2009年7月4日 星期六

文華afternoon tea - 開葷了

同事兼兄弟努力多年, 終於熬出頭了, 我們都替他高興, 他說 : "吃什麼, 我請!"


"不如去文華餅房好嗎?" 我厚著面皮提議


"哇! 你真識食, 好吃嗎?" "我提議, 就是因為我一次也未去過......" -_______-!!!



走進這家珠寶時裝店般的cafe, 我的怪癖又來了, 到處八和拍(當然我不會影響客人), 店子並不高竇干涉, 加分!!


 


那天曾說過來吃個tea, 一直都沒有成行.......



看中珠寶櫃裏的Opera, 雖然ganache太厚了點, 不過勝在豪氣, 我又老實不客氣的點了一整個, 切開上碟吧........又想起學opera的日子



雖然近年美國人和香港人漸漸叫它high tea, 我還是欣賞日本人跟英國傳統叫アフタヌーン・ティー(afternoon tea), 不過連英國人也開始將high tea和afternoon tea混淆了.


文華下午茶! 由童年一個遙不可及的神話, 到今天近在咫尺垂手可得........人生的神話又少了一個.....



叫一杯我最喜愛的Assam, 喜歡它含蓄的香氣.


 


咦? 個茶壺咁似中國藥煲嘅? 中英fusion噃!



下午茶的另一主角, 一個香鬆的scone比其他餅食更緊要, 呀, 真的好吃呀!! 伴的是文華著名的玫瑰果醬, 牛油......咦? 一粒粒的裏面混了杏仁粉的嗎? 我都係喜歡打滑的clotted cream.


 


三文治好似壽司卷喎! 英日fusion?


鹹點不錯呀......蝦鬆餅, 迷你肉批, 法式蛋肉撻quiche, 芝士芯的eclair


甜點就普通了一點......朱古力ganache蛋糕, 芝士餅, 芒果撻, 榛子蛋糕




這裏環境很舒服呀, 東拉西扯的causette, 我和另一個同事說, 今天終於開葷了!!! 其他人問, 什麼叫開葷呀............



29 則留言:

  1. 文華, 我都未去過, 又好想 ...............
    [版主回覆07/05/2009 16:33:00]我都係第一次去, 次次都的唔起心肝, 冇人陪.

    回覆刪除
  2. 嘩 ! 大開眼界 !  好吸引呀 ! 我都要儲錢去一趟, 請問幾錢一位呀?
    [版主回覆07/05/2009 16:36:00]我都覺得呢度好舒服呀, 好好坐. 蛋糕呢, Robuchon的較好, 但環境差太遠了.
     
    一般大約百多二百一位消費啦, 我地散叫, 又唔駛我埋單, 所以不太確實, 去坐番夠本都好呀!!!

    回覆刪除
  3. 是...什麼叫開葷呀?! 我會叫舍工來看看,因為果日阿舍工話過下次帶我來high tea的!哈哈~
    [版主回覆07/05/2009 16:38:00]好呀, 好好環境呀, 談心最好了.
    開葷........即係"開齋"啦, 食了太久齋菜, 第一次吃肉......yummy!

    回覆刪除
  4. 咁你就話去見識過.  第一張相一排排的餅好靚播, 你冇叫食???? 成個cake 上, 食得晒嗎???
    [版主回覆07/05/2009 16:40:00]終於開葷呀! 呢度d餅呢, 都好靚, 不過叫了個opera, 再叫個tea set, 6個人都吃不完呢!!!

    回覆刪除
  5. 有機會都要去文華high tea 一次~~~ 聽聞佢地既new york cheese cake 好好味嫁~~~
    [版主回覆07/05/2009 16:40:00]好呀, 間中獎勵一下自己嘛.......係喎, 文華芝士餅, 好出名喎!!!

    回覆刪除
  6. 嘩......好鬼吸引呀! 只係親身去睇都開心呀! 我又要學整靚靚餅......
    [版主回覆07/05/2009 16:42:00]我簡直係劉姥姥呀! 不過, 我就覺得Robuchon的再考究一點, 和精緻一點呢! 我都係識食, 呢d餅我整唔到呢!

    回覆刪除
  7. 我只知是本來食素的, 而轉了開始食肉咋!
    [版主回覆07/05/2009 16:43:00]係喇, 還有破戒的意思

    回覆刪除
  8. 知不知"文華著名的玫瑰果醬",多少錢一瓶呢?同bonnie那個好味d?
    [版主回覆07/05/2009 16:44:00]hehe, 我冇問呀, 上次都係老友送d比我吃. 我覺得呢, bonnie的好吃的, 文華的玫瑰味太搶了一點, 我個人喜歡淡口一點點.

    回覆刪除
  9. Sally Ho 莎莉豪2009年7月5日 下午5:41

    呢個神話都唔平喎, 幾點開始幾點收架.
    [版主回覆07/05/2009 22:52:00]又唔算, 平時如果去酒樓飲茶炒碟嘢, 每個人都要過百吧. 這裏應該是由早開到晚, 我有位朋友坐到午夜12點.

    回覆刪除
  10. 嘩嘩嘩嘩嘩嘩嘩嘩嘩嘩嘩嘩....... 我都有好多神話,要好多錢去解畫!
    [版主回覆07/05/2009 22:54:00]有d神話係有人請嘛........其實飲少餐茶, 都可以去神話一吓, 但我太太話情願去飲茶........

    回覆刪除
  11. 自從上年食過呢間出品的蛋糕,好失望,可能佢出名cheese cake多D
    同半島無得揮,
    至於小點,我推个---ZOE
    [版主回覆07/06/2009 07:33:00]蛋糕呢, 未算最靚, 但都未致於失望, 同埋整體環境是很不錯, 我問請客的同事, 半島怎樣呀, 他說呢度好d .......等我有機會又去試下呢個神話先.
     
    另外國金嘅Harlan's試過嗎?

    回覆刪除
  12. 我對D有點有興趣D,搵日真係要去試下先
    [版主回覆07/06/2009 15:50:00]好呀, 不錯的tea house

    回覆刪除
  13. 我又係 plan 左好耐未實行.
    你先我一步喎~
    哈~~
    [版主回覆07/06/2009 15:56:00]隨緣啦~~~最好係約最傾得埋的friend, 邊吃邊談, 風花雪月.

    回覆刪除
  14. 文華high tea, 好高檔啊 , 我都想去啊 !
    [版主回覆07/06/2009 15:57:00]真好好高檔呀! 耐唔時高檔吓, 獎勵吓自己都好呀!

    回覆刪除
  15. 哈~ 我真系失望呀!!!係咩都睇唔到尼!!!琴晚仲衰!來到只望到d綠葉~ 吹漲!!!
    [版主回覆07/06/2009 16:59:00]唔駛激氣, 去我jacso blog丫嘛, yahoo blog頂有link!
    http://jacso.hk/a_moon
    Yahoo!blog, 你真係好.........廢!

    回覆刪除
  16. 哈~ 我真系失望呀!!!係咩都睇唔到尼!!!琴晚仲衰!來到只望到d綠葉~ 吹漲!!!
    [版主回覆07/06/2009 16:59:00]知道!

    回覆刪除
  17. 哈~ 我真系失望呀!!!係咩都睇唔到尼!!!琴晚仲衰!來到只望到d綠葉~ 吹漲!!!
    [版主回覆07/06/2009 16:59:00]明白!

    回覆刪除
  18. 嘻嘻!去過兩次,我公司每年都會豪一次,唔知今年運程如何?
     
    [版主回覆07/07/2009 11:38:00]妳就豪啦, 我地公事都係食街坊酒樓, 仲要自己夾錢咖. 幾時帶我去威吓??

    回覆刪除
  19. 睇嚟香港嘅high tea真係唔錯.
    我這裡的價錢不同地方分別很大. 大的開名的老番酒店早幾年前我去過是每位C$39.99. 現在有好幾間餐廳都有, 大约每位C$9.99很抵食. 下次給你介紹.
    [版主回覆07/07/2009 12:12:00]香港的afternoon tea都好好, 不過...........
     
    溫哥華的好d, Stanley Park Second Beach那裡有間English Tea House, 純英式, 坐在英式小屋戶外, 背靠杉木林, 面向藍色的海洋, 我就係在那裏學識英國茶是沒有"hot milk tea"的了.
     
    另外在Victoria的Abkhazi Garden, 精緻的園林, 茶點茶具, 浪漫的歷史, 人間有情的靜穆, 那茶香滲到心的深處
    http://hk.myblog.yahoo.com/amoon-littleworld/article?mid=4049
     
    另外最有印象的是Nanaimo的Milner Garden, 樸實的木建大屋藏在隱密的柏樹林和草地中, 英國皇室曾經來訪, 茶點是簡單的, 但享受那低調的貴氣
    http://hk.myblog.yahoo.com/amoon-littleworld/article?mid=3636
     
    係咪好似講得好誇張呢?? 不過呢d都係我真實的感受, 香港的下午茶係有很好的, 但論氣質就不及了.
     
    亦有例外, 好出名的Victoria 的Empress Hotel, cn$50幾, 仲要向晚娘臉的女侍預約, 明天請早, 5個人吃HK$2000下午茶, 咪攪我.

    回覆刪除
  20. 我一向都好喜歡 high tea 的,在澳門去五星級酒店,但,都未如理想,看來都要過來文華試下-------
    [版主回覆07/07/2009 12:18:00]澳門呢, 很喜歡去Singing Bean Cafe 吃糕點呀, 路環安德魯花園咖啡店喝Latte吃糕點都不錯; 竹灣陸舟餐廳如何? 好似旅遊學院都有下午茶喎, 有都幾好呀! Toscana Cafe的正宗意式咖啡糕餅, 我愛吃但太太嫌太甜膩.........可能澳門不是英國殖民地啦, 下午茶可能冇咁重視啦.
     
    文華又真係不錯的, 來試吓啦!

    回覆刪除
  21. 我最鍾意cheese cake,特別香滑.
    [版主回覆07/07/2009 22:47:00]文華芝士餅, 好出名呀, 下次吃
     

    回覆刪除
  22. 你對澳門真是很熟悉呀!還熟悉過我,你說的有些我都未去過,但,有一間以咖啡最馳名的,,只是普通餐廳來的,可能你不知了,就是 [檀香山咖啡],這間咖啡店在各區都有開設,你一定要試下,但,先旨聲明,它只是咖啡靚,其他食品一般,你可以告訴的士司機去水坑尾檀香山咖啡店,或下環街的,試試看----
    [版主回覆07/07/2009 22:54:00]hehe, 我係澳門fans嘛! 檀香山我知呀, 未吃過呢, 還有老字號的勝利茶餐廳和南屏雅敘都未吃過呢.......我吃過九記, 下次去試試先.

    回覆刪除
  23.  個茶壺咁似中國藥煲。嘻~ 我覺得似小型"尿壺"尼~~
    我想問你係咪隨身帶住相機咖?
    [版主回覆07/07/2009 22:59:00]哇, 妳話我飲........!!!
     
    係呀, 我隨身帶住, 不過, 我唔係狗仔隊.....

    回覆刪除
  24. Harlan's未試過,但見D blogger試過ok,
    環境掂,等緊機會
    [版主回覆07/07/2009 23:00:00]我都想試呀!

    回覆刪除
  25.         真係勁靚喎!
            我鍾意個中藥煲,哈哈!
    [版主回覆07/11/2009 15:30:00]不過我估是他們獨創的, 外邊冇得賣, 你問吓他們幾多錢肯讓一個 , 不過呢, 我都係鍾意靚靚的瓷器茶具.

    回覆刪除
  26.         唔駛啦,有邊個會鍾意放個藥煲 喺 屋企 o架!
            開葷 = 開齋?睇 嚟 你係食肉獸一名,連講說話都掛住 "肉"。
    [版主回覆07/12/2009 23:47:00]哈哈, 咁比文華藥煲一番啦.
    我, 不呀, 基本上我較喜歡食疏菜, 水果, 麵粉, 米, 等的食物多些, 當然, 適量的肉我都喜歡........咁即係, 乜都食.

    回覆刪除
  27.         我都係少肉多菜,仲好清淡,所以好撐衛生署果個咩「3低1高」呀!
    [版主回覆07/13/2009 07:43:00]清淡係好嘅, 不過好矛盾的是好吃的東西又通常係高脂的, 上天開的玩笑.

    回覆刪除
  28.         " 清淡係好嘅, 不過好矛盾的是好吃的東西又通常係高脂的 " 咁又唔係喎,好多時明明好味 嘅食物,如果太油膩的話,我反而覺得唔好食。
    [版主回覆07/14/2009 20:13:00]甘香的黑朱古力,  各款軟硬濃淡的芝士, opera蛋糕, 熱情果慕司, 酥皮蛋撻, 榛子焦糖雪糕, 薩琪馬, 咖哩羊肉, 杏仁曲奇, 雙黃蓮蓉月.......又的確係魔鬼的引誘
     
    雖然, 上列食品, 間中吃啦, 我平時都係好清淡,  我仲keep到身形o架

    回覆刪除
  29.         咁希望你繼續 keep 住身型喇!
    [版主回覆07/19/2009 18:56:00]努力中, 所以下面所說的, 都大不敢吃.

    回覆刪除