    回覆刪除
  23. 外國都系咁, 小菜多肉, 我會去超市買沙律當菜食
    [版主回覆08/08/2009 10:22:00]係呀, 我見外國人雖然都好多肉, 但都有食吓pizza, lasagne, sandwiches, 邊有團食咁餐餐吃扒, 而且d扒好乾......
     
    我就早餐勁吃水果, 又去超市買.

    回覆刪除
  24. 好開心你返嚟喇!!!係咪玩得好開心呢....除咗要食太多肉之外...

    回覆刪除
  25. 去旅行實在太好了....
    [版主回覆08/09/2009 15:59:00]簡直樂而忘返!!!

    回覆刪除
  26. 我都好想去呢^U^ 好幸福呀你!
    [版主回覆08/09/2009 15:59:00]係呀, 一年中最幸福的時間, 過得特別快添.

    回覆刪除
  27.         風景相影得好靚,好吸引!         返到 嚟就要收 拾心情整包包同戚風喇!
    [版主回覆08/10/2009 22:06:00]一定會啦, 呢輪梗係歐洲包, 冇得傾.

    回覆刪除
  28. 咦,咁快番來嗱~~輕咗2磅都算bonus吖!東歐都好靚呀!參加團會唔會好辛苦,有點走馬看花呀?
    [版主回覆08/11/2009 14:28:00]參加團是舒服的, 因為什麼也有專人服侍, 當然行程是有點緊湊, 不過對我來說, 大部份都足夠時間了.

    回覆刪除