2009年7月14日 星期二

心葉毬蘭之會(上)

老友來郵, 邀請我們看看家裏的奇花, hehe, 又有得串門子了, 我都幾內向的, 不易談笑自若, 串門子的朋友是很少的.


看, 這是心葉毬蘭的花兒, 它的花蕊(看來是吧), 好像一粒粒蟹子


見老友們拿著單反互相切磋, 恨得我這收了山的Nikon友牙癢癢(不過現在我已移情別戀到Canon了), 人越大, 越不像年青時那麼豪氣說買就買, 總不輕易買東西, 嗯, 用我的DC仔充一充吧!


醉翁之意不在酒, 饞者之意不在花, 買一片少少的手信, 黑松露法國芝士la Brie du truffle, 甘香軟滑, 餡層有點菇味, 又開葷了! haha.



又可以試吓老友的廚藝了, 雖然有點不好意思, 不過又好欣賞她的手勢


說多謝倒太客氣了


.....這是三色沙拉配Yves Kitchen的Thai Mama Dressing, 加大眼仔沙拉醬調製的.



這味小菜, 我喜歡呀! 紀文的板燒蒲鉾, 切片再劏開一條縫, 中間塗一點山葵(wasabi), 再夾一片日本紫蘇葉, 好清香爽甜呀! 超喜歡紫蘇, 每次吃魚生都會把它吃了, 好香, o岩晒我這漢奸. 呀, 日本人叫魚餅作用"蒲鉾"(kamaboko), 一個很古雅的稱呼.



吃一片另一位老友的手信, 酸子薑, o岩晒我這酸精, 吃點酸薑, 又幾似在吃魚生餐的風味.



黑椒鴨胸配自家製無花果醬, 實在太感謝了!



主菜來了, 是燴咖哩羊肉鍋飯, 好喜歡吃印度米, 乾爽煙韌, 加了名貴香料番紅花, 加上我最愛的提子乾和果仁, 太忙於吃了, 忘了拍攝飯的裡面還有很多軟熟的羊肉和一砵自家製咖哩汁, 好味呀!!!!



另一位老友送我一座公仔, 說似我兩夫婦.  moon嫂說女的倒似她, 一副不愛被拍照的神情; 男的.......哪兒像我呀, 我冇咁大肚腩喎!!! 不過乜都拍的模樣, 倒像我........



賞花吃東西之外, 令我們開開心心聚一個下午的, 還有另一些元素吧......


14 則留言:

  1. moon哥, 我見到黑松露芝士呀!!
    [版主回覆07/15/2009 00:54:00]hehe, 妳真眼利, 告訴妳一個小秘密.......是間接從妳的blog學到吃的呢!

    回覆刪除
  2. D花真係好靚阿
    [版主回覆07/15/2009 00:55:00]好似十幾粒蟹子掛在吊燈下

    回覆刪除
  3. 可以和老友一邊欣賞食物, 一邊談天說地,
    簡直是人生一大樂事。
    [版主回覆07/15/2009 00:52:00]真係呀, 老友們, 有你真好.......!

    回覆刪除
  4. 我都好仲意魚板, 那種清新既感覺真的令人念念不忘~~~
    [版主回覆07/15/2009 22:54:00]我都好喜歡葉香和魚餅味, 好夾!

    回覆刪除
  5. 哩隻花真係靚得好過份喎!
    [版主回覆07/15/2009 22:55:00]我都係第一次見咋, 蟹子蘭!!

    回覆刪除
  6. 想像吓個男的係拎住個雪芳 .......
    [版主回覆07/15/2009 22:56:00]吓~~~!  我估女的神情一樣 : 咪喇啩!!

    回覆刪除
  7. 賞花, 吃喝玩樂, 很美好呀 那些花真係好似絲絨咁, 唔記得問yc會開花多久添?
    [版主回覆07/15/2009 22:59:00]係咪好風雅呢?
     
    呢種花應該開一個星期左右啦, 因為yc話呢個星期不看, 下個星期就冇的喇.

    回覆刪除
  8. 蒲鉾夾紫蘇葉 - 好特別喔~!我都想食呀~ ! 燴咖哩羊肉鍋飯 - 宜家已經肚餓喇~ ! 心葉毬蘭 - 點啲wasabi......唔知好唔好味呢 ?
    [版主回覆07/16/2009 11:14:00]哇! 煮鶴焚琴的丁.......
    蒲鉾夾紫蘇葉真係好o岩我的口味呀!(漢奸嘛!)
     
    hehe, 我都想起流口水.

    回覆刪除
  9. 心葉毬蘭真係好靚, 你有攞塊葉種嗎???? 下集幾時上??? 你老友真明白你夫婦二人, 那對公仔很得意, 你的肚仔.....再過幾年吧
    [版主回覆07/16/2009 17:21:00]我冇拿呀, 我家係植物墳墓, d植物命仔不長呢!, 現在種的幾盆叫做好d了.
     
    嘩, 乜妳咁好祝福呀, 我仲keep到的, 妳睇住黎.......雖然我近來都真係肥左d........wooowoooo
     
    下集, 來緊!

    回覆刪除
  10. 酸子薑我都想自己整呀, 因為我都好鍾意食漬物  
    雖然你話你自己 "都幾內向的, 不易談笑自若" , 不過見你朋友送對公仔比你, 你其實都係一個貪玩, 好奇既人!   你太太有時都冇你乎!
    [版主回覆07/16/2009 17:23:00]hehe, 真係比你一句講中, 太太見我攪東攪西做糕做包又要post上blog, 真係冇我咁好氣.....
     
    我都幾好奇心重, 不過只限於有興趣的東西, 否則我就好懶的.

    回覆刪除
  11. 這花又真係幾特別喎!!!!
    芝士重正呀!!!
    [版主回覆07/17/2009 19:52:00]hehe, 所以話, 醉翁之意不在酒, 在乎芝士美食!

    回覆刪除
  12. 呢個心葉毬蘭嘅花好特別, 有啲假, 似曲奇上加咗橡皮糖呢 , 好好味咁喎! 
    乜你哋啲午餐咁鬼豐富架 !
    [版主回覆07/17/2009 19:53:00]仲有幾粒蟹子添.
     
    冇錯呀, 真係多謝主人家, 全部都係她預備, 我地識食咋!

    回覆刪除
  13.         點解盆花咁似曲奇 嘅?
    [版主回覆07/18/2009 23:49:00]曲奇上面有橡皮糖, 上面再黏d蟹子, haha

    回覆刪除
  14.         嘩,大佬,俾你講一講,攪到我真係有少少混亂,究竟係真花定曲奇加像皮糖加蟹籽呀?
    [版主回覆07/20/2009 10:44:00]咁大家發揮想像力啦

    回覆刪除