2009年7月20日 星期一

櫻桃(車厘子)卷卷(附食譜)

好耐冇做包包了, 做什麼好呢??? 丫, 做個cinamon roll都好喎, 但係好多牛油喎......


呀, 我本日本書仔有個車厘子卷卷(cherry roll), 想起雪櫃中Johnny Sir的禮物 - 靚靚英國車厘子醬, 都好喎, 一於做番個先!!



原食譜是在卷卷上放上糖漿黑櫻桃, 可是找遍citysuper, 也只是那些紅紅綠綠的, 於是買了一包很貴很貴的德國櫻桃乾, 用rum酒和糖浸漬了. 更好不怕出水.


麵團材料很普通, 我做了少少修改: 高粉300g 鹽5g 速酵母6g(吓, 咁多!!! 4g就夠了喎, 唉, 照跟啦) 砂糖30g 牛奶140g 蛋40g(剩下20g做掃面) 牛油 40g


車厘子醬(可以是任何愛吃的果醬)幾湯匙, 黑櫻桃乾半碗(用rum酒和糖浸漬一小時,索乾)



1. 麵團搓滑至起拉得出薄膜, 初發酵約60分鐘(督手指測試成功)


2. 取出光滑面向下, 放在灑了手粉的台面, 慢慢按開成長方形(約20cm x 30cm), 塗滿果醬, 捲捲捲綿胎,


3. 用刀子劃痕定位, 頭尾不要, 其餘均分劃六份, 再用線繞著"界"開, 我用普通縫紉線, 好好"界"呀! 比刀子"界"得好呀!


4. 放在金屬底紙上, 末發酵50分鐘, 掃蛋液, 放上櫻桃乾, 入爐180度焗25-30分鐘至表面金黃.



吃下去, 酸酸甜甜都幾好味丫.


但為什麼麵包的口感點過於鬆泡泡.........哎,  書上說的是ドライイースト(dry yeast)6g, 不是instant yeast, 如果用instant yeast, 應該是3:2, 即是4g, 怪不得總覺得6g太多, 衰左!!



還有, 包包比上幾個卷老化得快, 一個下午便乾散了, 和上幾個包能放幾天也不乾散分別很大, 這次搓包搓得很靚起薄膜的呢, 浪費了, 失敗!


21 則留言:

  1. 嘩....正呀!!藍莓我至愛.....但牛油多...........我個仔鍾意...哈...
    [版主回覆07/20/2009 21:04:00]哈, 我呢個係cherry喎, 不過藍莓都得, 但係cherry的酸甜味好食d,
     
    我呢個冇乜牛油喎, 麵包中的40g牛油, 可以減少, 甚至用植物油, 如粟米油, 芥化子油代替(唔係植物牛油喎, 瑪芝連係人造油, 有害無益)

    回覆刪除
  2. WO好正阿,睇到都想食阿
    [版主回覆07/20/2009 21:05:00]酸酸甜甜, 幾好吃呀, 可惜我落多了依士, 個包鬆泡左d.

    回覆刪除
  3. 嗰日睇報紙見到美心大賣牛屎包廣告喎, 係唔係你整架 ?
    [版主回覆07/20/2009 21:06:00]咁巧, 我冇睇到呀, 更加唔係美心的代言人呀!

    回覆刪除
  4. 好特別呀!正
    [版主回覆07/20/2009 21:07:00]咁好多果醬都可以做包喎!

    回覆刪除
  5. 嘻~ 德國酒泡櫻桃,我雪櫃有渦~
    鬆泡泡,係咪似食鬆糕呀?原來係太多yeast造成~
    [版主回覆07/20/2009 21:15:00]哎呀, 早知問妳借, citysuper本來有得賣, 點知今次去冇晒, 問店員, 他指了我去那些紅色的糖水櫻桃.......
     
    咁又冇鬆糕咁鬆, 冇乜韌力咁啦, 撞鬼了, 我睇錯了dry yeast做instant yeast, 我搓到個麵團好靚咖, 起晒薄膜咖..........

    回覆刪除
  6. 哇...個包睇到我流晒口水呀
    [版主回覆07/20/2009 21:18:00]酸酸甜甜, 幾好食呀, 不過下次做會好d, 不會落錯yeast, 同埋我個爐仔做這些bun仔, 都係250g麵粉好d, 唔駛咁逼.

    回覆刪除
  7. 亞Moon太真的有福呀!由朝食到晚都得了!
    [版主回覆07/21/2009 12:03:00]hehe, moon嫂只會在出爐時吃一口試味, 其他的我自己都包辦了.

    回覆刪除
  8. 好靚吖 ........但這類型包在我家不太受到重視,所以從來也沒有想過整,等我問下啲試食兵團有無興趣先?
    [版主回覆07/21/2009 12:04:00]咁整d試食兵團喜歡的啦, 否則要自作自受的呢!

    回覆刪除
  9. 我係cherry.....當然唔會食自己^^
    呢個包包我冇著落lu
    [版主回覆07/21/2009 12:05:00]哈, 咁可以blueberry, strawberry啦.......

    回覆刪除
  10. 點解我看到藍莓架????可能我實在太愛它了...哈...
    牛油有時我都會選用健康d...瑪芝連??係點的包裝呀!!!
    [版主回覆07/21/2009 12:21:00]哈哈, 藍莓迷! 
     
    瑪芝蓮, margarine呀! 即係植物牛油/人造牛油, 一個個膠盒, 扮到好健康的呢, 其實它們大部份都是氫化植物油, 把氫氣打進植物油中, 令它們變成飽和脂肪呈固體狀, 再加入牛油味素, 假的化學油脂, 它們含有很多反式脂肪, 害處不多說了.
     
    近年開始出現0% trans fat的人造牛油, 不過仍是有些不可預算的反效果, 例如升高糖尿病的機會.......這是我近期看了一本關於油脂的書所知的.
     
    牛油係冇健康的呀, 不過一定要選天然牛油, 又好吃又沒那麼有害呢!

    回覆刪除
  11. 好靓的包包,酸甜味真是好正
    [版主回覆07/21/2009 12:23:00]yeah, 我都係喜歡酸甜的......

    回覆刪除
  12. Mee ...... MeeMoreMore2009年7月21日 上午10:49

    好味ar~~~~~~~
    [版主回覆07/21/2009 12:24:00]喜歡酸甜的真的不錯, 車厘子乾真的好酸好甜呀!!

    回覆刪除
  13. 多佐Yeast,會唔會酸?睇個樣鬆泡泡,都好得意!
    [版主回覆07/21/2009 12:42:00]個包肉又未致於酸, 不過就太過鬆泡了一點, 麵包都係要好好限制yeast份量, 嗚!! 鬼叫我大頭蝦
     
    這個包另一個缺點, 係d果醬會由包底部滲出來, 有點"立黐黐", 都係不適合用線界的方法, 而係用兩邊包邊, 逐個棉胎捲捲捲好d........都係講唔清, 下次又試吓!

    回覆刪除
  14. 好想試下您整的包包啊!
    [版主回覆07/22/2009 20:42:00]hehe, 我都係玩玩吓的, 如果有d包包聚會呀咁, 叫我來玩吓都得嘅. 不過唔好期望太大.  ......今次就失手了, 下次整好d先.

    回覆刪除
  15. 組織好靚啦!
     
    [版主回覆07/21/2009 13:09:00]我睇錯左呀!!! 3.5-4g , 落左6g~~~~明明睇住dry yeast, 當成instant yeast咁落......太鬆呀.
     
    下次唔會再犯了, 不過有排都冇得玩住了.

    回覆刪除
  16. 多謝你的解釋,好詳細....
    幸好我都唔食一盒盒的牛油...咁雪印膠盒個款又係唔係呀???
    [版主回覆07/21/2009 13:55:00]雪印牛油有太多產品了.....有butter也有margarine.
    http://www.snowbrand.co.jp/products/butter/index.html
    http://www.snowbrand.co.jp/products/margarine/index.html
    如果寫住バター(butter)的是真牛油, 寫住マーガリン(margarine)/ ソフト(soft)的就是人造牛油, 膠盒我都見過但冇買過, 多數都係margarine呢, 錫紙包的就幾乎一定是butter.

    回覆刪除
  17. 太多yeast是否沒有了吃麵包的口感?  出下錯, 下次就一定記得喇
    [版主回覆07/21/2009 15:12:00]係啦, 鬆泡泡的, 上幾次做的卷卷都不是這樣的........今次用了奶, 始終覺得加了奶的麵包冇咁煙韌.......不過前幾次加了植脂奶粉又不覺得有問題......再試再試, 以後也不會再犯了.

    回覆刪除
  18. 鬆泡泡咪可以食多兩個都唔覺囉...
    [版主回覆07/21/2009 18:09:00]我喜歡麵包有點煙韌感的呢!

    回覆刪除
  19. 仲有出爐包??? 我比較怕 cherry 乾, 包包呢, 吾係咸就係甜, 或咸甜, 甜酸????? 我食過未呢??? 係呀, margarine, shortening通通害人架, 所以我用 B-U-T-T-E-R !
    [版主回覆07/22/2009 10:43:00]我係酸精, 車厘子乾o岩晒我了. 妳唔會爭食了. 麵包係甜, 唔係鹹........鹹酸, 唔制.
     
    我都係, 一係唔食, 食就butter.
     

    回覆刪除
  20.         我見好多烘焙店都有罐頭糖漿櫻桃賣,果 啲唔 啱用嗎?
    [版主回覆08/06/2009 19:16:00]係o勒, 就係呢種了, 但city竟然冇得賣!

    回覆刪除
  21. 你真的很喜歡卷卷卷喎 ! 有時間可唔可以示範一下方包呀? 
    [版主回覆08/06/2009 19:18:00]嗰排真係好迷, 一玩開就停不了, 方包, 我好耐好耐冇玩了, 有很多包友是方包好手呀! 我呢, 跟住又會玩歐包了.

    回覆刪除