2009年8月8日 星期六

東歐行 - 第一站-柏林-團圓的城市

在暮色中, 飛機降落德國首都柏林, 開始了東歐之旅......


對於我這個遊客來說, 歐洲的大城市, 什麼巴黎, 羅馬, 漢諾威, 漢堡, 大都是十分悶蛋的.


........什麼歷史, 經濟, 政治, 文化........不過在這裏, 又真的可以感受一個氣魄宏大, 胸襟廣闊的民族和國家.



一個好奇特的城市, 第二次世界大戰後, 前蘇聯勢力介入, 德國分裂, 柏林也分裂為東西, 西柏林成為一個紅色海洋中的孤島.


只是在電視的"瞬間看地球"看過......宏偉的勃蘭登堡門, 見證了兩軍劍拔弩張40多年, 1989年前, 東面, 是坦克和機槍, 西面, 也是坦克和機槍.......門頂的勝利女神維納斯, 歷盡滄桑, 冷眼看腳下如鰂的遊客.



1961年, 為了阻止人民偷渡到一街之隔的自由世界, 東德政府一夜之間築起了柏林圍牆將西柏林團團圍住, 28年來, 239人被射殺在牆下, 現在看到的這些石磚, 就係當年圍牆的位置.


現在可以很輕鬆的一腳踏在東柏林, 一腳踏在西柏林, 不過這麼"娘"的post, 我才不擺!



1989年, 自由浪潮席捲東歐, 柏林的人民, 攀上圍牆, 互相擁抱, 再沒有士兵射殺他們, 隱約記得當年大提琴大師Mstislav Rostropovich在牆上演奏慶祝.



今天, 圍牆的遺跡已所餘無幾, 現在最出名的, 是這段大概兩公里的牆身, 由來自世界各地的藝術家畫了很多意念獨得的壁畫


嘩! 該煨咯!!



 


當年東德政府拱手把權力奉上, 西德也不惜投入萬億財資, 幫助東德重建........當然是很困難很困難, 但他們做到了, 「度盡劫波兄弟在, 相逢一笑泯恩仇」, 人家做到了.



第二次世界大戰被盟軍炸到稀巴爛的德國國會大樓(Reichstag building)........由德意志帝國, 納粹第三帝國, 德國分裂, 團圓, 至加入歐盟大家庭, 終於回復原貌, 無愧地面對門外紀念黑石碑 - 紀念96位因反對納粹黨而遭殺害的國會議員.


國會大樓 - 裏面很多東西看的呀, 可惜又是沒時間..........很悶蛋是不是?



遊客在踩一架笨蛋5人單車, 可惜我冇時間去玩一下.


吃東西咯, 今天吃的是德國大肉腸, 左邊是香草豬肉腸, 右邊是煙燻腸, 好味呀, 不過每條都有一條大香蕉那麼大, 吃剩了不少......



Cabinette - 是一間很多名人總統也光顧的餐廳.


9 則留言:

  1. 你地又係瞓覺豬呀, 我一click 即入. 冇野食嘅????????吾通你真係冇啖好食????
    [版主回覆08/09/2009 11:18:00]我都親身試了在外國上Y!blog的難........好氣頂.
     
    來來來, 整個大肉腸餐妳試吓. 妳同我地一樣, 一去歐洲大城市就弊, 他們最愛去的, 是三種地方 : 教堂皇宮博物館, 當然還有露天咖啡座......係冇嘢吃的!!!

    回覆刪除
  2. 早輪聽講德國好後悔當日將個道柏林圍牆全部拆哂, 冇咗啲歷史遺跡呢 。  5人單車好玩呀 !
    [版主回覆08/09/2009 20:46:00]係啦, 唔似他們的風格, 現在這兩公里, 都可能不保了, 因為這地段已賣了給私人了. 太可惜了.
     
    5人單車好傻呀, 只有一個人可以看前面! ^_^
     
     

    回覆刪除
  3. 好得意喎...個笨蛋5人單車!
    [版主回覆08/09/2009 20:51:00]係, 四個人都不能望前面, 回頭暈吧! haha

    回覆刪除
  4. 看來天氣都很不錯呢 ! 一景一物歐洲風味啊 !
    [版主回覆08/09/2009 20:52:00]你有所不知了, 那天上午才傾盆大雨, 我濕晒呀!
     
    柏林未算呀, 遲d仲歐洲呀!

    回覆刪除
  5. 我以前都有舊德國柏林圍牆石架~
    [版主回覆08/10/2009 21:45:00]我都見有得賣, 不過冇買了, 影番來算了, haha

    回覆刪除
  6. 拍到很美的景色啊------

    [版主回覆08/10/2009 21:46:00]是風雨上面的天空呢! 特別美

    回覆刪除
  7. 5人單車好似好好玩咁喎~
    德國d野食份量真係好大,之前我喺德國係食豬手餐,中國人size都食唔哂,仲要話如果德國人份量會係中國人份量嘅2倍 ,都唔知點食...
    [版主回覆08/10/2009 21:55:00]係呀, 如果有4個一起玩, 我都想試吓, 不過都冇時間了.
     
    隻豬手, 一人一隻呀, 剩了大部份, 好嘥......

    回覆刪除
  8. moon哥, 你和moon嫂這時去歐洲,天氣真係唔錯 ! 你影這張勃蘭登堡門好靚呀! 媽咪都話靚 ! 佢話比起我哋去個時(x'mas), 天氣灰灰的,悲情城市一樣.....
    [版主回覆09/04/2009 08:07:00]都落左兩三日雨咖, 好彩係一頭一尾.
    那天陽光剛好射在對面的廣場, 反射在大門的內壁, 有d似打左燈........係呀, 歐洲的大城市, 都係灰色的, 遇著天氣不好, 真係悲情城市呀!

    回覆刪除
  9. 你跟邊一個團,好似好吸引甘
    [版主回覆11/05/2009 09:26:00]我係跟Charming的呢!

    回覆刪除