2009年7月21日 星期二

東海@新世界

去過東海酒樓宴會聽飲喜酒, 忽然醒起, 不如試吓去東海飲茶吧!


吃的是新世界的東海, 最開心的是不用等位, 平日的lunch time, 竟也大量吉位, 不像新城市般, 怎不好吃也要像去善堂輪米......


從不相信人多才好吃的說法, 果然不錯, 茶很好渴, 蛋撻仔, 是很漂亮的一層層酥皮, 難得的是蛋漿嬌暖欲滴, 是近年我在香港吃過最好吃的! 有點接近溫哥華食藝了


蘿蔔糕雖做不到像澳門悅荷坊般挺直一塊, 也算是很滑而不漿糊狀, 遺憾是悅荷坊已消失, 已沒法再去印證了.



赫然見到點心紙上有千層糕!! 我起初嗤之以鼻......還不是近年流行的什麼千層奶黃馬拉糕? 咦, 他真的寫著"千層糕"三個字, 好就叫一客這在香港已近乎失傳的點心....


好緊張, 來了, 果然是真正千層糕, 雖只得五層.......



.......幸好裏面的甜蛋黃層做得不錯, 我曾吃過比我冬天的皮膚更乾散的........唔, 單是這個點心, 東海已值得一讚了.



(看官, 下面就是我常說到好像神話般的溫哥華麒麟酒家的千層糕了, 一共七層, 甘香油潤, 極品! 真有點掛念)



蝦餃都做得好, 皮滑餡鮮.


我最喜愛的叉包.........爆得靚, 包肉鬆得來有點咬口, 餡也做得好, 醬汁惹味, 叉燒是瘦叉燒, 切得大少適中, 上品. 一間茶樓, 叉燒包好不好就是指標!



因為有很多不設時限的特價點心, 4個人吃了12碟點心, 也是HK$300也不到, 實在超值呀!


 大家認得這極品壽包嗎, 放心, 今次不是我買, 拍個豔照也不錯! 問部長這個包是手做還是機器做的? 他說 : 手做的!


17 則留言:

  1. 好靚呀個壽包,Moon你識唔識整壽包呀, 我好鍾意食GA...
    [版主回覆07/21/2009 23:10:00]中式包點, 暫時我不敢碰呀! 妳知嘛, 中式點心的複雜程度, 比西點有過之而無不及呢........
     
    這個壽包, 可說係全世界(真的呀!)最好的, 由蛋黃, 蓮蓉.......包肉更加是極品, 掰開細看, 竟是一層一層的, 有外賣的呀! 值得買一個, 拋開一切, 吃!!

    回覆刪除
  2. 那 千層糕我食不起!!!!! 沒quota!
    [版主回覆07/21/2009 23:14:00]我都冇呀, 不過值得犧牲一點, 吃!! ........ 咦? 妳哪會有quota問題?......

    回覆刪除
  3. 我超愛這種千層糕呀! 而家好少地方食到lu.......
    [版主回覆07/21/2009 23:15:00]係呀, 值得一去, 為了他的誠意, 香港的好師傅不知攪什麼, 全移民了嗎?

    回覆刪除
  4. 千層糕唔同你爭,我看中那盅蘿蔔糕,自從上次做了一次千層馬拉糕之後~~~~太甜,不對我胃,將它打入冷宮,
    [版主回覆07/22/2009 10:46:00]哈哈, 我係甜精, 所以我好鍾意食, 不過唔食得多........千層馬拉糕, 我情願食馬拉糕了.

    回覆刪除
  5. 我都最鍾意食叉包, 去飲茶一定要食!! 不過而家已經好難食到好味既叉包啦~~ 好多時,去飲茶食既都令人好失望~~~
    [版主回覆07/22/2009 10:53:00]我都係叉包一族, 自從做了包, 知道它要求好高, 又要養麵種, 又要加好多東西, 又要執包執得好........更加另眼相看.
     
    現在吃叉包, 又多一份欣賞.......依家好多叉包, 一係爆唔開, 一係鬆泡泡, 好吃的已不多.

    回覆刪除
  6. 我感覺 東記 係退步,佢個兄弟 乜都 就好D!
    以上純屬個人意見,與此部落無關。
    [版主回覆07/22/2009 10:57:00]我第一次去東海咋, 退左步都好過很多酒樓.......海都, 高一級喎, 好找次又去試吓.

    回覆刪除
  7. 好想試patpat壽包啊! 點解今次唔食呀?
    [版主回覆07/22/2009 11:11:00]去試吓啦! 外賣都有呀! 冷凍了好方便, 仲有一個賀壽包藍, 好勁呀! 因為減肚腩中, 所以冇食了.......

    回覆刪除
  8. 每次飲茶我一定要叉燒包. 壽包也喜歡, 不過不能常常吃到. post的點心很有水準, 香港還是有師傅的.
    [版主回覆07/22/2009 15:59:00]我都係, 尤其全黃的, 吃一個很大陣像.......雖然我不怕膽固醇, 但我怕胖
     
    香港令我和moon嫂吃過讚好的, 不出三兩間, 東海的都不錯, 加上價錢便宜, 便加分了.
     
    論質素, 還是香港的龍苑, 溫哥華的麒麟, 食藝; 澳門的"8:好, 也比不上已故悅荷坊, 凱悅軒........

    回覆刪除
  9. 我也很喜愛千層糕, 而家真係好少食得到, 超想食呀
    [版主回覆07/22/2009 15:56:00]yeah!! 我在香港也間中吃到, 但都做到那層蛋黃層乾乾散散, 不吃也吧!!

    回覆刪除
  10. 千層糕都係我嘅摰愛嚟架 , 不過唔敢食咁多已經超標啦 !
    [版主回覆07/23/2009 08:14:00]我都係一年食一兩次啦, 我都唔係成日飲茶的. 所以見到就要吃了.

    回覆刪除
  11. 之前也去過一回飲茶, 真不錯d點心
    [版主回覆07/23/2009 08:15:00]依家好多特價12元點心, 仲係全時間添, 加加埋埋就食得開懷了.

    回覆刪除
  12. 我諗你會明白我點解會揀東海擺酒吧﹗
    [版主回覆08/06/2009 19:20:00]呢間正呀, 我都係飲完妳嗰餐至想起去飲茶, haha!

    回覆刪除
  13. 千層糕?!我超超超超鐘意食架 ...不過e+好多酒樓就算得lee款點心,都已經完全唔係嗰回事喇...
    [版主回覆08/06/2009 19:23:00]冇錯冇錯, 好多酒樓都唔整, 或者求求其其的, no good!
    邊間有靚叉包和千層糕的, 一定是好茶樓!

    回覆刪除
  14.         我都好想搵番呢隻千層糕 嚟食呀!不過 我最近 喺圖書館搵到本李曾鵬展教整甜品 嘅食譜,有教整呢個千層糕呀!
    [版主回覆08/06/2009 19:26:00]千層糕呢, 好難自己在家弄的, 自從我知道叉包的做法, 就放棄學中點了, 都係去茶樓吃了, 不過傳統好茶樓難找呀!

    回覆刪除
  15. 說得對, 在新城市找食像向人家討米飯吃。唔知點解, 我對於中式包類
    不太有興趣 ! 那個蛋撻好吸引呀 !
    [版主回覆08/06/2009 19:29:00]係, 那裡簡直係莫名其妙的旺旺旺, 但又不好吃的居多.
     
    我對中包西包都有興趣的, 個蛋撻係少有咁出色呀, 多數茶樓都冇咁嘅水準呢!

    回覆刪除
  16.         " 不過傳統好茶樓難找呀! "
            都唔係 嘅,睇 吓捨唔捨得食 啫!
    [版主回覆08/08/2009 09:39:00]有邊間可以介紹吓........

    回覆刪除
  17.         " 有邊間可以介紹吓........ "         哈哈,你見我成日整 嘢食,就知我好小出街食啦!不過唔知你有冇睇過有線電視蘇施黃個節目,佢介紹果間好似係 喺跑馬地英皇駿景酒店裡面間 茶樓應該唔錯,好似都有好多人讚呀!

    回覆刪除