2009年6月9日 星期二

莫名其妙

星期日和家人幫趁新城市三期地下的一間新派上海菜館子, 以前他的菜也只是馬馬虎虎, 近日新裝修重開, 好, 姑且去吃吃有什麼改變........


哇, 新的卡位極窄, 我咁窈窕(hahaha)的身裁都只係僅僅逼入去. 我想像如果是肥同事, 一定入得唔出得.......


點了一些普通lunch的包點麵食........


五香牛肉米線來了, 侍應小姐端來一個大碗, 忽然之間, 湯嘩啦嘩喇的瀉下來, 幾乎有小半碗, 幸好沒有燙傷人.......奇怪, 明明見小姐端得四平八穩, 為什麼會這樣???


 


再細看........吓!!!


 


想起"車蚊貓"的一首詩 : "天生一個仙人洞, 無限風光在險峰."



 


點解好好一個碗, 要在中間開一個洞?????? 除了要裝陷阱外, 真的想不出什麼原因, 我們都抓晒頭, 最後我們忍不住問了部長..........大家猜一猜.


--------------------------------------------------------------------------------


說回這店子的食物, 剛才說的牛肉米線還不賴, 但是, 水餃.......麵皮好像一團粉, 吃下去糊糊的; 小籠包.......餡是乾乾的冇汁; 雞火炒飯.......炒得濕濕的比快餐店的還差.


除非你想見識那穿窿碗, 否則...........


17 則留言:

  1. 手子洞??
    [版主回覆06/09/2009 15:35:00]ha ha, 妳的理由都很有想像力, 但不是

    回覆刪除
  2. 我知,是放筷子的嗎?
    泰式家品店有這些款式啊,但個人就不大喜歡 ~ 個碗 “穿洞”耶!!
    [版主回覆06/09/2009 16:55:00]哈哈, 冇錯, 個部長煞有介事的拿了一雙筷子示範, 一端插入孔中, 另一端擱在碗邊..........原來是泰國的風俗. 不過為了插筷子, 冒著漏湯的危險, 真係好騎呢.
    日本人的方法好好多, 在碗邊的左右各做一個小凹位, 起碼不會意外漏湯.

    回覆刪除
  3. 有時喺沙田左諗右諗都唔知食乜好! 好似好多食市, 但大多又貴又唔好食~ 好似 i-Thai較為好!!
    [版主回覆06/09/2009 19:49:00]唉, 新城市好多餐廳, 但價錢貴不說, 大部份吃過都搖搖頭, 可是那裏交通最方便, 放假休息不想舟車勞頓, 所以最後又去了這人山人海的地方. i-thai是在開放式餐廳區嗎? 好像吃過一次, ok呢. 我多去百瀧, 那裡的魚生飯和pizza好味, 另外銀座藏人改了style後, 質素也不錯.

    回覆刪除
  4. 哈哈, 我以為係個bowl嘅把手, 方便伙計用隻手指勾住添 。  呢間舖雖然整過容, 但係內涵都係冇變, 哂氣 。
    [版主回覆06/09/2009 19:44:00]哈哈, 插手指........咁碗麵的湯特別好味了.
     
    係, 妳講得真對........哂氣!

    回覆刪除
  5. 我估...係你唔好彩~~~
    我都住沙田, 新城市真係好多食市~~~ 不過, 我就每次都係果一道 或者元氣~~ 尤其果一道我多數都去! 其他反而冇咩動力去試, 加上...沙田真係好多人.....
    [版主回覆06/10/2009 08:15:00]冇錯冇錯, 真係唔好彩 .......又好好彩冇人受傷, 但係我估都陸續都有人中招.
     
    我地都係, 食食吓都只係收縮到得番一兩間, 十幾廿間食肆, 不是人太多, 就是不好吃, 實際的選擇好少. 可是那裡幾乎是沙田唯一選擇, 冇法子.......果一度是三期好隱敝的那一間嗎, 下次去試吓先.
     

    回覆刪除
  6. 真係唔好彩!!!!??? 我真係好彩~~估中!
    係呀, 好隠敝果間! 希望都啱你地
    [版主回覆06/10/2009 16:31:00]好的好的, 清清地幾好.

    回覆刪除
  7. 要黎插筷子???? 点解吾開高D呢?? 明知有個窿,D湯就吾好裝咁滿啦! 真係!
    [版主回覆06/10/2009 16:30:00]d湯唔滿呀, 半碗都唔夠.......可能之前已漏晒.......
     
    哈, 不如開多幾個窿, 一個插匙羹, 一個插刀, 一個插叉, 一個插牙纖, 咁就四面漏水, 水頭充足了.......
     
    我估泰國人都話 : 唔好冤枉我, 我地冇咁傻.

    回覆刪除
  8. !人老啦,所以我開始唔點D新奇野啦,睇完就算!
    [版主回覆06/10/2009 12:10:00]點會呢, 我咁老, 都好想看新奇嘢, 不過呢d無謂嘢, 就無謂晒時間了.

    回覆刪除
  9. 咁唔使同我去食了……so bad!
    [版主回覆06/10/2009 12:12:00]下次他們如果碗底開個窿, 我再約妳去睇

    回覆刪除
  10. Ph講得啱, 點會開得咁低. 唔好話湯, 無湯都會漏呀.
    [版主回覆06/10/2009 16:29:00]係啦, 真係搵笨, 除了設計者煞有介事, 採購和老細都好奇怪, 他們不怕淥親d客咩? 我笨一次, 下次冇回頭了, d嘢食又麻麻.

    回覆刪除
  11. 哈...個洞唔開底D............
    漏晒D湯,送來又唔插對筷子............
    [版主回覆06/10/2009 22:14:00]係丫, 仲可以慳番好多料添, 滿d都唔得, 正丫!

    回覆刪除
  12. 開古味 ?? 等緊.....
    [版主回覆06/10/2009 22:15:00]開左喇, 在下面尾二的回應....... ...去看看

    回覆刪除
  13. 日本式好d播!!!
    [版主回覆06/11/2009 14:20:00]邊有設計咁傻咖........

    回覆刪除
  14. 食完碗麵, 大家拎高隻碗, 唔知可唔可以由個洞中你眼望我眼呢.
    [版主回覆06/11/2009 23:50:00]唔止你眼望我眼, 仲 O 晒嘴添........

    回覆刪除
  15. It is for chopstick! kei kei~~ Isn't?
    [版主回覆06/13/2009 10:51:00]Yeah, you got it!!
     
    不過我仍是覺得設計者的原意, 是用來漏湯的

    回覆刪除
  16. kakak 那我要設計一個來漏湯~
    [版主回覆06/13/2009 22:51:00]好好好, 要勁過佢的!!! 又要令人估唔到的!!!

    回覆刪除