2009年8月23日 星期日

森永可可雪芳再現江湖

用餅友苏慢慢的好方法再做可可雪芳, 好成功呀! 終於可以肯定地說, 已經完全解決可可粉令蛋白消泡的問題了!!



關鍵是 1. 可可粉先和油, 水打勻, 再加入蛋黃打至乳化. 2. 整個過程, 都要座暖水


可以肆無忌憚地加可可粉了


17cm 雪芳


材料 :


A 蛋黃漿 : 可可粉20g 植物油40g dark rum酒20g 水40g 蛋黃3個 低粉55g


B 蛋白霜 : 蛋白4個 糖65g 鹽少撮



製法 :


1.可可粉, 油, 酒 ,水, 蛋黃放在mixing bowl中, 座剛好燙手的溫水打勻, 再加入低粉打勻至滑身有光澤


2.蛋白打至充分膨脹, 加入糖(可分2-3次, 也可1次)打發至幼滑柔軟, 拉起呈軟勾


3.將2輕拌入1中, 麵漿稠杰但可以流動, 入模7-8成滿, 170度焗約30分鐘, 出爐待涼1-2小時, 脫模.



看, 這麵漿多美, 做出來的雪芳才會是真的雪芳呢!



再不是硬硬實實的了.



多謝老友, 托朋友在日本找到這種在香港已斷貨的森永可可粉呢! 盒子上還多了一個International Institute for Quality Selections的金賞印記呢! 太多謝妳們了.



------------------------------------------------------------------------------------


還有........其實我不只做了1個可可雪芳. 之前我同樣那樣做, 每一步都很漂亮, 麵漿也杰杰滑滑.........



爐中也爆得算正常, 正沾沾自喜.......那知一脫模, 差點暈倒, 這個凹位我實在太熟悉了, 討厭呀,


.......試驗個很多次很多次...高溫/低溫.....蛋白是濕性/企身......入爐時有焗盤/沒焗盤......是超Q軟/是一般的......是咖啡/檸檬/可可.......各種可能性都試過, 都不時出現凹陷的情況......但又不是次次凹陷......一點規律也沒有.......連我也不知為什麼了, 唯有再試啦.



 


47 則留言:

  1. 凹陷問題始終纏繞不休, 真係討厭呀 !!!
    [版主回覆08/24/2009 08:57:00]我都冇晒符, 攪到我有d陰影添, 有人說爐溫太高, 爆得勁縮得勁, 我又試過set返低 ; 有說是爐溫太低, 中間未硬, 我又試個set高d, 但係耐不耐就出事.........
     
    我現在唯有賴個爐溫度不均, 邊高邊低, 但睇過發熱線又好似好正常.....我都冇計了.

    回覆刪除
  2. 雪芳我好耐都冇做喇..搵日都做吓先.....啱啱上咗做倒模古力班^^
    [版主回覆08/24/2009 09:03:00]好呀! 有冇作品睇吓呀?^_^

    回覆刪除
  3. 雪芳雪芳說謊說謊.... 唉... 我家小爐...太乖巧太生性了, 還沒給我藉口換掉它呢!!!>.<"
    [版主回覆08/24/2009 09:06:00]我都開始有點懷疑我個爐是不是出了問題, 但係觀察過又ok的喎, 況且它有伴了我幾年, 表現都不錯, 算啦.
     
    祝妳早日換爐啦!

    回覆刪除
  4. 噢。。。。我都真係唔想再見到依個令人討厭又沮喪既凹位呀~~ 為你再次解開迷而高興~~  個古力雪芳真係唔講啦~~~ 讚!
    [版主回覆08/24/2009 09:09:00]真係"慶"到我丫, 原本輕輕鬆鬆玩吓, 本來好成功的呀! 結果又失望了, 還將我的午睡時間拿來再做一個, 但我點解會死到現在還不知..........我上網search過, 這現像真係極少見.

    回覆刪除
  5. 唉~ 琴晚到訪,乜都矛得食!今早至見到相片,有冇剩呀?家陣可以心息啦!做得咁靚!
    [版主回覆08/24/2009 15:04:00]有呀, 我做左好多呀, 呢個星期的早餐, 小吃都要嘆, 鬼叫自己不甘心............如果妳在香港, 就好啦! 我依家安息添

    回覆刪除
  6. 哇! 您真的成功了, 我想回家試做看看, 請多多指教.
    如果一次過吃不完, 請問您怎麼保存這雪芳蛋糕呢?
    [版主回覆08/24/2009 15:06:00]就可可蛋糕來說, 係好成功, 但係就凹陷來說, 就好失敗了.
     
    雪芳蛋糕好簡易, 放入密封的膠盒, 放入雪櫃, 就算雪了幾天, 一拿出來仍是那麼柔軟潤的.

    回覆刪除
  7. 嘩! 師父又有搞作!!
    我也試試用師父的方法.. 今星期試做先!!
    但若我用朱古力粒做...不知可不可行呢? 因我在二記買了兩包未用過!
     
    [版主回覆08/24/2009 15:08:00]好的好的, 一於試吓啦!
     
    朱古力粒也一樣的, 用同等份量的朱古力粒, 放在微波爐中5秒5秒的叮, 或者座溫熱水座熔, 代替可可粉, 效果幾乎冇分別.

    回覆刪除
  8.  戚風雖好, 都要綠葉扶持    ? 我一眼看去還以為是 20cm 的 !
     蛋糕很高啊 !
    [版主回覆08/24/2009 15:18:00]我都有種少少植物在窗台, 祝它們好運.
    用這方法做的可可戚風又鬆又高, 好正呀, 如果不是凹了一個大洞..........

    回覆刪除
  9. 我個爐温都不均, 有時真係要好小心睇火! 我都想換呢! 見你做了這款咁成功既雪芳, 令我都想做返個可可雪芳食添~^^~
    [版主回覆08/24/2009 15:19:00]我都不是太肯定, 但係四條發熱線都紅得ok喎.........
     
    妳都試吓啦, 好吃呀!

    回覆刪除
  10. ooo....等我都跟依個方法做一次先得!!!! thx for yr sharing!!!
    [版主回覆08/24/2009 15:19:00]呢個方法, 勁惦呀!

    回覆刪除
  11. 究竟你係唔係一氣過倒麵糊? 無可能次次都係咁架噃! 仲有, 我想問吓你知唔知有什麼好方法清潔焗爐四邊內的油? (我焗完雞後清潔唔倒, 好心痛吖) 
    [版主回覆08/24/2009 16:37:00]係呀, 我倒了麵漿, 還仔細"蹬"去氣泡呢..........
     
    焗肉類的跡, 我都有d呀, 我都係用清潔劑濕水慢慢刷, 但高溫烤過, 簡直冇辦法, 算啦, 慢慢會接受了.

    回覆刪除
  12. 多謝分享~~等我都整番個可可雪芳先得!
    [版主回覆08/24/2009 16:43:00]一定要試, 呢個方法好掂!!!

    回覆刪除
  13. 很鬆軟的朱芳,凹位問題??兩個蛋糕除了外形,口味有分別嗎?
    [版主回覆08/24/2009 16:47:00]勁正呀, 一個真正的雪芳. 冇分別呀, 縮左那個位置特別有一層密左d囉.

    回覆刪除
  14. 我想問你整包既問題架:) 我想問下呢 當我造完型做最後發酵既時候通常要幾耐?? 我睇食譜有d就20-30mins有d就50mins.. 有d就時間都冇寫只係話[發到個模既八成滿]即係幾耐到? 我驚會過度發酵
    [版主回覆08/24/2009 16:51:00]一般麵團在夏天(30C)發45至50分鐘, 不過有些特別的食譜係發20-30分鐘, 但係好睇當時的氣溫. 8成滿係好D的指標, 只要不太過份, 都不會發過龍的

    回覆刪除
  15. 咁不如你用其他的焗爐及而同一個方法再試一次.  看看是否真是Kenwood焗爐的問題.  因為我用舊焗爐(Cheap Cheap 12L)及現在Tefal 26L焗Q潤都無問題喎! 如果你想試, 我可以比個舊焗爐你 (唔使錢, 但自取, 哈哈!)
    [版主回覆08/24/2009 21:53:00]我用過friend的爐, 好似冇呢個問題.........
    我都懷疑我個爐有問題, 但係我用了這爐3年了, 又不是次次有問題, 加上我check過個爐的溫度, 又好正常..........
     
    好多謝妳呀, 我都有個舊爐仔, 那時一d問題都冇, 只係太細了, 好易焗蛋糕呢!

    回覆刪除
  16.          我同我個 friend 整咁多次戚風都無凹陷喎,係咪只係整朱古力味先會有?
    [版主回覆08/24/2009 21:49:00]檸檬, 咖啡, 朱古力都試過凹陷, 所以你見我不停做實驗........
     
    我開始懷疑我個爐有問題, 但係我用了這爐3年了, 又不是次次有問題, 加上我check過個爐的溫度, 又好正常..........

    回覆刪除
  17. 咁~如果我在香港,係咪日日有雪朱食呀??? 我又要食田園包!!!
    [版主回覆08/24/2009 21:46:00]日日食朱雪.......怕悶親妳喎........不過呢排我都會做吓實驗了, 實悶死我了.
     
    田園包, 好呀, 呢個食極都唔會太厭, 可以配多幾種配料

    回覆刪除
  18. 想請教一下,座暖水大概是多少度的暖水呢?請指教指教。感激
    [版主回覆08/24/2009 21:42:00]大概係50幾60度啦, 剛燙手就是了, 這樣座暖水的蛋黃漿便大約30幾40度, 暖暖地就對了.

    回覆刪除
  19. 噢…我暫時還未有你的問題,唔知幾時輪到我!
    [版主回覆08/24/2009 21:40:00]唔會嘅, 呢個係我的獨門H1N1, 其他人冇咁易染到的.

    回覆刪除
  20.         會唔會係火力唔均勻呢?
    [版主回覆08/25/2009 10:17:00]係, 我都係咁懷疑, 但係4條發熱線睇來都好正常..........真係唔知了.

    回覆刪除
  21. hi hi 腦友記;您好,柏斯影左D相,入嚟我個BLOG 睇下,比D意見我吖...無言感激,主內平安...亦祝您們常常滿有喜樂,主恩常在!
    [版主回覆08/25/2009 10:54:00](Empty)

    回覆刪除
  22.         我 諗火力唔平均係單靠肉眼未必睇到!可能仲有其他因素。
    [版主回覆08/25/2009 19:21:00]我用紅外線溫度計到處探, 不過都冇乜特別的發現.

    回覆刪除
  23. 這位古古力先生身型好好啊~ 步驟1是否要加蛋黃?!
    [版主回覆08/25/2009 19:25:00]係呀! 打漏了添, 加返了, 謝謝呀!
    這個做法真係好正呀! 試吓啦!

    回覆刪除
  24. 凹位我初做時都出現過....而家....少見...好彩.
    但你這朱古力方法又幾好,等我又嘗試下先得.....
    [版主回覆08/25/2009 19:30:00]我初初反而好少呢個問題........可是又捨不得丟了呢個爐, 未必和它有關, 因焗麵包時也不見得是火力不均.......

    回覆刪除
  25. 我近期都成日出現呢個問題, 我懷疑係焗爐的問題, 我以前個cheap cheap 細爐, 係未試過咁樣, 今年初換左新爐, 就成日係咁, 初初以為係爐温太勁, 但試過低温, 都係一樣時得時唔得, 真係無晒符, 唯有係甩模個刻無問題先好開心!
    [版主回覆08/25/2009 19:36:00]妳的蛋糕出現的酒凹真係和我的好相似喎, 唉, 我都未知點解, 可能係爐溫不均勻吧........我都係, 高溫低溫, 杰漿稀漿, 有盤冇盤, 乜都試過........我用的是Kenwood 26L 焗爐, 妳呢?
     
     

    回覆刪除
  26. hey....我想問吓...可唔可以用雪芳食譜做海綿蛋糕呢?
    剛做了個實的的0既古力海綿蛋糕
    [版主回覆08/26/2009 08:52:00]係可以的, 植物油改為熔牛油, 3黃4白呢, 可以改為3黃3白, 也可以不改, 視乎妳想蛋糕幾鬆, 海綿蛋糕係可以照雪芳蛋糕般用分蛋法的.
     
    實的的, 妳梗係未試過我呢個方法了, haha!

    回覆刪除
  27. 看著這個朱芳, 好回味呀...............!!!!!
    我都試過凹陷呀........西柚和香蕉, 當時是水份太多, 所以下陷了呢~
    [版主回覆08/26/2009 08:59:00]呢個係我新寵呀, 以前點都做唔到的鬆軟潤的可可雪芳蛋糕呢. 呢個比上次更好吃, 因只用了4白, 冇咁泡泡感. 下次整過妳試啦!
     
    咦, 妳都有H1N1, o...o..., 我都上網找過, 不過幫助不是太大呢
    http://ebake.dyn.dhs.org/Basics/DBQryDesc.asp?Name=%B1%AD%AD%B7%B3J%BF|%A5X%C4l%AB%E1%A6%AC%C1Y%A5W%B3%B4%AA%BA%A5i%AF%E0%AD%EC%A6]&DB=5
     




    資料庫:
    常見問題


    中文名:
    戚風蛋糕出爐後收縮凹陷的可能原因

    英文名:


    英文簡寫:




    分類:
    西式點心

    說明:
    其實戚風蛋糕要烤的漂亮是最難控制的,甚至有時蛋糕師傅一不小心火溫就會出差錯! 戚風蛋糕出爐會過度收縮可能有幾個步驟是應該注意的:

    蛋白沒有打至乾性發泡
    麵粉拌入時過度攪拌導致出筋
    烘烤時間不夠久,蛋糕中還有大量的水氣....判定的方式是你用手輕輕拍蛋糕的表面會很有彈性且沒有沙沙的聲音. 此外可用細的竹籤插入而沒沾到濕濕的麵糊.如此再烤個5分鐘就可出爐了.我通常有個經驗是聞到蛋糕烘烤香味時再烤個十幾分鐘就差不多了.
    出爐的蛋糕可在桌面震一下讓水氣散出,並且倒扣至涼. 這些步驟中,步驟3沒注意作出來的蛋糕是側邊凹陷而表面平整.步驟4只適用於厚模型蛋糕,烤平盤蛋糕必須底部墊防粘紙,烤後即蛋糕脫去模型,撕開防粘紙平放待涼. 其實奶油蛋糕是最容易烤培的,初學者可由此種開始.假如想做裝飾生日蛋糕,可利用平盤烤戚風蛋糕,再以慕司環將蛋糕印出一片片再組合.這樣可免去一整個蛋糕烤得凹凸不平的窘境. PeggyCat 1999/1/2 10:14:29 PM 很多網友留言說戚風在出爐倒扣後才開始收縮,到蛋糕放涼以後,蛋糕已縮至一半的高度了,這類出爐後收放涼時才發生的收縮,最可能的原因是蛋糕內部水份仍然太多,如果蛋糕上色後要出爐前,用手在表面輕拍有嚴重的嘶聲而且沒有彈性,就一定不能出爐,如果蛋糕上色已足,在上層加錫箔紙覆蓋再延長烘烤時間;另外,也避免把蛋糕取出檢查又丟回去烤,尤其是含水量較高的戚風蛋糕,移動時的震動和出爐後的冷空氣,都容易讓沒有烤透的蛋糕收縮。 克萊兒

    回覆刪除
  28. 唉, 原來你個爐有獨門 H1N1
    [版主回覆08/26/2009 12:52:00]仲係冇特效藥嗰隻.........

    回覆刪除
  29. 我用的是Delongi EO3890 呢! 但好奇怪, 我整左好多次牛奶雪芳(剩用蛋白, 無油) 就一次都未試過咁, 真係百思不得其解!
    [版主回覆08/26/2009 19:14:00] Delonghi,  應該好好火好均勻噃........不過真係好講一個個爐的分別, 蛋白蛋糕冇凹.......唉, 我都唔明解了......

    回覆刪除
  30. 我覺得你和日本人很相似,對某些東西有著一份執著和研究的精神!
    很佩服你在戚風上的不斷研究!
    [版主回覆08/26/2009 19:20:00]邊係呢, 我係因為失敗得多, 才不斷試試試呢, 還有是玩玩, 好有興趣. 可惜凹陷問題我仍未找到原因...........不過回想, 小爐小模時代我都未試過, 換了大爐, 第一個雪芳就凹了........
     
    http://hk.myblog.yahoo.com/amoon-littleworld/article?mid=166

    回覆刪除
  31. 多謝你呀
    我整到啦
    超軟熟
    不過今次----出爐倒扣後才開始收縮,可能未烤透,但已頂晒頂喇
    可能用4白,佢澎漲力好勁呀,望住佢頂晒頂,心想一定凹底喇,好彩無事
    真係好開心成功咗
    多謝你
    [版主回覆08/26/2009 19:24:00]太好了, 真係好成功呢! 別客氣, 我都係學返來和大家分享呢! 以後我都用這方法做雪芳. 不過凹陷呢, 暫時都冇計.....
     
    妳的蛋糕不會凹的, 妳估H1N1咁易染到咩?

    回覆刪除
  32. 漏咗
    你係咪徒手脫模
    好靚靚
    [版主回覆08/26/2009 19:26:00]周邊係用抆刀幫手, 頂和中筒就徒手.......因太心虛了, 不敢全個用手脫.......

    回覆刪除
  33. 佢蝦你!
    [版主回覆08/27/2009 11:10:00]我估都係了, 好少人會這樣...!

    回覆刪除
  34. 嘩, 好詳細呢~~^_^
    咁我(雪芳)既死因好明顯就係水分太多, 好耐之前試過西柚雪芳個recipe太多juice, 就衰了........一出爐仲滿心歡喜, 仲諗住包好佢送比朋友.......點知........要即刻再做過............=_="" 唉~
    [版主回覆08/27/2009 11:14:00]妳又試吓, 真係好靚的可可做法呀!
     
    超Q潤呢, 都好多水咖, 不過係另一種口感, 而且我個爐十次有八次都凹, 所以唔可以做多水份的.........做出來凹陷, 真係好沮喪, 明明每一步都好成功, 就係一脫模來個反高潮.......掃興呢!

    回覆刪除
  35. 我十次做雪芳,9 次都有凹位,真係十分氣餒.......
    吾知關吾關個模事呢?
    我用 KAI 既 non stick 模,買完睇網評先知吾係甘好....... 但未成功又吾想再駛錢買過.......... 煩惱中 .......
     
     
     
    [版主回覆08/28/2009 08:47:00]我都有不少凹陷的經驗, 無論試過什麼改變, 高溫低溫, 多水少水, 有盤冇盤, 蛋白企身/濕身, 做檸檬/熱情果/咖啡/可可幾乎一半機會係凹陷, 雖然多數係少少凹.........到現在我還未解決這問題
     
    我參考過網上的意見, 開始相信原因係........蛋糕外面係焗熟了, 裏面都係熟但係水份未能充分蒸發, 蛋糕只係僅僅set好但係仲有好多水蒸汽, 當蛋糕待涼, 水蒸汽凝結成水, 收縮力量很大, 結果將蛋糕連皮扯開收縮了........
     
    現在我漸漸相信係個爐的問題, 我個爐比較高身, 爐火偏向溫和, 好處係不會焗燶, 壞處係熱力不能直透糕心, 結果不能將蛋糕入面的水汽焗出來......當初我用小爐的時候, 一次凹陷也未試過.
     
    解決辦法我都試盡了, 未有確實的答案(睇我仲係衰左), 暫時只係想到 1. 焗的頭15分鐘, 用較低的溫度(160度), 令蛋糕不會膨脹得太勁, 脹得勁縮得勁, 不是好事. 2. 15分鐘後, 見蛋糕都脹定了, 開高溫(180~200), 將蛋糕焗至熟透表面開始見焦, 3. 睇一睇個爐的發熱線, 將蛋糕模正正放在發熱線上發紅的上方............至於蛋白打得硬身或濕身, 我還要試多好多次, 或者才可明白........
     
    有試驗結果請告訴我, 你是暫時最同病相憐的實驗拍擋 , 希望我地合作解決這問題啦!

    回覆刪除
  36. 嘩, 好正, 好靚
    [版主回覆08/28/2009 09:01:00]真係好正.......除了凹陷那些, 做了幾次實驗, 吃了一個星期朱古力雪芳早餐......

    回覆刪除
  37. 我都諗住下次整可可雪芳蛋糕,等我試吓你個方法先.
    我焗嘅蛋糕始終都係面頭嗰一部份有d濕,好似未焗熟咁.但係我已經焗咗四十五分鐘喇.唔知係味因為我放低咗一格焗嘅關係呢?但係放喺中間嗰格個面就會燒燶晒,好麻煩呀!
    同埋我真係唔多識脫個中空模,個蛋糕比我攪到爛晒.點先可以好似你咁脫得咁靚呢?
    [版主回覆08/31/2009 15:50:00]咁多數係上火不夠了, 可以在臨尾10分鐘, 用高溫180~200度焗透d, 再唔得就最候10分鐘, 蛋糕面乾了, 就小心移上上層, 不過小心焗焦了......不過, 起碼沒有凹陷丫, 是嗎?
     
    脫模不難呀, 只要記住, 雪芳蛋糕可以壓, 但不可以扯, 抆刀可以圍住外殼逐寸逐寸插入, 千萬不可刮, 甩了外殼再甩底, 最後用按壓的方法甩埋中筒, 最緊要係溫柔!.......最後練埋徒手, 就ok了.

    回覆刪除
  38. 恭喜恭喜!!!!你成功啦 我係一時得一時做得唔好.... 在 step 1.蛋黃漿要打到咩狀態??
    [版主回覆09/01/2009 08:51:00]仲有好多地方要改善, 不過呢個方法應付可可粉, 好惦呀!
    step 1 係攪到勻晒, 完全冇可可粉粒就ok了. 之後加麵粉拌勻又得, 交替拌蛋白霜和麵粉又得.

    回覆刪除
  39. 有無凹陷,我真係唔多清楚,因為個蛋糕脫模嘅時候比我攪爛晒.不過個底就無凹陷.
    [版主回覆09/01/2009 10:45:00]咁大件事, 等我睇吓先.

    回覆刪除
  40. 仲有,我見你個蛋糕放喺最低嗰格嚟焗,會唔會太近個底火呢?因為有d書話底火太強會令個蛋糕凹陷.
    我一向都係放喺中間嗰格嚟焗,只不過用咗中空模之後,個蛋糕勁爆,燒燶咗個面,我先放低一格嚟焗.
    我都係要不斷嘗試,不過一陣又成功,一陣又失敗,都令人幾沮喪.唔知幾時先可以一路成功呢?
    [版主回覆09/04/2009 08:38:00]可能係呀, 我現在墊兩個焗盤, 看看是否成功.
    我個爐不夠大放中格呢. 一路成功.........唉, 我都未得呢, 大部份都得, 但係凹陷問題就未解決了.........

    回覆刪除
  41. 即係蛋黃漿唔使打到杰變白??所有不同款式雪芳都係咁做??
    [版主回覆09/04/2009 08:39:00]我以前都係將蛋黃打杰, 覺得咁會好d. 到最近做新方法才不打杰, 但係只做過可可, 其他未試過呢.

    回覆刪除
  42. 請教一下,為何我的香蕉雪芳唔夠鬆, 無你嗰啲大窿窿, 係咪蛋白霜唔夠硬, 我已經打到彎角向下
    [版主回覆09/04/2009 08:45:00]不夠鬆, 可能係香蕉太多/蛋白打得未夠滑.........不過我都係將蛋白打到拉出軟勾........
     
    有冇興趣試吓lyric的食譜?
     
    http://hk.myblog.yahoo.com/meowylyric/article?mid=8799

    回覆刪除
  43. 好有趣啊, 我又試下呢種方法先
    [版主回覆09/04/2009 12:47:00]呢個方法, 勁惦, 唔會消泡. 試吓.

    回覆刪除
  44. Hello, 今天我跟您的receipe做了人生第一個巧克力味戚風. 我的Philips烤箱比較矮身, 我將金屬架拿去糕盆直接置底, 已經10分鐘後關底火, 只開面火, 但是蛋糕面仍然燒焦了. 我想請教您有什麼好辦法.
    至於蛋糕本身, 涼透後吃一口感覺還可以, 希望您去我blog處評論一下. 在此感謝您的無私奉獻, 讓我們這些"新手"在前輩指導下認識更多烘培學問.
    [版主回覆09/06/2009 11:45:00]我都不是一定成功呢, 我都係希望一起玩呢!
     
    妳拌的麵漿成功呀! 小孔只是一些氣泡, 只要抓緊模子, 尤其是中筒, 碰檯10下8下, 不怕的, 另外我會用膠刮仔細插入麵漿檢查, 也可以, 問題不大的.
     
    最大的問題, 是不應關下火呢, 一個蛋糕要均勻的溫度下焗約30-40分鐘, 10分鐘糕的底部未set好, 還有太多水份, 結果冷卻了就塌了.......
     
    妳的爐子不算矮呀! 由頭至尾用不太高(160C至170C的)焗, 便沒問題了. 如果仍是焦, 就要用入爐溫度計CHECK CHECK是否爐的溫度太高了, 調低一點......如果仍是焦面, 可到最後蛋糕面微焦了, 蓋錫紙(是最後蓋, 也不要關上火)
     
    到今我也不時失敗呢, 再試, OK的.

    回覆刪除
  45. Mee ...... MeeMoreMore2009年9月7日 下午4:57

    多謝分享啊~~~~~~我可以做可可屬風了
     
    [版主回覆09/07/2009 19:02:00]快試試, 呢個方法好惦呀!

    回覆刪除
  46. hi a moon,早前無意中黎到你個blog仲跟咗你呢個可可雪芳食譜, 第一次整已經好成功, 蛋糕做出黎果然好鬆軟, 謝謝你的分享, 不過我有一個小小問題, 就係蛋糕焗到咁上下都會升高到好似你上面第4張相咁, 但係出爐後就算即刻倒扣, 個面都會慢慢回縮至同個模一樣的水平, 所以令到個面個層好明顯係回縮既時候被壓實咗, 其實呢個問題係咪無可避免的??
    [版主回覆09/08/2009 14:22:00]呢個情況, 其實我都係一樣, 一般雪芳蛋糕都係會熟到平邊的.......只好用不太高的溫度, 情願焗久一點, 令它不升得太勁, 也不縮得太多啦!

    回覆刪除
  47. Thank you for yr sharing.  這個凹陷問題, 我也有過, 後來想到, 只要注意麵漿入模時在圈圈的中心位落(不要依靠內壁), 讓麵漿自動流向至全個底, (這樣避免困住一團空氣在內, 拍也不走). 之後我不再有這凹陷的情況.

    回覆刪除