2009年8月21日 星期五

東歐行 - 第四站-捷克布拉格, 好靚呀!

經過了Karlovy Vary, 我們到了捷克的首都布拉格, Prague(捷克語是Praha).......從前只係聽過"布拉格之春"這個政治事件, 還有........


Smetana交響音詩中My Fatherland中最壯麗遼闊的一段 : Vltava 伏爾塔瓦河(德國人叫他Moldau).......今天, 竟然真的到了Vltava旁, 看著她在腳下流動, 查理大橋飛架, 一直伸延到對岸山上的布拉格城堡........感覺更加如夢如幻.......



由布拉格城堡的聖維德大教堂Saint Vitus's Cathedral (Czech: Katedrála svatého Víta)起步, 無論我怎樣退後, 也拍不到高聳的哥德式教堂的全貌, 唯有拍特寫啦!


 


當地導遊帶我們穿梭在教堂裏, 照片很難表達那裏的高曠.


 


十分之瑰麗的馬賽克或彩繪玻璃窗, 精美的雕像, 帝王的陵墓.....這是我見過數一數二漂亮的教堂.


 


旁邊是舊皇宮, 英偉的衛兵, 頭頂好凶狠的雕像, 說代表了正義殺死了邪惡, 看著看著, 有點覺得那正義之士比起踩在腳下被狂插的邪惡之士更邪惡........無論如何, 捷克是一個很強悍的民族吧!




走下一段樓梯, 到了Vltava上著名的查理大橋( Charles Bridge, Czhec : Karlův most), 這裏是一個小市集的縮映, 好多賣藝者在這裏表演, 還有好多雕像.......



最特別的是這位John of Nepomuk, 這位1300年代的神父, 因為寧死不向當時的波希米亞王神聖羅馬帝國君主透露王后向他告解的內容, 被下令割去舌頭, 由橋上丟到Vltava, 相傳他的屍體被發現時, 頭上圍繞著7顆星星, 後來被封為聖人.



走過舊城區, 我們頻頻說好像放大了的澳門, 幸好這裏沒有新葡京呀, 永利金沙.........布拉格的舊城很漂亮呢! 到了舊城廣場, 四周都是古典建築物, 教堂, 露天茶座......


廣場正中是胡斯(Jan Hus)像, 他是捷克的風雲人物, 他比馬丁路德早100年提倡宗教改革, 被當時的羅馬教廷判為異端燒死, 引發後來15年(1420-1434)的胡斯戰爭. 100年後捷克新教徒和教廷也因為宗教衝突, 引爆歐洲各國本身的權利鬥爭, 更導致更嚴酷的30年全歐大混戰.


歐洲就是這麼奇怪的地方, 今天我看到和平富裕的景象, 想不到是在重重疊疊的戰火中建立的.



下面是廣場旁的兩座很出名的建築物, 遠處好像迪迪尼的是Tyn Church, 人稱"魔鬼教堂", 因為它兩個塔頂上的幾個凸出的閣仔, 夜裏看去好像倒吊的蝙蝠.......


近處的高樓是舊市會堂的鐘樓, 上面有一個很古老的天文鐘, 到今仍運行著, 不過這鐘樓也有一段殘忍的歷史......算了不說了.


還是登上樓頂, 我最喜歡登頂.......要付費的呀!



從鐘樓上看廣場, 真的很有趣呀!



天氣太乾熱了, 一架洗街車?? 不停向廣場噴水, 好似一隻不停賴尿的小甲蟲, haha!



我想, 那不是會把途人噴濕? 點得o架.......乾唔乾淨o架



點知途人追住水車, 淋個痛快, 歐洲人真係同我地不同.......正如他們永遠也不明白我男人老狗點解不享受太陽, 擔住吧傘......我心想, 你們來來香港熱一下便知了!



到處鑽是我的嗜好, 露天市集整齊漂亮, 蔬菜都好靚, 尤其是青瓜仔.



還有乾果檔, 玩具檔, 花檔........



可惜, 沒有看得上眼的糕點店..........


2 則留言:

  1. nana
    2009年9月4日上午8:18
    建築物好宏偉, 風景好優美, 你的相影的真係好靚, 我都要睇多地學下點樣取景.真的好靚, 更有一種好清新好自在的感覺.
    回覆
    A moon
    2009年9月4日上午9:10
    其實都係企高, 踎低, zoom in zoom out, 多d角度去映咋........個景本身靚嘛.........




    Clove
    2009年9月4日上午1:56
    moon哥,我沒有細看你的遊誌文章, 只呆呆看了風景照,已經吸引了久久也未離開座椅。 浪漫城市真係百看不厭。
    回覆
    A moon
    2009年9月4日上午8:11
    我都好喜歡布拉格舊城區........到現在看返, 好像發了一場夢.........仲有不少地方未逛呢! 一晝時間不夠




    Noel
    2009年9月1日下午6:10
    相片影得好真係好高難度。 睇得到感受到, 但就係影唔到! 由其是影教堂室內相 。
    回覆
    A moon
    2009年9月1日下午9:58
    冇錯, 影相不難, 影靚的相都不是難, 最難是影到有氣氛和感覺的照片. 影教堂呢, 超廣角鏡, 和將幅相放到好大, 都ok的.




    SkyBlue
    2009年8月28日上午8:16
    東歐人似不似大陸人, 眼神不友善?
    回覆
    A moon
    2009年8月28日上午10:01
    我去的東歐國家都係好近西歐, 比較富裕, 和西歐洲人分別不大, 一般都係比較cool, 不過都算友善的, 內地好少返, 冇得比較,
    最開朗友善的, 係澳紐加拿大人, 服務最有禮的是日本人, 歐洲人就一般啦, 冇乜..




    Kestrel
    2009年8月24日下午11:19
    聽個中文譯名點會即 "刻醒" 水呢!
    回覆
    A moon
    2009年8月25日下午7:19
    冇錯!




    Kestrel
    2009年8月24日下午5:13
    " 唔駛聽住, 自動在我腦裏出現 " 咁係咪一到 咗 Moldau,個腦就即刻響起 …… m l t d r m m m f f m r r d r d t t l ……
    回覆
    A moon
    2009年8月24日下午10:31
    初初個導遊介紹流個布拉格的河流係伏爾塔發河, 我都完全收唔到, 直至看到地圖上寫住Vltava, 才恍然大悟!




    SkyBlue
    2009年8月24日下午12:21
    歐洲的建築物很有特色啊!
    回覆
    A moon
    2009年8月24日下午4:55
    歐洲中部每個地區的建築只係有少少分別, 睇吓睇吓, 就會覺得每個教堂, 每個屋頂都係差不多, 所以要好留心呢!



    Aga
    2009年8月23日上午7:01
    我以前考琴考過呢首歌Moldau. 彈左都唔知係咩, 而家終於知道喇! 多謝你.
    回覆
    A moon
    2009年8月23日上午9:43
    啊, Moldau有鋼琴版的? 她是分開一段段的, 由最初的源頭在遼闊的波希米亞平原緩緩流動, 再經過深林, 村莊, 月色, 急流, 到達布拉格, 最後壯闊地流入易北河, 去完旅行回來, 再聽時, 感受又深了一些.




    PHLee
    2009年8月23日上午6:11
    乾果檔D大玻璃瓶好靚哩, 緊係度身訂做, 個蓋吾係膠架話????
    回覆
    A moon
    2009年8月23日上午9:32
    好整潔呀, 人地d檔仔, d碟, 我睇係膠的啩, 否則好易裂噃, 靚膠都ok丫, 最好好次我地, 玻璃瓶不銹鋼蓋啦! ^_^




    小肥糖
    2009年8月23日上午12:08
    嘩嘩嘩嘩嘩嘩!!!!!!!!!!!!!!!!!!!!!!!
    D相好靚呀~~~第1& 3張的雲好正哦~~
    我最仲意呢張
    用DC仔都咁靚, 用埋大機咪靚到暈低??*O*~~~
    死火啦, 看完又好想去旅行............><
    回覆
    A moon
    2009年8月23日上午9:29
    如果我買了大機, 我就會買一枝tele, 一枝勁wide angle, 咁就可以拍多d人物, 細節, 和宏偉的全景......
    上面那幅, 我一見都呆了, 好靚呀! 立即拍下, 將光圈壓低, 都可表達那色彩和光影了.
    下面這幅我都好喜歡, 強烈的光暗對比, 素色中又有些細節, 好似好聖潔咁, 不過鏡頭所限, 拍得上又拍不到光照的椅子.......最好有埋耶穌光就好了, 不過可遇不可求啦!
    澳門都係一過拍教堂的好地方呀, 一d都不比西歐遜色呀, 另一種風味.



    May
    2009年8月22日下午3:20
    "照片很難表達那裏的高曠"
    hehe, 我都好想親身去感受下呀!
    你好似唔係黃昏時份去查理大橋wor,
    聽朋友講, 黃昏時去係好浪漫架!
    回覆
    A moon
    2009年8月22日下午10:45
    係呀! 親身去係唔同感覺的............我到了布拉格時, 是中午呀, 我估黃昏仲靚呀, 布拉格的夜景仲靚呀, 可是那夜我們已到了另一個悠閒的古鎮 Krumlov了.
    一期一會, 今生也未必會黃昏遊布拉格了........不過今次都好靚咖喇



    Kestrel
    2009年8月22日下午1:53
    嘩,你去 咗 Moldau 呀?咁有無聽住 Moldau 欣賞美景呢?間教堂好有氣勢,好宏偉呢!
    回覆
    A moon
    2009年8月22日下午10:34
    係呀, 我都係去到至醒起, 係喎, 我去左Vltava, Moldau! 唔駛聽住, 自動在我腦裏出現.......咦, 你都係知音喎!



    C Chan
    2009年8月22日下午12:07
    你講得冇錯, 你依站真係好靚~~~ 個教堂, 個城堡...真係好靚! 遇到好天氣, 外國既天空特別令人心擴神怡~~ 外國既市雜都係我好恨去既去地方, 新鮮既水果, 蔬菜, 鮮花.... 噢~~~~
    回覆
    A moon
    2009年8月22日下午10:32
    係呀, 我都估不到Prague係咁靚的, 仲有好多地方未行呀! 例如聖維德教堂的後面的金之里.......
    那天, 天藍雲白, 真係好靚呀! 不過好似人肉 bbq, 晒到出晒雀斑, 所以做了香港人的標誌動作.......



    Donald
    2009年8月22日上午11:17
    嘩! 張張相都好似postcard的美麗風景啊!
    回覆
    A moon
    2009年8月22日下午10:23
    真係呀, 好隨意就可以拍到好靚的相片了, 好happy!!



    家肥與小牧
    2009年8月21日下午11:57
    好宏偉呀﹗﹗係咪教堂黎架﹖
    布拉格係用咩幣﹖點對法﹖我見市場D野數額好似好大WO
    回覆
    A moon
    2009年8月22日下午9:56
    係呀, St Vita Cathedral, 好漂亮宏偉呀!!!
    妳真係細心了. 布拉格係用捷克克朗(czk)的, 一港元大約czk25左右啦!




    回覆刪除