2009年6月25日 星期四

三blog大比拼

那一天起, 我加入了寫blog的行列, 這裏是我個人的小小世界, 在這裏談故鄉, 說音樂, 談包論餅, 行山旅遊, 和海內外blog友傾吓計, 渾忘大世界三千煩惱........


當初選中Yahoo!blog, 也是因為好友在這裏安營立寨, 起初還怨為什麼要登入才可留言, 好啦! 開個account啦......


 
 

             Yahoo!                                    Sina                                         JaCSo

......結果這政策反而令這裏成為一個小社群. 一直也很喜歡Yahoo!blog, 然而不時要受零零碎碎的故障之苦, 這麼大的一個網站, 攪什麼呀??


近月, 聽到海外網友連線慢...慢....慢.....慢到一個不能忍受的地步, 這是更不能忍受的, 互聯網就是要連接全世界呀, 連線也攪不好, 那便是廢了一半武功了.


加上又聽到DIY界網友因小故被關閉網站.........我便的起我的懶人心肝, 走出去看看新樓盤..........sina, jasco, blogger, xanga, windows live space.........


這是我對幾個blog站的經驗


1. Yahoo!Blog - 介面易用, 自動功能多, 版面優美, 登出的照片質素最高, 社群龐大, blog友質素高, 設有私人留言, 方便blog友交流私人資料和心聲.........但........



  • 故障頻生,

  • 海外連線極慢

2. Sinablog - 連線速度ok, 版面可以用CSS(我這個星期剛玩得廢寢忘餐)較自由地設計, 可選擇匿名留言或登入留言(匿名留言雖方便, 但容易引來不促之客亂寫).......但.......



  • 預設自動功能少, 下下要用html和CSS去調整外觀和文章照片格式,

  • 有私人留言但名字是公開的(咁都算私人???).........

  • 照片經壓縮質素較差

  • 最要命的是今早嘗試登入, 竟然故障了好一段時間......不穩定是yahoo最大的敗筆, sina也是???

3. JaCSo - 見仙姐新blog也開在那裡, 新blog站喎, 又試吓.......連線速度快, 版面也可以用CSS較自由地設計, 她和Sinablog好相似, 好可能係用同一系列軟件做的.....



  • 照片質素壓縮得最利害, 加入照片時要逐張逐張加, 每次加一張, 很麻煩

  • 預設自動功能少, 下下要用html和CSS去調整外觀和文章照片格式

  • 只設公開留言(太沒保障了), 不設登入留言(最近已加入了)和私人留言

其他如blogger, 太簡陋; .........xanga, 照片太細, 社群大都是teenager;........windows live space, 又簡陋又複雜, 連我自己個account都睇唔明........


其實我都係最喜歡不變的, Yahoo!, 不要激走我.


19 則留言:

  1. 我覺得 Yahoo!Blog 睇慣左, 好睇D, 順眼D。唔好  飛喇 !
    [版主回覆06/25/2009 13:39:00]對對, 看慣了的版面, 又係有感情的. 睇定d先.

    回覆刪除
  2. 搵頭好住家真係好難.......
    [版主回覆06/25/2009 16:48:00]係呀, 大家仲有冇筍盤介紹?

    回覆刪除
  3. 完全同意你所講! yahoo已經係差之中的無咁差. 唔想再忍但又必須要忍.
    [版主回覆06/25/2009 16:52:00]前後對比, 各有長短啦, 不過我覺得功能強不強是其次, 最重要係穩定, 暢順.

    回覆刪除
  4. 我都系用番 yahoo
    [版主回覆06/25/2009 16:56:00]我都會呀, 近排表現都正常, 千祈吾好再玩hang機, post了的文章照片無故失縱, 超慢d照片load黎load去都load唔到.....

    回覆刪除
  5. 我可能一寫blog就係yahoo,所以好有歸屬感,但,我都被它的故障困擾,前些時無故鎖了我的blog,廹到我要 [另起爐灶] 呢!
    [版主回覆06/26/2009 07:48:00]我都係對yahoo!有歸屬感, 最主要係熟悉的blog友都在yahoo, 所以除非他激死我, 我都不會走.
     
    嘩, 封鎖了妳的blog!!! 很離譜呀, yahoo!久不久就攪d咁嘅嘢, 所以我都係搵定個後備好d.

    回覆刪除
  6. 唉!你知唔知點解我沒有去你新屋坐…
    我當日在公司,一入你間 Jasco,立即"當"機,嚇死,打死都唔再入
    [版主回覆06/26/2009 07:50:00]吓!! 咁嚴重!! 咁拜託妳再去一兩次 , 如果仲有呢個情況, 咁呢間新屋都係唔住得了.

    回覆刪除
  7. 我哋hang機, 你哋香港無就得喇. 上屋搬下屋, 唔見一羅穀呀
    [版主回覆06/26/2009 07:56:00]咁又唔得, 香港和海外的朋友同樣重要的, yahoo!怎可以比條慢線去海外呀, 依家係寬頻年代呀!!
    搬屋不花錢的, 不過就花時間啦, 尤其將舊post搬過去, 幾乎是冇可能, 先將照片搬過去, 再逐個網誌 copy and paste, 再執過d位置, 我試過了, 煩死.........
     
     

    回覆刪除
  8. 認同呀~~ 雖然 YAHOO! 有佢嘅不是,間歇性故障,亦會有封BLOG 問題,但我認為封BLOG 係想杜絕那些營商、有滋擾性的問題BLOG,這政策實在也有它的合理之處~ 始終,YAHOO! BLOG 簡單易用,功能亦較其他的多,唉...冇計啦~~ 最後都係要安寸喺YAHOO!
    [版主回覆06/26/2009 20:01:00]冇錯呀, d色情和滋擾性的blog應該封的, 不過有d不屬於這類的也試過被殺錯......無端端乜都冇晒, 好傷的.
     
    我覺得 Y!blog採用登入留言已算很好了, 起碼有得自行將不歡迎的blog落黑名單, 保護自己. Sina 雖可預設為只可登入才留言, 不過冇得block; Jasco連login都唔駛, 完全不設防

    回覆刪除
  9. 我之前都有用过windows live space....上载相片后不见左,试过几次,仲用0左我大半日的时间去上载....
    friendster n facebook 都好混乱,没认真去搞过
    虽然呢到有时真是好多问题,不过容易handle
    [版主回覆06/26/2009 19:48:00]我都係呀, 好耐冇上windows live space, 昨日login , 以前d嘢冇晒, 它不用也罷.
     
    facebook的功能不同呀, 是keep住d friend的聯絡呢! 不擅於分享個人經歷呢.
     
    yahoo!係設計得唔錯, 唔該生性d啦!!!

    回覆刪除
  10. 其實好多人都覺得好唔穩定, 功能又笨, 下下都要自己動手。
    不過…用慣左真係唔係好想轉 ~ 希望佢地真係會好好檢討下 ~ 盡快有改善啦
    [版主回覆06/26/2009 19:54:00]Yahoo!blog 都算好多自動功能了, Sina, Jasco你見都幾靚........都係要用CSS程式執的, 不喜歡玩程式的都好困難呢!
     
    Y!Blog的框架都成熟了, 是時候要改善穩定性和速度了..

    回覆刪除
  11. 係丫~~近排見有啲卜友被封卜都好擔心~~仲諗梗洗唔吸洗整返個backup~~
    [版主回覆06/26/2009 20:04:00]係呀, 又唔係色情, 誹謗, 營商, 冇啦啦成個blog冇左, 好傷的, 我依家找定新盤, 就算不搬, 也可以做backup, 不過要晒d時間啦.

    回覆刪除
  12. 咦......話要搬家,還頻頻裝修尼間舊屋?好綠葉波!環保呀?
    唉 ~尋找新家....我們哦......唯有拜托你了 。等你安頓之後,接我們過去,要搵大間的0既,才可以住得安定、住得舒服~
     
    [版主回覆06/26/2009 20:58:00]這間係"祖屋"呀, 當然要執吓啦, 夏天要夏季氣息呀, 涼爽d呀!
     
    我都未必一定搬, 新屋條線係快d, 用法好簡單, 不過冇乜"花臣", 我個版面係用CSS改的. 不過如果不想咁複雜都得嘅.
     
    如果妳睇過滿意, 都可以搬過去試吓, 海外的朋友要忍受Y!慢慢慢, 影響更大呢!

    回覆刪除
  13. 最近都很小上yahoo blog,慢慢慢到上唔順,我lunch時間去你"祖屋",一個鐘都入唔到,give up!
    [版主回覆06/26/2009 22:53:00]我好明白妳的感受, 上blog不是給它浪費時間..........Yahoo!咁樣趕走我的海外朋友, 就係咁至激氣, 所以我要試吓d新樓盤, 妳都可以去睇吓, 試吓.

    回覆刪除
  14. 哈哈, 咁暫時你都係以不變應萬變, 敵不動我不動.
    [版主回覆06/26/2009 22:57:00]冇錯, 我都唔花心嘅, 是一個不喜歡變的人, 不過如果再試我底線, 或者蝦我的朋友, 我都會走架

    回覆刪除
  15. 應該話.......blog不動, 我動.
    [版主回覆06/26/2009 22:58:00]冇錯, 如果它不是太過份, 我就不動啦.

    回覆刪除
  16. 冇法喇, 唯有早得就早点上來.  我最怕搬家, 老實講, 這個blog有好多功能我都未發掘, 真係吾想再花時間去搬.  聽你的意見, 還是留在這兒, 睇吓會吾會有改進.
    [版主回覆06/27/2009 11:10:00]好的好的, 我都傾向於留在這裏, 方便大家聯絡, 搬了新屋又要從新適應, 不過我開了新blog都有好處, 多個後備, 不怕一天被Yahoo!翹起!!

    回覆刪除
  17. 我都曾想過搬,走去用過sina,no good 但是都係覺得yahoo好用啲,唔搬住,睇定啲先啦!
    [版主回覆06/30/2009 08:43:00]係, 我都覺得sina有點笨笨的, Jacso好用d, 不過我用慣了yahoo! 都係有慣性, 我會在Jacso做個影子blog先, 第日有乜問題都可以走. ........如果人生可以這樣就好了, 找定另一人生, 呢度唔得就去第二個人生......

    回覆刪除
  18.         搬一次屋好煩 o架 噃, 又要做 backup,又要重新適應,又要重新 upload!反正寫 blog 又唔係 啲乜重要 嘢,又唔係靠佢開飯,都係為興趣 啫, 唔緊要啦,今日唔得咪第二日再寫過囉!
    [版主回覆06/30/2009 08:47:00]冇錯, 最難係backup, 其實post都係其次, 最重要係一班不時相聚的blog友, 走了之後, 很多時都會失散的了.
     
    至於Yahoo!, 最罄係寫寫寫, 寫完一upload, 那邊hang機, 冇晒!!! 嘥晒d時間.

    回覆刪除
  19.         " 最罄係寫寫寫, 寫完一upload, 那邊hang機, 冇晒!!! 嘥晒d時間. "
            我都試過幾次係咁,真係想爆粗!

    回覆刪除